לחשוב ולהודות ולנקד נקודות

[נקודות טובות]

לעצטענס האט @Think and Thank זיך ארויסגעלאזט אויפן יאגד אויסלערנענדיג דעם עולם שרייבן. איין מאל איז ער מעורר איבער עפעס א גראמאטישע טעות, א צווייטע מאל איבער א טעות אין אויסלאגע. ווידער א דריטע מאל איבער א יסוד אין כתיבה, און א פערטן מאל איבער שפראך זעלבסט.

מאן יימר דער וועמען ער ציטירט איז בכלל נייגעריג אין וואס ער זאגט? אדער אפשר גאר ווערט יענער באליידיגט? ווער ווייסט?

@Think and Thank איך זעה דו האסט אסאך ידיעות אין כתיבה וויל איך דיר לאזן וויסן אז סיי ווען דו שפירסט אז דו מוזט קאמענטירן אין די נושא, קענסט עס רואיג טוהן דא, און אויף מיר. איך וואלט עס דוקא יא עפרישיעטעט. איך וואלט באמת הנאה געהאט ווען דו קענסט טרעפן פראבלעמען אין מיין ספעלינג, גראמאטיק, אדער סיי וועלכע נושא אין כתיבה. און מיר פארבעסערן.

איך גיי דיר נישט באצאלן צו זיין מיין פערסאנעל מגיה, איך רעד פארשטייט זיך נאר ווען דו ביסט אין די מאד....

[Think and Thank]

וויצע פרעזידענט ווענס פארציילט א בייהיינד די סינס געשיכטע ביי א ערב קראצמעך פארטי.

ער איז געזיצן מיט מארקא רוביאו אינעם אוועל אפיס ביי א וויכטיגע זיצונג, אינאיינעם מיט נאך א פאליטישן וואס ער וויל נישט דערמאנען זיין נאמען. ווען דער פרעזידענט רופט זיך אן; מיר דיסקוסירן יעצט א וויכטיגע נושא, אבער ס'איז דא עפעס וויכטיגער. שוך!
ענקערע שוך זענען אפגעריבן און ענק ברויכן נייע.
דער פרעזידענט איז געלאפן און געברענגט א קאטאלאג און אנגעהויבן פרעגן די אנוועזנדע זייערע שוך סייז, זאגענדיג אז ער וויל זיי קויפן פיר נייע פאר שוך.
רוביא רופט זיך אן, סייז 11.5. איך (ווענס) זאג סייז 13. און יענער דריטער זאגט סייז 7...

די ווייסט אז די שוך סייז זאגט אסאך איבער די פערזענליכקייט פונעם מענטש?! זאגט טראמפ.

און איך וועל נישט בעטן מיין ווייב צו קאמענטירן... פירט ווענס אויס.

לשון יחיד איז שוך, לשון רבים איז שיך.
(און די זעלבע איז מיט פוס/פיס, הונט/הינט, ברודער/ברידער.)

[הדסים]

רביעית שבאם היה איזה דבר מקובל אצל כל ישראל וביניהם צדיקים וקדושים א"א לפסלו במחי יד מפני שאין אנו מבינים איך זה תואם לפסקי הרמב"ם.

'אין זה תואם לפסקי הרמב"ם' קלינגט היינטיג (העברעאיש בלע"ז) כ'קען אבער נישט אויפקומען וואס יא, @Think and Thank דו וואלטסט אנדערש אויסגעשטעלט דעם זאץ אדער איז פארהאן א געהעריגע ווארט דערפאר?

[Think and Thank]

היות עס הערשט לעצטנס א שרעקליכע עם הארצות אין די ספעציפישע ווארט (כ'מיין נישט דוקא דעם וועם איך ציטיר נאר אין דזשענעראל מישן רוב מענטשן ביי דעם), וועל איך עס אהערשטעלן:

הער די רעקארדינג ווי א באקאנטע שטומע קאלט אן א באקאנטע גדול

'שטום' מיט א ו' איז וואס הייסט אין לה"ק אלם, דהיינו איינער וואס קען נישט רעדן. דאס איז די איינציגסטע אופן וואס עס קומט מיט א ו'. אלעס אנדערש (שטימע/שטים עז אין קול, שטימע עז אין וואוט, שטים בענדער, שטימען עז אין וואוטן וכו' וכו') קומט מיט א י'.

