סענס אף יומער האט געשריבן: ↑דאנערשטאג אפריל 24, 2025 11:52 am
א באריכט פון די נעכטיגע טאג אין גוואטעמאלא.
נעכטן איז פארגעקומען צוויי געריכט הירינגס איבער צוויי באזונדערע פאמיליע קעיסעס.
די ערשטע הירינג איז געווען איבער די קינדער פון ר' יואל מארקוס (שוין א לענגערע צייט אינדרויסן פון לב טהור) וואס האט געוואלט ארויסנעמען זיינע קינדער פונעם שעלטער ארויס פון גוואטעמאלא, און אין די זעלבע צייט האט אוריאל גאלדמאן, וואס איז די זיידע פון די קינדער און פאטער פון ר' יואל'ס געוועזענע ווייב, צוזאמען מיט זיין פאמיליע, געוואלט ארויסנעמען די קינדער פונעם שעלטער צו זיי אין לב טהור דורכ'ן טוהן די זעלבע שמוציגע אקט פון איבערגעבן קאסטעדי פאר א גויאישע פארפאלק.
די דאזיגע הירינג האט געזאלט זיין די לעצטע הירינג אויף די קעיס און זיך געדארפט ענדיגן מיט די באפרייאונג פון די קינדער צו איינע פון די צדדים, למעשה האט זיך געמאכט א פראבלעם אז טייל פון די קינדער ליידן אויף טשיקן פאקס, און די רעגירונג פארלאנגט אז די קינדער ברויכן זיין אין בעסטן צושטאנד ביים אריבערגיין צו די משפחה מיטגלידער, ממילא האט מען אפגעשטופט די פיינעל הירינג.
די עסקנים האבן אויפגענומען דעם אורטייל מיט פארלייכטערונג, נאכדעם וואס זיי האבן נאך געדארפט האבן אביסל צייט צו באפעסטיגן זייער קעיס פאר די פיינעל הירינג, זיכער צו מאכן אז די קינדער קומען טאקע אן צום טאטנ'ס הענט בעז"ה.
די צווייטע הירינג איז געווען איבער די קינדער פון יואל ראזנער חתן נחמן העלבראנץ, ווען א קרוב משפחה זיינער האט געפיילט קאסטעדי אויף זיינע קינדער און פארלאנגט ארויסצונעמען די קינדער צו זיך אהיים קיין אמעריקע.
דאס איז געווען די ערשטע מאל וואס יואל ראזנער האט זיך געבראכן און געקומען צום געריכט הירינג, נאכדעם וואס ביז היינט האבן ער און די אנדערע עליטע לב טהור מיטגלידער בויקאטירט די גאנצע געריכט סיסטעם און די PGN, אבער זעענדיג אז ס'איז צרות ווי א בארג און ער גייט אט אט פארלירן זיינע קינדער, האט ער געמוזט קומען צום הירינג.
די לויער וואס פארטרעט לב טהור האט זעלבסט פארשטענדליך פארלאנגט אז מ'זאל נישט איבערגעבן קאסטעדי פאר די קרוב משפחה, אבער די ריכטער האט קלארגעשטעלט אז ער פלאנירט יא צו געבן קאסטעדי רעכט פאר די קרוב ביים ענדגילטיגן הירינג וואס גייט נאכפאלגן, אויף אזוי ווייט אז ער האט תיכף געגעבן די גרינע ליכט אז דער דאזיגער קרוב איז ערלויבט אריינצוגיין אינעם שעלטער צו באזוכן און רעדן צו די קינדער, אזױ אז ווען די לעצטע הירינג וועט פארקומען און ער וועט קענען ענדגילטיג ארויסנעמען די קינדער, זאלן זיי אים שוין קענען פון פאראויס, אז ס'זאל זיי זיין גרינגער די איבערגאנג.
אין אנדערע נייעס קומט היינט פאר א געריכט הירינג איבער די קינדער פונעם דע פאקטא לב טהור פירער חיים צבי מלכא.
