ל"ג בעומר תשפ"ד

[טיפע טאשן]

ביי שחרית ביים ציון ווען מען האט געהאלטן ביי עזרת אבותינו האט די ציוניסטישע פאליציי אריינגעקומען בעטן אז מען זאל אויסליידיגן און אהיימגיין, האט מען זיי געבעטן אז זיי זאלן צו ווארטן ביז נאך שחרית.
אסאך האבן אפגעפיצט באצייטנס

מער פונקטליכע אפדעיטס אין די קומענדיגע מינוט'ן.

קרעדיט @איש ציון

[מרור מיט חרוסת]

רוב עולם גייט נישט וועגן די מצב וואס מען מאכט אז ס'איז א סכנה וכו'
דאס מבטל זיין אלע גרויסע הדלקות שטעלט אפ דאס געלויף, סתם צו רודפן מענטשן וואס גייען יא איז נישט צוליב זארג פאר די וואוילזיין פינעם ציבור.

די מענטשן האבן נישט קיין רעכט דארט צו זיין, און אויב זענען זיי דארט האבן זיי געוואוסט אין וואס זיי לייגן זיך אריין, זיי העטן ווען נישט געדארפט גיין.

קומט נישט אריין וואס זיי האבן יא געדארפט נישט געדארפט, די מציאות פון ארום גייט אין מירון כאפן מענטשן איז רשעות און שנאת הדת

זיי טוען סך הכל דאס וואס עני אנדערע לאנד וואלט געטוען ווען זיי זעען ווי מ'פייפט אויף זיי

[ניקל]

ביים הויפט טויער אריינצוגיין במקום קודש הקדושים אצל הציון התנא אלוקי רבי שמעון בר יוחאי

Screenshot_20240524_030416_WhatsApp.jpg (767.28 KiB) געזען געווארן 1223 מאל

שועלים הלכו בו

[טיפע טאשן]

מען האט אנגעהויבן פארטרייבן מענטשן פון אור הגנוז און בר יוחאי

[טיפע טאשן]

אש דת געט איבער אז אלע מענטשן וואס זענען אויף די וועגן ארום מירון קענען קומען קיין צפת זיי האבן אנגעגרייט הינדרעטער בעטן און סעודת שבת אין ישיבת חכמת שלמה בשכונת מאור חיים צפת

[האקט א טאג]

די מאכערס אין מירון זאגן אז אש דת האט א הסכם מיט די פאליציי אז סזאל זיין שטיל ביז 2 אזייגער זינטאג און דעמאלס זענען זיי מסכים מזאל קומען נאכמיטאג אין די מאסן און זיי וועלן אפיציעל כאילו אויפגעבן און לאזן אלע טויערן אפן סוי בעט מען שטארק יעדער זאל זיין איינגעהאלטן

[טיפע טאשן]

פון אפאר שעה צוריק קרעדיט @איש ציון

פאר די וואס געפינען זיך אין מירון:
די מערה איז אפן אבער לוינט זיך נישט ארויפצוגיין ווייל יעדע פאר מינוט קומען זיי און כאפן יעדעם ארויף אויפן אוטבוסים.
פאר א האלבע שעה צוריק זענען זיי ארום אין דירות אויף רחוב המעיין (כ'ווייס נישט אויב נאכאלץ)
איצטער זענען זיי אויפן בארג, און גיין ארום פון דירה צו דירה.
זייט געווארנט נישט צו עפענען די טיר פאר קיינעם, זיי שיקן ליטווישע בחורים קלאפן אויפן טיר בעטן עסן, און ווען מען עפענט די טיר טאנצן זיי ארויס פון באהעלטעניש און נעמען יעדעם ארויס פוון מירון.

