קרית ברסלב - ליבערטי, ניו יארק

[Coventry]

מען ארבעט פיבערהאפטיג צו פארענדיגן די נייע ביהמ"ד 'היכל דוד' אין שטעטל - עש"ק בהר בחוקותי תשפ"ה

[Coventry]

ביים אויספלאסטערן די אריינגאנג צום נייעם בית המדרש אין שטעטל - א' במדבר תשפ"ה

[Coventry]

מען האט שוין אינסטאלירט די פלאר אינעם נייע ביהמ"ד אין שטעטל - ב' במדבר תשפ"ה

[מטות מיכל]

כ'בין לעצטענס געווען דארט אין געגנט, האב איך אויסגעטשעקט די סייט. וואף! קומט עפעס מאסיוו!!

די מערסטע איז מיר געפאלן אז אלעס איז געמאַכט פשוט שיין ווי עס פאסט פאר א בית מקדש מעט. גארנישט פענסי. קוק אויף די לייטס אין ביהמד וועסטו פארשטיין וואס איך מיין

[מטות מיכל]

ריזיגע היכל, די אלטע ביהמ''ד גייט ווערן 3 מנינים שטיבלעך. צוויי ריזיגע עשרת נשים. א מקוה 3 בורות ארום 30 שאווערס

[טראכט גראד]

כ'בין לעצטענס געווען דארט אין געגנט, האב איך אויסגעטשעקט די סייט. וואף! קומט עפעס מאסיוו!!

די מערסטע איז מיר געפאלן אז אלעס איז געמאַכט פשוט שיין ווי עס פאסט פאר א בית מקדש מעט. גארנישט פענסי. קוק אויף די לייטס אין ביהמד וועסטו פארשטיין וואס איך מיין

יא קוקענדיג די אפדעיטס דא זעה איך אז מען נוצט די געלט קלוג און אויסגרעכנט...

[מטות מיכל]

געהערט האב איך אז די קאנטרעקטער Fast Builders ארבעט אויף קאסט פרייז (נישט קאנפירמד) די סובס נישט

[Coventry]

ביים סקרעיפן די פלאר אינעם נייע ביהמ"ד אין שטעטל - ג' במדבר תשפ"ה

[Coventry]

דער געטרייע גבאי מו"ה אברהם הערש וועבערמאן הי"ו ביי די ארבעט פון אהער שטעלן די טישן אין בענקלעך פאר די נייע ביהמ"ד אין שטעטל - ג' במדבר תשפ"ה

[קאנטראקטאר]

דעי חברה בויען שנעעעל !!

[מטות מיכל]

@Coventry
גיב איבער אז די וועג פון די ראוד צום שול איז היבש בערגיג. וואלט געווען א גוטע איידיע צו מאכן טרעפ

[Coventry]

ביים צוענדיגן די נייע מקוה אין שטעטל - ד' במדבר תשפ"ה

[Coventry]

מען אינסטאלירט די טרעפ ארויף צום נייעם ווייבער שול אויפן רעכטן זייט פונעם נייע ביהמ"ד אין שטעטל - ד' במדבר תשפ"ה

[Coventry]

א בריוו פון די ראש ישיבה שליט"א איבער די נייע שוהל

בעזרת ה' יתברך - יום ה' פרשת במדבר, ב' סיון, מ"ו לעומר, שנת תשפ"ה לפרט קטן

לכבוד ... נרו יאיר

היינט נאכט וועט זיין די וועכענטליכע שיעור, אמאל פלעגסטו קומען צו די שיעורים מיט א דורשט, מיט א שטארקע געפיל; יעדע ווארט, יעדע שיחה פון רבי'ן - איז דיר געווען טייער, האסט באקומען אזויפיל חיזוק אויף לערנען, דאווענען און אויף מכבד זיין די ווייב וכו'. באניי זיך און ווער פריש מקורב, וועסטו אזויפיל פארדינען, די לעבן וועט דיר אריבערגיין מיט אזויפיל גוטס.

געב דיינע צדקות צו בויען דעם רבינ'ס מוסדות. מוהרא"ש האט מיר געזאגט איך זאל געבן מיינע צדקות פארן אוועק שטעלן מוסדות וואס פארשפרייטן דעם הייליגן רבינ'ס עצות און חיזוק פאר די גאנצע וועלט. אמאל איז געקומען איינער פון אנשי שלומינו און מיר געבעטן איך זאל אים העלפן ארויסקריכן פון זיינע חובות, איך האב גלייך אנגעהויבן רעדן מיט מענטשן זאלן זיך אנשליסן מיט שיינע סכומים. שפעטער האב איך דערציילט פאר מוהרא"ש אז איך נעם צאם געלט פאר דעם און דעם, מוהרא"ש געבט א קוק אויף מיר און זאגט מיר: "דער וועט זיך אן עצה געבן, דו זאלסט שאפן געלט אוועק צו שטעלן מוסדות וואס פארשפרייטן דעם רבינ'ס עצות פאר די וועלט".

