מחפש שלווה האט געשריבן: ↑פרייטאג פעברואר 06, 2026 1:46 am
איך האב א שאלה אידטש איז זייער אפען מיט די נקודה אז איינער איז גאר א שטארקע העטער ער איז דא פאר העיט גייען די מנהלים אדער גרויסע ניקס עם קומען זאגן צדיקל מען פירט זיך נישט אויף אזוי דא וכו'וכו'
מיט די אלע מעלות ווואס אידטיש האט
סאו פארוואס זאל מען נישט מאכן א דיסלייק קנעפל
ווען סווען נישטא קיין לייק קנעפל החרשתי
אבער געוויסע תגבות האבן א פאר לייקס אין יענער רעדט דאך נאן סענס אין עם אפציפרעגן פאר די שטיות וואס ער רעדט ציזאם האב איך נישט קיין נערווען סאו זאל פשוט זיין א דיסלייק קנעפל אין מען זאל זעהן למי החותמת ולמי הפתולים
שוין עטליכע מאל געווארן אויפגעברענגט די געדאנק. איך וויל דיר זאגן פארוואס איך בין שטארק דערקעגן.
די ערשטע נקודה: אויב ווען דו ליינסט א צווייטענס פאוסט, און דיין איינציגע ענטפער צו יענעם איז "שטותים", דאן איז דיין מיינונג גענצליך איבריג. דו האסט גארנישט צוצוגעבן צום שמועס. אויב שפירסטו אז עס קומט דיר צו ברעכן ביים ליינען געוויסע פאוסטס, נעם א בעג און טו וואס דו האסט צו טוהן. דארפסט נישט ברעכן ברבים.
אויב דו ביסט מחולק מיט איינעם, אדרבה, שרייב ארויס דיין מיינונג. א נארמאלע דיבאטע אין וואס נושאים ווערן שיין געדעקט פון ביידע זייטן, איז א געשמאק צו ליינען. אבער סתם א דיסלייק איז ליידיג, לופטיג, און אן קיין שום ווערד פארן ליינער.
ווידער דער לייק קנעפל, ווי איך פארשטיי עס, איז געמאכט געווארן צו פארטרעטן דעם אלטן “גא״מ” סלאגאן. און דאס איז טאקע א גרויסע טובה.
ערשטנס, ס’האט נישט קיין פשט אז נאך יעדע געלונגענע פאוסט זאל נאכפאלגן 15 “גא״מ” מעסעדזשעס. א לייק קנעפל לאזט דעם שמועס פארן אומגעשטערט, און געבט פארט די געלעגענהייט פארן ליינער צו געבן רעקאגנישן פארן שרייבער.
צווייטנס, אויב איז די איינציגע וועג פון אפגעבן א דאנק אדער צושטימונג איז דורכן שרייבן גא"מ, וועט די פידבעק פארשטענדליך זיין נאר א פראצענט. קודם כל וויבאלד נישט יעדער איז דער "גא"מ" סארט טיפ. און עס איז א שאד אז דער שרייבער זאל נישט באקומען פידבעק אפילו פון די וואס שרייבן נישט "גא"מ". און אפילו די וואס זענען יא די גא"מ טיפ, וועלן נישט ראגירן 10 מאל אינעם זעלבען טעמע מיט א גא"מ, משא"כ 10 לייקס וועט ער יא געבן.
איך וועל זיין אפן מיט דיר, ווען איך קוק אויף די רעשיאו צווישן מיינע פאוסטס און די לייקס וואס איך באקום, איז עס אביסל מער ווי דריי לייקס פאר יעדע פאוסט. ס’איז א גוטע געפיל. איך בין נישט קיין נייעס ברענגער וכדו', די לייקס וואס איך באקום איז פון ניקס וואס האבן הנאה פון מיין פערזענליכע מיינונגען. און ס'פילט זיך גוט. איי, פארוואס? וואו קען איך דאס איינקעשן? אין ערגעץ נישט, אבער אזוי האט דער אויבערשטער באשאפן די וועלט. א מענטש גלייכט א גוט ווארט, און א מענטש גלייכט רעקאגנישן.
