מפתח כשר'ע גראסערי'ס/רעסטאראנטן איבער די היימישע געגנטער אין אריזאנע - חורף תשפ"ה.
איך וועל פרובירן צו שרייבן אלע פלעצער וואס איך געדענק, אבער עס וועט זיכער נישט זיין א דבר המושלם נאר עס זענען דא אסאך מער ווי וואס איך שרייב, אזוי אויך וועל איך פרובירן צו פונאנדערשיידן צווישן גראסערי'ס, בוטשער'ס און רעסטעראנטן, לאמיר האפן כ'וועל מצליח זיין.
לגבי די פארלעסליכקייט פון די הכשרים קען איך עכט נישט אריינרעדן, איך וועל פרובירן צו שרייבן ווי איך ווייס די מצב אביסל מער, אבער איר זאלט ביטע אנפרעגן אייער לאקאלע רב (אדער איינער וואס קען זיך בעסער אויס ווי מיר) לגבי עסן אין סיי וועלכע פון די רעסטעראנטן, פיניקס וועד אדער חב"ד זענען די הכשרים וואס רוב רעסטעראנטן האבן, אבער די מצב איז אנדערש אין יעדע פלאץ, און עס מיינט נישט אז ווייל מען קען עסן אין איין פלאץ קען מען אויך עסן אין די צווייטע.
פיניקס:
גראסערי'ס/פלייש:
אימפעריעל קאשער, פארמאגט רוב היימישע כשר'ע פראדוקטן אזוי אויך געוויסע פלייש פון היימישע הכשרים, זיי זענען בדרך כלל 'זייער' טייער אויף א גרויס חלק פראדוקטן, נענטער צו די פרייזן וואס מען זעהט געווענדליך פלארידע .
קעניאן גלאט, א היימישע בוטשער אונטער די השגחה פון די פיניקס וועד און וועד הכשרות קאסא גראנדע וואס איז כהיום אונטער הרב חיים שלמה בערגער, דער בוטשער פארמאגט אויך א פולע ליין פון גראסערי פראדוקטן, מער ווייניגער אלץ וואס מען קען דארפן, זיכער אויף ווען מ'פארט אויף וואקאציע.
שאפ ענד סעיוו, א היימישע בוטשער פון ר' משה פריעד 845-274-1618, (א חסידישע יונגערמאן אין פיניקס), אונטער די השגחה פון די פיניקס וועד, מען קען דארט באקומען רוב פלייש פראדוקטן אין די ארגינעלע פעקעדזשינג פון אלע היימישע השגחות אין ניו יארק און עס איז רעקאמענדירט צו טאקע נאר קויפן וואס מ'זעהט אין די ארגינעלע פעקעדזשינג.
רעסטעראנטן:
לא בעלא, א מיליכיגע רעסטעראנט אין די היימישע געגנט אין פיניקס, דער רעסטעראנט איז אונטער די פיניקס וועד, אבער עס הייסט איינער פון די מער פארלעסליכע פלעצער, אלע פראדוקטן זענען חלב ישראל און פת ישראל.
עס זענען דא אין פיניקס נאך עטליכע רעסטעראנטן, איך בין אבער קיינמאל נישט דארט געווען במילא וועל איך דאס בלויז שנעל דערמאנען,
מאנהעטן פיצא - אונטער די השגחה פון חב"ד, זיי זאגן אז עס איז אלעס חלב ישראל, מידעטרעניען גריל - איך האב נישט קיין אנונג ווער די בעל מכשיר איז, סמעש גריל - פליישיגע רעסטעראנט אונטער פיניקס וועד, זאיא יאגורט - האט מילכיג 'חלב סתם' אבער האט אויך פארווע.
