סאטמאר (מהרי"י): נייעסן און שמועסן בתוככי הקהלה

[משה זיכמעך]

שרייבן בנוגע דעם רבינס הכנסת ספר תורה הבעל''ט

ווער איז געווען דער אויסדערוועלטער סופר המלך?

[תורה ויראה]

Screenshot 2026-04-29 160951.png (1.12 MiB) געזען געווארן 2231 מאל

[רב הכולל]

אר"י לערנט נישט זכרו?

[דעת קדשי]

אר"י לערנט נישט זכרו?

פון סוטה ביז מעילה איז האלב ש''ס און ווען מ'ענדיגט נדה איז מען מסיים גאנץ ש''ס...

[תורה ויראה]

אר"י לערנט נישט זכרו?

אין אר"י איז דא "חבורת זכרו ארה"ק" וואס גייט מיט א עקסטערע סדר על סדר הש"ס און ענדיגט יעצט האלב ש"ס

[תורה ויראה]

איינער האט אן אנונג וועגן בנין לאנדא אין קרית יואל?
שוין לאנג נישט געווען קיין אפדעיטס איבער דעם
קוקט אויס ווי לאנדא מיט עסטערייכער זענען איינגעשלאפן מיט דעם פראיעקט...

[שטאטסמאן]

זִכָּה רַבִּים וְזָכָה:

ערהאַבענער ״מסיבת לחיים וקנין זכות״ פונעם מלכות׳דיגן ״היכל התורה״ דקהלתינו הק׳ אויף ״גערי״ בבית הנדיב המרומם, החסיד הנכבד הר״ר משה זילבערשטיין שליט״א, מפּארי קהלתינו!

בהשתתפות כ״ק מרן רבינו עט״ר שליט״א



מחיל אל חיל: דער חשוב׳ער רעספּעקטירטער נדיב לב האָט געהאַט די זכי׳ צו שפּאַנען מחיל אל חיל, נאכ׳ן אפּקויפן דעם זכות הכביר פונעם ״היכל הביהמ״ד המפואר״ בבית מדרשינו אויף גערי בשם ״היכל משה״, און אצינד מצוה גוררת מצוה, אפּקויפן דעם הייליגן זכות נשגב פונעם ״גרעסטן און שענסטן היכל התורה״ אין דער שטאט וויליאמסבורג | ישמח מש״ה במתנת חלקו!



דעם נעכטיגן מיטוואָך אמור, איז פארגעקומען, א גאר הערליכער מעמד ״קנין זכות״ פונעם נייעם פּראַכטפולן היכל התורה וואָס מ׳האַלט אין ברען פונעם אויפבוי, אויפ׳ן הינטערשטן שטאָק פונעם ביהמ״ד החדש שכונת גערי-טרופּ וואס אנטשפּרעכט צו זיין דער שענסטער און גרעסטער היכל התורה אין דער גאנצער שטאט וויליאמסבורג!

א היכל פון 6,000 סקווער-פיס גרויס, מלא וגדוש מיט אלפי אלפים ספרי קודש, און הונדערטער הונדערטער ערטער פאר הוגי ושוחרי תורה צו קענען קובע מקום זיין דארט יומם ולילה, און גייט אי״ה זיין א פּראכט פאר קהלתינו הקדושה!

עס זענען זיך צוזאַמגעקומען די חברי הנהלת הקהלה און וועד קרן הבנין, בני המשפחה הנכבדים, חברי הנהלת המוסדות, הרבנים הגאוה״צ דיינים פון ביהמ״ד שליט״א, אינאיינעם מיט׳ן חשוב׳ן נדיב הדגול שליט״א, במעון ביתו, וואו ס׳איז ענדגילטיג אונטערגעשריבן געוואָרן דער שטר קנין הזכות, נכתב ונחתם בטבעת המלך כ״ק מרן רבינו שליט״א.

