בס"ד - שרייבן פארמעסט תשפ"ה

[מייסטער איד]

בס"ד

א גוט מארגן אלע מיינע טייערע און חשובע חבירים דא אויף 'אידטיש'!
שלום וברכה!
איך האף איר האט זיך גוט אויסגער-הט דעם שבת און אונגעשעפט כוחות פאר די מאסיווע פראיעקט וואס קומט אונז בסייעתא דשמיא אנטקעגן די וואך אויף אידטיש.
מיט א קנאפע יאר אהאלב צוריק ווען אידטיש האט זיך געגרינדעט, איז ארויסגעקומען לאור עולם די ערשטע שרייבן פראיעקט אויף אידטיש מיט גאר א סוקסעספולע אפקלאנג מיט גאנצע זיבן ארטיקלען פאר א סייט וואס איז נאך ממש געווען רייף. הערליכע גרעפיקס, גוטע מגיהים און א גוטע שטום-בודקע סיסטעם מיט אלעס ארום אויפן בעסטן אופן.
יעצט, נאך וואס עס איז אריבערגעגאנגען א גאר סוקסעספולע תקופה אין אידטיש - ווי יעדער איינער קען מודה זיין אז די 'סטאקס' זענען ארויפגעשאסן געווארן גאר הויעך, און לפי עניית דעתי מיין איך אז עס פאסט נאכמאל צו אנטעקעגן קומען די עולם מיט א פרישע "שרייבן פארמעסט – ווינטער תשפ"ה".
אשר על כן, די אידן וואס האבן אונגעפירט די לעצט מאליגע פראיעקט האבן געעפענט מן הסתם נייע ניקס און איך ווייס נישט ווי אזוי אונצוקומען צו זיי. וויל איך דא מיך ארומקוקן צו זעהן אויב מען קען נאכמאל אהערשטעלן א פראיעקט פון פריש מיט א התחדשות. וואס דאס נעמט אריין פארשידענע פאסטן'ס וואס מען דארף זעהן אויב עס איז דא מיט וועם צו גיין צום "(איד)טיש".
ווער עס קען זיך אונטראגן מיט די פאלגענדע פאסטן'ס וועט האבן גאר א גרויסע זיכוי הרבים און נאר די אויבערשטער קען און וועט אים באצאלן מיט כל מילי דמיטב, עושר ואושר, פנסה, נחת, געזונט, הרחוות הדעת און שלוות הנפש מיט אלע גוטע ברכות.
ואלו הן:
1) א נאמען
2) מגיהים
3) גרעפיקער
4) אונפירן מיט די שטום-בודעקס

אויב איר זענט אינטערסירט צו טון איינער פון די דזשאב'ס אדער איר האט עני שאלות ביטע מעלד אייך אין טישי צו מיין ניק, אדער שיקט אן אימעיל צו: meisteryid@yahoo.com, און איינמאל מיר האבן א שטיקל עולם צוזאמען וועלן מיר בעזרת השם ארויסלייגן די קומענדיגע פרטים.

אויב האט איר בכלל אינטערעסע אין דעם פראיעקט ביטע געט א קוועטש אויפן "לייק" באטאן צו וויסן מי ומי ההולכים.

אין דעם געלעגנהייט וויל איך אופדאנקען די חשובע און איבערגעגעבענע מנהל הרב @ווירקליך שליט"א וואס האט פון דעם ערשטן מינוט ארויסגעהאלפן און העלפט ווייטער ארויס און מאכט זיכער אז אלעס גייט על צד היותר הטוב ++. שכרך הרבה מאוד!!

אסאך הצלחה און א געבענטשטן טאג!!

[שאינו יודע לשאול]

ענדליך!!!

מיר זענען אין!

קימינישי [קימינטישי?..] וועגן מגיה זיין, מעגליך אז כ'וועל דיר קענען ארויסהעלפן.

[יוחנן כהן]

רעדי צו ליינען ארטיקלען!

[מייסטער איד]

בס"ד
מודעה #2

א גוטן אווענט טייערע אידטיש ליינער!
ברוך השם אז עס דערקענט זיך די שטארקע שטיצע וואס די עולם לייגט אריין אין די פראיעקט אז עס זאל זיך אויסארבעטן על צד היותר הטוב.
דארפן מיר אופגעבן א שבח והודאה פארן רבונו של עולם וואס שטייט אונז ביי די רעכטע האנט און טוט פאר אונז אלעס אויפן בעסטן אופן און עס פארט ב"ה אויף די ריכטיגע רעלסן, דער אויבערשטער זאל טאקע העלפן ווייטער, - עד הנה ולא עזבוני אז עס זאל זיין א דבר השלם.

אין דעם געלעגנהייט דארפן מיר טאקע אופדאנקען הרב @שאינו יודע לשאול שליט"א וואס האט אריינגעשפרינגען ווי א נחשון אין די נושא און אונגענומען די שווערע פאסטן פון מגיה זיין די ארטיקלען און אוועק געלייגט אין זייט אלעס, אבי צו ארויסהעלפן די הונדערטע אידן וואס וועלן בעזרת השם הנאה האבן פון די גרויסארטיגע פראיעקט.
נאר דער אויבערשטער קען און וועט אים באצאלן מיט אלעס גוטס ברחניות ובגשמיות ובנפשיות!!
ווי אויך בין איך פרייליך צו הערן פון @יוחנן כהן אז ער איז שוין ברוך השם גרייט צו ליינען די ארטיקלען, אבער מיר דארפן נאך אפאר סטעפ"ס צו גיין פארדעם, ובראשם איינער וואס זאל ארויסהעלפן מיט די גרעפיקס פארן פראיעקט און ווי אויך איינער וואס זאל אונפירן מיט די שטום-בודקעס, און איינמאל מיר זענען קאמפירעמד מיט די 2 זאכן קען מען אונהויבן ארויסלייגן די קומענדיגע פרטים פארן פראיעקט וואס מען ארבעט אויס העפטיג אין די קארידארן פון די @מייסטער איד אפיס.

