כמדומה דארף מען ליגעלי אזוי שרייבן. ווען מען שרייבט א פרייז מוז עס זיין די קאסט פון די פראדוקט, און אויף דעם ארויף דארף מען רעכענען טעקס. איך בין נישט זיכער, אבער אזוי ליגט מיר אין קאפ.הדסים האט געשריבן: ↑דאנערשטאג דעצעמבער 04, 2025 6:46 pmאיך מוטשע מיך שוין לאנג איבער די פרייזן אין גראסעריס וכדו' וואס זענען צען דאלער פלאס טעקס, פארוואס קענסטו נישט זאגן געהעריג ס'קאסט עלף א האלב דאלער? אפשר שרייב אז ס'קאסט פינף דאלער פלאס הוצאת הרענט און טעקס?איפכא מסתברא האט געשריבן: ↑דאנערשטאג דעצעמבער 04, 2025 4:51 pmצומאל יא, אבער געווענליך נישט, די מאווערס זאגן עס קלאר.
מיין שאלה איז וואס פשט פון מאכן א גאנצע בעלענס שיעט פון צוויי סארט טשארזשעס, סתם צו נערווירן דעם קאסטומער? ס'מאכט שפירן ווי דו ביסט מיר מחייב מיט א אפצאל וואס איז פרייוויליג
אין א"י דאכט זיך איז נישטא דער מושג.
לגבי די טיפ איז אן ערנסטע שאלה פון אונאה. נישט קיין שאלה, נאר ודאי! מען קען עס טאקע נישט רופן גזילה, יענער גזל'ט נישט בפועל. אבער דער וואס טוט דאס איז א גזלן!...
איך געדענק ווען איך האב געמופט, האב איך גענומען א אידישע מאווינג קאמפעני. איך האב גערעדט צו אים אויפן פאון און אלעס דורכגעגאנגען. שפעטער האט ער מיר געשיקט א SHEET אין אימעיל מיט פונקטליכע פרייזן אויף יעדע שטוב, אייטעם, וכדו', און קיין ווארט וועגן א טיפ האט ער נישט דערמאנט אפילו ברמיזה נישט אויפן פאון, און נישט אין די אימעיל.
ווען די גוים האבן גענדיגט אויספאקן אלעס אין די פרישע דירה, קומט דער הויפט גוי צו צו מיין ווייב אז זיי דארפן א טיפ. איך בין נישט געווען אינדערהיים, האט מיר מיין ווייב גערופן פרעגן וויפיל זי זאל זיי טיפן. איך האב איר געזאגט אז עס זענען דא 5 גוים, געב זיי אלע א צוואנציגער און כפרות עוונות אויף די הונדערטער. רופט זי מיר צוריק א מינוט שפעטער, אז ניין, דער גוי זאגט אז די טיפ איז 15 פראצענט. ס'איז אויסגעקומען צו עטליכע הונדערט דאלער... און דער גוי זאגט איר אז זיי גייען נישט אוועק ווי לאנג זיי באקומען נישט דעם טיפ....
איך רוף אן דעם בעל הבית, און איך פרעג אים מאי האי? וואס איז דאס? א פרייז איז א פרייז. זאגט ער מיר אז אזוי גייט עס. די טיפ איז אלעמאל 15 פראצענט.
ווען איך בין ווען אינדערהיים זאג איך פארן גוי, גייטס ענק לחיים ולשלום, איר באקומט פון מיר נישט קיין 15 פראצענט טיפ. און אויב איר פארלאזט נישט דאס מקום יעצט, רוף איך די פאליס. אבער מה עשה הקב"ה איך בין נישט געווען אין שטאט בכלל, און איך האב נישט געוואלט מיין ווייב זאל זיך דארפן טענה'ן מיט 5 גראבע גוים. האב איך איר געזאגט באצאל זיי און פארטיג.
עד היום איז דאס געלט וואס איז מיר שווער ביי תפילת זכאי צו פארגעבן. פלעין און פשוט א גנב! איך האב שוין פארלוירן און דערלייגט במשך הימים אסאך גרעסער געלטער, אבער דא בין איך בא'גנב'עט געווארן! איך בין נישט מחויב צו מוחל זיין געלט וואס מען האט פון מיר גע'גנב'עט! נאר וואס, איך ווייס אז איך גיי די געלט נישט צוריקבאקומען, זאג איך מן השפה ולחוץ אז איך בין עס מוחל. אבער טיף אין הארץ האב איך נאך א תאוות הנצחון אז דער בעל הבית זאל מגלגול ווערן דאס צו אפצאלן פאר מיר אדער יוצאי חלצי...