[Think and Thank]

רביעית שבאם היה איזה דבר מקובל אצל כל ישראל וביניהם צדיקים וקדושים א"א לפסלו במחי יד מפני שאין אנו מבינים איך זה תואם לפסקי הרמב"ם.

'אין זה תואם לפסקי הרמב"ם' קלינגט היינטיג (העברעאיש בלע"ז) כ'קען אבער נישט אויפקומען וואס יא, @Think and Thank דו וואלטסט אנדערש אויסגעשטעלט דעם זאץ אדער איז פארהאן א געהעריגע ווארט דערפאר?

די וועג וויאזוי דו שרייבסט קלינגט טאקע היינטיג אבער איז לאו דוקא העברעאיש. איך וואלט ווארשיינליך אויסגעשטעלט די זאץ אנדערש אבער ס'שווער אנצואווייזן וויאזוי אן די קאנטעקסט פון ארום און ארום.

[Think and Thank]

שוין געניצט היינט דעם מקוה אין בית המדרש ישראל שלום.

מה אומר ומה אדבר!!

אין איין ווארט, דער נאמען פר די מקוה וואלט ווען געפאסט "גינת קליין" ממש א פראכט! די הערליכע דיזיין מיט די שיינע לעקטערלעך. די געשמאקע לופט, די פראקטישע אויסשטעל!

ר' עקיבא הערש אנטוישט אונז שטענדיג ווען ער קאמפיט זיך אליינס איינמאל און נאכאמאל.

איך קום ארויס פון מקוה, וועמען טרעף איך?! ר' עקיבא הערש!! יא ער דרייט זיך דארט צווישן עולם, ער לערנט דארט און דאוונט דארט!!

נישט צום גלייבן! אשריך!!

אנטוישט מיינט disappoint, נישט סורפרייז.

(כ'וואלט עס נישט געשריבן, אבער כ'האב שוין אמאל געזען א גאנצע שנאר בראשור פון א מוסד וואס איז מסביר פארוואס די מוסד אנטוישט דעם ציבור...)

[Think and Thank]

מיסט קאנע

שניי בליזערד

די ביידע ווערטער זענען מבית היוצר פון זלמן ווידער, וועלכער רעדט אידיש ווי א בעל תשובה. א garbage can איז מיסטקאסטן אין אידיש, נישט מיסט קאנע, און א blizzard מיינט א שניי שטורעם מיט וויזיביליטי אונטער א פערטל מייל און ווינטן פון 35 מפ"ש און העכער, וואס מיינט אז שניי בליזערד איז ווי מים אחרונים וואסער.

[Think and Thank]

NYPD פאליציי קאמישענער מרת טיש זאגט אז זיי פארשן די נעכטיגע גראנאט באווארפן אלס מעגליכע אייסיס אינספירירטע טעראר אטאקע.

דעקל פון די ניו יארק פאוסט, מיט א בילד ווי די ליימענע פאליציי קוקן זיך צו מיט שפאנונג ווי די גראנאט ווערט צוגעגרייט

ליימענע פאליציי? וואס דארף דאס צו באדייטן?
(עכט ווייס איך - עס איז א גרייזיגע אפטייטש פון LAME וואס מיינט הינקעדיג, און ווערט גענוצט אין ענגליש אלס אויסדרוק אויף א מאכטלאזער פאליטיקאנט אדער באאמטער. ליימענע מיינט געמאכט פון ליים.)

[חלום חלמתי]

NYPD פאליציי קאמישענער מרת טיש זאגט אז זיי פארשן די נעכטיגע גראנאט באווארפן אלס מעגליכע אייסיס אינספירירטע טעראר אטאקע.