[טיפע טאשן]

די ציוניססטישע פאליציי האבן איינגעזעצט איינע פון אמשינובער רבי'ס איידעמער וואס האט זיך אויפגעהאלטן אין מושב אור הגנוז, נאך א שעה האבן זיי אים באפרייט אבער געפירט קיין כרמיאל.
נישט קלאר פארוואס דווקא אים

[טיפע טאשן]

כעת אויפן בארג איז אלעס אפן. דער עולם דרייט זיך און פריידט זיך.

(אינדרויסן איז נאך יא דא אסאך כוחות אבער עם כל זה זענען אידן מצליח צוקומען).

טייערע ברידער, אויב זענט איר אין די מושבים ארום מירון שפירט אייך רואיג צו קומען ליל שבת אויף קבלת שבת!
אזוי אויך, לדעתי איז כדאי אז דער וואס האט נאר הענט און פיס, זאל זיך געפינען אין מערה פון 4 אזייגער שבת נאכמיטאג.
(דאס איז לדעתי הענייה)

קרעדיט @איש ציון

[ווער]

aQHm1BV_wide_m.jpeg (152.5 KiB) געזען געווארן 1113 מאל

[שמח]

aQHm1BV_wide_m.jpeg

זיס... און ביטער!

[אפשר נישט]

די מאכערס אין מירון זאגן אז אש דת האט א הסכם מיט די פאליציי אז סזאל זיין שטיל ביז 2 אזייגער זינטאג און דעמאלס זענען זיי מסכים מזאל קומען נאכמיטאג אין די מאסן און זיי וועלן אפיציעל כאילו אויפגעבן און לאזן אלע טויערן אפן סוי בעט מען שטארק יעדער זאל זיין איינגעהאלטן

אזוי זאגן די מאכער

יעצט קלינג אריין קול אש דת אין הער וואס זיי אליינס זאגן

[דער תהלים איד]

די מאכערס אין מירון זאגן אז אש דת האט א הסכם מיט די פאליציי אז סזאל זיין שטיל ביז 2 אזייגער זינטאג און דעמאלס זענען זיי מסכים מזאל קומען נאכמיטאג אין די מאסן און זיי וועלן אפיציעל כאילו אויפגעבן און לאזן אלע טויערן אפן סוי בעט מען שטארק יעדער זאל זיין איינגעהאלטן

אזוי זאגן די מאכער

יעצט קלינג אריין קול אש דת אין הער וואס זיי אליינס זאגן

וועלכע אש דת זאל מען קאלן? ס'איז דא עטליכע. די עכטע פון רעכטע, די עכט עכטע פון רעכט רעכטע, און די נאכגעמאכטע עכטע פון די לינקע, און די עכטע פון די עכטע לינקע.

אויך האט זיך נעכטן געעפנט א נייע מיט'ן נאמען "נאזרת בגבורה".

(לצים זאגן אז די נעמען לויפן שוין אויס און נעקסטע יאר לייגט מען צו א פרישע שורה צום בר יוחאי.)

[דער תהלים איד]

ר' יעקב אליעזר שישא שיקט א וואונטש.

[אפשר נישט]

די מאכערס אין מירון זאגן אז אש דת האט א הסכם מיט די פאליציי אז סזאל זיין שטיל ביז 2 אזייגער זינטאג און דעמאלס זענען זיי מסכים מזאל קומען נאכמיטאג אין די מאסן און זיי וועלן אפיציעל כאילו אויפגעבן און לאזן אלע טויערן אפן סוי בעט מען שטארק יעדער זאל זיין איינגעהאלטן

אזוי זאגן די מאכער

יעצט קלינג אריין קול אש דת אין הער וואס זיי אליינס זאגן

וועלכע אש דת זאל מען קאלן? ס'איז דא עטליכע. די עכטע פון רעכטע, די עכט עכטע פון רעכט רעכטע, און די נאכגעמאכטע עכטע פון די לינקע, און די עכטע פון די עכטע לינקע.

אויך האט זיך נעכטן געעפנט א נייע מיט'ן נאמען "נאזרת בגבורה".