איך האב געהאט אסאך פעלער וואס איך האב אוועק געגעבן מיינע לעצטע פרוטות, ווייל מיין טבע איז זייער א ווייכע, איך ווער צעריסן ווען איך זע ווי איינער גייט קלייבן צדקה און זאגט ער האט נישט, און שפעטער האב איך געזען אז איך האב זיך גענארט, עס זענען געווען אזויפיל מעשיות וואס איך האב געגעבן מיין ביסן ברויט, בשעת יענער האט אוועקגעלייגט געלט און אין זיין מח האט ער נישט קיין געלט, ווייל די געלט האט ער אוועק געלייגט פאר דירות וכו'; דאס האט מיך נאכאמאל געשטארקט צו געבן מיינע צדקות פאר די מוסדות וואס פארשפרייט דעם הייליגן רבינ'ס עצות אויף די וועלט.

אם ירצה ה' שבועות וועל איך זיין אין שטעטל, מיר וועלן באנייען דעם גרויסן שול "היכל דוד". איך האב געהאט אן אינטערעסאנטע מעשה, סוף ווינטער ווען איך בין געווען שבת אין שטעטל ביי מיין איידעם נתנאל נרו יאיר, שבת נאכמיטאג אין שול איז צו מיר צוגעקומען האברך דוד לאקס נרו יאיר און מיר געזאגט אז ער וויל געבן א האלב מיליאן דאלער פאר די נייע שול, עס זאל זיין א זכות פאר אים לדורות. דאס איז געווען אן בעטן. דאס איז א מעשה פון תפילה. איך האב נישט געוואוסט וואס וועט דא זיין, פון וואו וועל איך נעמען די געלט צו בויען דעם שול? איך בין אריין אינעם בויען על דעת עס וועט קאסטן אפאר הונדערט טויזנט דאלער, למעשה האט דאס אריינגעשלעפט אין גאר גרויסע געלטער, איך האב געשמועסט מיטן אייבערשטן, און אזוי איז ער צו מיר צוגעקומען בעטן אויב ער קען האבן די זכות. דאס וועט אים טאקע זיין א זכות לדורות, ווייל אז מען בויט א שול אדער מקוה, אדער סיי וואס פאר צרכי צבור - איז אלע תורה, תפילה און גוטע זאכן וואס מען טוט דארט - לזכות די וואס האבן דאס געבויט.

אויך האט מיר האברך שבתי מזרחי נרו יאיר געזאגט אז ער געבט א האלב מיליאן דאלער פאר די זכות פון די מקוה, און אויך האברך מנחם שטיינבערג נרו יאיר האט געגעבן הונדערט און פופציג טויזנט דאלער פאר די שול.

אז אנשי שלומינו טראכטן ריכטיג וואס צו טון מיט געלט, צו בויען שול'ן און מוסדות פאר די קינדער, מקוואות, עס זאל זיין א זכות פאר זיי דא און אויבן אויף יענע וועלט.

די ערשטע זאך זאלסטו באצאלן שכר לימוד, און אז דיין טאטע האט פאר דיר נישט געצאלט קיין שכר לימוד די אלע יארן וואס דו האסט געלערנט אין ישיבה - זאלסטו עס באצאלן. שכר לימוד איז נישט קיין נדבה זאך, עס איז א חיוב וואס ליגט אויפן מענטש צו צאלן, און נאר אז מען צאלט שכר לימוד איז דא א ברכה.

דער אייבערשטער זאל העלפן זאלסט האבן הצלחה אין אלע ענינים.

[Coventry]

די ארבעט ביי די אריינגאנג צום נייע ביהמ"ד אין שטעטל - ה' במדבר תשפ"ה

[Coventry]

עס ווערט דעליווערט די סעפטיק סיסטעם פונעם נייע ביהמ"ד אין שטעטל - ה' במדבר תשפ"ה

[Coventry]

די פלאר פונעם נייע ביהמ"ד אין שטעטל הערליך געסקרעיפט - ה' במדבר תשפ"ה

[Coventry]

ביים פאררעכטן די אריינגאנג פונעם יעצטיגן שול אין שטעטל - ה' במדבר תשפ"ה

[Coventry]

די ארבעט ביי די ערשטע שטאק פונעם נייע ביהמ"ד אין שטעטל רוקט זיך ב"ה מיט א שנעלקייט - עש"ק במדבר תשפ"ה

[Coventry]

די נייע מקוה אין שטעטל שיין צוגע'ענדיגט - עש"ק במדבר תשפ"ה

[Coventry]

מו"ה אייזיק אפפעל הי"ו ביים צוגרייטן די בלומען פארן נייע ביהמ"ד אין שטעטל לכבוד שבועות - ערב שבועות תשפ"ה

[Coventry]

דער ראש ישיבה שליט"א ביים באטראכטן די ארבעט פון צוענדיגן די נייע ביהמ"ד אין שטעטל אויף יום טוב - ערב שבועות תשפ"ה

[Coventry]

די נייע ביהמ"ד אין שטעטל שיין אנגעגרייט לכבוד שבועות - ערב שבועות תשפ"ה

[Coventry]

פרייליכע טענץ אינעם נייע ביהמ"ד אין שטעטל - מוצאי שבועות תשפ"ה

[חצקל משמש]

וויפל משפחות זענען שוין דא דארט?