שרעקליכער טעראר אטאקע אין ניו ארליענס

[שינאווער]

ב"ה

איך זעה אז קיינער רעדט נישט דערפון.

א שרעקליכער טעראר אטאקע האט פאסירט היינט פארטאגס אין ניו ארליענס, וואו א טעראריסט האט אריין געפארן מיט זיין פיק אפ טרעקל אין א גרויסע פארזאמלונג וואו מען האט געפייערט דעם נייעם יאר.
10 זענען אומגעקומען און צענדליגער זענען פארוואונדערט געווארן.
געוויסע באריכטן ווייסן צו זאגן אז דער טעראריסט האט געהאט מיט זיך אן אייסיס פאן בשעת דער אטאקע.

[שינאווער]

דער דרייווער וועלכע האט דורכגעפירט די אטאקע איז אומגעקומען אין א פייעראויסטויש מיט פאליציי אפיצירן. די אטאקע האט פאסירט ארום 3:15 פארטאגס אויף די בּאָורבּאָן גאס וואו מענטשען זענען געווען פארזאמעלט צוליב נייע-יאר צערעמאניעס, א געגענט וואו עס קומען זיך יערליך צוזאם פילע מענטשען פאר נייע יאר צערעמאניעס. דער דרייווער האט פראבירט אראפ צו קלאפן וואס מער מענטשען, און ווען זיין קאר איז געקומען צו אן אפשטעל איז ער ארויס געקומען און געעפענט פייער אויף אפיצירן, פירענדיג צו א פייער אויסטויש פון וואס ער איז אומגעקומען און צוויי אפיצירן זענען פארוואונדעט געווארן.

אויספארשער זענען יעצט פארנומען דורכנישטערן דעם שטח צו זען אויב עס זענען פארהאן דארט אויפרייס אפאראטן. עף-בי-איי באאמטע זאגן אז מען האט געפונען ווייניגסטענס איין פארדעכטיגטע זאך וואס ווערט אויסגעפארשט צו זען אויב עס איז אן אויפרייס אפאראט. ניו ארליענס באאמטע זאגן אז עס האנדעלט זיך זייער קלאר פון א טעראר אטאקע דורך א פארשוין וועלכע האט פראבירט אומצוברענגן וואס מער מענטשען. ווייסע הויז באאמטע זאגן אז פרזידענט ביידען און אטוירני דזשענערעל מעריק גארלענד האבן ביידע ערהאלטן א בריפינג איבער די אטאקע.

[שינאווער]

6775480725820_image_57_250101125755.jpg (48.67 KiB) געזען געווארן 625 מאל

[שינאווער]

די טראק גענוצט אין די ניו ארליענס אטאקע האט פארמאגט לייסענס פלעיטס פון טעקסעס, און איז עטליכע טעג צוריק אריבער דעם גרעניץ פון מעקסיקא.
די באריכט לויטעט אז דערווייל ווייסט מען נישט אויב דער אטאקירער האט געדרייווט דעם טראק ווען עס איז אריבער דעם גרעניץ, און אזוי אויך ווייסט מען נאך נישט די אימיגראציע סטאטוס פונ'ם אטאקירער. די זעלבע באריכט געט אן אז די פאליציי האט געפונען אויפ'ן סצענע עטליכע אויפרייס אפאראטן, אבער די פאליציי האט עס דערווייל נישט באשטעטיגט.

[שינאווער]

neworleansbourbonstreetnewyearsattack2025_841937699.jpg (70.87 KiB) געזען געווארן 616 מאל

ap25001477296993_57_250101115530.jpg (145.49 KiB) געזען געווארן 616 מאל

[שינאווער]

די 'עף-בי-איי' ארבייט צו דערגיין אויב דער פארשוין וועלכע האט דורכגעפירט די ניו ארליענס אטאקע האט געהאט אנדערע וועלכע האבן אים ארויס געהאלפן
זיי זאגן אז דאס אריין קוקן צו זען אויב אנדערע האבן אים געהאלפן איז א סטאנדארט וואס ווערט גענומען ביי יעדע אזא סארט אטאקע. אין א סטעיטמענט זאגט די 'עף-בי-איי' אז די אינצידענט ווערט אויסגעפארשט אלץ אקט פון טעראריזעם, און נאך עטליכע אנדערע אגענטורן זענען פארמישט אין די אויספארשונג. צווישן די אנדערע אגענטורן פארמישט אין די אויספארשונג איז די 'עי-טי-עף' און די היימלאנד זיכערהייט דיפארטמענט.

