ער איז געווען א מנהיג ישראל - א חד בדרא, איש מורם מעם, א געוואלדיגער הדרת פנים, א גאון עולם, חכם חכם מחוכם, א בעל דרשן נפלא - פה מפיק מרגליות. אן אוהב שלום ורודף שלום, משמש געווען דעם ציבור מיט א געוואלדיגע מסירת נפש פאר כמעט 70 יאר! ער איז אויך געווען א מקורב למלכות וואס מיט דעם האט ער גאר אסאך געטון לטובת אחינו בני ישראל.
__
רבי יעקב קאפל איז געבוירן צו זיין טאטן אברהם יחזקאל אב"ד באנאוויץ, אין שטאט ווערבוי – א פאר שטעטל צום באקאנטן שטאט נייטרא, בשנת תקצ"ח וי"א תקצ"ט.
זיין זיידע נאך ווען ער האט געהייסן - רבי יעקב קאפיל חריף מאלטנקונשטט בעל חידושי יעב"ץ אב"ד ווערבוי איז געווען א תלמיד פונעם גרויסן גאון דער בעל נודע ביהודה ז"ל.
ערשט איז ער געווארן רב אין שטאט סאבאטישט, נאכדעם וואס זיין שווער וואס איז געווען רב דארט אין שטאט איז נפטר געווארן. דערנאך איז ער אויף גענומען געווארן אין שטאט ווערבוי.
בשנת תרמ"ט איז ער אויף גענומען געווארן אין עיר הבירה בודאפעסט צו דינען אלס רב פאר די קהלה החרדית פון בודאפעסט. אויף דעם פאסטן איז ער באוויסט און זייער מפורסם געווארן איבעראל. אפילו די גוים פון שטאט האבן געוויסט פון זיין געוואלדיגע גדלות און חכמה. אין יענע צייט איז ער געווארן אויף גענומען צו זיין דעפוטאט אינעם סענאט פון מלכות עסרייך-אונגארן. אויך איז ער געווארן א יועץ ביים מלך 'פראנץ יאזעפף.' דאס האט אים געגעבן דעם געלעגענהייט צו טון גאר אסאך טובות פאר אידישע קינדער, אויך איז געווען איינע פון זיינע פעולות טובות אז ער האט ער דארט אין שטאט אויף געשטעלט א בית מושב זקנים פאר די עלטערע אידן פון שטאט, א חידוש אין יענע יארן.
ירושלים'ער רב - רבי יוסף חיים זונענפעלד פלעגט אים רופן "סבא קדישא"!
זיינע קינדער:
- רבי ישראל רייך ז"ל - בעל מנחת ישראל אויף מסכת עירובין - אב"ד אטורקעז.
- רבי חיים צבי רייך ז"ל אב"ד בנובאקה (ניטרונובניק).
- רבי שמואל רייך ז"ל אב"ד ווערבוי.
- רבי משה רייך אב"ד מידיעש ז"ל.
- חתנו רבי אפרים מרדכי פישל זוסמאן סופר ז"ל - בעל עטרת פז אב"ד בודאפעסט. (ער האט ממלא מקום דעווען זיין שווער).
- חתנו רבי זאב ליכטענשטיין ז"ל אב"ד באורמעני.
- חתנו הרה"ק רבי ישראל ז"ל אב"ד סאבאטיטש.
זכותו יגן עלינו.