אַזוי אויך איז די מאורע געוואָרן באַטייליגט פון די עושי החיל, די גבאים ועסקנים חשובים פונעם ביהמ״ד, וועלכע לייגן אריין כוחות עצומות להגדיל תורה ולהאדירה, און זיי האבן אלע געשפּירט אז דאס איז ממש ווי א יום טוב פאַר דער געגענט און פאר׳ן ציבור, ווען מ׳שטעלט די יסודות פאר א היכל התורה וואָס גייט זיי באַגלייטן אי״ה מיד ולדורות און ארומנעמען מיט׳ן כח התורה להם ולדורותיהם.

דער נדיב הדגול האט אויפגענומען רבינו שליט״א מיט גרויס התרגשות, און די עסקנים און חברי ועד קרן הבנין האָבן געצייגט פאר׳ן רבי׳ן שליט״א די גענויע פּלענער פונעם היכל וואס בויעט זיך אין א שנעלן ריטעם.

עס האט אויפגעטרעטן מיט ווארעמע דרשות די גדולי התורה, הגאון הגדול דומ״ץ סאטמאר בארא פארק שליט״א, וחבר הבד״ץ; דערנאך הגה״צ רבי פּנחס כ״ץ דומ״ץ הביהמ״ד שליט״א; וועלכע האבן ביידע ארויסגעברענגט דעם זכות העצום פונעם טייערן נדיב, וואס האט זיך געלאזט קאסטן מיליאנען דאללארן פארן היכל ביהמ״ד און אצינד פארן היכל התורה, להגדיל תורה ולהאדירה.

אויך האט מען געהערט קורצע ווערטער פון הרה״ח ר׳ חיים יצחק מאנדל הי״ו, מנכ״ל המוסדות, וועלכער איז א פּערזענליכער נאענטער ידיד מיט׳ן חשוב׳ן נדיב, ארויסהייבנדיג זיין התמדת התורה, זיין נדיבות הלב, און זיין תמיכה פאר די הייליגע קהלה ומוסדות לימין כ״ק מרן רבינו שליט״א מיט א געוואלדיגע געטריישאפט.

מיט הארציגע ווערטער האט אויפגעטרעטן דער נדיב הדגול שיחיו זעלבסט, וועלכער האט אויסגעגאסן זיין הארץ, ישמח מש״ה במתנת חלקו, אז ער איז זוכה צו קענען צושטיין לימין רבינו שליט״א, און נעמען א חלק אין אזא דבר גדול וקדוש, צו בויען א מקום תורה לדור ודור, לע״נ זיין אשת חיל עטרת בעלה ע״ה.

ביראת הכבוד האט מען צוגעהערט צום ״ברכת הקודש״ פון כ״ק מרן רבינו שליט״א, ווי דער רבי שליט״א האָט מעלה געווען לשבח דעם נדיב הדגול שליט״א, וועלכער האָט די זכי׳ צו בויען אַזאַ היכל גדול וקדוש, אידן זאלן קענען לערנען יומם ולילה, און דערמיט אזוי ארויסהעלפן פאר די קהלה פון רביה״ק זי״ע, בנוסף לכל צדקותיו ונדבותיו להגדיל תורה ולהאדירה.

דאַן איז געקומען דער מאָמענט ווען מ׳האָט אפירגענומען דעם הערליכן ״שטר זכות״, ווען דער נדיב האָט אונטערגעשריבן דעם שטר און כ״ק מרן רבינו שליט״א האט געגעבן די גושפּנקא דמלכא, בחתימת יד קדשו, לראי׳ ולעד, אַז דער נדיב שיחי׳ האָט אפּגעקויפט דעם זכות שם ההיכל הגדול והכביר, וואו ס׳וועט פאַרבלייבן פאַראייביגט מעשי תקפו וגבורתו, ולעד ולנצח יעמוד צדקתו!

נאָכ׳ן אונטערשרייבן דעם שטר זכות, האָט רבינו שליט״א געוואונטשן לחיים און איבערגעלאזט ברכותיו הטהורות, אז דער זכות זאָל מגין זיין לדור ודור, מתוך בריות גופא ונהורא מעליא, להתענג על ה׳ כל הימים, און מ׳זאל בקרוב קענען זוכה זיין לברך על המוגמר, מתוך נחת ושמחה עד עולם, אמן.