דעקל פון די ניו יארק פאוסט, מיט א בילד ווי די ליימענע פאליציי קוקן זיך צו מיט שפאנונג ווי די גראנאט ווערט צוגעגרייט

ליימענע פאליציי? וואס דארף דאס צו באדייטן?
(עכט ווייס איך - עס איז א גרייזיגע אפטייטש פון LAME וואס מיינט הינקעדיג, און ווערט גענוצט אין ענגליש אלס אויסדרוק אויף א מאכטלאזער פאליטיקאנט אדער באאמטער. ליימענע מיינט געמאכט פון ליים.)

זעה די בילד און זאג די מיר וואס ס'באדייט...

[מנחם קארפינקל]

NYPD פאליציי קאמישענער מרת טיש זאגט אז זיי פארשן די נעכטיגע גראנאט באווארפן אלס מעגליכע אייסיס אינספירירטע טעראר אטאקע.

דעקל פון די ניו יארק פאוסט, מיט א בילד ווי די ליימענע פאליציי קוקן זיך צו מיט שפאנונג ווי די גראנאט ווערט צוגעגרייט

ליימענע פאליציי? וואס דארף דאס צו באדייטן?
(עכט ווייס איך - עס איז א גרייזיגע אפטייטש פון LAME וואס מיינט הינקעדיג, און ווערט גענוצט אין ענגליש אלס אויסדרוק אויף א מאכטלאזער פאליטיקאנט אדער באאמטער. ליימענע מיינט געמאכט פון ליים.)

ליימענע גולם...

[Think and Thank]

דעקל פון די ניו יארק פאוסט, מיט א בילד ווי די ליימענע פאליציי קוקן זיך צו מיט שפאנונג ווי די גראנאט ווערט צוגעגרייט

ליימענע פאליציי? וואס דארף דאס צו באדייטן?
(עכט ווייס איך - עס איז א גרייזיגע אפטייטש פון LAME וואס מיינט הינקעדיג, און ווערט גענוצט אין ענגליש אלס אויסדרוק אויף א מאכטלאזער פאליטיקאנט אדער באאמטער. ליימענע מיינט געמאכט פון ליים.)

ליימענע גולם...

איה"נ, מ'קען טאקע נוצן די ווארט אזוי. גערעכט.

[Think and Thank]

שפאניע האט צוריק גערופן איר אמבעסאדאר פון מדינת ישראל, נאך א רינגעלע אין שפאניע'ס פרעזידענט פעדרא סאנטשעז אנטי מדינת ישראל שריט.

אין אנדערע נייעס, טראמפ זאגט אז ער וועט מעגליך אפהאקן האנדל מיט שפאניע

אנדערע זאגן אז דאס קומט צוזאמען מיט א פארשפרעכונג פון איראן דורכצולאזן שפאנישע שיפן דורכן הארמוז דורכגאס. פונקט ווי די כינעזער שיפן וואס איראן לאזט דורך.

כ'מיין אז 'דורכגאס' איז א פרישע ווארט געשאפן דורך די אייוועלט איזראעיליס/עמעטשורס וואס קענען נישט קיין אידיש. (וואסער שטראז קומט זיכער פון זלמן ווידער'ס בעל תשובה'שע אידיש.) ביז היינט האט מען גערופן strait א וואסער וועג, און די strait of hormuz האט מען געשריבן 'די הארמוז וואסער וועג'.

[Think and Thank]

מעלדונג פון עטליכע ארגאניזאציעס צו אמעריקאנער וואס ווילן אהיימקומען פון א"י, זיך צו רעגיסטרירן מיט די סטעיט דעפארטמענט. נאכדעם וואס אמעריקע פלאנירט עטליכע פרייע פליגערס אהיימברענגען אירע בירגער

אוי וויי! נאר פרייע?! אפשר קען ר' משה מארגערעטן שתדל'ען אז מען זאל אויך צושטעלן פרומע פליגערס?

