פסח'דיגע קאסמעטיקס: בעטא טעסטערס פאר א נייע סיסטעם וואס וועט העלפן נאכקוקן אויב א פראדוקט האט חמץ

[מאטל שניידער]

א גוטן טייערע חברים,

מיר האלטן יעצט אינמיטן אהערשטעלן א נייע סיסטעם וואס וועט אי"ה זיין א גרויסע הילף פארן ציבור בעפאר פסח. דאס איז א אנליין טול וואס וועט העלפן נאכקוקן קאסמעטיקס און "פערסאנאל קעיר" (Personal Care) פראדוקטן צו זען צי זיי אנטהאלטן מעגליכע חמץ'דיגע אינגרידיענטס פאר די וואס זענען מחמיר זיך נישט צו באנוצן דערמיט.

מיר האפן אי"ה ארויסצולייגן דעם סערוויס פארן ברייטן פובליק ארום ראש חודש ניסן. דערווייל פירן מיר אן א קורצע "בעטא טעסט" פאזע, און מיר וועלן שטארק דאנקבאר זיין ווער עס קען ארויסהעלפן טעסטן דעם סיסטעם בעפאר די אפיציעלע לאונטש.

לינק צום טול:
https://passover.kashrus.online/
(ביטע באמערקט: מען דארף אריינלייגן אן אימעיל אדרעס צו קענען טעסטן).

די וויכטיגסטע בקשה - וואס מיר דארפן פון אייך יעצט:
דער הויפט ציל פון דעם יעצטיגן טעסט איז צו זען ווי פונקטליך עס ארבעט למעשה. דעריבער בעטן מיר אז איר זאלט נעמען פיזישע פראדוקטן וואס איר האט אינדערהיים אין די האנט, אפירזוכן דעם פראדוקט אינעם סיסטעם, און פארגלייכן די רעזולטאטן פונעם טול מיט די אינגרידיענטס וואס איר זעט ארויפגעשריבן אויפן פראדוקט אין אייער האנט!
אויב זעט איר עפעס א פראבלעם אדער אומפונקטליכקייט, ביטע נוצט דעם "Report" קנעפל עס איבערצוגעבן פאר אונז.

ביטע פרובירט צו טעסטן די פאלגענדע אפציעס:
זוכן לויט דעם נאמען פונעם פראדוקט.
קאפירן און פעיסטן א ליסטע פון אינגרידיענטס.
ארויפלאדן א בילד פון אן אינגרידיענט לעיבל (עס קען זיין קלאר אדער אומקלאר, געכאפט דירעקט מיט די קעמערע אדער ארויפגעלאדן א פייל).
ווען איר נוצט דעם "Report" קנעפל צו באריכטן א פראבלעם, ביטע שרייבט צו קלאר:
וואס איר האט אריינגעלייגט אינעם סיסטעם (וועלכע נאמען אדער בילד).
וואס דער רעזולטאט איז למעשה געווען.
וואס איר האט ערווארטעט צו זען אנשטאט דעם.
א סקרינשאט (אויב מעגליך).
סיי וועלכע קאמענטארן אדער פידבעק לגבי ווי קלאר, פונקטליך, אדער גרינג דאס איז צו נוצן, ווערט זייער אפרישיעטעד!