[שינאווער]

פרעזידענט ביידען האט ארויס געשיקט א סטעיטמענט וואו ער באדאנקט זיך פאר די שנעלע שריט פון אפיצירן אין ניו ארליענס צו פארמיידן א פיל גרעסערע טראגעדיע.

אין זיין סטעיטמענט טוט ביידען באצייכענען די אטאקע אלץ שרעקליכע אינצידענט, און פארשפרעכט צו געבן די פילסטע שטיצע וואס עס פעלט זיך אויס עס אויסצופארשן. ביידען האט אויך גערעדט טעלעפאניש מיט מעיאר קענטרעל פון ניו ארליענס אין צוגאב צו די בריפינגס וואס ער האט באקומען פון די עף-בי-איי און אנדערע. פרעזידענט-ערוועלט טראמפ האט פארעפענטליכט א סטעיטמענט אין וואס ער פארשפרעכן צו העלפן אויטאריטעטן אויספארשן די אטאקע נאכדעם וואס ער קומט אריין אין אפיס. טראמפ דערמאנט די טעמע פון אימיגראנטן אין זיין סטעיטמענט, זאגענדיג, אז ווען ער האט געזאגט אז די קרימינאלן וועלכע קומען אריין זענען פיל ארגער ווי די היגע קרימינאלן איז עס געווארן אוועק געמאכט דורך די דעמאקראטן און די פאלטשע נייעס, אבער יעצט זעט מען אז עס איז ריכטיג.

קאנגרעס ספיקער מייק דזשאנסאן איז אויך ארויס געקומען מיט א סטעיטמענט אין וואס ער דרוקט אויס מיטלייד מיט אלע באטראפענע און אפאלירט פאר א גרונטליכע אויספארשונג.

[שינאווער]

5e835d4f02e30423673605ea7437ad9f_57_250101115719.jpeg (40.55 KiB) געזען געווארן 610 מאל

[שינאווער]

דער פארשוין וועלכע האט דורכגעפירט די שרעקליכע ניו ארליענס אטאקע איז אידענטיפיצירט געווארן אלץ שאַמסוד דין דזשאַבּאַר, 42 יאר אלט
לויט לאו אינפארסמענט קוועלער האט ער פארמאגט מיט זיך אן אייסיס פאן אין ציייט פון די אינצידענט. אויטאריטעטן ארבייטן צו דערגיין מער אינפארמאציע איבער זיין רעקארד און זיין רייזע היסטאריע. בילדער פון די פיק-אפ טראק ווייזן אז אויף די הונטערשטע באמפער האט געפלאדערט א גרויסע שווארצע פאן, אבער עס איז נישט קלאר אויב דאס איז די אייסיס פאון פון וואס לאו אינפארסמענט באאמטע רעדן. גלייכצייטיג ווערט באקאנט אז די פיק-אפ טרעקל וואס דזשאבאר האט גענוצט פאר די אטאקע איז געווארן ארויס געדינגן פון א קאמפאני וואס ערלויבט אויך פריוואטע מענטשען צו פארדינגן זייערע טרעקלעך דורך זייער סיסטעם.

[שינאווער]

צוויי מדינת ישראל בירגער געפונען זיך צווישן די צענדליגער פארוואונדעטע פון די ניו ארליענס טעראר אטאקע
מדינת ישראל באאמטע זאגן אז קאנסולאט באאמטע זענען אין פארבינדונג מיט די שפיטעלער וואו זיי געפונען זיך און מיט זייערע משפחות. די צוויי זענען פון צווישן ארום 35 מענטשען וועלכע זענען פארוואונדעט געווארן.