(די ענגלישע ווארט free קען מיינען צוויי זאכן; פרייהייט (חופש) און אומזיסט (חנם). פארקערט אבער עס אבער נישט, און 'פריי' אין אידיש האט נאר איין באדייט: פרייהייט (חופש). פרייע עסן, פרייע פליגערס, פרייע שפילצייג איז אלעס גרייזיגע אמעראצות מבית היוצר פון ר' זלמנ'ען.)

[יאנטשי]

שפאניע האט צוריק גערופן איר אמבעסאדאר פון מדינת ישראל, נאך א רינגעלע אין שפאניע'ס פרעזידענט פעדרא סאנטשעז אנטי מדינת ישראל שריט.

אין אנדערע נייעס, טראמפ זאגט אז ער וועט מעגליך אפהאקן האנדל מיט שפאניע

אנדערע זאגן אז דאס קומט צוזאמען מיט א פארשפרעכונג פון איראן דורכצולאזן שפאנישע שיפן דורכן הארמוז דורכגאס. פונקט ווי די כינעזער שיפן וואס איראן לאזט דורך.

כ'מיין אז 'דורכגאס' איז א פרישע ווארט געשאפן דורך די אייוועלט איזראעיליס/עמעטשורס וואס קענען נישט קיין אידיש. (וואסער שטראז קומט זיכער פון זלמן ווידער'ס בעחל תשובה'שע אידיש.) ביז היינט האט מען גערופן strait א וואסער וועג, און די strait of hormuz האט מען געשריבן 'די הארמוז וואסער וועג'.

איך האב עס די ערשטע מאל געזען אין א ארטיקל איבערגעזעצט דורך טשעט דשיפיטי.

יעצט ווען מיין קיבארד האט דאס אריינגעלייגט אין מיינע ווערטער האב איל עס נישט געטוישט.

[Think and Thank]

איך האב עס די ערשטע מאל געזען אין א ארטיקל איבערגעזעצט דורך טשעט דשיפיטי.

אה, מאכט סענס. ארום 50 פראצענט אייוועלט תגובות ארום איראן זענען געשריבן דורך AI און גענצליך אומלעזבאר.

[נקודות טובות]

אנדערע זאגן אז דאס קומט צוזאמען מיט א פארשפרעכונג פון איראן דורכצולאזן שפאנישע שיפן דורכן הארמוז דורכגאס. פונקט ווי די כינעזער שיפן וואס איראן לאזט דורך.

כ'מיין אז 'דורכגאס' איז א פרישע ווארט געשאפן דורך די אייוועלט איזראעיליס/עמעטשורס וואס קענען נישט קיין אידיש. (וואסער שטראז קומט זיכער פון זלמן ווידער'ס בעחל תשובה'שע אידיש.) ביז היינט האט מען גערופן strait א וואסער וועג, און די strait of hormuz האט מען געשריבן 'די הארמוז וואסער וועג'.

איך האב עס די ערשטע מאל געזען אין א ארטיקל איבערגעזעצט דורך טשעט דשיפיטי.

יעצט ווען מיין קיבארד האט דאס אריינגעלייגט אין מיינע ווערטער האב איל עס נישט געטוישט.

ס'וועט דיר גארנישט העלפן. איך ווייס נישט אויב דו ווייסט, אבער דא איז אן אפציעלע wall of shame. למשל @חלום חלמתי זיצט וועכענטליך ביי צוויי טעראפי סעסיעס פון די טראמע וואס ער גייט אריבער דא...

וואס דארף אבער דורכגאס צו מיינען? איך וואלט פארשטאנען אז דו האסט געמאכט א טעות אנשטאט דורכגאנג, דורכגאס. אבער דו זאגסט אז ס'איז בכוונה, דאן וואס גענוי דארף דאס צו באדייטן?

אה, נאך א מזל איך האב נאכנישט געדריקט שיק... דורכגאס מיט א קמץ? אז די וואסער גיסט דורך פון איין ים צום צווייטן?

