הלבלר בקולמסו האט געשריבן: ↑מיטוואך יולי 23, 2025 4:09 pm
איך לאז @פארטריבן און זיינע נאכפאלגער האבן די לעצטע ווארט.
מסכים,
הלבלר בקולמסו האט געשריבן: ↑מיטוואך יולי 23, 2025 4:09 pm
דאס איז סתם שקר וכזב, ס'איז דא צענדליגער מאל בפירוש נסים ונפלאות.
צו זאגן אז עס איז דא צענדליגער מאל 'בפירוש נסים ונפלאות', איז א גראבע שקר,
אדרבה לאמיר זעהן כאטש 'איין צענדליג' נסים ונפלאות פון די קודש קוריקולום, פון די נסים בשינוי הטבע, אדער אן אנדערע זאך וואס טוט באשטעטיגן איינס פון די י"ג עיקרים
די צוויי זאכן וואס שטייט אינעם קודש קוריקולום 1) אז דער באשעפער האט זיך באוויזן אינעם ברענענדיגן סנה, 2) אז משה איז ארויף אין הימל,
זענען ביידע בכלל נישט קיין פירכא, כמו שיתבאר,
דער רמב"ם הל' תשובה וואס רעכנט אויס פארשידענע סארט 'מינין' און 'אפיקורסים' און 'כופרים', און צווישן זיי איז אויך אריינגערעכנט אפילו אזעלכע וואס גלייבן אין מציאות הבורא נאר גלייבן נישט אין יחידות הבורא, אדער אפילו וואס גלייבן אין יחידות הבורא נאר האלטן אז ער איז א בעל גוף, אדער אז ער איז נישט געווען דער ערשטער, אדער אז ער האט נישט אלעס באשאפן, די אלע גייען אריין בגדר 'מין' רח"ל.
אויך דער רמב"ן הק' אין סוף פר' בא רעדט אויך פון די פארשידענע סארט כופרים, וואס טייל פון זיי האבן נישט געגלייבט 'שהוא בורא', און אנדערע האבן נישט געהאלטן 'שהוא יודע', און אנדערע ווידער האבן נישט געגלייבט 'שהוא משגיח' און דעריבער נישט געגלייבט אין 'שכר ועונש',
די היינטיגע טריפה'נע סטאנדארטן זענען בעיקר געבויט אויף די מהלך פונעם כופר היווני סוקראט ותלמידיו ימ"ש (הנקרא סוקראטעס מעטאד), וואס רוב פון זיי האבן געגלייבט אין מציאות הבורא, נאר זיי זענען געווען פון איינע פון די דערמאנטע סארט כיתות אפיקורסים,
דער רמב"ן דארט אין סו"פ בא זאגט, אז דער וועג וויאזוי עס ווערט אפגעפרעגט די אלע אפיקורסישע דיעות, איז ווען דער באשעפער מאכט ניסים וואס קומען דורך 'שינוי מנהגו של עולם וטבעו', און ער פירט אויס אז דורכדעם קומט מען צו אויך צו גלייבן אז אפילו די ניסים הנסתרים וואס זענען באהאלטן 'אין די טבע', אלעס איז נאר דער אייבערשטער אליין הוא לבדו עשה ועושה ויעשה לכל המעשים, און ווער עס גלייבט נישט אין דעם 'אין לו חלק בתורת משה' עי"ש בפנים דבריו הקדושים.
צוריק לענינינו, די צוויי דוגמאות -וואס איז לכאורה די איינציגסטע וואס מען טרעפט אינעם קודש קוריקולום-, זענען ביידע נישט קיין סתירה מיט די פריער דערמאנטע אפיקורסישע דיעות, וויבאלד זיי גלייבן אויך אין עצם מציאות השי"ת,
איך וויל נישט אריינקריכן און דא פארשמירן פון אנדערע אמונות טפילות, אבער צווישן די ד' מאות פרקים פון ע"ז, זענען דא פארשידענע שמייליגע גלויבונגען וואס שרייבן אויך ענליכע ענינים אויף זייערע נביאי שקר אז דער באשעפער האט זיך באוויזן צו זיי, אדער אז זייער נביא שקר איז ארויף אין הימל (עפ"ל),
גראדע איז א יאר צוריק געווען מפורסם וואס מען האט געטראפן אזא ענליכע ענין אין איינע פון די סטעיט אסעסמענט טעסט אויף ELA ואכמ"ל.
