סאטמאר מאנסי (מהרח"י/מהרי"י): נייעסן און שמועסן בתוככי הקהלה

[זלמעלע]

די יאר גייט זיין א הדלקה ל''ג בעומר?

יא.אי‘‘ה מאנטאג נאכט

ביסט זיכער? ס'געווען צעטיל אויף בחצרות און מ'האט אויסגעמעקט

שטייט דאך

(מהרח"י/מהרי"י)

...

[חצר הקודש]

[זלמעלע]

ווער האט עס אויסגעמקט פון בחצרות? וואס גייט דא פאר...

[חצר הקודש]

[חצר הקודש]

שבת קודש פרשת אח''ק בחצר הקודש

► Show Spoiler

חצר הקודש

=שב"ק פרשת אח"ק=
אום 8:05 איז מרן דער רב שליט"א אריינגעקומען אין ביהמ"ד הגדול און יורד געווען לפני התיבה צו תפילת מנחה.
מיט קבלת שבת איז נתכבד געווארן מו"ה ר' מרדכי יודא בלאיסטענפעלד הי"ו, און דער רב איז צוגעגאנגען צום עמוד צו ספירת העומר.
נאכן דאוואנען איז דער ציבור אריבער גוט שבת זאגן.


אום 11:55 איז כ"ק מרן הגאב"ד שליט"א אריינגעקומען צום "פירות טיש" בבית מדרשינו הגדול אין חדר פאלאטשעק.

דער רב שליט"א האט טועם געווען פון די חלה, און דער רב האט דערציילט עטליכע עובדות וספורי צדיקים משולב בדברי תורה על פרשת השבוע.

מיט כל מקדש האט דער רב שליט"א מכבד געווען הרה"ח ר' אברהם שלום מענדלאוויטש הי"ו.
און מיט'ן זמר מנוחה ושמחה הרה"ח ר' משה קנאבלעך הי"ו.

דערנאך האט דער רב שליט"א משמיע געווען דברי תורה על פרשת השבוע.
דער רב האט טועם געווען פון די מייערן און פערפעל, און פארטיילט שיריים פאר'ן ציבור.

מיט'ן זמר קה אכסוף האט דער רב מכבד געווען העסקן הדגיל הרה"ח ר' בנציון פאלאטשעק הי"ו.
און מיט קה רבון עלם הרה"ח ר' אייזיק וואלטער הי"ו.
דערנאך האט דער רב טועם געווען פון די קוגל און מ'האט פארטיילט שיריים פארן ציבור.
נאך די קוגל האט דער רב געמאכט א לחיים און געוואונטשן פאר'ן גאנצן ציבור.

מען האט אויפגעגעבן בונדלעך לרגל די שלום זכר לבן הנולד אצל הרה"ח ר' אייזיק וואלטער הי"ו,
דער רב האט טועם געווען און פארטיילט פארן ציבור און אנגעוואונטשן פארן בעל שמחה ברכת לרוב.

מיט ברכת המזון האט דער רב מכבד געווען חדב"ן הרה"ג ר' נפתלי צבי מייזליש שליט"א.

דערנאך האט דער רב פארציילט עובדות וסיפורים פון די הייליגן ראפשיצער רב זי"ע וואס די יארצייט געפאלט די וואך דינסטאג י"א אייר.
דערנאך האט דער רב טועם געווען פון די פירות און די ציבור איז אריבער נעמען שיריים און זאגן גוט שבת.
מיט אז ביום השביעי האט דער רב מכבד געווען הרה"ח ר' יואל יונה שטיינער הי"ו.
מען האט געענדיגט דעם טיש אום 1:25.


=וביום השבת קודש=

אום 9:30 אינדערפרי איז דער רב שליט"א אריינגעקומען בהיכל בית מדרשינו הגדול צו תפילת שחרית.
ברכות: הרה"ח ר' פנחס לויפער הי"ו.
פסוקי דזמרה: הרה"ח ר' ישעי שלעזינגער הי"ו.
שחרית: הרה"ח ר' שמעון יואל זינגער הי'ו.

