בולעטין נייעס — קורץ און שארף

[חלום חלמתי]

מאמדאני איז אין די האוז... עקזעקוטיוו ארדער דורכן נייעם מעיאר, שטעלט אפ סיי וועלעכע ארדער אינטערגעשריבן דורך מעיאר עדעמס נאך דעם דאטום וואס מען האט אים אנגעקלאגט...

[חלום חלמתי]

קודם זאל קיינער נישט גארנישט האבן, נאכדעם וועט מען זעהן וואס מען טוט מיט די מינעסאטע גנבים..

[חלום חלמתי]

קעי, כאנישט קיין טענות...

[חלום חלמתי]

היינט איז געווארן איינגעשוואוירן צום אמט פון סיטי קאמטראלער מר. מארק לעווין, א איד.

ער האט געשוואוירן אויף א חומש, און שפעטער געלייגט תפילין דורך רבני חב"ד.

[חלום חלמתי]

ווענעזועלע פרעזידענט מאדורא זאגט אז ער איז גרייט צו פארהאנדלען מיט אמעריקע אין סיי וועלכע פארמאט.

[מאירוואלף]

כינע האט אהערגעשטעלט א מעכטיגע נייע מאשין מיטן נאמען CHIEF1900 וואס קען נאכמאכן די כוחות פון די נאטור אויף א ריזיגן פארנעם. די מאשין דרייט זיך מיט אן אומגעהויערע שנעלקייט און שאפט א "הייפּער-גראַוויטי" דרוק (כוח המשיכה) וואס איז 1,900 מאל שטערקער ווי נארמאל, וואס דאס ערלויבט פאר פארשער צו זען אין בלויז עטליכע טעג וואס עס וואלט גענומען הונדערטער יארן צו פאסירן אין די עכטער וועלט. דורך דעם קענען זיי פאראויסזען און שטודירן שרעקליכע חורבנות, ווי דאמבעס וואס פלאצן אדער ערד-ציטערנישן, כדי צו וויסן וויאזוי צו בויען זיכערערע געביידעס און פארמיידן קאטאסטראפעס אין די צוקונפט.

[מאירוואלף]

עקס באנוצער בעטן זיך צו אילאן מאסק זאל ערלויבן צוטריט צו סטארלינק סאטעלייט סערוויסעס אין איראן וואס זאל שטיין לימינם פון די פראטעסטירער אין לאנד.

[מאירוואלף]

פרעזידענט טראמפ זאגט אז אמעריקע איז גרייט צו קומען צו הילף פון די פראטעסטירער (מעג נוצן א בעסערע ספעל טשעקער...).

איראן האט רעאגירט אז סיי וועלכע אמעריקאנער שריט וועט דעסטאביליזירן דעם ראיאן. (כאילו עפעס איז נאך סטאביל דארט).

[מאירוואלף]

די סאודיע לופט-פלאטע האט באמבארדירט די פארט שטאט מוקאלא אין תימן, צוליב א ליפערונג פון וואפנס און מיליטערישע טרעקלעך וואס זענען אנגעקומען פון די עמיראטן (UAE) פאר די דרום-סעפעראטיסטישע STC קרעפטן, וועלכע האבן לעצטנס פארכאפט די חאדראמאוט גאווערנאראט. נאך די אטאקע האבן די סאודיע-אליאירטע תימנ'ער קרעפטן ארויסגעגעבן אן אולטימאטום פאר די עמיראטי טרופן צו פארלאזן דאס לאנד אינערהאלב 24 שעה און דערקלערט אן אויסנאם צושטאנד. יעצט האט דאס עמיראטי פארטיידיגונג מיניסטעריום געמאלדן אז זיי וועלן צוריקציען זייערע איבעריגע זעלנער פון תימן צוליב די זיכערהייט זארג פאר זייערע טרופן. דער קאנפליקט שפיגלט אפ דעם טיפן שפאלט צווישן די סעפעראטיסטן, וואס שטרעבן צוריקצושטעלן א זעלבסטשטענדיגע "דרום תימן", און די סאודיע-געשטיצטע רעגירונג וואס וויל א פאראייניגט לאנד. די יעצטיגע שריט קען שטארק אפשוואכן די פאראייניגטע פראנט אנעקעגן די הוטיס.

