האאפטשאהההה האט געשריבן: ↑פרייטאג יוני 13, 2025 2:04 pm
Azoi Tzi Zugen האט געשריבן: ↑דאנערשטאג יוני 12, 2025 12:43 am
@האאפטשאהההה לאמיר פרובירן דיר צו פארשטיין. עס איז פארהאן א פרוי וואס איר מאן איז א שטיקל אביוזער. זי האט עטליכע יאר זיך געלאזט אביוזן. זי האט אפגעהאקט מיט די מאמע ווייל ער האט געוואלט. זי האט געארבעט 4 שעה א טאג ווייל ער דאוונט (פוילעצט) לאנג און ברענגט נישט פרנסה. זי האט נישט געקויפט קיין נייע קליידער ווי יעדן איינעם ווייל ער האט געזאגט אז עס פעהלט נישט אויס בעת וואס פאר זיך האט ער געקויפט נייע בעקיטשעס יעדע 6 חדשים. זי האט קיינמאל נישט באקומען קיין שכוח פאר עניטינג. זי האט כמעט יעדן טאג באקומען פסק אויף עפעס וואס איז נישט פערפעקט מסודר. זי האט זיך צופליקט צוצושטעלן דאס בעסטע מיט א שטארקע אמונה אז דאס איז איר עבודת ה', ביז דער שטרוי אויפן קעמל איז אנגעקומען און זי האט געפלאצט. זי וויינט אגאנצן טאג, זי שפירט ווי א שמאטע, זי שפירט דעפרעסט, זי האט פארלוירן איר מוט צו עסן, זי שפירט זיך אויס, זיך קען נישט ארויסגיין אנקוקן א מענטש ווייל עס ועורט איר ביטער ווען זי שפירט אז יעדער האט א לעבן און זי איז צוקנאקט.
די פרוי קומט יעצט אריין צו @האאפטשאהההה פאר הילף. ביטע אנהויבן איר סעסיע דא ברבים.
יישר כח פאר דיין שאלה, לאמיר עס צונעמען
קודם פאר איך גיי אריין אונעם ענטפער:
1) דו שרייבסט זי קומט אריין צו האאפטשאהההה, סא די ערשטע זאך וואלט איך אויסגעשריגן "אסיסיא"
2) איך בין נישט זעכער איך נעם פרויען..
3) דעס איז דער עיקר, ווער גייט עס פאנדן?
אבער ליצנות און א זייט, כמיין,, שטייט דא א פרוי און מאכט מיט, לאמיר צוגיין צום ענין:
קודם לאמיר א בליק טוהן אין דער מהלך וואס רוב וואס טוהן און דעם, זאל עס זיין מיט לייסענס אן לייסענס גייען, וויאזוי גייען זיי צו, און וואס זענען זייערע סעלאושענס.
1) אויסגעהערט די פרוי און איר געגעבן די געפיל אז מען הערט איר אויס און מען פארשטייט איר (,reflective listening, active listening פאר די וואס קענען ענגליש אדער היינטגע פסיכעלאגיע)
איך וועל צולייגן, די אויסהערן חלק קען זיין אויף א וועג אז פשוט דו הערסט אויס דו פארשטייסט, און דו פילסט מיט, אדער קען עס זיין א ראאל (rule) מען דארף אויסהערן, עס איז א חלק פון די פראסעס, אבער איך קען נישט זאגן אז אלע וואס טוהן און דעם גייען אויסהערן נאר וועגן די ראאל און פראסעס, סאיז נאך דא וואס האבן א הארץ.
2) דא גייט זיך אנהייבן אזוי... דו דארפסט פארשטיין כבוד הרב מיטגעמאכטע פרוי, דיין מאן איז נישט שלעכט.....ער איז פשוט ........עפעס וואס הייסט ..........זאל עס זיין נאטור, ABC, אדער עפס אן אנדערע, אידישע, ענגלישע, אדער לשון קודש'דיגע נאמען.