ביים ליינען זענען נתכבד געווארן,
הוצאה והכנסה: הרה"ח ר' יוסף לייב האמבורגער הי"ו.
כהן: הרה"ח ר' שמעון הכהן קאהן הי"ו.
לוי: הרה"ח ר' יואל מאסקאוויטש הי"ו.
שלישי: הרה"ג ר' שמעון ישראל מייזליש שליט"א.
רביעי: הרה"ח ר' מיכל וויינגארטן הי"ו.
חמישי: הרה"ח ר' אברהם יהושע איזראל הי"ו.
דער רב שליט"א האט עולה געווען שישי.
שביעי: הרה"ח ר' אייזיק וואלטער הי"ו.
אחרון: הבחור אברהם ברוך בן הרה"ח ר' אשר ישעי' פרענקל הי"ו,
מפטיר: הבחור שמעון בן הרה"ח ר' יואל איזראל הי"ו.
הגבה: הרה"ח ר' רבינו איזראל הי"ו - אנטווערפן.
גלילה: הרה"ח ר' יואל משה אפטער הי"ו.
צוליב די ברית מילה האט מען געמאכט די מי שברך להמתענין בה"ב שבת נאכמיטאג ביי מנחה.
מיט תפילת מוסף איז נתכבד געווארן הרה"ח ר' מיכל וויינגארטן הי"ו.

נאכן דאוואנען איז פארגעקומען די ברית לבן הנולד אצל הרה"ח ר' אברהם יהושע איזראל הי"ו, ווי דער רב איז געווען סנדק.

דערנאך איז די ציבור אריבער גוט שבת זאגן.

דערנאך איז פארגעקומען די לחיים לרגל,
די ברית פון בן הנולד אצל הרה"ח ר' אברהם יהושע איזראל הי"ו,
ווי דער רב האט קידוש געמאכט און טועם געווען מזונות און אנגעוואונטשן פאר די בעל שמחה ברכת קדשו.

=רעווא דרעווין=

אום 7:55 איז דער רב שליט"א אריינגעקומען בהיכל בית מדרשינו הגדול צו מנחה ושל"ס.

עס איז נתכבד געווארן צו דאוואנען פארן עמוד מו"ה ר' חנוך שלום האך הי"ו.
ביים ליינען זענען נתכבד געווארן,
דער רב איז געגאנגען פתיחה.
כהן: הרה"ח ר' הערשל כ"ץ הי"ו.
לוי: הרה"ח ר' משה פריעדמאן הי"ו.
שלישי: הרה"ג ר' נתנאל בראנסדארפער שליט"א - בית שמש מו"ץ בהעדה החרדית.
דער רב האט געמאכט הגבה.
גלילה: הרה"ח ר' דניאל בוכינגער הי"ו.
נאכן ליינען האט מען געמאכט די מי שברך להמתענין בה"ב.

נאך מנחה האט דער רב זיך געוואשן צו שלש סעודות.
דער רב האט טועם געווען פון די פיש און מ'האט פארטיילט שיריים פארן ציבור פון די חלה און פון די פיש.
דערנאך האט דער רב געמאכט קידוש על היין און געוואנטשן לחיים פארן ציבור.
דערנאך האט דער רב אונגעהויבן די זמירות של"ס.
דערנאך האט דער רב געזאגט דברי תורה על פרשת השבוע.
דער רב האט געבענטשט על הכוס.

צו תפילת מעריב איז צוגעגאנגען הרה"ח ר' אברהם וואלף שטויבער הי"ו, און דער רב איז צוגעגאנגן צום עמוד צו ספירת העומר.

נאך מעריב איז דער ציבור אריבער זאגן א גוטע וואך.

[חצר הקודש]

פייער'דיגע ערווארטאונג צום גרויסארטיגן "מעמד הדלקה רבתי" בקרב קהלתינו הק' בליל הילולא דרשב"י במקהלות אלפי ישראל בראשות כ"ק מרן הגאב"ד שליט"א

צענטראלער מעמד הדלקה דער "גרעסטער הדלקה" אין די מאנסי אומגעגנט וועט אפגעראכטן ווערן במקהלות עם קודש לכבוד התנא האלקי,
מאנטאג פרשת בה''ב ליל ל"ג בעומר, בחצרות בית ה' על פני שטח הענקי בחצר בנין בית מדרשינו הגדול.

[יושע שרייבער]

וועט מען נישט גיין צו די כתיבת ס"ת?

[חצר הקודש]

וועט מען נישט גיין צו די כתיבת ס"ת?

