ברוך דיין האמת: מרן הגאון רבי אליקים שלעזינגער זצ”ל

[דער תהלים איד]

Screenshot 2026-02-03 124030.jpg (222.23 KiB) געזען געווארן 1497 מאל

[דער תהלים איד]

Screenshot 2026-02-03 124012.jpg (212.83 KiB) געזען געווארן 1493 מאל

[דבוק אין צדיק]

דער רב זאל האבן א רפואה שלמה בתוך שאר חולי ישראל. אבער וואס מיינט עמד לימין רביה”ק?

[דער תהלים איד]

מרן הראש ישיבה שליט"א וואס איז דער שריד דור הישן און איז מנחיל דעם ירושת רבותיו פון דריי דורות פאר אונזער ארימער דור, איז יעצט זקוק פאר תפילות ישראל זייענדיג אין קריטישע 24 שעה, לויט די דאקטוירים.

לעצטע וואך האט דער ראש ישיבה באקומען אן אינפעקציע, אבער זיי האבן עס אוועקגעמאכט אלס א קלייניקייט.

למעשה איז דער מצב שווערער געווארן, און היינט האבן זיך שוין די דאקטוירין דערשראקן אז דאס איז אן ערנסטער מצב, און דער ראש ישיבה איז זקוק לרחמי שמים מרובים.

זאגט א קאפיטל תהלים, אז מרן אליקים בן בילא זאל האבן א גאנצע רפואה, און לאורך ימים ושנים זאל ער קענען ווייטער מנחיל זיין און זיין דער בריק פון די פריערדיגע גדולי ישראל.

[דער תהלים איד]

די לונגען פונעם ראש ישיבה שליט"א ארבעטן נישט געהעריג, און די דאקטוירים זאגן אז דאס קען נישט קומען בלויז פונעם אינפעקציע, ס'איז נישט בלויז די לונגן אנטצינדונג, נאר עפעס מער מוז זיין אז דער לונג ארבעט אזוי שוואך.

דער ראש ישיבה איז אין שפיטאל, מוטל עלך ערש דוי זייער שווער.

ה' ירפאהו ויחלימיהו. זאגט א קאפיטל תהלים, אליקים בן בילא לרפו"ש.

[דער תהלים איד]

דער הויפט זארג איז יעצט די נירן, וועלכע האבן אויפגעהערט ארבעטן ה"י.

בזכות תפילות ישראל האט מען געזען יעצט עפעס גוטע סימנים, סיי אז די נירן האבן אביסל געארבעט, און סיי אז דער ראש ישיבה האט אביסל רעאגירט מיט עטליכע ווערטער.

אבער דער ר"י דארף אסאך רחמים.

[רב הכולל]

דער רב זאל האבן א רפואה שלמה בתוך שאר חולי ישראל. אבער וואס מיינט עמד לימין רביה”ק?

שאל אביך ויגדך זקיניך ויאמרו לך

[מסתמא]

רבותי א תלמיד פון הייליגן נייטרא‘ער רב דער נאות דשא זצ”ל הי”ד, דער לעצטער תלמיד! זיין גרויסער רבי זצ”ל שרייבט אויף אים נאך אלץ בחור אז ער איז ירא שמים! פון נייטראער רב אזא לשון איז אן הפלגה. נאכדעם אין ארץ ישראל האט ער געלערנט ביי מהרי”ץ דושינסקי דער בריסקער רב וחזון איש, מרעדט דא פון אונזער קשר און בריק צום אמאל! ה‘ ירפאהו ויחלימה מיט רפואה שלימה און אים גיבן נאך לאנגע און געזונטע יארן בבריאת השלימות, מיר דארפן אים יעצט האבן נאך אסאך מער ווי אלעמאל! עס איז כמעט קיינער נישט געבליבן פון יענע דור והתקופה

[רב הכולל]

קיינמאל געוויסט אז ער איז א תלמיד פון נייטרער רב זצ"ל

שכח פאר די אינפארמאציע

[טראפקעלע]

ברוך דיין האמת

[טראפקעלע]

אין עלטער פון 104 יאר

[ירוושלמי22]

נצחו אראלים את המצוקים גלה כבוד מישראל
ברוך דיין האמת

[רב הכולל]