סאאא ער איז נישט שלעכט עס איז פשוט א חולי א צוברכענקייט א קראנקקייט, און פאשטייט זיך אז איך וועל דיר העלפן דילן מיט דעם אבער דאס איז וויאזוי עס איז, דאס איז דער מצב.
3) דו דארפסט פארשטיין ווען א מענשט איז צובראכן און האט די קראנקקייט אזוי ווי דיין מאן, נישט אלעמאל קען מען דעס פיקסען אסאך מאל קען מען יא, איך ווייס נישט צו דו זאלסט דעס ערווארטן, אויב יא קען עס נעמען 5-10 יאר, די עיקר איז, איך וועל דיר העלפן דילן מיט דעם אז עס זאל דיר דו ווייניגעסטע אפעקטירן, און אז דו זאלסט קענען אנגיין.
4) יעצט לאמיר אנפאנגען ווייטער פייניגן די מיטגעמאכטע פרוי און פארשטייט זיך מיינען איר טובה ווי מיין כתה ח רבי.....
וויבאלד איר זענעט געווארן אזוי שטארק עביוזד האט זיך דעוועלעפט ביי אייך אזאך,, וואס ווערט גערופן......ווייטער א, ABC, ענגלישע אדער לשון קודש'דיגע.
אבער ב"ה היינטיגע צייטן איז יא אדער נישט דא א רפואה פאר דעם, און מיט די צייט וועט עס בעז"ה ווערן אויסגעהיילט, מינימם אפאר יאר, פארשטייט זיך עס קען נאך בלייבן אביסל דערפון און דו וועסט כסדר דארפן צוריקקומען און זעהן ווי דער מצב איז.
5) טייל וועלן זאגן, קען גאר זיין אז וויבאלד דו האסט א דעמדש פון אלץ קינד ביסטו גאר דער וואס איז שולדיג און דעם גאנצער זאך דא, און דו דארפסט זיך אויסהיילן, פארשטייט זיך מיט אלע כללים וואס עס איז דא ביי א קראנקהייט ווי געשריבן אויבן, און דאס איז זעכער אז דו זאלסט נישט ווארטן א טויש צום גוטן פאר די טריטמענט/טעראפי/היילונג, איז גענדיגט.
6) אז דו ווילסט זיך גט'ן פון דעם צובראכענען מאן, it's your choice עס איז דיין אויסוואל, איך בין דא פאר דיר צו ספארטן מיט סיי וועלכער דיסישן דו גייסט מאכן, און פארשטטיט זיך מען קען עס אויסשמעסן.
אנדערע וועלן זאגן, ח"ו זיך גטן, מען וועט דיר העלפן מיט וואס מען קען לגבי דיין קראנקע מאן, און לגבי איר אייגענעם קראנקהייט, און מען איז מחזק אז און 15 יאר ארום וועט זיין בעסער.
7) דא קומט דער גרעסטער נאיווער רשעות: "דו מוזט זיך אויסלערנען צו שלום מאכן מיטן מצב און אנגיין"...סתם וויינען און אנדערע זאכן וועט דיר נישט העלפן, סוועט נאר ערגער מאכן און דו קענסט נאך אנקומען און שפטיאל. פארשטייט זיך מען וועט דיר געבן טעקניקס, עצות, ספארטן, מעדיקעשן, דער עיקר איז דו זאלסט אנגיין ווי א נארמאלער מענשט.
מיר איז אנגעקומען שווער צו טייפן די ווערטער פון די תגובה, אבער ליידער איז דעס דער מהלך (פארשטייט זיך מיט א געשמאקע שמייכל) טאג איין טאג אויס פאר אזעלעכע מיטגעמאכטע.
אקעי, עס איז אביסל שווער צו לאזן די פרוי און אזא מצב, אבער מען דארף זיך גרייטן פאר שבת, און קומעדיגע וואך וועלן מיר זעהן וויאזוי עס קוקט אויס די נישט "צובראכן" מהלך,און מיטן וויסן קלאר אז א מענשט איז קיינמאל צובראכן,קראנק, בנפש, און איך האף אז מיין נקודה וועט ווערן אביסל קלארער.
