רבי שלמה'לע אלטער ז"ל, אחי השפת אמת - י”ג חשון תרצ”ה

[מירון]

רבי שלמה'לע איז געבוירן געווארן ביום י"ד אייר שנת תרט"ו, צו זיין טאטן הצדיק רבי אברהם מרדכי בן החי' הרי"ם זצ"ל. ער איז געווען אן איידעם ביי רבי ליפמאן מראדאמסק, חתן התפארת שלמה. רבותיו: זקינו החי' הרי"ם ואחיו השפת אמת.

ר' שלמה'לע - דער אומבאקאנטער צדיק יסוד עולם איז אויפגעצויגן געווארן ביי זיין זיידן דעם בעל חי' הרי"ם, נאכדעם וואס זיין טאטע רבי אברהם מרדכי איז נפטר געווארן אינגערהייט. ביי די 12 יאר איז זיין זיידע דער חי' הרי"ם נפטר געווארן און ער איז אריבער וואוינען צו זיין ברודער דער בעל שפת אמת, וואס האט זיך אפגעגעבן מיט אים ווי אן אייגן קינד. די אלטע חסידים פון גור האבן געזאגט אויף אים אז ער איז געווען א זעלטנהייט פון א מתמיד, בעל מכניס אורח און א שפל ברך. ער איז נפטר געווארן בלויז עטליכע יאר פאר'ן צווייטן וועלט קריג.

מדבריו הקדושים: ר' שלמה'לע זאגט א טייער ווארט אויף די ממירא פון חז"ל (מגילה טז:), אמר ר' בנימין בר יפת אמר רבי אלעזר שלח לו יין [ישן] שדעת זקנים נוחה הימנו. וויין ווערט נאר בעסער ווען עס ווערט אלט, נאר אויב עס איז לכחילה געווען גוט, אבער טאמער האט עס נישט געטויגט לכתחילה ווערט עס מער און מער עסיג. דאס זעלבע, א איד וואס האט אנגעפירט אן ערליך לעבן, נאר דער האט א טעם זקנים!

מנוחתו כבוד בעיר הבירה ווארשא

זכותו יגן עלינו

[מירון]

בילד פון די עלטערע יארן

[מירון]

תמונת המצבה