ניצחו אראלים את המצוקים: הסתלקות זקן ראשי ישיבות הגאון הגדול רבי אליקים שלעזינגער זצ"ל ראש ישיבה הרמה לאנדן, אין עלטער פון 104 יאר

מיט גרויס צער און ווייטאג ווערט אויפגענומען די ביטערע שמועה פון לאנדן הבירה איבער די הסתלקות פונעם זקן ראשי ישיבות הגאון הגדול רבי אליקים שלעזינגער זצ"ל ראש ישיבה הרמה לאנדן, וועלכער איז נסתלק געווארן אין טיפן עלטער פון 104 יאר. דער ר"י זצ"ל איז געווען דער אור גדול וואס האט באלויכטן די וועלט און לאנדן הבירה בפרט, מיט אור תורתו ואור קדושתו, - אבל יחיד עשי לך לאנדאן הבירה וואס דער ראש ישיבה איז געווען דער קרוין פון דעם שטאט. פרטים איבער די לוי' וועט נאכפאלגן. וכל בית ישראל יבכו את השריפה אשר שרף ה'.

[צווייטער]

ברוך דיין האמת.

[חסיד נלהב]

נצחו אראלים את המצוקים גלה כבוד מישראל
ברוך דיין האמת

הגאון האדיר רבי אליקים שלעזינגער זצ"ל נפטר געווארן אין עלטער פון 104 יאר

[טיפע טאשן]

אוי בד”ה
פארלוירן געווארן א המשך צום פאריגער דור.

[חלום חלמתי]

בד"ה.

[לעבער מיט שוואמען]

1000626635.jpeg (178.27 KiB) געזען געווארן 685 מאל

[לעבער מיט שוואמען]

מיט האדמו"ר מסאטמאר מהרי”י

[דער תהלים איד]

ברוך דיין האמת.

גלה כבוד מישראל.

א דמות פון תורה, א תלמיד פון די גרעסטע לייבן אין עולם התורה, א איד וואס דער חזון איש זצ"ל האט געשריבן אויף אים אינגערהייט "ידיד נפשי", א איד וואס האט ביי די 80 און ביי די 100 לוחם געווען מלחמות ה' און מנחיל געווען מורשת דור העבר.

אסאך סודות וועלן נאך ארויסקומען, איך וועל מגלה זיין 2:


1) אין די וועלט איז דא אסאך וואס זענען מסופק אין די סיפורים ווי פונקטליך זיי זענען געווען. אבער! מעשה שהי' כך הי' אז דער דורש ומבקש תורת דור העבר הרב ר' שמואל שלמה טעלער האט אמאל באקומען "בגניבה" צוטריט צו אלטע כתבים פונעם ראש ישיבה. דארט איז געווען פארשריבן אסאך מעשיות, געשריבן בכתב ידו צענדליגער יארן צוריק.

יעדע איינציגע מעשה דארט איז געווען גענוי, אויפ'ן האר, בלי שינוי זיז כלשהוא, פון וואס ער האט דערציילט צענדליגער יארן שפעטער. ס'איז געווען צום באוואונדערן אז אפילו אזא מענטשליכע הוספה וואס קומט געווענליך צו צו א מעשה, איז נישט צוגעקומען.

איין מעשה האט ער דארט געזען וואס דער ר"י האט אים נישט געהאט דערציילט קיינמאל, און ער האט געוואלט הערן מער איבער דעם, זאגט ער אים "דער ראש ישיבה האט אמאל דערציילט כך וכך? איך וויל הערן מער...", ענטפערט אים דער ר"י: "איך האב דיר אזוי דערציילט? נישט ריכטיג. איך האב דיר דאס קיינמאל נישט דערציילט". ער האט געדענקט אז "די מעשה" דערציילט ער נישט, מיט זיין בריסקע קפידה, און זיין זכרון האט אים נישט גע'נער'ט.


2) ווען הרה"ח ר' אלישע הורוויץ שליט"א האט געשיקט פאר כמה גדולי תורה צו איבערקוקן דעם בירור הלכה אויב קיט"ל מעג טאקע אריינגיין אין געריכט, ואכמ"ל, האט ר' אלישע אים מבטיח געווען אז ער גייט קיינעם נישט איבערדערציילן אדער נוצן זיין נאמען, נאר ער וויל וויסן פאר זיך אליינס אז עפ"י הלכה איז ער גערעכט.

