בדרך כלל ענטפער איך ווייניג ווייל איך האב נישט די צייט דערצו, אבער פון צייט צו צייט קען איך זיך נישט צוריקהאלטן פון ענטפערן אויף תגובות אנגעפילט מיט שטותים (אנטשולדיגט מיר אבער איך האב זיך נישט געקענט צוריקהאלטן).פארטריבן האט געשריבן: ↑דינסטאג מאי 13, 2025 12:59 pmמיינסט צו זאגן אז די אנטי-קאמאן-קאור אידן (וואס לויט ווי איך געדענק דארף אדמו"ר מהר"א אויך זיין אריינגערעכנט, ווייל ער האט דאך געזאגט א פייערדיגע דרשה אז מען טאר נישט פארבעסערן די ענגליש קיין משהו און נישט מאכן מער בע'טעמ'ט, וואס דאס איז דאך די טענת המתירין פון קאמאן-קאור אז ס"ה מאכט עס אביסל בעסער די ענגליש) זיי פארשטייען גוט צו אפלערנען א דאקומענט אזוי ווייט אז די גרעסטע לעגאלע מומחים אויף אידטיש קענען נישט טרעפן קיין שום דאקומענט אויפצו-ווייזן אנדערש, נאר עפעס א העצערישע דרשה פון א שונא הדת וואס האט גענוצט איבערגעטריבענע לשונות כדי צו באקומען מער קעגנערשאפט צום דעם געזעץ?
איך וואלט געפרעגט אן פארקערטע שאלה, לויט ווי דו לערנסט אפ די רעדע פון קרוגער אז די טרוקענע ווערטער פון געזעץ מיינט טאקע אז מען דארף נישט לערנען און וועגן דעם האט זי מתנגד געווען, מיינט דאך דאס אז אלע סענאטארען און אסעמבלי-לייט וואס האבן יא מסכים געווען אנצונעמען דעם געזעץ האבן קלאר פארשטאנען אז דער געזעץ זאגט אז מען דארף גארנישט לערנען, און דיי חיוב פון סאבסטענשאל עקוויוועלענט 'אינסטראקשן' זענען זיי מסכים צו זאגן אז עס מיינט נאר מאכן טעסטס, און מיט דעם אלעם האבן זיי מסכים געווען צו דעם געזעץ, דאן פארוואס האט מען עס געדארפט מאכן -ווי @פ. לאקס האט געשריבן- אין אזא געקינצעלטע לשון וואס וועט נאך לאזן פלאץ פאר די קאמישאנער אפצוטייטשן אנדערש, מען וואט דאך געקענט קלאר ארויסשרייבן אז מען דארף גארנישט לערנען נאר מאכן די טעסטס איז גענוג, איי לוז קרוגער וועט פארפירן, מ'האט דאך גענוג וואואט אקעגן איר?
די פשוטע סיבה פארוואס מען האט דורגעפירט דעם געזעץ אויף דעם אופן מיט דעם בודזשעט איז ווייל אזוי גייט עס נישט דורך די אלע קאמיטעען און סוב-קאמיטעען ווי די קאמיטע פירער'ס קענען עס צוריקהאלטן פון אויפברענגן פאר א וואוט.
אבער די קלוגשאפט פון דע וואס זענען אויפגעקומען מיט דעם געדאנק איז פיל מער, ווייל זיי האבן פארשטאנען דעם סיסטעם און געוואוסט אז די לינקע שונאי הדת וועלן על פי רוב שטימען "יא" אויף דעם בודזשעט ביל אפילו מיט די חלקים לטובתינו ווייל זיי דארפן דעם בודזשעט פאר פילע אנדערע חלקים וואס מען האט אריינגעלייגט אין דעם ביל (געדענק! די בודזשעט האט פארמאגט 9 באזונדערע געזעצן וועלכע זענען באשטעטיגט געווארן, און דארט ליגט אריינגעלייגט הונדערטער אנדערע זאכן (פערקס) פאר וועלכע זיי קעמפן יארן דאס צו באקומען און קענען זיך נישט ערלויבן אז די בודזשעט זאל דורכפאלן). און "ליז קרוגער" יוכיח אז סי האט געשטימט "יא" אויף דעם בודזשעט אפילו זי האט אזוי שטארק געקעמפט קעגן דעם חלק פונעם חינוך.
ואדאתינא להכי וועט איר אויך פארשטיין פארוואס מען האט געדארפט דעם "געקונצעלטן לשון" ווייל זיי דארפן קענען צוריקגיין צו זייער וויילער באזע וועלכע זענען על פי רוב די זעלבע שונאי הדת און קענען זאגן אז מיר האבן זיך נישט געכאפט אז עס טוישט דעם חלק החינוך אבער דער עיקר איז אז זיי קענען ווייזן אז זיי האבן געברענגט פראגראמען פאר זייער קאמיוניטי און מיט דעם פארשטילן זייערע קריטקירער, משא"כ ווען עס איז קלאר ארויסגעשריבן קענען זיי האבן א פראבלעם מיט זייערע וויילער, והבן כי הוא פשוט מאוד.
