א שווערער טאג (לייג צו…)

[יוחנן כהן]

מענטשן האבן טעג גוטע און שלעכטע.

אך און וויי פאר א טאג וואס גייט זויער... 

עס הייבט זיך אן מיטן אריינטרעטן אין די נעגל וואסער 

די ציין בערשטל איז פארלוירן געגאנגען

די שיך בענדלעך איז צוקניפט

אנשטאט א גלעזעל וואסער נעמט ער לעמאנידע 

די האנטוך איז אים אריינגעפאלן אין בור 

די זאקן פאלט אראפ אויפן נאסע ערד

ביים ענדיגן צוקנעפלען די העמד זעהט ער אז די אויבערשטע קנעפל איז אינעם אומריכטיגן לאך (ריעל פעין)

די קאווע גיסט זיך אויס אויפן ציכטיגן העמד

די בעל תפילה איז אריבער די 75

ס’איז נישטא קיין רעבישע יארצייט

ווען בחורים עסן אויף די גאנצע תיקון איבערלאזענדיג אפאר פאריתומ’טע צוויבעל מיט בראוני ברעקלעך אלס א זכר צו די העווי בראוני וואס האט פריער געהערשט דא

די באלעבאס איז נערוועז

און פונקט האט זיך די טוילעט פארשטאפט ביי אים אין שטוב

און זיין ב’’ב האט געמוזט גיין געגאנגען שאפינג (א צרה פאר זיך)

פארשטייט זיך אז ביי לאנטש זעהט ער א פארקינג טיקעט אויפן ווינדשיעלד

די פאלאפעל פאר לאנטש איז סאגי, און די פיטא האט באקומען א ריס פון אונטן

און אינמיטן די גאנצע סומאכטוכע קאלט טובי’ מאיר ניימאן אריין

’’מיר רופן דא פון די קאר ווערענטי דעפ. (ימ’’ש, זאלן זיי פארוואנדעלט ווערן אין פליענדיגע קעץ און באגראבן ווערן אין קרח’ס לאך)

אבער... טראכט א רגע..

איך בין געזונט

מיין לעכטיגע פאמיליע איז געזונט

כ’האב פרנסה

די צווייטע קאווע איז יא גוט געווען

וכו’ וכו’ וכו’

מענטשן האבן אסאך פרוסטרירונג אויף פארשידענע געשעהנישן וואס גייט קאפויער, געדענק...

וויפול פראבלעמען און דורכפעלער דו האסט, האסטו נאך אלס אסאאאך מער מעלות, טובות, גוטס, און השפעות, חזר זיך עס וועסטו זיין פרייליך!!!

כאפסט די נקודה?

(אז דו האסט נאך זאכן וואס הייסט ''פלאפס'' וואס עס קען זיך מאכן ביי דיר אמאל, שרייב צו... פארגעס אבער נישט צו דאנקען אויף די חסדים!!)

[Azoi Tzi Zugen]

איך וויל פארן אין אפיס אריין, אבער רעדנדיג א טיפע שמועס אויפן טעלעפאן קום איך אן אנשטאט דעם צום ביהמ"ד. נאכ'ן זיך כאפן פאר איך צוריק, און אופס, איך בין אהיימגעפארן אנשטאט פארן אין ארבעט. א מעשה שהי' מער ווי איין מאל...

[שאינו יודע לשאול]

צוקאש!

דו רעדסט שוין ווען מיין האנטוך פאלט אריין אין בור, וואס איז מיט די טעג וואס די האנטוכער גייען אויס, און איין מענטש פאר מיר נעמט די לעצטע?

נאו.. דעי פעין פארשטייט נאר איינער וואס איז עס שוין דורך.

[שמח]

איך וויל פארן אין אפיס אריין, אבער רעדנדיג א טיפע שמועס אויפן טעלעפאן קום איך אן אנשטאט דעם צום ביהמ"ד. נאכ'ן זיך כאפן פאר איך צוריק, און אופס, איך בין אהיימגעפארן אנשטאט פארן אין ארבעט. א מעשה שהי' מער ווי איין מאל...

ורגלי מוליכות אותי לביהמ''ד...


@שאינו יודע לשאול שכח....

[פופציגער]

גוט באשריבן!

און א סאליד אויספיר!

[פליט]

@יוחנן כהן
א זאפטיגע נאסע פעדער!

[מיינע פאעזיעס]

ארויסגיין אינדרויסן מיט א שלאף קאפל
זאלץ אינעם קאווע א שטאץ צוקער...

[פופציגער]

עס איז זונטאג...

[Azoi Tzi Zugen]

עס איז זונטאג...

און? דו פירסט נישט אויס. וואס גייט פאר.

[פופציגער]

עס איז זונטאג...

און? דו פירסט נישט אויס. וואס גייט פאר.

דאס אז עמיצער כאפט נישט פארוואס "זונטאג" קומט אריין אין דעם אשכול, איז אויך א תוצאה פון זונטאגיזם...

[Azoi Tzi Zugen]

ביי מיר אין די ארבעט איז מאנטאג א שווערע טאג. איך האף אז איך וועל געדענקען מארגן אריינצוקומען דא.

[טיפע טאשן]

נעגל וואסער אויסגעגאסן פארטאגס אנגעהויבן מיטן גוטן מזל...

[יורה דעות]

איינער זאגט מיר, אז די שווערסטע טאג און זיין לעבן איז געווען,
איין טאג פאר ער האט געמאכט זיין סליוו...