סאטמאר (מהר"א): נייעסן און שמועסן בתוככי הקהלה

[איד]

לחיים בבית רבינו הגה"ק שליט"א,
לרגל די שידוך שליסן פון בן ר׳ שלום ט"ב שליט"א דומ"ץ קרית ויואל משה
בן הגה"צ דומ"ץ קרית ויואל משה ז"ל
וחתן ר׳ חיים צבי מייזליש שליט"א ראש ישיבת סאטמאר ב"ב
בן הגה"צ אב"ד קהלתינו ב"פ שליט"א
וחתן מרן אדמו"ר מוויזניץ שליט"א

עב"ג בת הרב שלמה רובין שליט"א אב"ד ציעשנוב קרית יואל
בן הגה"צ אב"ד ציעשנוב שליט"א וראש ישיבתינו ב"פ
וחתן הגה"צ גאב"ד קהלתינו מאנטרעאל שליט"א

IMG_1158.jpeg

[איד]

לחיים בבית רבינו הגה"ק שליט"א,
לרגל די שידוך שליסן פון בן ר׳ שלום ט"ב שליט"א דומ"ץ קרית ויואל משה
בן הגה"צ דומ"ץ קרית ויואל משה ז"ל
וחתן ר׳ חיים צבי מייזליש שליט"א ראש ישיבת סאטמאר ב"ב
בן הגה"צ אב"ד קהלתינו ב"פ שליט"א
וחתן מרן אדמו"ר מוויזניץ שליט"א

עב"ג בת הרב שלמה רובין שליט"א אב"ד ציעשנוב קרית יואל
בן הגה"צ אב"ד ציעשנוב שליט"א וראש ישיבתינו ב"פ
וחתן הגה"צ גאב"ד קהלתינו מאנטרעאל שליט"א

IMG_1158.jpeg

[איד]

לחיים בבית רבינו הגה"ק שליט"א,
לרגל די שידוך שליסן פון בן ר׳ שלום ט"ב שליט"א דומ"ץ קרית ויואל משה
בן הגה"צ דומ"ץ קרית ויואל משה ז"ל
וחתן ר׳ חיים צבי מייזליש שליט"א ראש ישיבת סאטמאר ב"ב
בן הגה"צ אב"ד קהלתינו ב"פ שליט"א
וחתן מרן אדמו"ר מוויזניץ שליט"א

עב"ג בת הרב שלמה רובין שליט"א אב"ד ציעשנוב קרית יואל
בן הגה"צ אב"ד ציעשנוב שליט"א וראש ישיבתינו ב"פ
וחתן הגה"צ גאב"ד קהלתינו מאנטרעאל שליט"א

IMG_1158.jpeg

[קוקן פאזיטיוו]

א גאר שיינע שמועס יעצט פארעפענטליכט געווארן צווישן דעם רבי'ן און רבי נח אייזיק אלביום שליט"א

דעיס איז חלק ב סדא חלק א אויכעט

[קוקן פאזיטיוו]

ק/פ

זעמיר פריער געווען ביי א תנאים אין קרית יואל אין די איהעל קארט זאלן ידידי העסקן הדגול ר' ישראל לאנדא האט א שידוך געטוהן מיט א קינד. קודם מוז איך זאגן אז סאיז שיין אהערגעשטעלט די שמחה זאלן. נאכדעם בין איך ארויף אויבן געבן א טשעק אויס דאס געשעפט, איך בין שוין לאנג נישט געווען אין דעם הויז. מהאט דארט אויבן אויך איבערגעבויעט זעי איך. איך ווייס נישט ווי לאנג צוריק אלעס קוקט אויס היבש ניי. אבער ס'איז לע"ע נישט קאמפליטעד. פעלט נאך אפאר פענסטערס אין די טירן וכדו' די וואנט פון אינדרויסן איז נאך רוי. אבער....ס'בּאָבּלט מיט מענטשן... איך ווייס נישט וואס היינט נאכט איז אזוי פיל דארט. כהאב געזעהן מהאט געהאלטן אינמיטן א לחיים פון שלמה רוביןס שידוך מיטן איחוד דיין. מהר"א האט געפירט א בעטעמטע שמועס, יעדער האט אויסגעהערט שלמה רובין האט אריינגעפרעגט וכו'. אבער... ס'האבן געווארט דארט מער מענטשן ווי איך העט געוואלט....

כהאב געזעהן דארט א חידוש... קודם די שוועסטער הרבנית ממאנטרעאל און די ציעשנובער רביצין פון קרית יואל אשת ר שלמה רובין. און אויך..... הרבנית ממייזליש בני ברק.. א חידוש געווען אז זי איז דארט....

