גיוס בני ישיבות

[היימיש]

פארוואס טוט מען נישט עפעס דראסטיש ארויסצוהעלפן אלע אונזערע ברודער אין ארצינו הקדושה?

למשל א פראטעסט מיינסטו.

לייג זיך אריין.

איך מיין נישט גארנישט
עפעס דראסטיש ברויך געטוען ווערן ASAP
סתם ברענגן דא די ביטערע נייעס וועט גארנישט העלפן
אדרבא
תשועה ברוב יועץ
זאל דער ציבור זאגן וואס איז שייך צו טוען

[דער תהלים איד]

פארוואס טוט מען נישט עפעס דראסטיש ארויסצוהעלפן אלע אונזערע ברודער אין ארצינו הקדושה?

למשל א פראטעסט מיינסטו.

לייג זיך אריין.

איך מיין נישט גארנישט
עפעס דראסטיש ברויך געטוען ווערן ASAP
סתם ברענגן דא די ביטערע נייעס וועט גארנישט העלפן
אדרבא
תשועה ברוב יועץ
זאל דער ציבור זאגן וואס איז שייך צו טוען

פארוואס האסטו אויסגעמעקט א חלק פון דיין ארגינעלע מעסעדזש, און געלאזט נאר די וואס כ'האב ציטירט?

אלנפאלס, ברענג טאקע עפעס א גוטע עצה.

[היימיש]

למשל א פראטעסט מיינסטו.

לייג זיך אריין.

איך מיין נישט גארנישט
עפעס דראסטיש ברויך געטוען ווערן ASAP
סתם ברענגן דא די ביטערע נייעס וועט גארנישט העלפן
אדרבא
תשועה ברוב יועץ
זאל דער ציבור זאגן וואס איז שייך צו טוען

פארוואס האסטו אויסגעמעקט א חלק פון דיין ארגינעלע מעסעדזש, און געלאזט נאר די וואס כ'האב ציטירט?

אלנפאלס, ברענג טאקע עפעס א גוטע עצה.

פאר די זעלבע סיבה פארוואס די האסט אויסגעמעקט א חלק פון דיין ארגינעלע מעסעדש...

[גיוס אפדעיטס]

בפה רך ובעבודה קשה - קאפיטל 2
וואס טראכט א בחור ווען ער זעט אזא אומשולדיגע עד?

c81660a3-cc68-45e5-9824-769981cf1965.jpg (57.11 KiB) געזען געווארן 491 מאל

עס איז דאך אזוי נפלא! סיי לערנען תורה און אין דער זעלעבער צייט דינען אין מיליטער און "באשיצן כלל ישראל", נישט ווייניגער.
דאס זענען די גיפטיגע ווערטער וואס שיינען פון די עד: "ישיבת משמר התורה איז געאייגנט פאר אויסגעצייכנטע בחורים בני עליה, וואס ווילן איינזייטיג צום לערנען ישיבה'שע לימודים אויפן העכסטן און בעסטן שטאפל - דינען א באדייטנדע דינסט, אויס פון א געפיל פון אחריות און שליחות".
די אויערן ווערן דאך רויט פון אזעלכע פרעכע רייד.
פאר אונז. אבער פאר יענער ספרדי'שער בחור שמעקט עס גאנץ פיין. סיי לערנען און סיי דינען כלל ישראל?
עס איז דאך שוין איבער אנדערטהאלבן יאר וואס עס גייט אן א שרעקליכע מלחמה אין עזה, הונדערטער סאלדאטן פאלן אויף א טעגליכן שטייגער, די גאנצע מדינה איז מאביליזירט זיך צו שלאגן מיטן טעראריסט אין עזה, און נאר ער, דער "פאראזיט" שלאפט זיך רוהיג ביינאכט? ער האט שווערע געוויסן ביסן פון דעם, ער פילט אז ער מוז אויך עפעס טון למען "בטחון המדינה". ער האט זיך טאקע ביז יעצט אפגעהאלטן פון גיין דינען אין מיליטער, ווייל ער ווייסט אז זיך מאביליזירן צום מיליטער טייטשט אז ער ווארפט אראפ זיין קאפל און ווערט א פולשטענדיגער פורק עול רח"ל, און דאס האט ער אוודאי נישט געוואלט, און דעריבער האט ער זיך ביז אהער אפגעהאלטן פון דאס טון.
אבער דא האט ער דאך אזא "גאלדענע" פארשלאג, סיי דינען און באשיצן דאס לאנד און סיי בלייבן א חרדי?

dac96ad6-d847-40c9-9f24-dbe48e2ba197.jpg (78.78 KiB) געזען געווארן 491 מאל

אט אזוי קוקט אויס די ישיבה פון ד. לייבל. ליידער חרדישע בחורים וואס פאלן אריין אינעם נעץ

טאמער באקומט דער בחור נישט די ריכטיגע תמיכה און פלייצע, ווער איז אונז אן ערב אז ער זאל ח"ו נישט ווערן נאכגעשלעפט?
און נישט אז פון די אנדערע זייט ווארטן אים אפ גרויסע גליקן. טאמער וועט ער זיך נישט שטעלן אין מיליטער איז ער ערווארטעט אויסצושטיין שווערע סאנקציעס...
און דער פלאן איז אז די סאנקציעס וועלן נאר ווערן שווערער און שטערקער.
יולי איידלשטיין, דער פארזיצער פון די קאמיטע אין כנסת המינים וואס איז פאראנטווארטליך צו ברענגען דעם נייעם חוק הגיוס, פאדערט א ליסטע פון סאנקציעס וואס וועלן ווערן ארויפגעלייגט אויף די חרדים וואס וועלן זיך נישט שטעלן:
* קענסלען די פארלייכטונגען אין באצאלן שטאטישע שטייער
*קענסלען טאקס קרעדיט פוינטס אין די ארבעטס צעטל
*בטל מאכן די "מחיר למשתכן" פראגראם. דאס איז א פראגראם פון גורלות אויף ביליגע דירות.
*מען זאל דארפן צאלן פראפערטי שטייערן אויך ביים קויפן א הויז דאס ערשטע מאל
*בטל מאכן סאבסידאזעישן פאר אקאדעמישע שטודיע
*נישט ערלויבן ארויסנעמען דרייווער לייסענס
*נישט ערלויבן ארויספארן פון לאנד
*נישט ערלובן סאבסידאזעישן פאר בעיביסיטער'ס
*נישט ערלויבן פארלייכטונגען אין פובליק טראנספארטאציע