[שינאווער]

gettyimages2191481828_57_250101030829.jpg (269.19 KiB) געזען געווארן 589 מאל

[שינאווער]

ap25001598416234_57_250101030618.jpg (149.21 KiB) געזען געווארן 585 מאל

[שינאווער]

אויטאריטעטן לענגאויס אמעריקא העכערן די וואך ביי צערעמאניעס און פארזאמלונגן וועלכע קומען היינט פאר אין ליכט פון די ניו ארליענס אטאקע
זיי זאגן אז אלע געפלאנטע גרעסערע פארזאמלונגן גייען ווייטער אן, נאר עס וועט זיין צוגעשטעלט מער זיכערהייט ווי בעפאר. ווי באאמטע זאגן איז נישט פארהאן אינפארמאציע איבער סיי וועלכע טעראר פלאן, נאר זיי טוען עס אויס פארזיכטיגקייט.

[שינאווער]

FBI statement on new orleans attack.PNG (403.94 KiB) געזען געווארן 566 מאל

[זאנוויל ראזענבערג]

טעראר אין אמעריקא.
היסטאריש און שרעקעדיג.

[שינאווער]

די עף. בי. איי. גלייבט אז דער פארשוין האט דורכגעפירט דעם אטאקע אויף דער אייגענע האנט.

[שינאווער]

די עף. בי. איי. זאגט אז דער דרייווער אין די אטאקע איז א געוועזענער ארמיי וועטעראן

[שינאווער]

פון דער הייעך2.PNG (466.04 KiB) געזען געווארן 535 מאל

פון דער הייעך.PNG (420.94 KiB) געזען געווארן 535 מאל

[שינאווער]

עטליכע אויפרייס אפאראטן אין אן אייז-באקס זענען געפונען געווארן אין די פיק-אפ טרעקל גענוצט פאר די ניו ארליענס אטאקע.
אזוי אויך ווערט באקאנט אז דער אטאקירער "דזשאבאר" איז אן איינוואוינער פון יוסטאן-טעקסעס. טעקסעס גאווערנער גרעג אבאט האט ארויס געגעבן א פארארדענונג פאר די סטעיט פובליק סעיפטי דיפארטמענט זיך אנצושליסן אינ'ם אויספארשונג זיכער צו מאכן אז מען דערגייט אלע דעטאלן.

[שינאווער]

bhhg.jpg (45.83 KiB) געזען געווארן 498 מאל

[ווער]

די 'עף-בי-איי' אין לואיזיאנא האט עמטליך צוריק געצויגן פון די נעכטיגע סטעיטמענט אז אנדערע זענען ווארשיינליך געווען פארמישט אין די ניו ארליענס אטאקע

[שינאווער]

דערווייל האלט די ציפער ביי 15 אומגעקומענע, און עס איז ערווארטעט צו שטייגן.

[ווער]

אויספארשער וועלכע ארבייטן צו דערגיין אלע דעטאלן ארום דעם טעראריסט שאמסוד דין דזשאבאר האבן געליייגט א האנט אויף דריי פאונס און לעפטאפס

[שינאווער]

אויספארשער וועלכע ארבייטן צו דערגיין אלע דעטאלן ארום דעם טעראריסט שאמסוד דין דזשאבאר האבן געליייגט א האנט אויף דריי פאונס און לעפטאפס

די צוויי לעפטאפ קאמפיוטערס זענען געפונען געווארן ביי אן 'עיר-בי-ען-בי' הויז אין ניו ארליענס וואו דזשאבאר האט זיך אויפגעהאלטן בעפאר די אטאקע. נעכטן איז פארגעקומען א פייער ביי די הויז וואס אויטאריטעטן פארשן נאך אויס צו עס האט פאסירט דורך אויפרייס מאטריאל אדער דורך א צווייטע וועג. די פייער, וואס האט זיך אנגעפאנגן נאכדעם וואס דזשאבאר איז שוין געשטארבן, איז אינטער אויספארשונג דורך די עי-טי-עף און אנדערע אגענטורן. לואיזיאנא'ס אטוירני דזשענערעל ליז מוריל זאגט אז ווי עס שיינט האט דזשאבאר גענוצט דעם הויז צוזאמצושטעלן אויפרייס אפאראטן.

[שינאווער]

דער פארשוין

250112shamshuddinjabbarwc07334a24b3_57_25_536611265.jpg (43 KiB) געזען געווארן 307 מאל