(לצים זאגן אז די נעמען לויפן שוין אויס און נעקסטע יאר לייגט מען צו א פרישע שורה צום בר יוחאי.)

רוף אריין דיע וועם די האלטסט אז זיי טוען שיתוף פעולה אין הער זיי אויס

[דער תהלים איד]

קול מלחמת אש דת 077-2222-444

איך האלט עס אין איין אויסהערן. וואס זאל איך יעצט טון?

דו הערסט דארט קליפ און קלאר אז די ציונים זענען רשעים. אויך הערסטו דארט קליפ און קלאר אז מ'דארף געלט. אויך הערסטו דארט לעבעדיגע באריכטן פון אידן וואס האבן מצליח געווען צו זיין אין מירון. אה, און אויך איבער א מחאה "אין ירושלים"...

האסט געמיינט אז דארט גייט מען הערן "איר זענט אנגעקומען צו אש דת, מיט אלע מעסעדזשעס און דעטאלן איבערגעגעבן מבית ר' מאיר פרוש"? אדער וואס...

[יונה טויב]

@דער תהלים איד אראפרייסן עסקנים וואס האבן לעצטע יאר מהנה געווען רבבות ישראל און מנהיגים פון אלע קרייזן, פארשמירט בלויז די פנים פון די אראפרייסערס.

דא האסטו צוריק די מייק.

[נפתלי]

@דער תהלים איד אראפרייסן עסקנים וואס האבן לעצטע יאר מהנה געווען רבבות ישראל און מנהיגים פון אלע קרייזן, פארשמירט בלויז די פנים פון די אראפרייסערס.

דא האסטו צוריק די מייק.

איך ווייס נישט וועם זיי האבן מהנה געווען פאריאר, מאיר פרוש האבן זיי זיכער מהנה געווען.

[איד]

@דער תהלים איד אראפרייסן עסקנים וואס האבן לעצטע יאר מהנה געווען רבבות ישראל און מנהיגים פון אלע קרייזן, פארשמירט בלויז די פנים פון די אראפרייסערס.

דא האסטו צוריק די מייק.

איך ווייס נישט וועם זיי האבן מהנה געווען פאריאר, מאיר פרוש האבן זיי זיכער מהנה געווען.

למעשה, זענען טויזענטע אידן ארויף רואיג צום ציון הק' - אזאך וואס מ'האט נישט געהאט אין די דריי יאר פארדעם

[פעינטיג]

מדינות ישראל זאל איין טאג ניצן די כוחות אין עזה וואס זיי האבן אין מירון, וועט עזה זיין פלאך...

[ישר והפך]

א לעבעדיגע גרוס פון דא אין מירון, אבער קורץ ווייל איך האב נישט עכט די צייט. איך בין שוין דא זייט אנהויב לעצטע וואך ב"ה, און כהאב איבערגעלעבט די רשעים. מיטוואך און דאנערשטאג האבן זיי זיך ארומגעדרייט און געקאלאפט אויף די טירן צו זען אויב ס'דא געסט, און אויב מ'האט נישט געעפנט און זיי האבן געהאט אינפארמאציע אויף געסט האבן זיי אויפגעבראכן טירן.

וועמען זיי האבן געטראפן האבן זיי ארויפגעשיקט אויף א באס און מאסן מאסן זענען אזוי געווארן אפגעפירט קיין צפת, כמיין אז רוב זענען געווען צוריק אויף שבת ווי כוועל זאגן באלד. ערב שבת האט דא אויסגעזען ווי איך האב נישט קיין מנין (מיין גרופע איז 5 מענטשן). ס'געווען שטאק שטיל די גאסן אז די קעצלעך האט מען כמעט געקענט הערן קריכן. למעשה ווען ס'איז געווארן די זמן שבת און יעדער האט געוויסט אז יעצט גייט מען שוין נישט קענען ארויפלייגן אויף א באס (און אז יא וועט מען זיך אודאי שלאגן) האט דער עולם אנהויבן צוביסלעך מער און עמר ארויסקומען פון די לעכער, און סהאט אנגעהויבן ווירבלען לעבעדיג.

