Azoi Tzi Zugen האט געשריבן: ↑דינסטאג אפריל 08, 2025 3:46 pm
נקודות טובות האט געשריבן: ↑דינסטאג אפריל 08, 2025 2:04 pm
פשוט און גראד האט געשריבן: ↑דינסטאג אפריל 08, 2025 1:37 pm
איך שטיי אין איך שטוין וויאזוי דער ירים הודו פערפארמד. לאו דוקא אויפן חלק הפאליסי, נאר אויפן חלק פון זיין שטאנדהאפט מיטן נישט געבן קיין קריץ אויף גארנישט.
כ"ז ער איז איבערגעצייגט - אויף עניטינג, אז ס‘איז א טובה פאר זיין לאנד, קען זיך די גאנצע וועלט איבער דרייען. אין גייט אן כאילו כ‘ווייס נישט וואס.
ב"ה אינז האבען די תורה הק׳ פון וואס זיך אפצולערנען, אינז דארפן נישט צוקימען דעיס צו לערנען פון א פראסטער גוי, אבער ס‘איז מיר אינטערסאנט דעיס צו אבסערווירען.
ב"ה שלא עשני גוי!!!
אשריך, אשריך!
אכט יאר וואס געוויסע זענען זיך כאילו מורה היתר צו רעדן און באווינדערן דעם טראמפ, מיטן אויסרייד אז ס'איז א לימוד פאר אונז אידן. @פשוט און גראד זאגט אונז ניין! איך באוואונדער דאס דרייסטקייט פון טראמפ סתם אזוי. ס'איז שווער צו פארשטיין ווי אזוי א ילוד אשה נעמט די כח און די פלייצעס זיך צו שלאגן מיט די גאנצע וועלט, כל זמן ער פארשטייט אז ער טוט ריכטיג. נישט נאר באוואונדערט ער אים, נאר ער איז גאר איינשטימיג מיט אים אויף רוב אמעריקאנע פאלעסיס.
אבער לייגט אונז @פשוט און גראד צו, שלא עשני גוי! איך רעד פון אים פאר אינטערטעימענט, קיינמאל וועל איך מיך פון אים נישט אפלערנען! ער איז א גוי, און איך בין א איד. איך בין אסאך אסאך העכער פון אים! ער איז נישט מיין העלד! איך וועל מיך אפלערנען פון די תורה הקדושה, און פון די וואס לערנען איר!
איך ווייס נישט אויב דאס איז געווען דיין כוונה, אבער דאס איז וואס איך נעם ארויס דערפון. געוואלדיג געוואלדיג! מורא'דיג!
גוט גוט. אבער צו באוואונדערן די יעצטיגע שטארקייט מוז מען נאך געבן צייט און זעהן וואס די ענדע וועט זיין. מיט רוסלאנד איז ער דערווייל א געזונטע דורכפאל. ער האט געמיינט אז בארעדן אוקריינא גייט העלפן חנפ'נען רוסלאנד און א דיעל גייט גיין געשמירט, און פון זיין שטארקייט צו גיין קעגן שטראם און שפייען אויף א פריינט איז גארנישט געבליבן ביזדערווייל. סאו.... לאמיר זעהן.
ס'דאך נישט מיין געדאנק, די געדאנק געהערט פאר
@פשוט און גראד, און ער האט שוין גענטפערט. שטארקייט איז נישט סוקסעס. שטארקייט איז טוהן וואס קוקט דיר אויס פאר ריכטיג, און נישט קוקן אויף קיינעם. ס'איז באמת צום באוואונדערן. אלע עקאנאמיסטן סטראשענען אז דא קומט א וועלטס ריסעסיע, אבער ער האלט זיך מיט זיינס פעלזען פעסט.
אבער ס'קוקט אויס אז פון מיר ווילסטו עפעס הערן וועגן רוסלאנד אוקריינא. איך מיין אז איר ווייסט וואס איך האלט איבער דעם. ווען טראמפ זאל מיר פרעגן, וואלט איך אים געזאגט, לאז לויפן. זאלן זיי זיך אויסרייסן ביז איינער פון זיי וועלן אויסבלוטיגען, זאלן זיי זיך אליינס דורכקומען. ס'איז א שאד צו פארניצן געלט, צייט, און ענערגיע פאר זאכן וואס ברענגט דיר גארנישט.
מיסטער טראמפ, דו ביסט א דורכפאל נישט ווייל דו האסט געהאלטן אז דו קענסט ברענגען שלום אין 24 שעה, און למעשה האסטו עס נישט באוויזן. נאר דו ביסט א דורכפאל פארן ווילן פראוון פאר די וועלט אז טראמפ קען אלעס! ניין שעפעלע, טוב וואס איז איר האלט פאר ריכטיג. הער אויף קוקן אויף די וועלט, און זיך פראוון! איי יענער שרייט? נו נו, קענסט שרייען. וואס האט געלייגט טראמפס ערשטע טערמין אין דער ערד איז געווען די כסדר'דיגע זיך פארענטפערן און מאכן זיכער צו האבן א גוטן אימעדזש.
די כסדר'דיגע סטעיטמענט אז ווען איך בין ווען פרעזידענט וואלט דאס נישט געשעהן, דאס איז די יסוד פון אלע דורכפעלער פון טראמפ. ס'איז גארנישט, מעגסט אויך דורכפאלן. ביסט נישט פערפעקט. דו האסט באקומען די מאנדאט פון פרעזידענט, טו וואס איז ריכטיג אין דיינע אויגן. אן אמת'ע דורכפאל פאר א פרעזידענט איז ווען טשיינע גנב'עט אוועק די גאנצע עקענאמיע, און ער זיצט מיט פארלייגטע הענט. אז צוויי דריטע וועלט לענדער וואס זענען ניטאמאל דיינע קאזענס שלאגן זיך ארום, איז נישט קיין שום דורכפאל. דו ביסט נישט גאטס פאליציי מאן! דארפסט בכלל נישט נעמען ריספאנסעבילעטי.
(ובאמת, איך האלט אז טראמפ האלט אויך אזוי, ער זעהט אויך נישט ווי אזוי אמעריקע וועט בעניפעטירן פון א רוסלאנד אוקריינא שלום. אים טרייבט נאר צו קענען ווייזן פאר די וועלט ווער טראמפ איז, און דערפאר האט ער נישט קיין הצלחה!)