(אגב, וואס מיינט א שלאקס רעגן? עס האט עפעס מיט די שלאק פון די סוכה? איך בין נישט סארקאסטיש...)

@Think and Thank, איז "פריי פון אפצאל" א פאברעצירטע ווארט? דער משמש פארטיילט הבדלות פריי פון אפצאל....

בנוגע ליים. דאס איז דאך די לאזונג. ליימענע גולם, ווען עס גיסט זיך עפעס אויס און יענער שטייט און קוקט פרעגט מען וואס שטייסטו דא ווי א ליימענע גולם. סא דאס האט דער חולם חלום אונזערע מכוון געווען. ווי הרב קארפינקל איז מרמז. ס'איז נישט אז מען קען עס "אויך" ניצן אזוי, נאר איינער לייגט א באמבע און די פאליציי קוקן זיך צו פארגאפט ווי ליימענע גולמים.

[Think and Thank]

כ'מיין אז 'דורכגאס' איז א פרישע ווארט געשאפן דורך די אייוועלט איזראעיליס/עמעטשורס וואס קענען נישט קיין אידיש. (וואסער שטראז קומט זיכער פון זלמן ווידער'ס בעל תשובה'שע אידיש.) ביז היינט האט מען גערופן strait א וואסער וועג, און די strait of hormuz האט מען געשריבן 'די הארמוז וואסער וועג'.

איך האב עס די ערשטע מאל געזען אין א ארטיקל איבערגעזעצט דורך טשעט דשיפיטי.

יעצט ווען מיין קיבארד האט דאס אריינגעלייגט אין מיינע ווערטער האב איל עס נישט געטוישט.

ס'וועט דיר גארנישט העלפן. איך ווייס נישט אויב דו ווייסט, אבער דא איז אן אפציעלע wall of shame. למשל @חלום חלמתי זיצט וועכענטליך ביי צוויי טעראפי סעסיעס פון די טראמע וואס ער גייט אריבער דא...

חלילה וחס! חלום חלמתי שעפט הויפנס חיזוק פון די פאקט אז איך נעם זיך די מי אים צו פארריכטן... איך האב אליינס געשריבן אזוי...:

דרך אגב, עס קען צומאל אויסקוקן ווי איך זוך דיר צו קריטיקירן ווען איך פאוסט עטליכע קריטיק פאוסטס איינס נאכ'ן צווייטן... זאלסטע וויסן אז הערות והארות האב איך אויף א גרויסע פראצענט היגע פאוסטס (בפרט ספעלינג טעותים), אבער ביי רוב נעם איך זיך נישט די מיה צו פארריכטן ווייל ס'איז פרוץ מרובה על העומד. דעם אשכול משא"כ איז א הערליכע ארבעט יעדע פאוסט עקסטער, אזש עס שטערט מיר ממש ווען איך זעה עפעס וואס איז נישט 100% אקוראט ווייל ס'דאך ממש א שאד אז אזא ארבעט זאל נישט זיין 100% בשלימות. איך מיין עס ערנסט, און דו קענסט עס זעהן אויף מיינע לייקס אין די טעמע.

וואס דארף אבער דורכגאס צו מיינען? איך וואלט פארשטאנען אז דו האסט געמאכט א טעות אנשטאט דורכגאנג, דורכגאס. אבער דו זאגסט אז ס'איז בכוונה, דאן וואס גענוי דארף דאס צו באדייטן?

אה, נאך א מזל איך האב נאכנישט געדריקט שיק... דורכגאס מיט א קמץ? אז די וואסער גיסט דורך פון איין ים צום צווייטן?

