מיר אלע אין אונזער טעגליכע הלוך ילך טרעף מיר אונז זיך אגאנצן טאג אן מיט צעטלעך!
אנגעהויבן פון צופרי ווען מען קומט אריין און שול און מען טרעפט די שמחה צעטל אויפן טיר אז נאך פאר דו לענדסט צוריק אויף אונזער וועלט זאלסטו וויסן אז משה יענקל מאכט היינט בר מצווה א צווילינג אין די נייע ???? זאל.
פארן אריינגיין אין מקוה טרעפט מען א צעטל פון די מקוה איד וואס איז מסביר בטוב טעם ודעת פארוואס מען האט 'געמוזט העכערן די מקוה פרייזן' מיט בלויז ??? דאלער און אז אונז זעמיר ביליגער ווי רוב שולן אין געגענט.
גייסט אריין אין מקוה וועסטו אין יעדע מקוה אין די וועלט (בלתי מוגה) טרעפן א צעטל אז מען זאל נישט נעמען 2 האנטוכער און יעדע שמש/מקוה איד וועט אויפקומען מיט א יוניק איידיע ווי אזוי צו זיכער מאכן אז מען באמערקט די צעטל יעדן טאג נאכאמאל.
קומסט ארויס פון מקוה גיסט אפ דיינע הענטעלעך און אודך אקעגן דיין נאז (אויג) איז דא פיל מיט אלע מינע צעטלעך דינערס מסיבות טיי אווענטס וואס קומען פאר היינט נאכט און יעדער 'מוז' זיך באטייליגן.
ביי 'קוה' קאלט די בני בית אריין אז מען דארף וויכטיג א פעקל ברויט מיט א פינאט-באדער פאר יענקעלע וואס וויל נישט גיין אויף די באס נאר אויב ער האט א פינאט-באדער ברויט, קומסט אן אין גראסערי און דו טרעפסט ווייטער צעטלעך, אונזערע שעות זענען פון ?? ביז ??, מיר האבן ארומגעטוישט די איילס פון היינט און ווייטער ליגט די פאפקארן ביי אייל 3 אין די לינקע זייט אינמיטן אויף די 2'טע שעלף.
פיין דו קומסט אהיים דו עסט שנעל אפ דיין פרישטאג, (דו האסט שוין געטראגן דיין יענקעלע אין חדר ווייל ער האט פארפאסט די באס...).
קומסט אן אין ארבעט ווידער א צעטל אויף די טיר 'לכבוד אלע חשובע מיטארבעטער איך מאך אי"ה היינט נאכט חתונה מיין עלסטן זון קע"ה איך ערווארט אייך אלע פערזענליך אין די זאל פון ????, נעבן דעם שטייט אזוי האלב פארקלעבט איינגעקנייטשט Employees only!!! קאסטומערס זאלן ביטע אריינקומען פון די אנדערע טיר.
ביי לאנטש גייסטו דאווענען מנחה אין די דערנעבענדיגע סטאר ווייטער א צעטל מנחה 3:15 יעדן טאג חוץ זונטאג!
ביי מעריב מען גייט אין שול אריין ווייטער צעטלעך די מסגרת מאכט א סיום אויף מסכת ???, די מוסדות ??? על טהרת הקודש מאכט א קאמפיין יעצט, די ספעציעלע שלוחים וועלן ארומגיין ביי די מנינים אפנעמען אייער ווארימע נדבה.
אזוי טרעפן מיר זיך א גאנצן טאג מיט צעטלעך.
וואס איז די ציל פון א צעטל???
צו כאפן די אויג פונעם ליינער (ליין: דיין אויג)שטעלט זיך די וועלטס פראגע ווי אזוי???
עס איז דאך דא אזויפיל צעטלעך???
איז דא כמה מינע אופנים און טריקס ווי אזוי צו כאפן א אויג!!
די ערשטע איז גרעפיקס!!!
מען גייט ארויף (אדער באצאלט מען טאפ $ פאר א גראפיקער) אויף אילעסטרעיטער וכדו' און מען שפילט זיך ארום ביז עס קומט אויס עפעס דיפרענט פון יעדע אנדערע צעטל וואס איינער אין די כדור העולם האט נאר אמאל דורך געוואקט!!!
אדער גייט מען סתם אזוי ארויף אויף ווארד און מען שפילט זיך ארום מיט קלייניקייטן וואס מען זעט נישט געווענדליך אויף סתם א צעטל און אזוי שטארט עס ארויס פון אלע אנדערע פילצאליגע צעטלעך!!!
און יעצט לענינינו!!!
א גרינגע וועג צו כאפן א אויג איז דורך נישט א אייגענארטיגע פאנט!!!
אמאל א געדרייטע אמאל א מייעסטעטישע און יעדע פאל נוצט מען וועלכע עס פאסטו אריין
און ב"ה עס איז דא א גרויסע אויסוואל פון פאנטס (אני לכשעצמי האב א רייכע קאלעקציע פון אריבער 12k פאנטס!!)
און מען טרעפט אסאך מאל א פאנט וואס מען ווייסט נישט ווי אזוי עס הייסט און מען וויל וויסן די נאמען דערפון כדי עס אויך צו קענען נוצן אדער קויפן!
מיט די מחשבות אין קאפ עפן איך אויף די טעמע פאר אלע מיינע פריינט - יושבי 'איד טיש'
אז אויב דו זעסט עפעס א אינטערעסאנטע פאנט אויף סיי וועלכע צעטל לייג עס ארויף דא
און בבחינת איש את רעהו יעזורו וועט מען זיך דא אויסשמועסן וואספארא פאנט יעדע איז!!!
הצלחה רבה און א יישר כח למפרע פאר א יעדע פאוסט אויף די טעמע!!!
