מילי דברכות - ברכת רוקע הארץ על המים

[נקודות טובות]

די מקור הברכה איז אין גמרא מסכת ברכות ס: כי נחית לארעא לימא ברוך רוקע הארץ על המים.

די טבע פון די בריאה איז אז ווען מען לייגט אריין זאמד אין וואסער, גייט די זאמד אראפ אין די וואסער בלייבט פון אויבן. ווען דער אויבערשטער האט אבער באשאפען די יבשה האט ער עס געמאכט אויף אן אופן אז די זאמד זאל זיין פון אויבן און די וואסער פון אונטען, און ער האלט דאס אזוי אן כסדר אז די יבשה זאל נישט צופאלן. און אויף דעם זאגן מיר די ברכה רוקע הארץ על המים (מצודת תהלים קל''ו, לבוש)

אויף נאך א זאך דאנקען מיר מיט די ברכה פון רוקע הארץ. און דאס איז אויף די פלא הבריאה וואס מיר זעהען מיט די אויגען אז די וואסער כוואליעס קומען כסדר ביזן בארטן פונעם וואסער ווי כאילו זיי ווילן איינשלינגען די יבשה. אבער ווי נאר ער קלאפט אן אין די יבשה רופט דער אויבערשטער אויס עד פה תבוא. (כד הקמח גאולה)