א גוט שבת
יעצט לאמיר גיין צום ענטפער אויף דיין שאלה, וואס מיין מהלך וואלט געווען אין אזא פאל.
צום ערשט, צווישן אונז גערעדט, לאמיר אביסל צענעמען, וואס איז דא דער פראבלעם?
דא איז דא 2 פראבלעמען 1)ער פירט זיך אויף זייער שלעכט צו איר, און 2) זי לאזט זיך און נעמט זיך נישט אן פאר זיך. און די ביידע זאכן צוזאמען פאראורזאכן א סייקל , א רעדל וואס דרייט זיך אן קיין סוף. ער שרייט, זי דערשרעקט זיך, ער זעט אז שרייען העלפט שרייט ער נאכמער, זי דערשרעקט זיך נאכמער, שרייט ער ווייטער, און אזוי דרייט זיך דער רעדל ווייטער און ווייטער און שטעלט זיך נישט אפ. (אמאל איז עס נישט שרייען נאר אנדערע אויפפירונגען אבער די נקודה איז דער זעלבער.)
יעצט לאמיר צוגיין פראקטיש: וואס איז דער מהלך צו צעברעכן דעם סייקל און סטאפן די אביוז?
1)פארשטייט זיך די ערשטע זאך איז גוט אויסהערן די פרוי און אירע געפילן און איר ווייזן אז מען פארשטייט איר און איר געבן דעם געפיל אז עס איז גארנישט ראנג מיט אירע געפילן נישט קיין חילוק וואס זי פילט.
אזוי אויך איז וויכטיג צו פראבירן ארויס צו האבן וויאזוי זי קוקט אן איר פראבלעם, וויאזוי זי קוקט אן איר מאן, און וואס זי האלט אז דער פראבלעם איז.
2) דערנאך ארבעט מען מיט דער פרוי צו פארשטיין אז קיינער איז דא נישט צובראכן! נישט זי און נישט איר מאן!
איר מאן'ס אויפפירונג איז א "ביהעוויער" - אן אויפפירונג, און עס מאכט נישט אוועק דעם גאנצן מענטש. און אין דער זעלבער צייט איז נישטא קיין שום רעכט איינער זאל זיך אזוי אויפפירן צו איר!
לאמיר זיך געבן א שטעל אפ נאך די צוויי נקודות, און פארשטיין אז דא איז שוין אוועקגעשטעלט געווארן א גאר שטארקע נקודה, וואס איז א "געים טשעינדשער", עס טוישט די גאנצע בילד!
פארשטייט זיך עס קען נעמען אפאר שמועסן, אבער דא איז שוין אוועקגעשטעלט געווארן אז 1)מען רעדט דא פון אן "אויפפירונג" און נישט פון א "קראנקהייט", 2) מען גייט פאקעסן אויף די "ביהעוויער" און נישט אויפן "גאנצן מענטש", 3)מען גייט טרעפן אן עצה וויאזוי איר מאן זאל זייער שנעל אויפהערן מיט זיין שלעכטע אויפפירונג, 4) אבער אין דער זעלבער צייט וועט מען זיכער מאכן אז מען שעצט איהם אלץ "מענטש", און 5) מען ווייסט אז ער איז נישט צובראכן, און אז איינמאל ער טוישט זיין אויפפירונג האט ער די מעגליכקייט צו זיין דער בעסטער מאן, פונקט ווי יעדער איינער.
3)די קומענדיגע שטאפל איז ארבעטן מיט די פרוי זי זאל פארשטיין וואס דא גייט פאר צווישן איר און איר מאן, אז עס איז דא א וועג וויאזוי דאס ארבעט, עס איז א סייקל וואס דרייט זיך, און איינמאל מען שטעלט אפ די סייקל וועט זיך די אביוז אויפהערן.
4)איינמאל די אלע נקודות זענען קלאר, און מען ווייסט קלאר אז דער מאן "קען" טוישן זיין אויפפירונג, הייבט מען אן זוכן פראקטישע עצות צום פראבלעם.