למעשה האט עס גענומען צי לאנג און מיין ווייב האט שוין געוואלט צוריק פארן אין קאנטרי האב איך אפגעטראגן פון שטח.

[זאנוויל ראזענבערג]

ק/פ

כי עתה הרחיב ה' לשיעור ד'! הרימותי בחור מעם!

עס קומט אריין די פריידיגע בשורה מרנינה איבער א פרישע הערליכע רינגעלע אינעם קייט פון הרחבת גבולי הקדושה אינ ערהאלב די מתיבתא אין קרית יואל, ווען די בארימטע "שיעור ד'" וועלכע זענען לאנגע יארן געווען אין אן ענגער צושטאנד העכער די פייער גאראדזש נעבן די אשת חיל פרויען צענטער, איז נארוואס אויפגעראכטן געווארן מיט סיינען "קאנטראקט" אויף א מאסיוו הערליכער בנין מפואר אויף א שטח אדיר ונאה, הארט נאנט צום שטאטישן צענטער אבער א שטילער רואיגער ווינקל, וואס בברכת קדשו ועידודו של כ"ק מרן רבינו הגה"ק שליט"א איז געווארן אראפגעלייגט א דעפאזיט און געשלאסן מקח אפצוקויפן בקרוב אי"ה דער ענדגילטיגער מקום מנוחה פאר דעם הערליכן צווייגל וועלכע שטעלט צו פאר די ערוואקסענע בחורים א מקום תורה ותפילה, מקום לינה, און א פלאץ צו שטייגן אויפ'ן שענסטן ניווא, יעצט אי"ה אויך מיט הרחבת הדעת.

דער יעצטיגער לאקאל פונעם בארימטער "מתיבתא שיעור ד'" איז געווארן אהערגעשטעלט מיט 15 יאר צוריק בעת די ישיבה גדולה האט זיך צוטיילט אין די סניפים, און ס'איז געווען א שווערע זארג אז די ערוואקסענע בחורים זאלן נישט בלייבן אן קיין ישיבה ח"ו נישט האבנדיג קיין לאקאל, האט די הנהלת הקרי' פון קרית יואל – כאטש רוב פון די בחורי חמד זענען נישט קיין קרית יואל'ע תושבים – זיך אנגערופן מיט א הילף-פארשלאג, און צוליב'ן קריטישן מצב האבן זיי געמאכט אוועילעבל א שטאק פונעם מצילי אש גאראדזש בנין צו ווערן ארויסגעדינגען אלס צייטווייליגער אכסניא לתועלת הענין. אין יענע צייט איז דער ארום נאך געווען גאנץ שטיל פון איינוואוינער, און דער אשת חיל בנין איז נאך נישט געווען פארגרעסערט, און מצילי אש איז נאך געווען פיל קלענער ווי היינט, און מ'האט געזען פאר פאסיג און א זכי' צוצושטעלן דאס פלאץ פאר צייטווייליג פאר דעם צוועק, דעמאלס מיט'ן פלאן צו זיין דארט אויף 2 יאר צייט, אז די הנהלת שיעור ד' זאל האבן צייט צו טרעפן א מקום מוכשר.

אינדערצווישן איז די ישיבה פארבליבן אויף דעם פלאץ שוין לאנגע יארן, בעת דער צושטאנד איז געווארן שווערער, סיי פאר די תלמידי הישיבה וועלכע שלאפן אין טרעילארס וואס מ'האט אראפגעשטעלט אויפ'ן פארקינג לאט, און מ'האלט זיך אויף צווישן ווירבלדיגע טרעפיק און אנגעלייגטע גאסן, און סיי פאר די הנהלת הקרי' וועלכע האט צוגעבויט צום בנין אשת חיל און 4 גאנצע שטאק שטייט שוין ליידיג 8 יאר וויבאלד דער אריינגאנג דערצו איז פונעם פארקינג לאט וועלכע ווערט באנוצט פאר די טרעילאר'ס און געברויכן פון די ישיבה, און ס'איז נישט פאסיג צו עפענען דארט דעם אריינגאנג צו א פרויען צענטער פאר קימפעטארינס און פאר'ן עזר פרויען אפטיילונג ווילאנג די ישיבה זיצט אויף דעם פלאץ.

אזוי ארום איז דער מצב פון די געברויכן און פלאץ פאר די צענלדיגער ערוואקסענע בחורי חמד געווען בשפל המצב, אין די צייט וואס אלע מוסדות סאטמאר איבער די וועלט - בפרט אינעם עיר הקודש קרית יואל - דערגרייכן ב"ה די ריכטיגע מקומות מנוחה ווי עס פאסט זיך, אבער דוקא די טייערע בחורי שלומינו דארפן פארבלייבן אזוי פארוואגלט אן קיין געהעריגער פלאץ ווי עס פאסט פאר אזא מוסד.

