מעלבער האט געשריבן: ↑מאנטאג נאוועמבער 10, 2025 1:08 pm
עס איז זייער וויכטיג צו פארשטיין עפעס דא מיט לב טהור און מיט סתם קולטס:
יעדער מין האנושי אין די וועלט באלאנגט צו ווערן ברעינוואשט פון אלס קינד, אלע קינדער אין די וועלט ווערן געפייניגט דורך די עלטערן זיי מחנך צו זיין, איינער מער און איינער ווייניגער. דאס איז דער סדר הבריאה. אן אמעריקאנער וואקסט אויף אז דער רוסישער זענען רשעים, און אזוי אויך פארקערט. אזוי גייט עס ווייטער און ווייטער, ביז אז אין סאטמאר וואקסט מען אויף אז די ציונים זענען טריפה און ביי די ציונים וואקסט מען אויף אז די אנטי ציונים זענען טריפה.
און יעדער וואס קומט אן צו א פרעמדע ״דרויסנדיגע״ פלאץ קען מען זיך הרגנען פאר געלעכטער ווי נאריש און מצומצם ער האט געלעבט ביז יעצט, אז נאר דארט ווי ער לעבט איז די ריכטיגע.
אן אריינצוגיין אין די שאלה ״פון וואו ווייסט מען טאקע ווער עס איז גערעכט?״, דארף מען אבער וויסן אז עס איז אומעטיש און קעגן די חוקי הבריאה צוצונעמען קינדער, צעטיילן משפחות, פון וועם דו האלטסט אז זיי וואקסן אויף ראנג. ווייל אם כן אין לדבר סוף. באלד וועט די רעגירונג אוועקכאפן דיינע קינדער ווייל דו פייניגסט זיי, לשיטתם אז א ריכטיגע חינוך הייסט ווען מען לערנט ענגליש אגאנצן טאג.
יעדער האט רעכט צו ברעינוואשן זיינע קינדער, און יעדע פלאץ, ווי אינטערעסאנט און מאדנע זייערע שיטות זאלן זיין, האט רעכט צו עקזיסטירן.
די ״איינציגסטע״ פראבלעם איז, ווען מען פייניגט מיט רציחה ושפיכות דמים מיט ״אומדערהערטע״ עינויים אלס רעזולטאט פון די דעות. עס איז נישט קיין רוחניות׳דיגע פראבלעם, עס איז א
גשמיות׳דיגע פראבלעם. דו נעמסט א בעל חי וואס איז פון מיין מין (מענטש) און דו פייניגסט אים מיט אומדערהערטע עינויים.
וואס מיינט אומדערהערט? פשוט, וואס מען טרעפט נישט ביי 90 פראצענט קולטורן פון די טויזנטער קולטורן אין די וועלט. וועסט מיר טרעפן אז אויף די בערג צווישן אינדיע און פאקסיטאן שנייד מען אפ פינגערס פון קינדער, וועט עס נאך אלץ הייסן געפייניגט. די מענטשהייט, רוב מענטשהייט - אן קיין שייכות צו זייער אפשטאם אדער רעליגיע - איז דער וואס באשלוסט וואס ס׳הייסט געפייניגט.
נישט לערנען די שפת המדינה טרעפט מען ביי טויזנטער קולטורן, טראכטן אז משיח גייט קומען נאר צו מיר איז אויך נישט קיין שום פראבלעם.
כאפט מען א שמועס מיט די יוצאי לב טהור, און ס׳ווערט נתגלה די עינויים דארט, וואס מען טרעפט נישט אין ערגעץ ביי דער בעל חי וואס הייסט ״מענטש״! דאס פארלאנגט אויסדרוקליך אוועקצוכאפן פון דארט די קינדער און עלטערן כל עוד נשמותיהם בם.
אלץ א פועל יוצא דארף מען חרוב מאכן די גאנצע אידעאלאיגע פון לב טהור, מאכן ליצנות דערפון בליצונותא דעבודה זרה, מגלה זיין פאר די וועלט די סודות פון דארט, און אפהאלטן יעדער וואס טראכט אהינצוגיין.
נישט ווייל זיי טארן נישט האלטן וואס זיי ווילן, מיר זענען נישט בעל הבית אויף יענעמס דעות!
נאר ווייל די דעות האבן געברענגט די שרעקליכע רציחות ושפיכות דמים אויף אומשולדיגע נפשות, דארף מען די דעות עוקר מן השורש זיין.
מ׳דארף אבער געדענקען אז דאס ליצנות מאכן איז נישט די מטרה דא, ווייל די ליצנות קען מען אלעמאל אפפרעגן. ווען א סאטמארער קומט אן צו די מתנחלים לאכט מען אויך פון אים אז ער האט געמיינט אז נאר צו אים גייט משיח קומען...
די מטרה איז פשוט: זאל זיך ענדיגן די שפיכות דמים פון די לעצטע 30 יאר איינמאל פאר אלעמאל, אויף 1) מענטשן, 2) אידן, 3) וואס קומען פון היימישע שטובער!
אפרייסן די נעגל פון די רוצחים בצורת אדם פון אונזערע ברודער!