סקאטסדעיל:
גראסערי'ס:
עס זענען דא עטליכע גרויסע אלגעמיינע געשעפטן וואס האבן א גאנצע כשר'ע אפטיילונג ווי מען קען קויפן אסאך היימישע פראדוקטן (אריינגערעכנט מילכיגס און פלייש), זיי האבן אבער נישט אלעס און אסאך מאל קענען די שעלווס זיין ממש אפגעליידיגט און עס איז שווער צו וויסן ווען עס גייט ווערן צוריק אנגעפילט, פאלגענד איז די אדרעסס פון צוויי Fry's סופערמארקעט'ס וואס האבן אסאך כשר'ע פראדוקטן, די טרעדער דזשאו'ס אין געגנט האבן אויך גרויסע כשר'ע איילס איך בין אבער נאכנישט געווען דארט.
דער frys האט מער כשר'ע פראדוקטן,
דער frys האט ווייניגער פראדוקטן אבער האט געווענטליך מער אנגעפילטע שעלווס
עס איז אויך דא א גראסערי גלייך נעבן די רעסטעראנט פאטא מארגאנא, די פרייזן זענען 'זייער' טייער פאר סיי וועלכע פראדוקט איר וועט נאר טרעפן,
דא האט איר א לינק צום אדרעסס.
רעסטעראנטן:
עס זענען דא עטליכע רעסטעראנטן אין סקאטסדעיל,
פאטא מארגאנא - פליישיגע רעסטעראנט אונטער די השגחה פון חב"ד, מילק ענד האני - אונטער די פיניקס וועד (זיי האבן 'אויך' חלב ישראל פראדוקטן).
די מערסט אנגענומען ביים היימישן ציבור (טראץ וואס עס מיינט נישט אז עס האט א גוטע השגחה, עס איז פשוט אז די בעלי בתים זענען ערליכע אידן משא"כ געוויסע פון די אנדערע), איז
קיטשען 18, עס איז א פליישיגע רעסטעראנט (האט אויך אסאך פארווע פראדוקטן) אונטער די השגחה פון חב"ד, עס הייסט אז מען קען מאכן זיכער מיט זיי בעפאר, וועלכע השגחה פלייש זיי נוצן פאר וועלכע פראדוקט און אזוי אויסוועלן וואס מען קויפט.
קאסא גראנדע:
גראסערי:
קאושער קעניאן - גלייך נעבן די בית המדרש אויף E8 St, עס האט כמעט אלע כשר'ע פראדוקטן וואס מען קען נאר דארפן, דער גראסערי האט א סעלף טשעקאוט און מען דארף האבן א אקאונט דארט צו קענען קויפן.
רעסטעראנטן/דעליווערד עסן:
סאלט ענד פעפער - פולע פעקעדזשעס פון שבת עסן און אזוי אויך טעגליכע סאפער'ס אונטער די השגחה פון משמרת הכשרות - הרב יחיאל שטיינמענץ שליט"א, זיי דעליווערן די עסן צו אייך אין אכסניא (זיי דעליווערן אויך קיין פיניקס, סקאטסדעיל און טוסאן אבער עס איז דא א מינימום ארדער פרייז).
געשמאק - שבת עסן אונטער די השגחה פון וועד הכשרות ד'קאסא גראנדע וואס איז כהיום אונטער הרב חיים שלמה בערגער.
מאן - א מילכיגע רעסטעראנט גלייך נעבן די קאושער קעניאן גראסערי, זיי זענען אפן רוב צייטן ווען עס איז דא א שטארקע געסט סעזאן, סעלף סערווינג, סעלף טשעקאוט.
טוסאן:
ביי בראונער'ס ישוב איז דא א געשמאקע גראסערי מיט אלע וויכטיגע פראדוקטן וואס מען קען דארפן ווען מ'איז אויף וואקאציע, דער גראסערי איז אפן אין די צייטן ווען די רעזארט איז אפן (בערך צווישן חנוכה ביז פורים).
- - -
ווי אלעמאל, פאר סיי וועלכע אינפארמאציע קענט איר זיך פארבינדן מיט מיר אין אישי און איך וועל פרובירן אייך ארויסצוהעלפן אויב מעגליך.