ועתה באת אל המנוחה ואל הנחלה!

אצינד קומט אריין די פריידיגע נייעס, אז נאך א שטיק צייט וואס די הנהלת הקרי' האט זיך אריינגעווארפן צו טרעפן א פלאץ וואס זאל ריכטיג צושטעלן אלע מעלות וואס קען נאר זיין, האט מען ב"ה געשלאסן א מקח און אונטערגעשריבן א 3-מיליאן דאלאר'דיגער קאנטראקט, אויף א גאר הערליכער און פאסיגער בנין פון 12,000 סקווער פיס; וועלכע זיצט אויף א ריזן שטח פון 2 עיקער, מיט 100,000 סקווער פיס פון גראז און ביימער; א שטאק צו לערנען בהרחבה מלאה; א שטאק פאר דארמיטארי; צוגעגרייטע יסודות פאר א מקוה אינעם בעיסמענט; א ריזן הויף פאר פרישע לופט; און אזוי יעדע מעלה טובה וואס קען נאר זיין, און דערצו זייער נאנט צום צענטער פון שטאט.

מאשפות ירים אביון!

דער הערליכער בנין און שטח געפינט זיך ביי די אזויגערופענע "4 קארנערס פון וואודבורי", ביים אינטערסעקשאן פון קאונטי רוט 44 און פארעסט ראוד. דער אדרעס אויפן מאפע איז 441 סקאנעמאנק רד. (דאס איז קעגנאיבער די שטוב פון הרה"ח ר' יונה בערנאטה הי"ו)

די הנהלת הקרי' איז איבערגעגאנגען דעם הערליכן פלאן מיט כ"ק מרן רבינו שליט"א, וועלכע האט אויסגעדרוקט שמחת לבו אז "שיעור ד'" וועט ענדליך אנקומען צו אזא הערליכער בנין מפואר לטובת הבחורי חמד. די הנהלת הקרי' האט באוויזן צו דערגרייכן דעם געוואלדיגן מקח, מיט א דעפאזיט פון $325,000. אין די קומענדיגע טעג און וואכן איז ערווארטעט צו עטאבלירן א "ועד קרן הבנין" וועלכע וועלן זיך אריינווארפן אין די ארבעט צו טרעפן נדיבי לב וועלכע ווילן האבן די זכי' פון א שותפות אין אזא וויכטיגער בנין החינוך וואו הונדערטער בחורי חמד וועלן אין די נאנטע יארן שטעלן זייערע יסודות בעפאר'ן אויפשטעלן זייערע אידישע שטובער בס"ד, און דער ועד וועט אי"ה פארזיכערן צו קענען גומר זיין דעם "קלאוזינג" ביז'ן דאטום וואס איז אריינגעשריבן אינעם מקח, וואס איז למספרם דעצעמבער 1, און נישט צופעליג קומט דאס אויס אינעם גרויסן יום ההצלה, כ"א כסליו תשפ"ז!

עס איז יעדנס וואונטש אז אלע חסידי סאטמאר זאלן טון שידוכים מיט די קינדער פלינק און גרינג, אבער יעדן איז באשערט זיין צייט משמים, און ביז דער טאג קומט אן, "ביז'ן קרעטשמע" דארפן די בחורים ווערן באגלייט און באזארגט נישט צו דארפן זיצן פארווארפן ווי אין א קרעטשמער צימער ח"ו מיט א דחקות און אומאנגענעמליכקייט, און דעריבער איז די שמחה ביי אלע אנ"ש גאר גרויס מיט דעם נייעם פרעכטיגער מקום הישיבה וועלכע וועט בלויז צוגעבן די ריכטיגע הרחבת הדעת צו קענען שטייגן און זיין מסודר אויפ'ן בעסטן און שענסטן אופן ברוחניות ובגשמיות, ביזן זוכה זיין צום קול ששון וקול חתן.

שמחת בית סאטמאר, ענדליך א הערליכער היים פאר איבער 140 בחורי סאטמאר!

[זאנוויל ראזענבערג]

דער ביז יעצטיגער פלאץ, צושטיפט מיט טרעילארס, נעבן א פארמאכטע פליגל וועלכע דארף דינען די נשים צדקניות תושבי קרית יואל

1.png (1.08 MiB) געזען געווארן 665 מאל

2.png (1.27 MiB) געזען געווארן 665 מאל

כי עתה הרחיב ה'!

דער נייער לעכטיגער ווינקל בס"ד!

3.png (1.37 MiB) געזען געווארן 665 מאל

[זאנוויל ראזענבערג]

כי עתה הרחיב ה'!

דער נייער לעכטיגער ווינקל בס"ד!