דער רב וועט גיין צום הכנסת ספר תורה

[חצר הקודש]

[חצר הקודש]

[חצר הקודש]

[חצר הקודש]

[חצר הקודש]

[חצר הקודש]

ערשטע בילדער: מעמד הדלקה רבתי במעמד אלפי ישראל בראשות כ''ק מרן הגאב''ד שליט''א ביים שטח פון ביהמ"ד הגדול.

[חצר הקודש]

כ''ק מרן הגאב''ד שליט''א ביים שרייבן א אות אינעם ספר תורה בבית כ''ק מרן רבינו שליט''א

[חצר הקודש]

קהל עדתינו: לבשי בגדי תפאתך: פני שבת נקבלה:

רגש עילאה הילט איין אנשי שלומינו מתפללי בית מדרשינו "בנין שווארץ" ותושבי השכונה זיך גרייטנדיג מיטצולעבן ערשטמאליגע געהויבענע שבת נועם הנשמות בצל כ"ק מרן הגאב"ד שליט"א קומענדיגן שב"ק פרשת במדבר - מברכים חודש סיון הבעל"ט

יום קדוש הוא מבואו ועד צאתו:
כ"ק מרן הגאב"ד שליט"א וועט אין אן ערשטמאליגער שריט וויילן און באשיינען דעם געגענט שכונת ספרינג וואלי אויפן גאנצן שבת.

אנשי שלומינו קוקן ארויס מיטצולעבן די לעכטיגע תפלות, די געהויבענע שלחן הטהור בליל שבת קודש, און די פלאמפייערדיגע סעודת רעוא דרעווין בהתעוררות רב, וועלכע כ"ק מרן הגאב"ד שליט"א וועט פראווען בהיכל בית מדרשינו האדיר והמפואר - להתעדן באהבתך וביראתך!

שכונת ספרינג וואלי, כבוד ה' עליך נגלה:
גאנצער "ספרינג וואלי" געגנט איינגעהילט אין א דערהויבענע שטימונג זיך גרייטנדיג אויף א לעכטיגער שבת מרומם בצל הקודש, ווען כ"ק מרן הגאב"ד שליט"א וועט אויפלייכטן דער גאנצער שכונה באורו והדרתו.

לקראת שבת קודש במדבר לכו ונלכה:

[איד]

די רב גייט אויך איינשטיין אין ספרינג וועלי?

[חצר הקודש]

די רב גייט אויך איינשטיין אין ספרינג וועלי?

לכאורה גייט ער עסן שבת אינדערפרי ביי איינעם אין שכונה

שבת ביינאכט נאכן טיש וועט ער לכאורה אהיים גיין

[חצר הקודש]

באריכטן בחצר הקודש

מאנטאג פרשת בה''ב ליל ל''ג בעומר

► Show Spoiler

חצר הקודש

=מאנטאג בה"ב=
אום 8:00 איז דער רב שליט"א אריינגעקומען אין היכל ביהמ"ד הגדול צו תפילת שחרית.
פארן דאוואנען האט דער רב געלייגט תפילין פאר די בר מצוה בחור בן מו"ה ר' חיים שלמה זלמן האראוויץ הי"ו.
נאכן דאוואנען איז פארגעקומען די ברית לבן הנולד אצל מו"ה ר' קלמן אליעזר עקשטיין הי"ו,
דערנאך איז פארגעקומען א לחיים מיט די בעלי שמחות.

אום 12:45 איז דער דער רב אנגעקומען אין היכל הכולל ווי דער רב האט משמיע געווען די דרשות פתיחת הזמן פאר די אברכי הכולל.

אום 3:30 איז דער רב ארויסגעפארן קיין וויליאמסבורג אריינצושרייבן א אות אינעם ספר תורה וואס איז געשריבן געווארן דורך גיסו כ"ק מרן אדמו"ר שליט"א.

ארום 4:30 איז דער רב שליט"א אנגעקומען בבית גיסו כ"ק מרן אדמו"ר שליט"א צום כתיבות האותיות, דער רב האט זיך באגריסט מיט גיסו כ"ק מרן אדמו"ר שליט"א און גיסו הגה"צ אב"ד זענטא שליט"א, דערנאך האט דער רב געמאכט א לחיים און כ"ק מרן אדמו"ר שליט"א האט איבער געגעבן פארן רב די נייע ספר קול יהודא, דערנאך האט דער רב אריינגעשריבן א אות אינעם ספר תורה.
ארום 6:15 איז דער רב אנגעקומען לביתו נאוה קודש אין מאנסי.

