לאמיר פרובירן אריינצוקומען מיט א שטיקל שיעור כללי אין דעם נושא.
איך בין
אריינגעקומען מיט א תגובה פאריאר נאך לג בעומר, איר קענט צוריקגיין קוקן, איך האב נישט געשילדערט קיין איבערגעטריבענע געשיכטעס, נאר פארציילט וואס מיין ווייב האט געהאט, דברים כהוייתן.
איך האב אין מיין תגובה נישט אראפגעריסן קיין עסקנים, און נישט געזאגט אז מען שטעלט נישט צו. פארקערט, ווער ס'קען מיר ווייסט אז איך בין אין רוב פעלער פראו עסטעבלישמענט, און ספעציעל ווען עס קומט צו די עסקנים וועלכע ארבעטן מיט'ן גאנצן כח שלא על מנת לקבל פרס, בין איך א שטארקע סופארטער.
נאר וואס דען? איך האב געהאט צוויי וואלידע נקודות צו מעיר זיין.
ערשטנס, אז אויב קען מען נישט צושטעלן טראנספארטאציע פאר פרויען, זאל מען נישט שרייבן אז מען שטעלט יא צו.
צווייטנס, אז מ'דארף האבן פרויען עסקניות, ווייל דער מציאות איז אז די מענער עסקנים כאפן נישט אז ביי די פרויען איז א גאנצע אנדערע געים, און מען דארף ארויסהאבן זייערע געברויכן.
אזא תגובה, וואלט דורך נארמאלע עסקנים, געענטפערט געווארן אז א דאנק פאר'ן מעיר זיין, יא, פאריאר איז טאקע געווען פראבלעמאטיש, און מיר פרובירן עס צו פארבעסערן.
אבער אנשטאט עס האנדלען אויף דעם וועג, האבן די עסקנים אויסגעוועלט דעם אלטן טראדיציאנאלן מהלך פון אפשפעטן פון די מעוררים, און געשיקט
@דער תהלים איד ענטפערן (דאס איז דאך אפן געזאגט געווארן דורך אים אז ער ברענגט די אינפארמאציע פון נפתלי יצחק), באשפרענקלענדיג יעדע ענטפער זיינעם מיט אזעכע ליצנות'דיגע וויצלעך, כלומר; שוין ווייטער האט ער געטראפן אויף וואס צו קאמפלעינען.
יעצט, איך פלאן נישט צו טוישן מיין געשעצטער ידיד
@דער תהלים איד , און איך פלאן נישט צו מאכן אז ער זאל פארשטיין וואס איך שרייב דא. אבער נפתלי יצחק טייערער, אויב ליינסטו דא, ביטע נעם מיינע ווערטער ערנסט (איי, פארוואס שרייב איך אין פובליק? גערעכט, ווען איך ווייס ווען אז מיין אריגינעלע תגובה וועט גענומען ווערן נעגאטיוו וואלט איך עס נישט געשריבן פובליק אין פירסט פלעיס. אבער אז מ'האט געשיקט תהלים איד מיר ענטפערן אין פובליק, וועל איך מוזן אפענטפערן זיינע אטאקעס).
גלייבט מיר, איך וואלט קיינמאל נישט געזאגט אזעלכע ווערטער, און זיכער נישט אין פובליק, אבער פארפאלן, ווען מ'באהאנדלט קאמענטארן אויף אזא וועג, ווערט עס פון א הערה צו א העצע.
דערפאר זאג איך, אז צו מיין איבערראשונג, האבן די אינגע עסקנים גענומען דעם אלטן מהלך פון נישט דערהערן קיין קאמענטארן.
*
לאמיר נאר אנכאפן איין משל וואס הייסט געענטפערט "אמת" אבער נישט צום זאך:
שטעלט אייך פאר ווען ערב יום טוב, ווען בעיקערטאון איז א טאטאלע גרידלאק, זאל די ווילעדזש שיקן תהלים איד שרייבן אויף אידטיש אז "נע, ס'איז נישט אזוי געפערליך, איך זע יעדע 5 מינוט א קאר זיך ארויסדערזען פונעם גרידלאק... ס'הייסט אז דער סיסטעם ארבעט יא אביסל, נאר שימפן און שעלטן גלייכט יעדער, בלא בלא בלא בלא... און עניוועי, דו ווייסט וויפיל געלט די ווילעדזש האט פאריאר אינוועסטירט אין טרעפיק אימפראוומענט? אודאי, מען קען ווען צושטעלן העליקאפטערס, אבער נאכאמאל בלא בלא בלא..."
וואלט איינער אזא ארגומענט בכלל אקצעפטירט?!
דאס זעלבע איז דא, און דאס איז געווען מיין אריגינעלע תגובה. דו קענסט נישט שרייבן אז דו גייסט צושטעלן טראנספארטאציע, ווען באמת האסטו א מיליאן תירוצים פארוואס דו קענסט נישט. ס'גייט נישט אזוי!
רוב פרויען קומען מיט קליינע קינדער און קערידזשעס, און צושטעלן באסעס וואס קענען דאס נישט נעמען, מיינט אז ס'פעלט - אין בעסטן פאל - עסקניות וואס זאלן קענען אנצייגן אז דער סיסטעם גייט נישט ארבעטן.
ליין איבער מיין אריגינעלע תגובה וויאזוי ס'האט אויסגעקוקט נאך די הדלקה, איך האב קיין ווארט נישט איבערגעטריבן!! און זאג דו מיר צי דאס הייסט אז די סיסטעם האט אפילו אביסל געקלאפט.