און ביזדערווייל פאר די איבריגע אידן וואס זענען נישט וויסנד אין די פעלדער פון גרעפיקס, מגיה זיין און בודקע סיסטעם'ס וואלט איך געוואלט בעהטן צו אויסזאגן דריי מאל תהלים יעדן טאג פאר די הצלחה פונעם פראיעקט... בדיעבד, קען מען יוצא זיין מיטן טראכטן פון עפעס א גוטע נאמען פארן פארמעסט עס זאל זיין איינגעקריצט מיט גאלדענע אותיות פאר לאנגע געזונטע יארן.

א גוטע נאכט!!

[שאינו יודע לשאול]

רעדי צו ליינען ארטיקלען!

נעע.. פון דיר וואלט איך ערווארטעט כאטש איין ארטיקל פער יעדע ניק...

[מייסטער איד]

בס"ד

מיר ווארטן צו הערן פון אייך!!
אויב קענט איר ביטע צוהעלפן מיט די גרעפיקס, שטום-בודקע סיסטעם און א געשמאקע נאמען פארן פארמעסט זאל מען זיך ביטע ווי פריער מעלדן צום מוזיק-סטעידזש.

[שאינו יודע לשאול]

@מייסטער איד כמיין אז דו זאלסט אביסל אויספרעגן דעם עולם ווער סאיז אלס גרייט אריינצושפרינגען אינעם פארמעסט און שרייבן ארטיקלען.

כ'בין נייגעריג אויף וועלכע שטאפל דער פארמעסט גייט זיין.

[טיפע טאשן]

עפעס געבליבען?

[מייסטער איד]

בס"ד
מודעה #3

א גוטן אווענט מיינע טייערע און חשובע ברודער דא אויף אידטיש!!
ברוך השם קען מען מבשר זיין די פריידיגע בשורה אז מיר האבן שוין איינער וואס קען באשטיין ארויסצוהעלפן מיטן מגי-ה זיין הלא המה אונזער טאלאנטפולער הרב @שאינו יודע לשאול,
און אזוי אויך האט אונזער נגינה מייסטער הרב @מזל טוב, האט זיך אזוי שיין אונגעטראגן מיטן ארויסהעלפן צו אונפירן די שטום-בודקעס.
נאר השי"ת קען און וועט זיי באצאלן בכל טוב ומטוב נאכן זיך ריכטיג איבערגעבן למען הכלל והפרט צו ארויסהעלפן אנדערע אידן. תשואות חן חן לו!!

יעצט איז אונז געבליבן סך הכל 2 זאכן צו מסדר זיין.
איינער וואס זאל קענען באשטיין ארויסצוהעלפן מיטן מאכן די גרעפיקס פארן פארמעסט.
און א נאמען פאר די פארמעסט וואס דאס קען יעדער איינער פון אונזער טייערע אידטיש חבריא ארויסהעלפן און לייגן א פלייצע צו אויפקומען מיט א געניאטישע נאמען וואס זאל געדענקט ווערן לדורי דורות עד סוף כל הדורות.

[בערל דער פייפער]

פארוואס דארף עס א נאמען?

[מייסטער איד]

בס"ד
מודעה #4
א גוט מארגן און א גוט יאר!

עפענען מיר בסייעתא דשמיא דעם פארמעסט, נעמט'ס א טייל אין מהנה זיין אידן און זעצט אייך ארופ שרייבן אזוי ווי איר קענט!!
געגאנגען!

מיר ווארטן מיט גרויס שפאנונג צו זעהן אייער טייערע "שרייבן-ווערק"!!

[מייסטער איד]

בס"ד
מודעה #5

עַל הַבְּשׂוֹרוֹת טוֹבוֹת, אוֹמֵר בָּרוּךְ הַטּוֹב וְהַמֵּטִיב

ברוך השם מיר זענען פרייליך אייך צו מעלדן אז מען קען שוין אריינשיקן ארטיקלען צום אימעיל: meisteryid@yahoo.com

רבותי!! טוט פאר אייך און טוט פארן כלל!!!

אסאך הצלחה און א גוטע נאכט!

די שטאב וואונטשט אייך א כתיבה טובה!

[טיפע טאשן]

ווי האלט עס די עולם ריפט זיך אן?

[מייסטער איד]

בס"ד
מודעה #6

א גוטן אווענט חברי הטישל!
מיר ווילן אופדאנקען אין דעם געלעגנהייט אונזער חשובע ידיד הרב @הדסים שליט"א וואס האט ברוב רחמיו וחסדיו זיך איבערגעגעבן צו ארופנעמן פון זיין טייערע צייט און צוהעלפן מיטן מגיה זיין די ארטיקלען פונעם פארמעסט.
תשואות חן חן לו, און השי"ת זאל אים בענטשן מיט אלע ברכות האמורות בספר תורת משה רבינו עם כל ישראל אחיהם!

בנוגע דאס וואס הרב @טיפע טאשן שליט"א פרעגט, איז די תירוץ אז אלעס איז שוין גרייט ברוך השם און מען האט שוין א פולע סטעף,
מען דארף נאר חשובע שרייבעס וואס זאלן זיך אונרופן צו שרייבן ארטיקלען.

מיר ווארטן אויף יעדעם איינעם'ס ארטיקל!!!
זעצטס ענק שרייבן שרייבן!!

כתיבה טובה!!

א גוטע נאכט!