ארום 6:30 האט דער רב געדאוואנט תפילת מנחה בביהמ"ד הגדול אין חדר פאלאטשעק.

=ליל ל"ג בעומר=

ארום 9:00 איז דער רב אנגעקומען אין ביהמ"ד הגדול צו תפילת מעריב,
פאר מעריב האט דער רב געצינדן פינעף נרות שמן כנהוג,
צום עמוד איז צוגעגאנגען הרה"ח ר' נחום שווארטץ הי"ו,
נאך מעריב האט דער רב געציילט ספירה פארן עמוד.
דערנאך איז דער רב אריין בחדרו הפרטי.

ארום 9:40 איז דער רב אנגעקומען אויפן שטח הענקי בחצר בית מדרשינו הגדול צום מעמד הדלקה רבתי לכבוד התנא האלוקי רבי שמעון בר יוחאי,
דער רב האט זיך אראפגעזעצט אויפן בימת הכבוד און מען האט געזינגען ניגוני התעוררות פאר א לענגערע צייט.
דערנאך האט דער רב משמיע געווען פלאמפייערדיגע דברות קודש וחובת השעה זיך מקבל צו זיין קבלות טובות בעבודת ה'.

דערנאך האט מען ממשך געווען מיט די ניגוני התעוררות,
דערנאך איז דער רב ארויף אויפן ספעציעלען פלאטפארמע צום מדורה ווי דער רב האט ארויף געלייגט א שטיקל וואטע אויפן מדורה, דערנאך האבן די נדבני ההדלקה איבערגעגעבן זילבערנע קריגלעך מיט אויל פארן רב שליט"א, און דער רב האט געגאסן די אויל אויפן מדורה, דערנאך האט הרה"ח ר' חיים יוסף ווירצבערגער הי"ו איבערגעגעבן פארן רב שליט"א די פאקל מיט וואס דער רב שליט"א האט אנגעצינדן די הדלקה,
נאכן אנצינדן האט זיך דער רב ארויסגעלאזט אין א פייערדיגע טאנץ בהתלהבות אש קודש לכבוד התנא האלוקי רבי שמעון בר יוחאי.

דערנאך איז דער רב צוריק צום בימת הכבוד און מען האט געזינגן די זמירות פון בר יוחאי, ואמרתם כה לחי, אמר רבי עקיבא, און דערנאך פארגעזעצט מיט ניגוני שמחה פאר א לענגערע צייט.

ארום 11:30 האט דער רב פארלאזט די שטח ההדלקה און איז אריין בחדרו הפרטי.

נאך אפאר מינוט איז דער רב אריינגעקומען בהיכל ביהמ"ד הגדול צום שלחן הטהור לכבוד ל"ג בעומר.
דער רב האט זיך געוואשן צו די סעודה, און נאך די פיש געמאכט א לחיים און אנגעוואונטשן פארן גאנצן ציבור.
דערנאך האט דער רב מכבד געווען הרה"ח ר' יהושע גליק הי"ו צו זינגן צמאה לך נפשי.
נאך די פלייש האט דער רב משמיע געווען דברות קודש לכבוד היום ארויסברענגענדיג אז רבי שמעון לכל, און מען פסקנט אין די גמרא אזוי ווי ר' שמעון אז כל ישראל בני מלכים הם, און פאר בני מלכים קומט זיך פון אלס גוטס, און אז די טאג ל"ג בעומר האט אין זיך די כח פון פורים אויף קיבול תפלות און מען קען מתפלל זיין און געהאלפן ווערן מכל טוב וטוב, און מסיים געווען מיט ברכות לרוב.
דערנאך האט דער רב מכבד געווען הרה"ח ר' אהרן ברוין שליט"א - מירושלים - צו זינגן בר יוחאי.
און הרה"ח ר' אברהם שלום מענדלאוויטש הי"ו מיט ואמרתם, אמר רבי עקיבא.
מיטן בענטשן האט דער רב מכבד געווען הרה"ג הדומ"ץ שליט"א.
מען האט גענדיגט ארום 12:45.

