משה רבינו האט געשריבן: ↑מיטוואך אקטאבער 22, 2025 2:01 pm
נישט געהערט די דרשה בכלל ווייל איין קץ לדברי רוח,
אבער געהערט נאכזאגן א מימרא אז פארן קריג האט מען נישט געוויסט פון קיין 72 ווייל מען טרעפט נישט קיין לוח 72, איך האב נישט קיין נערוון צו אנהייבן ברענגען לוחות און זיך טאנען אויף יעדע לוח ווען די זמן איז געועון דעמאלטס,
1] אבער רוב פון די אלע אידן וואס זענען געווען ביי די התאחדות מוטינג זענען אליין געווען רבנים אינדערהיים,די רזי ז"ל איז געועון שוין 60 יאר ביים קריג ער האט גוט געוויסט וואס די לוח אינדערהיים איז געווען,
2] ער זאגט מען האט נישט געוויסט ווען די שקיעה איז ווייל מען איז נישט געווען נעבן וואסער, איז אויך א שקר יעדע הויכע בארג קען מען זעהן די שקיעה, די וואסער קען טאקע זיין פינקטליכער מיט א מינוט אבער די שקיעה הנראתאיז געריקט אסאך מאל א האלבע שעה,
3] אין דרכי חיים שטייט אז צאנזער, רב פלעגט עסן די קאמפאט פרייטאג צו נאכטס ביים טיש,אפילו שוין געווען געהעריג ליכטיג אינדרויסן ווייל ער האט געזאגט בשם די בעלזא רב, אז עס קען נישט זיין די עלות פאר האלב פיר פארטאגס (72 מינוט פארן נץ) אפילו שוין לעכטיג,
4] עס שטימט בכלל נישט אז וויזניץ האלט די מנחת כהן ווייל זיי האבן א סעט זמן ווען זיי האלטן אויב גייט מען מיטן אופק פון 72 איז עס זומער א סאך שפעטער,
די 72 איז א גמרא וואס זאגט מהלך אדם בינונו ביום מעלות השחר ועד הנץ החמה ד מילין, און די גרמא ברענגט אויך א ראיה פון די משנה אז וואס מיינט א דרך רחוקה חוץ לירושלים מן המודעין ולחוץ וואס איז ד' מילין, כדי פון די שקיעה ביזן צאת זאל מען נישט קענען אנקומען ביזן בית המקדש,
דא איז די מקור פון 72 אפילו מען זאל אנעמען ווי די מנחת כהן אז מען רעדט נאר ביום בינונו און במקום בינונות
קומט אויס די מקור לד' מילין איז ירושלים און בבל וואס איז בערך 32 מעלות, און מען רעדט ביום בינונו פון ניסן אין תשרי
איז כל שכן אין ניו יארק אדער וואס איז ארום 45 מעלות דארף די זמן זומער זיין אסאך שפעטער,נישט פריער די מנחת כהן אליין זאגט אז ער זאגט עס נאר לחומרה מאכמיר צו זיין ווי די אופק אבער נישט לקולה, זאגן די אופק אין מקיל זיין זומער פארן 72 קען נישט אנהייבן שטימען בכלל