די סאודיע לופט-כוחות טוען יעצט פריש באמבארדירן די סעפאראטיסטן וואס ווערן געשטיצט דורך די עמיראטן (UAE) אין די האדראמאוט געגנט. דאס קומט בשעת סאודיע-געשטיצטע מיליצן רוקן זיך פאראויס איבערצונעמען די שטחים. מעכטיגע סאודיע קאנוואיס האבן אריינגעמארשירט אין דרום תימן, און פירן יעצט דורך העפטיגע שלאכטן מיט די UAE-געשטיצטע סעפאראטיסטן איבער קאנטראל.
סאודיע אראביע פרובירט מיט אלע כוחות ארויסצורוקן די עמיראטן-קרעפטן פונעם סטראטעגישן ראיאן.

[מאירוואלף]

א שווערע כוואליע פון קראנקהייטן האט באטראפן די שטאט אינדאר אין אינדיע, נאכדעם וואס די שטאטישע וואסער איז פארפעסטיגט געווארן מיט געפערליכע באקטעריעס. לויט די אפיציעלע באריכטן זענען שוין 10 מענטשן געשטארבן און קנאפע 200 מענטשן זענען אריינגעפירט געווארן אין די ארטיגע שפיטעלער נאכדעם וואס זיי האבן געליטן פון שווערע סימפטאמען. די רעגירונג האט אפגעשלאסן עטליכע וואסער קוועלער און מען ווארנט די איינוואוינער נישט צו טרינקען קיין וואסער אן עס אויפקאכן פריער, בשעת די רעטונג כוחות פראבירן צו העלפן די הונדערטער וואס נויטיגן זיך אין הילף.

די שטאט אינדאר (Indore) געפינט זיך אין דעם צענטראלן סטעיט פון מאדהיא פראדעש, און זי ווערט באטראכט אלס איינע פון די גרעסטע און סאמע וויכטיגסטע האנדל-צענטערן אין גאנץ אינדיע.

[מאירוואלף]

א פרישע באריכט צייגט אז נארוועגיע האט באוויזן א היסטארישע רעקארד, ווען דורכאויס דעם יאר 2025 זענען אסטראנאמישע 96 פראצענט פון אלע נייע קארס וואס זענען פארקויפט געווארן איבערן לאנד געווען בלויז עלעקטריק, ברענגנדיג דאס לאנד גאר נאנט צו זייער ציל אינגאנצן אפצושטעלן דעם פארקויף פון גאזאלין קארס. טראץ די שטארקע קאנקורענץ מצד די ביליגערע כינעזישע מאדעלן, האלט "טעסלא" אן איר אויבנאן אלס די מערסט-פארקויפטע קאר פירמע אין לאנד שוין דאס פערטע יאר נאכאנאנד, בשעת די ארטיגע רעגירונג שטופט די רעוואלוציע דורך גאר גרויסע שטייער הנחות פאר EV קויפער. עס איז אינטערעסאנט צו באמערקן אז טראץ וואס נארוועגיע אליין איז א ריזיגע אויל פראדוצירער, מארשירן זיי פאראויס אלס די וועלט-פירער אין אפלאזן בענזין-מאטארן צו ריינערע ענערגיע.