'דורכגאס' איז לכאורה א ווארט וואס איז לעצטנס געשאפן געווארן, דורך מאשינען וועלכע קענען נישט קיין אידיש (גוגל טרענסלעיט/AI וכל שום וחניכא דאית להו). אויף אוצר החכמה למשל קומט נישט ארויף אפילו איין רעזאלט פאר דורכגאס, בעת וואס וואסער וועג קומט ארויף צענדליגער מאל, אסאך דערפון אין די קאנטעקסט פון א strait. אויף גוגל קומט יא ארויף דורכגאס, על פי רוב לעצטיגע באריכטן פון אייוועלט אדער א בליק לייוו, אדער אזעלכע 'קראנטע' מקורות ווי וויקיפידיע. עס דארף לכאורה צו באדייטן ווי דו זאגסט אין דיין לעצטע געס, מיט א קמץ.

(אגב, וואס מיינט א שלאקס רעגן? עס האט עפעס מיט די שלאק פון די סוכה? איך בין נישט סארקאסטיש...)

שלאקס רעגן מיינט א שטארקע גאס, און שלאק איז מלשון דאך. כ'ווייס נישט צו די צוויי האבן שייכות.

@Think and Thank, איז "פריי פון אפצאל" א פאברעצירטע ווארט? דער משמש פארטיילט הבדלות פריי פון אפצאל....

דאס יא, פריי פון אפצאל איז עכט, גענוי ווי 'פריי פון די קייטן'. עס באדייט פרייהייט - אן די יאך פון (פיל אין די בלענקס). די בלענקס קען זיין קייטן, קען זיין חובות, און קען זיין אפצאל, אבער בלויז 'פריי' במקום אומזיסט איז א מיאוס'ע גרייז וואס נעמט זיך פון ענגליש.

בנוגע ליים. דאס איז דאך די לאזונג. ליימענע גולם, ווען עס גיסט זיך עפעס אויס און יענער שטייט און קוקט פרעגט מען וואס שטייסטו דא ווי א ליימענע גולם. סא דאס האט דער חולם חלום אונזערע מכוון געווען. ווי הרב קארפינקל איז מרמז. ס'איז נישט אז מען קען עס "אויך" ניצן אזוי, נאר איינער לייגט א באמבע און די פאליציי קוקן זיך צו פארגאפט ווי ליימענע גולמים.

ריכטיג אז עס איז דא א באקאנטע אויסדרוק ליימענע גולם. אבער לעצטנס הערט/ליינט מען אין די ווידערישע קרייזן וועגן 'ליימענע קאטשקעס' אלס גרייזיגע איבערטייטש פון די ענגלישע lame duck (הינקעדיגע קאטשקע), אן אויסדרוק וואס מען נוצט אין אמעריקע אויף א פאליטיקאנט וואס זיין נאכפאלגער איז שוין ערוועלט געווארן, וואס אין די תקופה צווישן די וואלן און דאס פארלאזן די אמט איז ער טאקע דארט אפיציעל אבער פאקטיש קען ער געווענליך כמעט גארנישט ערלעדיגן אין די צייט. אבער הרב קארפינקל איז לכאורה גערעכט אז אין די קאנטעקסט ווי דער רב זז"ג האט עס גענוצט דייט עס אן אויף ליימענע גולם (אז די פאליציאנטן זענען געשטאנען ווי ליימענע גולמים).

[Think and Thank]

די סענאט וועט שטומען מיטוואך אויף די #סעיוו אמעריקע ביל.

דערווייל וויל נישט טון איינפירן די 'טאולקינג פיליבאסטאר' טענה'נדיג אז ער האט נישט די שטומען דערפאר. דעריבער זענען נישטא קיין שאנסן פאר דעם ביל צו דורכגיין

נקוט כלל זה בידך: שטום מיט א ו' איז בלויז ווען די רעדע איז פון איינער וואס קען נישט רעדן (אלם). אלעס אנדערש, צו די רעדע איז פון שטימע (קול) אדער שטימע (וואוט), איז אלעמאל מיט א י'.

[אנדערער]

צו די רעדע איז פון שטימע (קול) אדער שטימע (וואוט), איז אלעמאל מיט א י'.

זיי זענען פון די זעלבע יסוד