נישט מעגליך צו זאגן די שמחה ווען מ'האט זיך דערזען אויף די גאסן אן קיין פאליציי, אן קיין מיליטער, ס'האט אויסגעזען ווי אין מצרים וואס שבת האט מען גערועט... מ'האט זיי נישט געזען פאר די אויגן ממש אגאנץ שבת. און איך קום אן צום מערה, אוי איז געווען לעכטיג. אלעס ברייט אפן, און ס'ווערט מנינים איינס נאכן צווייטן געהעריג ווי אלע יארן, אודאי מיט ווייניגער מענטשן, אבער איך שאץ אז כהאב געזען דא א גוטע 2000 היימישע חסידישע אידן! אזוי איז געווען די גאנצע שבת, א לעכטיגע שבת ב"ה. משך די שבת האט יעדער דערציילט זיינע נסים וויאזוי ער האט זיך ארויסגעדרייט פון די חיפושים, אדער וויאזוי ער איז צוריקגעקומען פון צפת ערב שבת... שבת האב איך געדאוונט ותיקין נאכ'ן אויסציען די סעודה ביינאכט מיט די חברים ביז אינדערפרי, אבער איך הער אז אגאנץ שבת צופרי איז געווען לעכטיגע מנינים.

גלייך נאכ'ן זמן מוצאי האט מען געמאכט דא א קליינע הדלקה אין די חצר און געכאפט א הייליגע טאנץ לכבוד די תנא רבי שמעון, ביז די רשעים זענען אנגעקומען און מיט א רציחה זיך גענומען שלעפן קעפ, יעצט איז אלעס אפגעשפארט מכל וכל, באיאנע רבי האט געצינדן מיט 30 מענטשן לויט ווי מען רעדט דא, און דער עולם איז אין די דירות, יעדע פאר דירות איז דא א הדלקה'לע פאר די שכנים, וויפיל מ'קען.

ויה"ר מזאל האבן געפועלט אלעס גוטס, און די טויערן זאלן ווערן אפן מארגן, דא רעדט מען אויך עפעס אז סדא עפעס א הסכם אז סוף טאג וועט ווערן אפן אבער דאס וועלן מיר זען וויאזוי ס'וועט זיין למעשה. א גוטע נאכט איך גיי כאפן א שטיקל דרימל און אויב ס'וועט מיר זיין שייך נאכאמאל וועל איך ארויפקומען מיט נאך באריכטן ספעשל פאר אידטיש אלס הכרת הטוב.

[world champion]

די מאכערס אין מירון זאגן אז אש דת האט א הסכם מיט די פאליציי אז סזאל זיין שטיל ביז 2 אזייגער זינטאג און דעמאלס זענען זיי מסכים מזאל קומען נאכמיטאג אין די מאסן און זיי וועלן אפיציעל כאילו אויפגעבן און לאזן אלע טויערן אפן סוי בעט מען שטארק יעדער זאל זיין איינגעהאלטן

זיי גרייט מיט בלעכענע הויזן אין 7 שעה ארום...

אנבעליוועבל השנאה מקלקלת את השורה...

[דעת קדשי]

[דער תהלים איד]

דאס קוקט אויס יעצט אינדערפרי. ריכטיג?

ווער איז זוכה צו זיין דארט? וויאזוי ארבייט עס? קוקט אויס אז די טיר איז בעצם אפן?

[דעת קדשי]

דאס קוקט אויס יעצט אינדערפרי. ריכטיג?

ווער איז זוכה צו זיין דארט? וויאזוי ארבייט עס? קוקט אויס אז די טיר איז בעצם אפן?

יעדע פאר מינוט רייסט מען זיך אריין און נאכדעם ווארפט מען יעדעם ארויס מיט מכות רצח וחוזר חלילה