[מאירוואלף]

דער דייטשער עקספארט-מארק, וואס איז יארן לאנג געווען דער שטאלץ פון די אייראפעאישע עקאנאמיע, געפינט זיך יעצט אין א טיפן קריזיס וואס זעט נישט אויס זיך צו ענדיגן שנעל. פרישע דאטא צייגן אז די דייטשע פירמעס ליידן גאר שטארק אין די צוויי גרעסטע וועלט-מארקן, אמעריקע און כינע, צוליב נייע האנדל-שטראפן (טאריפס) און א שוואכע נאכפראגע פאר דייטשע סחורה. אין כינע פרובירט די ארטיגע רעגירונג צו שטיצן נאר די אייגענע פראדוצירער, בשעת אין אמעריקע מאכן די נייע עקאנאמישע פאליסיס שווער פאר דייטשלאנד צו קאנקורירן, וואס דאס צוזאמען מיט די הויכע ענערגיע פרייזן אין דייטשלאנד אליין, שטעלט אריין די גאנצע אינדוסטריע אין א סכנה פון גרויסע פארלוסטן און שניידן ארבעטס-פלעצער.

[מאירוואלף]

קאנאדישע אינסטאנצן פארשן אויס א פאסירונג וואו אן "עיר אינדיע" פילאט איז געכאפט געווארן שיכור פונקט פאר א רייזע פון וואנקאווער קיין אינדיע. אן ארבעטער אין די "דיוטי פרי" געשעפטן האט באמערקט אז ער שמעקט פון אלקאהאל און גלייך געמאלדן פאר די זיכערהייט, וועלכע האבן אים אפגעשטעלט און באשטעטיגט דורך א טעסט אז ער איז טאקע אונטערן איינפלוס. די רייזע איז פארשפעטיגט געווארן ביז מ'האט געפונען א צווייטן פילאט, און די פירמע האט שוין סוספענדירט דעם פילאט בשעת קאנאדע סטראשעט מיט שטרענגע שריט אויב עיר אינדיע נעמט נישט די זאך אין די האנט אריין.

[מאירוואלף]

א לאקאלע געריכט אין סאוט קארעא האט היינט פרייטאג פארלענגערט די ארעסט-וואראנט פארן געוועזענעם פרעזידענט יון סוק-יאול פאר נאך זעקס מאנאטן, בשעת ער שטייט אויס א רייע קלאגעס פארבינדן מיט זיין דורכגעפאלענעם פרואוו איינצופירן מיליטערישע רעזשים (Martial Law) אין לאנד סוף 2024. די פרישע קלאגעס קעגן אים זענען גאר שווערע, אריינגערעכנט "הילף פארן שונא," וואו פראקורארן באשולדיגן אים אין שיקן דראונס קיין צפון קארעא כדי צו פראוואקירן א מיליטערישע רעאקציע וואס זאל אים געבן א תירוץ צו פארשטארקערן זיין מאכט. דער ריכטער האט באשלאסן אים צו האלטן פארהאלטן הינטער די גראטעס צוליב זארג אז ער קען פרובירן צו פארניכטן באווייזן אויב ער ווערט באפרייט, און דאס קומט אין א צייט ווען פראקורארן פארלאנגען שוין א 10-יעריגע טורמע שטראף אין איינע פון זיינע אנדערע פראצעסן וואס האלטן יעצט אינמיטן.

[מאירוואלף]

א שטארקע "לעיק-עפעקט" שניי-שטורעם האט באדעקט צענטראל ניו יארק מיט פוס-הויכע שניי, ספעציעל אין די געגנטער פון סיראקיוז, ראטשעסטער, און וואטערטוין, וואו די גאסן זענען אינגאנצן פארגליווערט. די שניי פאלט גאר שנעל און מאכט עס שווער פאר די שניי-רייניגער נאכצוקומען די ארבעט, בשעת די פאליציי ווארנט דעם עולם צו בלייבן אינדערהיים צוליב די געפערליכע מצב אויפן I-81 און אנדערע הויפט שאסייען. עקספערטן זאגן אז די שווערע שניי קען זיך נאך ציען א שטיק צייט, מאכנדיג דעם אנהייב יאר פאר א עכטע ווינטערדיגע כאאס אין די אלע שטעט.