וצדקתו עומדת לעד!

unnamed.jpg (39.92 KiB) געזען געווארן 1575 מאל

unnamed (1).jpg (49.79 KiB) געזען געווארן 1575 מאל

unnamed (2).jpg (48.28 KiB) געזען געווארן 1575 מאל

[שטאטסמאן]

כ''ק רבינו האט יעצט מקיים געווען די מצוה פון שליח הקן פארנט פון ביהמ''ד הגדול

[זכריה]

איינער קען צו ייכענען ווי דער שמועס אחבערן נסיעה קיין קראקא סיגוט איז?

[תורה ויראה]

Screenshot 2026-05-04 155752.png (323.66 KiB) געזען געווארן 799 מאל

[שטאטסמאן]

ושמוא״ל בקוראי שמו!!

אין די יעצטיגע מינוטן בשעת די פריוואטע כתיבת ספר תורה פון כ"ק מרן אדמו"ר שליט״א איז געקומען א היסטארישער מאמענט

ווען הרבני הנגיד בנש"ק בונה ומקים עולמות, הרב שמואל ישעי פריעדמאן שליט”א, עומד לימין כ״ק מרן רבינו שליט״א מאז ומקדם

האט אונטערגעשריבן דעם מקח אפצוקויפן די שם בית מדרשינו ״יטב לב יוניאן״

לעשות קורת רוח לכ״ק מרן רבינו שליט״א ביום שמחת לבבו

ויקרא בפאר והדר על שמו לעד ולנצח 'בנין שמואל ישעי פריעדמאן’ בעוז ובהדר

בורא עולם בקני"ן השלם זה הבנין!

[מעקעלע]

Screenshot 2026-05-04 155752.png

wow

[תורה ויראה]

וְהָיוּ אֶת הַמֶּלֶ״ךְ בְּצֵאתוֹ!

טויזנטער תושבי קרית יואל וועלן באַגלייטן עטרת ראשינו בצאתו את העיר ביי פייערליכן מעמד ״צאתכם לשלום״ רבתי, אין ביהמ״ד הגדול דק״ק קרית יואל
"מיטוואָך במדבר״, געציילטע שעה בעפאָר דעם רבינ׳ס פּריוואַטער פליגער וועט אָפּפליען עלי דרכו לקברי צדיקים אבותיו הקדושים באייראפּע, למען יסוד עתיד ק״ק קרית יואל, וועלן אלפי תושבי קרית מלך רב, זיך צונויפקומען והיו את המלך בצאתו את העיר!


ונשמע קולו בבואו אל הקודש!

כ״ק מרן אדמו״ר שליט״א וועט אפּרעכטן געהויבענעם ״תפלת שחרית״ ברב עם הדרת מלך אין היכל האדיר ״היכל אלטר יחזקאל״
אינאיינעם מיט די תלמידי ישיבותינו ומוסדותינו הק׳ פון די עלטערע קלאַסן
תיכף נאָך שחרית, בשעה 9:00, וועט פאָרקומען דער פייערליכער מעמד ״צאתכם לשלום״ מיט דרשות לרגל המאורע
הגה״צ רבי שמואל יעקב מייזעלס שליט״א, דומ״ץ בקהלתינו הק׳, וועט משמיע זיין ״דברי פּרידה״ בשם כל קהלא קדישא הדין
ונשמע קולו בצאתו בשלום מן הקודש: הוד כ״ק מרן רבינו שליט״א וועט משמיע זיין ברכת הקודש לכל תושבי עירנו בתפלה לה׳ אַרויספאָרנדיג לקברי אבותיו הקדושים


כי מלאכיו יצוה לך!

אלפי תשב״ר ואנשי שלומינו תושבי עירנו מען אַרויסבאַגלייטן כ״ק מרן רבינו שליט״א עלי דרכו צלחה לקדושים אשר בארץ המה, מיט הייסע תפלות להצלחת הנסיעה, לפעול דבר ישועה ורחמים עלינו ועל דורותינו ולחזק את קיום קהלתינו הקדושה מיד ולדורות