ענותן האט געשריבן: ↑מאנטאג מאי 19, 2025 9:38 pm
בודקע האט געשריבן: ↑מאנטאג מאי 19, 2025 9:20 pm
שמח האט געשריבן: ↑מאנטאג מאי 19, 2025 9:05 pm
וואס דארפסטו אזוי וויכטיג בילדער דערפון?
קען זיין אז פלעין פאר אינטערעסאנטקייט?
כ'קען גראדע אויך באשטיין צו זען
פלען פאר אינטערעסאנטקייט,
מען ענדיגט יעצט א פראיעקט פון איבער 35 מיליאן דאלאר! וואס איז שוין כמעט געענדיגט געשאפן ווערן שטילערהייט! עס גייט שוין זיין אפן אין די נאנטע טעג ממש,
אשריכם ישראל! וואויל איז דער וואס האט גענומען א חלק!
ק/פ
אין די נאכמיטאג שטונדן ארום 1:20 איז רבינו שליט"א אנגעקומען צום פראכטפולער נייער מקוה טהרה החדש קרית יואל מכשיר צו זיין די נייע מקוה המהודרת,
ביים אנקומען האט זיך דער רבי באגריסט מיט הגאון הגדול הדומ''ץ שליט"א, חדב''ן הגה''צ רב דביהמ''ד אבני צדק שליט"א - ויו''ר ועד המקוואות, און מיט הרבנים הגאונים חברי הועד,
צום ערשט האט דער רבי זיך אומגעקוקט אויף אלע איינריכטונגען אויפן ארט אינאיינעם מיט הרבנים הגאונים, און די חברי ועד קרן הבנין האבן צוגעוויזען אלע קאסטבארע איינריכטונגען און פילצאליגע הידורים וועלכע זענען איינגעשטעלט געווארן צו האבן די העכסטע סטאנדארט אין כשרות אויסגעהאלטן לויט אלע שיטות להרבות טהרה בישראל,
דערנאך האט רבינו שליט"א צוגעטרעטן צו כשר'ן די מעיינות בטירחא דגברא רבא וועלכע האט זיך פארצויגן אין משך פון קרוב צו צוויי שעה, דער רבי האט גע'כשר'ט די מעיינות מיט וויין כפי הוראות רביה"ק זי"ע,
צום ערשט איז דער רבי ארויס צום פאס וויין ווי די עושי המלאכה און בוי מייסטער האבן צוגעוויזען פארן רבי'ן אלע טעכנישע חלקים, דער רבי האט איבערגעקוקט אלע איינריכטונגען אינאיינעם מיט די רבנים הגאונים שליט"א,
דערנאך האט דער רבי אנגעצינדען די פאמפ אריינצוגיסן די וויין אינעם ערשטן מעיין, דערנאך איז דער רבי אריין אינעם בנין צום צווייטן מעיין ווי דער רבי האט אנגעצינדן די פאמפ אריין צו גיסן די וויין אויך אינעם צווייטן מעיין,
נאכן אריין גיסן די גאנצע וויין איז דער רבי צוריק ארויס צום ערשטן קוואל, און צוריק אנגעצינדן די מעיין, און בודק געווען די וואסער צו עס איז אינגאנצן נשתנה טעמו ומראיתו ליין, דער רבי האט גענומען א גלעזל און אנגעפילט פונעם קוואל, נאכן באשטעטיגן אז די וואסער האט די טעם ומראה היין האט דער רבי אינאיינעם מיט הגאון הגדול הדומ"ץ שליט"א געזאגט "כשר כשר כשר",
דערנאך איז דער רבי צוריק אריין צום צווייטן קוואל און בודק געווען די וואסער צו עס איז אינגאנצן נשתנה טעמו ומראיתו ליין, נאכן באשטעטיגן אז די וואסער האט די טעם ומראה היין האט דער רבי אינאיינעם מיט הגאון הגדול הדומ"ץ שליט"א געזאגט "כשר כשר כשר",
במשך די גאנצע צייט האט רבינו שליט"א נושא ונותן געווען מיט הגאון הגדול הדומ"ץ שליט"א, און מיט די אנוועזענדע רבנים בדבר ה' זו הלכה, און איבער פארשידענע הוראות און הנהגות לגבי הכשרות מקוואות פון רבוה"ק זי"ע, סיי פון מקוואות אינדערהיים און סיי פון שטאט סיגוט, ווי אויך האט מען ארום גערעדט איבער כשר'ן מיט זאמד און מיט מילך, און פסקי הלכה פון די גדולי הפוסקים.
דערנאך איז פארגעקומען א מסיבת לחיים,
עס האט זיך פארמירט א שיינע שמועס בהלכות מקוואות, און דער רבי מיט הגה"צ דער דיין שליט"א און די אנוועזנדע רבנים האבן זיך מפלפל געווען כדרכה של תורה אין עטליכע תשובה ספרים,
דער רבי האט געמאכט א לחיים, און אנגעוואונטשן פאר הגה"צ הדומ"ץ שליט"א, חדב"ן הגה"צ רב דביהמ"ד אבני צדק שליט"א, און פאר הרה''ג ר' חיים קלמן קליין שליט''א רב דביהמ''ד סעליש ומרבני הוועד, און די עסקני המקוה, הרה"ח ר' יואל מיטטעלמאן הי"ו און הרה"ח ר' חיים וואלף פריעדמאן הי"ו,
דערנאך האט דער רבי משמיע געווען ברכת הקודש,
מען האט געענדיגט ארום 3:15.