דעריבער זענען די צוויי דוגמאות נישט קיין פראבלעם צו שרייבן אינעם קוריקולום מעפינג.
און פארקערט טאקע, זעהנדיג וועלכע ווערטער די פראפעסארקע האט 'נישט' געשריבן, משם ראי' וועלכע זאכן מען טאר 'נישט' שרייבן,
ווייל דאס וואס זי האט געשריבן נאר אז מען לערנט ווי 'ג-ט האט זיך באוויזן צו משה אין א ברענענדיגע ביימל', און תיכף געמאכט א שארט סטאפ נישט אויספירנדיג די חלק פון 'והסנה איננו אוכל' וואס איז א 'נס בשינוי הטבע', דאס באשטעטיגט טאקע דאס אלעס וואס מיר האלטן אין איין שרייבן, אז אין די קוריקולום האט מען בדווקא מעלים געווען און נישט געקענט שרייבן קיין שום זאך וואס באשטעטיגט איינע פון די י"ג עיקרים.
און די זעלבע זאך האלט זיך אין איין איבער'חזר'ן איבער און איבער, אז ביי יעדע ענין פון די תורה וואס ווערט געברענגט אין די קודש קוריקולום, בשעת מען קומט אן צו עפעס וואס איז א 'שינוי הטבע', דעמאלס געשעהט ב'טעות' אדער 'עם הארצות' אדער 'חסרון ידיעה' א פלוצלינגדיגע שארט סטאפ, און די 'שינוי הטבע' ווערט נישט דערמאנט.
הלבלר בקולמסו האט געשריבן: ↑מיטוואך יולי 23, 2025 4:09 pm
אפיקורסים וואס האבן א פראבלעם מיט די תורה, האט דאס בכלל נישט באפרידיגט. און דער ציל איז בכלל נישט געווען דאס ווי דו זאגסט.
ווען עס וואלט געשטאנען אז דער באשעפער האט באשאפן די וועלט, אדער אז דער באשעפער האט געשפאלטן דעם ים סוף, צי אז דער סנה האט זיך נישט פארברענט, אדער אז עס איז ארויסגעקומען וואסער פונעם שטיין, דאן וואלטן די אפיקורסים טאקע נישט געווען באפרידיגט,
אבער ווען די אלע זאכן זענען אויסגעמעקט לא יזכר ולא יפקד, זענען זיי שוין שוין איינמאל באפרידיגט, אבער נאך ווי.
איך מיין אז מימות היות ישראל לגוי האט נאך קיינער נישט צוגעשטעלט אזא טריפה'נע ביכל, וואס מען זאגט דארט פארן גוי אז מען לערנט די הייליגע תורה אויף אן אופן,
וואס מען לערנט 'נישט', אז דער באשעפער האט באשאפן די וועלט
וואס מען לערנט 'נישט', אז דער באשעפער האט געווארנט אז עס קומט א מבול צוליב די זינד
וואס מען לערנט 'נישט', אז דער באשעפער האט געהייסן משה מאכן פאר פרעה די 3 ניסים
וואס מען לערנט 'נישט', אז דער באשעפער האט געשטראפט די מצרים מיט די מכות
וואס מען לערנט 'נישט', אז דער באשעפער האט געשפאלטן דעם ים סוף
וואס מען לערנט 'נישט', אז די מצרים זענען דערטראנקען געווארן אין ים סוף (נילוס)
וכהנה וכהנה צענדליגער זאכן, שאי אפשר לפורטם כי רבים הם
און דאס אלעס האט מען פאבריצירט אן דעם וואס די רעגירונג זאל דאס אפילו האבן פארלאנגט, נאר מדעת עצמם אן אפילו פרעגן קיין איין רב כידוע.
און באקומענדיג אזא ביכל וואס איז גאר געמאכט בשליחות פון היימישע אידן, איז עפעס א ספק צי די אפיקורסים זענען צופרידן?
- - -
נאכאמאל דיסקלעימער,
איך רעד נאר צו די מבקשי האמת
