פ. לאקס האט געשריבן: ↑מיטוואך דעצעמבער 17, 2025 9:18 pm
די וואס זענען כאילו געווען גרייט אויפצוגעבן די פראמינענטער רלע פונעם פעלדער געזעץ האבן עס נישט אויפגעגעבן... זיי האבן סך הכל געבעטן א שנעלע אורטייל אויף די פרישע געזעץ, פאס דאס פארמיידט א פארצויגענע געריכט, אבער דאס האט גארנישט מיט יא אדער נישט פראמינענטע ראלע, און די קלעגער האבן דעם פאזיציע קיינמאל נישט אויפגעגעבן.
אין מיינע אויגן אויב וואלט דאס א זיכערע געווינער וואלט מען דאס נישט אויפגעגעבן סתם צו פארמיידן א פארצויגענע געריכט (נאכדערצו ווען מען האט שוין געהאט א TRO וואס האט ביזדערווייל צוריקגעשטעלט די געלטער אין פלאץ).
נאר ס'איז מער מסתבר אז די סיבה פארוואס מען האט אזוי שנעל אויפגעגעבן אויף די חלק פונעם קלאגע, איז די זעלבע סיבה פארוואס מען איז די לעצטע 7 יאר נישט אריין אין געריכט זיך שלאגן אז די פעלדער געזעץ איז נישט גוט אפגעטייטשט, כאטש וואס מען האט שוין געליטן פון דעם שלעכטן אפטייטש פאר יארן, נאך וואס די עדיוקעשאן דעפארטמענט האט דאס געהאלטן אין איין נוצען אקעגן די מוסדות צו פארלאנגען מער זאכן פון די פעלדער סקולס,
וואס די סיבה איז ווארשיינליך אז וויבאלד די פעלדער געזעץ איז שוין אפגעפסקנט אין געריכט לטובתם פון די עדיוקעשאן דעפארטמענט, ממילא האט מען זייער גוט געוויסט אז עס זענען נישטא קיין שטארקע שאנסן דאס צו געווינען.
אבער נניח אז דו ביזט יא גערעכט מיט דעם וואס דו ביזט מורא'דיג קאנפידענט אז די קלאגע בנוגע די פעלדער געזעץ איז א זיכערע געווינער, און אויב די יעצטיגע נייע קלאגע וועט מבטל זיין די נייע געזעץ וועט מען גלייך אריינגיין מיט א פרישע קלאגע בנוגע די פעלדער, זאגסטו דאך סך הכל פונקט די זעלבע זאך ווי דורותינו..
ווייל ביזט דאך מודה אז יעצט אויף די מינוט ווערט 'למעשה' די פעלדער געזעץ אפגעטייטשט און גענוצט שווערער צו מאכן פאר די מוסדות און נישט גרינגער צו מאכן, נאר די קומסט מיט א סברא אז היות עס האט נאך פאטענשאל אז ווען מען וועט אריינגיין נאכאמאל אין געריכט און נאכאמאל אויפברענגען די פראמינענטע ראלע פון די פעלדער געזעץ דאן וועט דאס ווערן צוריקגעדרייט אלץ א פארגרינגערונג פאר די מוסדות.
נו, דאס איז דאך ממש די נקודה וואס דורותינו האט געשריבן בנוגע דאס וואס מען קלאגט יעצט אויך די פעלדער געזעץ, אז הגם לויט וואס די געריכט האט שוין געאורטיילט און אויך וויאזוי די עדיוקעשאן דעפארטמענט האט דאס אפגעלערנט, טוט די פעלדער געזעץ נאר פארערגערען די מצב פאר די מוסדות, דאך ווילן די רשעים זיכער מאכן אז די נייע געזעץ גייט אראפ פון טיש, כדי מען זאל נישט אין צוקונפט אין איין טאג קענען דאס נוען צו פארגרינגערען פאר די מוסדות (למשל אויב די פעלדער געזעץ וועט צוריקבאקומען איר פראמינענטע ראלע...).
איז סוכ"ס דיין הסבר די זעלבע שווערע פעלד ווי דאס וואס דורותינו האט געשריבן...
און דאס זעלבע איז לגבי די נייע געזעץ, אז כאטש וואס די עדיוקעשאן דעפארטמענט האט זיך שוין געלאזט הערן אז פון זייער זייט האט זיך נישט צופיל געטוישט, דאך ווילן זיי זיכער מאכן טויזנט פראצענט אז דאס קען נישט גענוצט ווערן צו פארגרינגערן פאר די מוסדות, דורכדעם וואס מען וועט אפלערנען דעם נייעם געזעץ אויף אן אופן וואס טוט טאקע פארגרינגערן די חיוב הלימודים פון די מוסדות.