דער ראש ישיבה האט עס אנגענומען און איבערגעקוקט די נושא, און געענטפערט "על פי הלכה איז עס זייער ריכטיג. אבער, נישט אזוי קען מען בויען אידישקייט". ווי צו זאגן, עפ"י הלכה איז עס מותר, אבער איך רעקאמאנדיר עס נישט.

עטליכע יאר שפעטער, האט ר' אלישע געהאט א לעגאלע אישו אין זיינע געשעפטן. האט אים א חבר פון אייראפע געפרעגט צו אפשר איז עס א קפידא פון הימל וועגן די סאטמאר'ע קאורט... האט ר' אלישע געזאגט "נו, דאס דארף א דעת תורה זאגן, אדרבה וועל דיר אויס א דעת תורה און פרעג". האט יענער גפערעגט "איך קען פרעגן רבי אליקים? אים געטרוי איך מיט אזא שאלה", האט ר' אלישע געזאגט יא...

יענער קומט צוריק שפעטער מיט א שמייכל, אז ער האט געענטפערט "איך זאל זאגן אז עס איז דא א קפידא? איך האב אים דאך באשטעטיגט אז ס'איז מותר!".

דעמאלס האט ר' אלישע געזען אז דער ראש ישיבה האלט עס שוין נישט פאר קיין סוד, און הערשט דעמאלס האט ער עס דערציילט פאר סאטמאר רבי'ן (וואס האט אים אלעמאל געפרעגט צו יעדע טריט איז אויסגעארבעט בדעת תורה, און ער האט אלעמאל געענטפערט אבער דער פרט האט ער נישט דערציילט מחמת זיין צוזאג).


די גרויסקייט בתורה ובעבודה דארף מען מסתמא נישט דערציילן קיינעם, איך האב בעיקר געשריבן וואס מען ווייסט נישט, און קען זיין אינטערסאנט לידיעה.

דער אויבערשטער זאל העלפן אז זיין ריינע הויכע הייליגע נשמה זאל געדענקען אז ער האט איבערגעלאזט א דור יתום שאין לה תורה וחכמה, און ער זאל בעטן אויבן פאר די גאולה אזוי ווי ער האט געבעטן דאהי, איינרייסן פאר ישועת כל ישראל.

[רב הכולל]

ק/פ

א שטיקל פון זיין ספר הדור והתקופה, הנוגע לענינא דיומא:

''כשוועד הישיבות עסק בסידור הסכם עם הציונים ע"ד פטור בני הישיבות מן הצבא, וקראו לאסיפת רבנים ע"ז, הזמינו גם משלחת מאברכי הכוללים, כדי שיביעו את דעתם, והייתי בין חברי המשלחת, ואמרנו דעתינו שאין לעשות עמם שום מו"מ והסכם.
ולתמהוני אמר לי ר"מ טננבוים מנהל ועד הישיבות כי דעת מורי ורבי הגאב"ד מוהרי"צ דושינסקיא אינו כן.
הדבר היה אצלי תמוה, ונשלחתי באמצע האסיפה לברר הדבר.
ואכן אדמו"ר זצ"ל אישר לי דברי ר"מ טננבוים,
באמרו אני יודע שהם רוצחים, ואם בחור אחד לא יבוא פעם לישיבה אנה אני בא, מי יודע מה שיעוללו לו הציונים, ועל כן צריכים להסתדר עמם אם אפשר.

[קיין נפקמ]

דער ראש ישיבה זצ"ל איז געווען בדעה צלולה ביז די לעצטע מינוט ?

[רב הכולל]

דער ראש ישיבה זצ"ל איז געווען בדעה צלולה ביז די לעצטע מינוט ?

יא, נאך געזאגט של"ס תורה די וואך

[קיין נפקמ]

דער ראש ישיבה זצ"ל איז געווען בדעה צלולה ביז די לעצטע מינוט ?

יא, נאך געזאגט של"ס תורה די וואך

WOW עפעס א אויסטערלישע זכות דאס, ווען איז געווען אזאנס א גדול און מנהיג עוסק בצרכי רבים וואס זאל זיין אין די עלטער און בדעה צלולה

[בקיצור]

הסכמה נלהבה צום ספר פון הגאון הרב עובדיה יוסף זצ"ל