על פי תורה האט געשריבן: ↑מוצש"ק יוני 07, 2025 11:41 pmסענס אף יומער האט געשריבן: ↑מוצש"ק יוני 07, 2025 11:28 pmזעלבסטפארשטענדליך אז מ'טאר חלילה נישט געבן קיין געלט פאר אנאנימע מענטשן אויף קיין שום פאל, און דערווייל ווייס איך נישט ווער דער ניק איז און כ'האב נישט קיין וועג דאס מברר צו זיין, אויסער אויב ער וויל זיך פארבינדן מיט מיר פערזענליך.
ער זאגט דאך מען זאל געבן פאר הרב כיירא, איז דאך זיכער נישט קיין פראבלעם. גרינהוט בלום פאזען וכיירא חד הוא.
ער זאגט אבער אויך אז מ'קען געבן פאר אים, און 'דאס' איז א גרויסע פראבלעם כל זמן ער איז נישט וועריפייד דורך די עסקנים.
איך זעה אז דער עולם גייט ארום און ארום, און מ'האט מורא צו אדרעסירן די עלעפאנט אין צימער, וועל איך אויסשמועסן דא די צד פאר חשדהו:
@מתא מחסיא איז אנגעקומען דא און אנגעהויבן שרייען געוואלד, און געשריבן אומקלארע ווערטער וועגן קינדער אין תפיסה, עסקנים, בילדער וכו', וואס פון זיינע ווערטער קען משמע זיין אז די באקאנטע עסקנים מיט וואס כלל ישראל איז באקאנט, די צדיקים הרב בלום, הרב גרינהוט וכו' טויגן נישט. אזוי אויך האט זיין מהלך פון ערוועקן רחמנות געטראגן שטארקע ענליכקייטן צו די וועג וויאזוי ל"ט נארט אריין תמימי לב זיי צו געבן געלט (הונגעריג, מ'דארף געלט פאר פרוכט וכו', נישט דורך די עסקנים). דאס אלעס האט ערוועקט פארדאכטן ביי מאנכע (וגם אני בתוך המאנכע) אז ער איז דא מצד ל"ט (צו אליין א ל"ט מיטגליד אדער פון די יוצר משרתים ואשר משרתיו) און פרובירט אנצודרייען אז מען זאל 'אים' געבן געלט, וואס דאס וועט אנקומען צו די הנהלה און ארויסהעלפן זייער פארצווייפלטע מערכה קעגן די עסקנים. איי, ער שרייבט דאך אז עס גייט פאר עסן? נו, זה דרכם כסל למו, אז זיי בעטן געלט פאר עסן און נוצן עס פאר קאורט קעיסעס צו האלטן די קינדער אין שעלטער און נישט צולאזן קיין כשר'ס צו עסן. איי, ער שרייבט דאך אז מ'קען עס געבן פאר די עסקנים אויך? דאס קען זיין ווייל ער האט געכאפט אז כלל ישראל איז שוין נישט אזוי נאאיוו ווען עס קומט צו די טרויעריגע פרשה, שרייבט ער אז מ'קען עס געבן פאר זיי און אזוי באקומען לעגיטימיטעט, און איה"נ אז מענטשן וועלן טאקע געבן פאר די עסקנים אבער אפשר וועט מען אים אויך געבן און אויב יא איז הכל ריוח.
די צד פון כבדהו איז פשוט: אפשר ארבעט ער מיט די עסקנים און זוכט נישט גארנישט נאר בלויז ארויסצהעלפן די קינדערלעך וועלכע זיצן נעבעך אין שעלטער אזוי לאנג.
אשר על כן קום איך ארויס מיט א רוף צו אלע חברים, מען זאל טאקע יא ווערן איבערגענומען פון @מתא מחסיא'ס הארצרייסענדע ווערטער, אבער דאס געלט זאל מען נאר איבערגעבן פאר די עסקנים אליין, ביז מען וועט באקומען א קלארע באשטעטיגונג פון די עסקנים אז מ'קען אויך געבן געלט פאר מתא מחסיא.