דינסטאג פרשת בה''ב ל''ג בעומר

► Show Spoiler

חצר הקודש

=דינסטאג בה"ב - ל"ג בעומר=
אום 8:00 איז דער רב שליט"א אריינגעקומען אין היכל ביהמ"ד הגדול צו תפילת שחרית.
נאכן דאוואנען איז פארגעקומען א לחיים לכבוד היום.

אום 1:45 האט דער רב געדאוואנט תפילת מנחה בהיכל ביהמ"ד הגדול.

אום 4:00 איז דער רב שליט"א ארויסגעפארן קיין וויליאמסבורג צום מעמד הכנסת ספר תורה פון גיסו כ"ק מרן אדמו"ר שליט"א.

ארום 5:20 איז דער רב שליט"א אנגעקומען צום מעמד הכנסת ספר תורה צום תהלכה אויפן טעילער גאס,
דער רב האט זיך באגריסט מיט גיסו כ"ק מרן אדמו"ר שליט"א,
דערנאך איז דער רב אריבער צום ביהמ"ד הגדול.
צום באשטימטן זמן איז דער רב אריין אין היכל ביהמ"ד הגדול און מיטגעהאלטן די געהויבענע רוקידין פון גיסו כ"ק מרן אדמו"ר שליט"א פאר א לענגערע צייט, דערנאך האט דער רב שליט"א געטאנצן מיטן ספר תורה אינאיינעם מיט גיסו כ"ק מרן אדמו"ר שליט"א.

נאכן מעמד הכנסת ספר תורה איז דער רב אריבער צו די קאנטינענטאל זאלן ווי דער רב האט זיך משתתף געווען ביי די חתונה פון די מחותנים מו"ה ר' יואל בראווער הי"ו און מו"ה ר' שמואל דוד יודא וועבער הי"ו.

דערנאך איז דער רב אריבער צו די עטרת אברהם זאלן צום סעודה לכבוד התורה,
דער רב האט זיך געוואשן צום סעודה.
נאכן סעודה האט דער רב געדאוואנט תפילת מעריב אינעם זאל.
דער רב האט פארלאזט די זאל ארום 10:45.

ארום 11:45 איז דער רב אנגעקומען לביתו נאוה קודש אין מאנסי.

מיטוואך פרשת בה''ב

► Show Spoiler

חצר הקודש

=מיטוואך בה"ב=
אום 8:00 איז דער רב שליט"א אריינגעקומען אין היכל ביהמ"ד הגדול צו תפילת שחרית,
פארן דאוואנען האט דער רב געצינדן לעכט לרגל די יומדה"ק פונעם הייליגן רבי ר' מענדל מרימנוב זי"ע.

נאכן דאוואנען איז פארגעקומען די ברית לבן הנולד אצל מו"ה ר' בעריש שמחה הי"ו
דערנאך איז פארגעקומען מסיבת לחיים מיט די בעלי שמחה און לרגל די יומדה"ק פון הרה"ק רבי ר' מענדל'ע מרימנוב זי"ע,
דער רב האט געמאכט א לחיים און פארציילט עובדות וסיפורים פונעם הייליגן רבי ר' מענדל'ע מרימנוב זי"ע.

אום 3:10 איז דער רב אנגעקומען צו ישיבה קטנה סניף דברי יואל בהנהלת הרב ר' שמעון ישראל מייזעלס שליט"א צו תפילת מנחה,
פארן דאוואנען האט דער רב געצינדן לעכט לרגל די יומדה"ק פונעם הייליגן רבי ר' מענדל'ע מרימנוב זי"ע.
נאכן דאוואנען איז פארגעקומען א מסיבת לחיים, דער רב האט געמאכט א לחיים און פארציילט עובדות וסיפורים פונעם הייליגן רבי ר' מענדל'ע מרימנוב זי"ע,
און דערנאך האט דער רב משמיע געווען דער דרשת פתיחת הזמן פאר די תלמידי הישיבה,
אום 4:30 האט דער רב האט פארלאזט די בנין הישיבה.

ארום 7:15 איז דער רב ארויסגעפארן קיין בארא פארק צו וויילן בצל אביו הגדול כ"ק מרן אדמו"ר בית חיים יהושע שליט"א.

בזמן ר"ת האט דער רב געדאוואנט תפילת מעריב אין ביהמ"ד בית חיים יהושע.

[חצר הקודש]

כ''ק מרן הגאב''ד שליט''א ביים הכנסת ספר תורה פארגאנגענע ל''ג בעומר