לעיק-עפעקט איז א סארט שניי וואס פאסירט ווען אייז-קאלטע ווינטן בלאזן אריבער די ווארימע וואסערן פון די גרויסע אזערעס (Lakes). די קאלטע לופט נעמט אריין אין זיך די פייכטקייט פונעם וואסער, און ווי נאר עס גרייכט די יבשה ווערט עס פארוואנדלט אין ריזיגע מאסן שניי וואס שיסט אראפ גאר שנעל. דאס איז די סיבה וואס שטעט נעבן די אזערעס קענען ווערן באגראבן אונטער פוס-הויכע שניי אין עטליכע שעה, בשעת אביסל ווייטער דערפון פאלט כמעט גארנישט.

[מאירוואלף]

די האנג קאנג פאליציי האט ארעסטירט 21 מענטשן פאר שווערע קארופציע און שווינדלערייען ביי רענאוואציע פראיעקטן פון גרויסע געביידעס. די ארעסטן קומען נאך א טראגישע פייער אין נאוועמבער וואס האט געקאסט דאס לעבן פון איבער 160 מענטשן, וואס האט ארויפגעברענגט חששות אז קאנטראקטארס האבן געגעבן שוחד כדי צו שפארן געלט אויף זיכערהייט און מאטעריאלן. צווישן די ארעסטירטע זענען פארוואלטער פון געביידעס און קאסאלטענטס וואס ווערן באשולדיגט אין ארבעטן אינאיינעם מיט קרימינאלע באנדעס צו מאניפולירן די קאנטראקטן.

[חלום חלמתי]

אילאן מאסק רעאגירט צו א סאמאליע'נער וולאגער וואס וויל אים טויט, אז ער איז גרייט פאר מלחמה...

[חלום חלמתי]

נישט געזארגט, מאמדאני איז נישט פלוצלינג געווארן א איזריעל פריינד...

ווען ער האט איבערגענומען די @NYC mayor טוויטער אקאונט, איז פשוט מיטגעקומען אלע פריעדיגע מעסידשעס.

מאמ'דאמי האט זיך אגרעסיוו גענומען מעקן פאוסט'ס...

אריינגערעכנט פאוסט'ס וואס פארדאמען אנטיסעמיטיזם וכו'

[חלום חלמתי]

דעקל פון די ניו יארק פאוסט, נאכדעם וואס מאמ'דאמי האט קלאר געשטעלט ביי זיין איינשווערונג אז ער איז געווארן ערוויילט לויפנדיג אויף די קאמוניסטישע סאושעליסטישע אגענדע, און ער וועט פירן די שטאט ווי א סאושעליסט און זיך נישט שרעקן פון די וואס זאגן אז ער איז צו ראדיקאל

[חלום חלמתי]

קעש פאטעל זאגט אז די FBI האט פארמיטן א ניי יאר אייסיס טעראר אטאקע

[חלום חלמתי]

אינעם ערשטן טאג אלס מעיאר האט מאמדאני אויסגעקליבן צו רייזן אויפן סאבוועי און נישט מיט זיין אנגעגרייטע מאטארקאדע.

[חלום חלמתי]

קימל וויל נאר וויסן פארוואס ער האט געדארפט נעמען די זעלבע טעסט דריי מאל...

[חלום חלמתי]

טראמפ האמערט קעגן די ווינט מילן וואס הארגענען די הערליכע אמעריקאנע אדלער'ס..

די בילד איז פון ארץ ישראל, ווי מען קען זעהן אנגעצייכנט. און די פויגל איז נישט קיין אדלער...

פייגל מערכה גייט אן מיט א שטארקייט...

[חלום חלמתי]

חרד'ישע איד פון טאמס ריווער, ר' שמואל עלבויגן איז געווארן איינגעשוואוירן אלס די אושן קאנטי קאמישענער.

מערקט די חומש גרייט.

[חלום חלמתי]

בארא פארק שומרים האט געפונען א שאכטל מיט פאליצייאישע מונדירן, וואס פאליציי האט אידענטיפיצירט באלאנגט צו א וועטעראן אפיציר.

נישט קלאר וויזוי ס'איז אנגעקומען אין גאס.