(במאמר המוסגר, ווען דו וועסט איבערליינען נאכאמאל רוהיג דעם שטיקל וואס דו ביזט מעתיק פון דורותינו, וועסטו זעהן אז דיין גאנצע ערשטע אטאקע אויף דורותינו הייבט זיך בכלל נישט אן, ווייל זיי האבן בכלל נישט געשריבן אויף די נייע אמענדמענט אז דאס איז א געזעץ וואס 'מאכט ערגער' אזויווי דו האסט זיי אטאקירט, נאר דאס האבן זיי געשריבן אויף די פעלדער געזעץ וואס דאס ווערט טאקע למעשה גענוצט ערגער צו מאכן, און לגבי די נייע אמענדמענט האבן זיי געשריבן אז וויבאלד טייל ווילן דאס אפלערנען אז דאס טוט פארגרינגערן, האט דאס געמאכט פאר זיי בייז בלוט, כאטש די עדיוקעשאן דעפארטמענט האט זיך געלאזט הערן אז ביי זיי האט דאס נישט צופיל געטוישט, ודו"ק).
פ. לאקס האט געשריבן: ↑מיטוואך דעצעמבער 17, 2025 9:18 pm
און דאס וואס דו זאגסט אז עס איז חזרה פון א בריוו צו די סטעיט און דארט האט עס זיי גארנישט געהאלפן לא זכיתי להבין, יעדער איז מודה אז די סטעיט עדיוקעישאן דעפארטמענט לאזט גארנישט גינסטיג, אבער פונקט ווי די נייע געזעץ האט מען זיי אויך קודם פארלאנגט פריוואט אז זיי זאלן לבבוד דעם אראפטרעטן, און נאך זיי האבן אנטזאגט האט מען זיי געצווינגען דורך די כח פון געריכט, די זעלבע וועג וואלט מען געטון מיט די פעלדער געזעץ, דאס אז מען האט זיי עס געשריבן אין א בריוו מאכט עס נישט שוואכער, עס איז פשוט א טעכנישע חלק פונעם פראצעדור.
אין הנידון דומה לראי', ווייל די קריגעריי צווישן די 3 מוסדות און די עדיוקעשאן דעפארטענט איז די עיקר נקודה געווען צי די 3 מוסדות ווערן יעצט אנגערופן סקול אדער נישט, און נישט צי נייע געזעץ פארגרינגערט אדער נישט, און אויף דעם האבן זיי געהאט א שטארקע קלאגע וואס די געריכט האט טאקע ב"ה אנגענומען, אז זיי האבן נאך יא א סטאטוס פון א 'נאן-פאבליק סקול' און אויטאמאטיש בארעכטיגט צו נוען די נייע געזעץ.
אבער לגבי די פעלדער געזעץ, האט שוין די עדיוקעשאן דעפארטמענט א שטיקל ידו על העליונה, ווייל די גאנצע וועג צו געווינען איז נאר דורך אריינקומען מיט אקלאגע אז די עדיוקעשאן דעפארטמענט האט דאס נישט ריכטיג אפגעלערנט און אז באמת טוט דאס יא פארלייכטערען די חיוב הלימודים פון די מוסדות, וואס דאס איז א זאך וואס איז שוין אמאל געווען דערויף א קאורט וואס האט געגעבן די רעכטן פאר די עדיוקעשאן דעפארטמענט און די קאמישאנער אז זיי האבן די רעכטן דאס אויסטייטשן לחומרא, ממילא איז דאס לכאורה אסאך סאך שווערער יעצט צו קומען צוריקדרייען.
פ. לאקס האט געשריבן: ↑מיטוואך דעצעמבער 17, 2025 9:18 pm
אז דו פרעגסט וועלכע אמת דורותינו באהאלט, זיי באהאלטן די אמת אז די קלאגע איז אויך קעגן די פעטוועיס, עס זעט אויס כאילו דאס שטערט זייערע בניניק ושקרים פוו ביז אהער, און דעריבער ווילן זיי ליבערשט נישט רעדן איבער דעם פאקט.
איך פארשטיי נאכאלץ נישט,
אפשר ביזטו מסביר וועלכע בנינים און שקרים פון דורותינו שטימט נאר אויב מען רעדט נאר אז מען געקלאגט די נייע געזעץ און די פעלדער געזעץ, און מען באהאלט דאס וואס מען קלאגט די פעטוועיס?
[און אז דו ביזט יא אזוי שטארק פארנומען אז די נייע קלאגע איז אויך קעגן די פעטוועיס, אפשר ביזטו מיר טאקע מסביר וואס איז די שאדן פון דעם וואס זיי קלאגן די פעטוועיס, איך האב געמיינט אז די פעטוועיס זענען טריפה און עס טוט גארנישט פארגרינגערן פאר די מוסדות, ווייל לויט די פעטוועיס איז מען זיך ווייטער אליין מחייב צו לערנען אלע טריפה'נע לימודים לויטן פארלאנג פון די עדיוקעשאן דעפארטמענט, און עס איז סך הכל נאר א וועג צו אויפווייזן אז מען לערנט אלעס, ממילא פארוועם איז נפקא מינה אז זיי קלאגן אויך די פעטוועיס, און וואס גייען די אלע ערליכע מוסדות וואס האבן זיך נישט געוואלט אונטערנעמן די גזירת החינוך דערלייגן אויב זיי זענען מבטל די פעטוועיס?]
