איינער האט אפשר מער דעטאלן ארום דעם מיסטעריעזן נייעם שטעטל?
פון זעמל: ניו יארק - אין א היסטארישע אנטוויקלונג פאר חסידי בעלזא אין אמעריקע איז היינט מיטוואך פארעפנטליכט אין די 'המחנה' אויסגאבע פלענער איבער די אויפבוי פון א גענצליך נייע ישוב 'קרית בעלזא ארה"ב', מיטן ציל צו לינדערן די דירות קריזיס וואס פלאגט די גאנצע יהדות החרדית אין אמעריקע, די נייע שטעטל וועט ברענגען פאר חסידי בעלזא און אנדערע צוקונפטיגע איינוואוינער וועלכער ווילן זיך אנשליסן אין דעם ישוב, צוגענגליכע אפציעס זיך צו קענען איינהאנדלען שיינע און גרויסע הייזער פאר ביליגע פרייזן.
די פלענער פאר אזא שטעטל גייט שוין צוריק מיט עטליכע יאר דערנאך וואס עסקנים פון די קהילה אין בארא פארק און אנדערע געגנטער האבן זיך אריינגעלייגט צו טרעפן א לעזונג פאר דעם וואקסענדע דירות קריזיס, זיי האבן פארגעלייגט די פלענער פאר הרה"צ רבי אהרן מרדכי רוקח שליט"א בנו יחידו פון כ"ק אדמו"ר מבעלזא שליט"א, וועלכער האט בהורמנא דמלכא פון אביו הגדול געגעבן די ברכת דרך צלחה צו אריינטאנצן אין דעם פראיעקט.
לויט ווי די עסקנים געבן איבער שטייט מען אצינד נאך צוויי יאר פון ארבעט אונטער די קוליסן און מ׳האלט שוין פאקטיש אינמיטן די מאסיווע בוי ארבעט אויפן ריזן שטח פון 1,200 עיקער, און מ׳ארבעט אין די יעצטיגע צייט צו ארייננעמען נאך הונדערטער עיקער ארום צו אנקומען נאנט צו דריי טויזנט עיקער וועלכער זאל זיין אונטער די אייגענטומערשאפט פון די הנהלת הקריה.
די נייע שטעטל ווערט געבויט נעבן די היימישע געגנטער אין ניו יארק און ניו דזשערסי, און עס איז צום האפן אז ביז דריי יאר וועלן די ערשטע עטליכע הונדערט פאמיליעס זיך שוין קענען אריינציען אין די נייע הייזער.
די פונקטליכע לאקאציע וואו דער נייע ישוב ווערט אויפגעבויעט איז דערווייל א געהיימניס, צו זיכער מאכן אז ארטיגע אויטעריטעטן און נישט אידישע שכנים מיט א בייז אויג שטעלן נישט אונטער קיין פיסלעך.
המחנה די וואך:
- image (1).png (1.38 MiB) געזען געווארן 1233 מאל