די עצות וועלן זיך זייער שטארק ווענדן אין די נאטור און געוואוינהייט פון די פרוי, מיט וואס זי איז די מערסטע באקוועם, און בכלל אין די אומשטענדן, וואס יעדער דעטאל קען אסאך אויסמאכן. איך וועל געבן געציילטע בייישפילן כאטש עס איז ווייט נישט קיין כלל, ווייל עס זענען דא מיליאנען עצות, אזויפיל וויפיל מענטשן עס זענען דא:
צום ביישפיל, אויב לאזט ער איר נישט רעדן צו איר מאמע קען זי וויינען א גאנצע נאכט ביז ער האלט עס שוין נישט אויס, און זי האלט זיך שטארק, וואס זאל איך טון עס טוט מיר אזוי שטארק וויי, איך קען נישט אנגיין אזוי! און ווי לאנג קען ער דאס אנהאלטן אויף אזא אופן?
אזוי אויך, צום ביישפיל, קען זי אים זאגן אפן, אויב איך באקום נישט קיין אנערקענונג פאר מיין שווערע ארבעט וועל איך מוזן אנהייבן זיך אפרעדן א גאנצן טאג, און ווען ער לאכט זיך אויס קען זי עס טאקע טון, ביז ער זעט איין אז סלוינט זיך אים צו זיך אויפפירן שיין צו איר און אזוי וועט זי זיין פרייליך און רואיג.
נאכאמאל, די אלע ביישפילן וועלן פאר אסאך מענטשן נישט ארבעטן ווייל פאר זיי וועט ארבעטן גאר עפעס אנדערש, אבער די נקודה דא איז אז מען קען טרעפן פאר יעדן עפעס א מהלך וואס וועט ארבעטן פאר אים.
5) איינמאל מען האט, צוזאמען מיט דער פרוי, אויסגעארבעט א בערך'דיגע מהלך וויאזוי צו ווייזן פעסטקייט און זיך נישט לאזן אביוזן, וועט מען געווענליך נאך אלץ דארפן זייער שטארק מחזק זיין די פרוי און איר שטארקן זיך טאקע אנצונעמען פאר זיך, און געדענקען אז זי "קען" זיך אננעמען פאר זיך כאטש סקען איר זיין שווער, ווייל זי איז נישט... (זאגט אלע צוזאמען.....) "צובראכן"!
דער שטאפל נעמט אויך אריין צו זען פון וואס זי האט מורא (וואס דאס מאכט איר שוואך) און עס אויסשמועסן.
ווי אויך דארף מען איר מחזק זיין אז אויב דער מאן נעמט זיך וויינען אז ער קען נישט ווייל וכו וכו אלע תירוצים און סיבות וואס ער האט, זאל זי איהם מסביר זיין אז פיין און וואויל זי פארשטייט איהם, אבער זי קען נישט אזוי לעבן, זי זוכט "איהם" נישט צו טוישן אבער פאר איר איז פשוט נישט מעגליך ווייטער אזוי אנצוגיין ביז ווילאנג די זאכן האלטן אן, און פאר ביידע'ס טובה מוזן זיי צוקומען צו א פארשטענדעניש.
דעס איז, בערך, די יסודות פון דעם מהלך, וויפיל עס איז מעגליך מסביר צו זיין אין איין תגובה. פארשטייט זיך עס נעמט נישט אלעמאל אזוי שנעל ווי איר ליינט עס... עס קען אויספעלן אסאך שמועסן, פארשטיין און אויסהערן, אהין און צוריק, אבער אויב גייט מען אויף די מהלך דארף נישט נעמען לאנג ביז מען הייבט אן זעהן א שטארקע פארבעסערונג.
אין דער זעלבער צייט פעלט אויס אסאך שמועסן און ארבעט צווישן דער מאן און פרוי אליין, וואס דאס אליין וועט זיי נענטער ברענגען, און ביז א קורצע צייט קען דער גאנצער פראבלעם זיין נישט מער ווי א שווערער דורכגאנג פון דער פארגאנגענהייט.
אסיסא.....