שרייב איך כדי צו באקומען לייקס? ניין. וועל איך מיך אפהאלטן פון שרייבן עפעס ווייל איך טראכט אז מ’וועט עס נישט לייקן? אויך ניין. איך ווייס אז אין גראסערי קען מען נישט איינקויפן מיט לייקס, און דערפאר לויף איך נישט נאך קיין לייקס. אבער למעשה עפרישיעט איך יעדע לייק וואס איך באקום.
איך האב בעבר בהוה געשריבן זאכן וואס געפעלט נישט פאר יעדעם, און איך פלאן מיך נישט צו טוישן אין די עתיד. איך שרייב נאטורליך, אפגעזעהן וואס אנדערע האלטן. אויב וואלט געווען א דיסלייק קנעפל, בין איך נישט זיכער אז איך וואלט געשריבן נאטורליך. איך האב נישט קיין פראבלעם אז איינער האלט אנדערש ווי מיר, אבער זיך ארומדרייען מיט א הויפן דיסלייקס אויפן פראפייל איז נישט געשמאק.
א פארום דארף זיין קאלירפול. ס’דארף זיין פארשידענע מיינונגען. א דיסלייק קנעפל מאכט אז דער וואס טראכט אביסל אנדערש זאל מורא האבן צו שרייבן. קיינער זוכט נישט קיין דיסלייקס. עס וועלן געשריבן ווערן נאר די אנגענומענע מיינונגען, און דער פארום וועט ווערן בארינג.
א שמועס דארף קענען פארן נאטורליך אזוי ווי מען שמועסט צווישן מענטשן. ביי א שמועס צווישן צוויי נארמאלע מענטשן וועסטו נישט זעהן אז נאכדעם וואס איינער זאגט זיין מיינונג זאל דער צווייטער ראגירן "דיסלייק".
ווייסטו וויפיל דיסלייקס דער תהלים איד וואלט געהאט? פאר יעדע פרא וועד הקהילות פאוסט וואלט ער באקומען פינף דיסלייקס... איז דאס גערעכט? איז דאס געזונטע פארן פארום?
א דיסלייק קומט בדרך כלל פון מענטשן וואס האבן גארנישט וואס מוסיף צו זיין, נאר זייער גאנצע ענטפער איז דרוקן דעם קנעפל. אזא איינער איז העפליך געלאדענט צו ליינען, אבער ער זאל ביטע נישט ראגירן אין א שמועס.
וחוץ מזה איז א דיסלייק קנעפל א גן עדן פאר טראללס.
איינער עפנט דריי ניקס, און מיט דריי פארשטינקענע דיסלייקס קען ער אראפברענגען שיינע אינהאלטסרייכע פאוסטס. קיינער ווייסט נישט אז דער זעלבער מענטש שטייט אונטער דעם. ממש אויסגעשפילט די סיסטעם...
און צום לעצט, א דיסלייק טוט וויי. שרייבן א פאוסט און מסביר זיין פארוואס מען איז מחולק טוט נישט וויי, אדרבה, עס איז א פארגעניגן צו פירן באזעסענע שמועסן. אבער א דיסלייק טוט וויי. סתם א פליק און געגאנגען ווייטער. קיינער דא איז נישט דא צו וויי טוהן א צווייטן, אדער צו ווערן וויי געטוהן. און ווער יא זאל טאקע פליען פון דא מיט א הייפערסאניק מיסל!
ס'איז דא נאך נקודות, אבער איך מיין אז דאס איז שוין גענוג חומר למחשבה פארוואס א דיסלייק קנעפל איז נישט קיין גוטע זאך.
איך ווייס אז דו האסט פארגעשלאגן א פלאן פון דיסלייק נאר אין געוויסע פעלער, אבער זייט וויסן אז איינמאל דער קנעפל עקזעסטירט, איז דאס שוין נישט בידך. יעדער וועט דיסלייקן לויט זיין אייגענע פארשטאנד.
דאס דארף מען טאקע בעטן צו מאכן....