פארטריבן האט געשריבן: ↑דאנערשטאג יוני 12, 2025 1:52 am
בנוגע די בריוו פון די סיטי DOE צו די מוסדות וואס @הלבלר בקולמסו האט געברענגט (די אפסטעיט-מאנסי מוסדות האבן אויך באקומען אן ענליכע בריוו), וואו זיי פרובירן צו משכנע זיין צו די מוסדות וואס האבן ביז יעצט זיך נישט געבראכן, אז יעצט נאך די נייע אמענדמענט זאל זיי איבערטראכטן צי זיי ווילן אפשר יא נעמען די איבערגעמאכטע פעטוועי, און זיי האפן אפשר וועט זיי געלונגען אריינצושלעפן נאך מוסדות צוביסלעך צו מיטארבעטן מיט זיי.
ליינענדיג דעם בריוו האט דאס מיך געמאכט אביסל אפשטעלן און אריינטראכטן פאר א מינוט,
(איך רעד נישט פון די פונקטליכע אויסגערעכנטע ווערטער, וואס מען מען קען צווישן די שורות זעהן וויאזוי זיי מאכן אוועק די גאנצע אויפטוה פון די נייע געזעץ),
האב איך מיר אזוי אריינגעטראכט,
די עדיוקעשאן דעפארטמענט סיי די סטעיט און סיי די סיטי, זעהט מען דאך ווי זיי זענען דא די גאנצע צייט און הערן נישט אויף צו רודף'ן וואו נאר זיי קענען, אויף זיי איז דאך קיינער נישט מסופק וואס זייער ציל איז, און פאר יעדן איז קלאר אז זיי זענען בכלל נישט אראפגעקראכן פון בוים, און זיי ווילן בכל אופן צוקומען צו זייער ענד ציהל אז די מוסדות זאלן ווערן סאבסטענשאל עקוויוועלענט און לערנען אלע סאבזשעקטס אזויווי אין פאבליק סקול, און זיי ווילן דאס קענען אינפארסירן בכל התוקף,
און ווען עס האט זיך אנגעהויבן קאכן פון די נייע געזעץ, איז פון איין זייט האט מען געזעהן ווי שטארק די עדיוקעשאן דעפארטמענט האט געשימפט פאר די נייע געזעץ איז אדורך, און ווי אויך נאך די נייע געזעץ איז ארויסגעקומען האבן זיי דאס באוויינט אז מען האט זיי בכלל נישט אינוואלווד גארנישט אין די נייע געזעץ, און אז דאס טוט זיי לימיטען פון געוויסע זאכן.
דאס איז אויך יעדער מודה אפילו נאך די נייע געזעץ איז געבליבן אז אזעלכע מוסדות וואס וועלן נישט נעמען קיין איין פעטוועי, זיי וועלן בלייבן אויטאמאטיש צו באקומען אן LSA ריוויו, און כלפי די מוסדות איז דאך יעדער מודה אז עס האט זיך גארנישט געטוישט, און די עדיוקעשאן דעפארמענט קען ביי אזא מוסד ווייטער אויספירן די גזירת החינוך גיידליינס בכל התוקף מיט אלע קאנסעקווענצן,
יעצט דארף מען פארשטיין, אויב איז טאקע אזוי, אז די נייע געזעץ מאכט אוממעגליך פאר די עדיוקעשאן דעפארטמענט נאכצוגיין און אינפארסירן די געזעץ ביי אזא מוסד וואס האט גענומען די נייע פעטוועי 6-7 פון אסעסמענטס, וואלטן זיי זיך דאך לכאורה געדארפט פרייען אויף יעדע אידישע מוסד וואס האט ביז יעצט נישט גענומען קיין פעטוועי אז זיי זאלן יעצט 'ווייטער נישט נעמען קיין פעטוועי', נאר בלייבן אונטער די אינספעקשאנס, וואס אזוי וועלן זיי בלייבן באלעבאס צו קענען זיכער מאכן צי מען לערנט אלעס וואס די געזעץ פארלאנגט, און קענען אינפארסירן אלע קאנסעקווענצן פון די גיידליינס,
און למעשה זעהט מען דא פון די סיטי און אפסטעיט בריוון גאר די פארקערטע, אז די עדיוקעשאן דעפארטמענט פרובירט מיט אלע וועגן זיך אריינצובאקומען אין די מוסדות וואס האבן ביז יעצט איגנארירט און נישט גענומען קיין פעטוועי, און פרובירן זיי צו איבעררעדן און דערשרעקן אז זיי זאלן יעצט 'יא' נעמען די נייע פארברייטערטע פעטוועי,
הלא דבר הוא?
אלא מאי מוז זיין, אז די מערסטע האט די עדיוקעשאן דעפארטמענט מורא פון די מוסדות וואס איגנארירן זיי גענצליך און מאכן זיך בכלל נישט וויסנדיג, און נעמען גארנישט קיין פעטוועי, און דאס איז פאר זיי דאס ערגסטע, סאך ערגער ווי די מוסדות וואס נעמען יא א פעטוועי אפילו די יעצטיגע נייע געזעץ-פעטוועי,
ווייל די מוסדות וואס איגנארירן און נעמען גארנישט קיין פעטוועי, אפילו אויב ער קען איהם סטראשענען - צי טון למעשה - צוצונעמען די סקול סטאטוס און אפשטעלן די פאנדינג, איז דאס בכלל נישט וואו זיי ווילן אנקומען, זיי ווילן עכט אז די מוסדות זאלן 'יא' בלייבן סקולס און ווייטער בלייבן אונטער זייערע נעגל צו באלעבאטעווען אויף זיי און איינטיילן וועלכע לימודים צו לערנען, און דאס גייט ער בכלל נישט דערגרייכן ווען א מוסד איגנארירט זיי און נעמט נישט קיין פעטוועי און עפנט ניטאמאל די טירן צו אריינלאזן די אינספעקטארס,
דעריבער איז פאר די עדיוקעשאן דעפארטמענט סאך בעסער אז די מוסדות זאלן 'יא' נעמען כאטש די יעצטיגע נייע געזעץ-פעטוועי, און 'יא' וועלן אנהאלטן מיט אלע פאנדינג, אפילו ווען אויבנאויף קען אויסזעהן אז ער קען דערווייל גארנישט טוהן פארן מוסד, האלטן זיי שוין זיכער אינמיטן וועבן שטילערהייט זייערע פינסטערע פלענער וויאזוי נאכדעם צו מאנעוורירן די אלע פעטוועי מוסדות צי קענען צוביסלעך אריינדרינגען און זיכער מאכן אז קומט נאך אלע התחייבות פונעם געזעץ.