*
דער תהלים איד האט געשריבן: ↑מיטוואך מאי 07, 2025 2:37 pm
@פופציגער סארי טו דיסעפוינט יו, איך געדענק ווען דער ברך משה ז"ל האט געזאגט אויף א געוויסע מדריכה אז מ'טאר נישט ארויסגיין קעגן איר ווייל דעמאלס וועט יעדער גיין צו איר... זאגנדיג "ניבול פה האט יעדער ליב!..."
די זעלבע דא: די איינציגסטע זיסקייט אין דיינע ווערטער איז אז: שימפן און שמייסן האט יעדער ליב!
ליין איבער מיין אריגינעלע תגובה. האב איך געשימפט? געשמיסן? אדער עניטינג ענליך צו דען פאר דו ביסט אריינגעקומען מיט דעם לא יצמח'דיגן שפראך?
אבער דו שטעלסט אראפ פאקטן אז איך האב געזאגט אז ס'איז געווען גענוג באסעס, אדער אז ס'איז נישט געווען קיין דיזעסטער, און דו באכעסט און זעצסט אויף די "לאנג באקאנטע אנגענומענע יעדער-ווייסטע'דיגע משוגענע צודרייטע אומבאלימפערטע קרית יואל'ישע ציגאנערישע בת היענה'דיגע צוגאנג פון לייקענען דעם פראבלעם"!!!!!!!!!!!!!!
בעט איך דיר: ליין ביטע איבער!
דאס איז פון דיינע ווערטער ווי דו לייגסט אראפ כאילו מען טרייבט איבער אז ס'געווען דיזעסטער:
דער תהלים איד האט געשריבן: ↑מאנטאג מאי 05, 2025 12:46 pm
3) פאריאר איז געווען א געוואלדיגע הצלחה, און א געוואלדיגע דיזעסטער. יעדער וועט זאגן לויט די עקספיריענס וואס ער פערזענליך האט געהאט אז דאס איז געווען "די זאך מיט יעדן"... אבער אמת, ס'איז געווען א גרויסער ציבור וואס האט געהאט פראבלעמען און מ'לייגט אריין כוחות עס צו פארבעסערן.
און דאס איז פון דיינע ווערטער וואו דו שילדערסט מיר אז איך פארלאנג מ'זאל צושטעלן די וועלט:
דער תהלים איד האט געשריבן: ↑מאנטאג מאי 05, 2025 12:46 pm
5) אין שיעור למעלה, פאר נאך געלט קען מען אפילו צושטעלן העליקאפטערס און עמעזאן דראונס. אבער... מען שוויצט צו מסדר זיין דאס בעסטע שייך!
זאגסטו אז האסט שוין געליינט, און דו קומסט נאכאמאל מיט די זעלבע אייגן-געבראטענע העסליכע אויסגיסענישן.
מורינו! אויב דו ברויכסט הילף שריי נישט אויף מיר. דו ביסט "טאקע" זייער פרא-עסטעבלישמענט, און איך אסאך מאל אויך. דער חילוק איז: מיין אויסנאם איז: "ווען זיי זענען נישט גערעכט" (דו ווייסט עס). און דיין אויסנאם איז: "ווען דו ביסט באטראפן פערזענליך". איינמאל דו ביסט באטראפן, איז נישטא מער צו וועמען צו רעדן. פאקטן שמאקטן... מאכט גארנישט אויס...
עגעין! איך האב קיינמאל נישט אוועקגעמאכט דיין ערשטע תגובה! קיינמאל! האסט זייער גוט ארויסגעברענגט אז ס'איז געווען א דיזעסטער! כאטש האסט פיין מגזים געווען ווי כאילו ס'איז "בכלל נישט געווען קיין באסעס", האסט געגאסן אפאר גאלאן זאלץ און פעפער, ווייל ס'איז געווען באסעס ביג טיים, אבער היות למעשה איז טאקע נישט געווען גענוג, און די וואס יא זענען געפארן צו לאנג און ס'האט געדויערט זייער לאנג זיי זאלן אנקומען צוריק, האב איך דיר נישט געענטפערט אז ס'איז יא געווען אלעס מסודר.
נאר? אז קיין שלימות קען נישט זיין פאר אזא פארקער, אבער מען גייט נאכאלס מאכן שינויים לטובה! דאס און נאר דאס האב איך דיר געענטפערט, און עקטשולי, ניטאמאל געענטפערט, נאר אויסגעקלארט פאקטן וואס דער עסקן האט מיר געזאגט, נישט ווייל איינער צאלט מיר דערפאר, נאר פאר איין סיבה, ווייל כ'האב כ'האב געזען ווי ווייט ס'טוט וויי פאר עסקנים אז מען רייסט זיי אראפ על לא דבר!
איך האב אראפגעריסן עסקנים? נישט פאר דו האסט אנגעהויבן נאכברענגען זייערע ציגאנערישע תירוצים
די איין משוגעת וואס גייט דיר אויף די געהירן פארוואס איך פארצייל די סוד אז ס'האט געקאסט עשרות אלפים, דאס האב איך בכלל נישט געשריבן פאר דיר, נאר פאר דעם וואס האט זיך אנגערופן אז אויסער די ווילעדזש באסעס איז גארנישט געווען ווייל:
משה נייעס האט געשריבן: ↑זונטאג מאי 04, 2025 4:03 pm
מען וויל דאך נישט צאלן...
איך האף דו קענסט ענדיגן ליינען מיט א שמייכל. ביטע.
*
בקיצור, איך זע שוין אז דאס גייט נישט אין ערגעץ.
דא גייען נישט זיין קיין פרויען עסקניות, און מען גייט זיך ווייניג קימערן מיט די פרויען.
מען וועט צושטעלן נאך אפאר באסעס און שיקן תהלים איד שרייען אויף אידטיש.
א פרייליכן פורים.