9d741c90-aba1-4dc5-94a5-e80903f8cd04.jpg (25.45 KiB) געזען געווארן 491 מאל

[גיוס אפדעיטס]

פאר די נארישע "אנאליזער" בלייבט נישט מער ווי צו באוויינען די שווארצע לאגע אז נאך אזעלכע ריזיגע "געווינסן" פון די חרדי'שע פארטייען וועלן ביי די קומענדיגע בחירות "די קאפירייטער'ס זיך מוזן אנשטרענגען אביסל מער צו ערקלערן פארן ציבור די חשיבות פון "ועשית ככל אשר יורוך"...
און עס איז נישטא ווער עס זאל לאכן...

התקשורת החרדקי''ת על התבוסות של המפלגות החרדיות בממשלת הימין (2).JPG (30.67 KiB) געזען געווארן 489 מאל

[גיוס אפדעיטס]

ה' הוא הנלחם לכם
אין די לעצטע פאר טעג האבן די מיליטערישע אויטאריטעטן איינגעפירט א נייע פאליסי, לויט די פאליסי וועלן בחורים וואס שטעלן זיך אין לשכת הגיוס, טראץ וואס זיי וועלן ווייזן מעדיצינישע דאקומענטן איבער זייער גייסטישן צושטאנד וד"ל, וועט מען זיי נישט אהיימשיקן ווי ביז היינט, נאר זיי וועלן ליבערשט בלייבן נעכטיגן אין מיליטערישן באזע ביז מארגן, דעמאלט וועלן זיי זען א מיליטערישן דאקטאר וואס וועט זיי אינטערזוכן.
דאס מיינט א שרעקליכע גזירה, איבערהויפט דער פאקט אז דאס ווארטן אויפן דאקטאר קען זיך ציען ביז אכט טעג.
די מיליטער האט אפילו ערקלערט בפירוש אז די סיבה דערויף איז וויבאלד צווישן די אלע וואס געבן זיך אן אלס נישט געזונטע זענען פארהאן אויך חרד'ישע משתמטים וואס זוכן צו באקומען א פטור אויף די סארט וועגן, און דעריבער וועלן זיי זיי דערגיין די יארן און נישט באפרייען אזוי שנעל פון דארט.
דאס איז א זאך וואס מען מוז זאפארט אפשטעלן, און דעריבער האט העסקן הרה"ח ר' שמעון שישא שליט"א שוין געהאט אויסגעשטעלט א גאנצע פלאן וויאזוי צונישט צו לייגן די גזירה.
אבער די ישועה איז געקומען פון אן אומערווארטעטע ריכטונג. דער רבונו של עולם פארלאזט נישט און ער האט געשיקט א וואונדערליכע רעטונג:
נעכטן איז אנגעקומען אין לשכת הגיוס א פרייער יוגנטליכער וואס ליידט פון שווערע גייסטישע קראנקהייטן. לויט די נייע פארשריפטן האט מען אים אנשטאט אהיימשיקן, איינגעשפארט אין באזע.
אינמיטן נאכט איז עס געשען...
דער בחור האט באקומען אן אטאקע און ער איז געווארן זייער צושפילט, ער איז אריינגעלאפן אין די ביורא פון באזע און צושמעטערט אלע קאמפיוטער'ס, ער האט אנגעזייעט א חורבן, צובראכן פענסטער'ס און זיך שרעקליך צושניטן די הענט פון די גלאז וואס איז געפלויגן. צוויי וואס האבן פרובירט זיך אריינמישן און אים אפשטעלן זענען ארויס פארוואונדעט נאכן אריינכאפן ביטערע קלעפ פון דעם צורודערטן פארשוין.
עס איז פארשטייט זיך געשאפן געווארן א שטורעם אין פרעסע. די עלטערן פון דעם יוגנטליכן זענען ארויף אויף אן אטאקע קעגן צה"ל, וואס נאר אין איין נאכט וואס זייער תכשיט נעכטיגט אונטער זייער אויפזוכט און גלייך קומט ער ארויס מיט צושניטענע הענט...
די חברה אין מיליטער זענען אריין אין א שרעקליכן פאניק...
די רעזולטאטן האבן נישט געשפעטיגט צו קומען: היינט, ווער עס האט נאר באוויזן אז ער נעמט איין די מינדעסטע מעדיצין איז זאפארט פארטריבן געווארן פון דארט, "מיר האבן שוין געהאט גענוג קאפוויי מיט די סארט חבר'ה" האבן זיי ערקלערט, "ווער עס דארף זען א דאקטאר זאל קומען ווען מען וועט אים רופן"...

[גיוס אפדעיטס]

בפה רך ובעבודה קשה - קאפיטל 3
אויסשליסליכע אונטערוויו
היינט וועלן מיר אפרעכטן אן אונטערוויו מיט הבה"ח אריאל ט. ני"ו וואס איז אנטלאפן פון מיליטער נאכן דינען געציילטע מאנאטן, און ער איז אריבער שווערע פרעשור.
ער וועט אונז אביסל ארפלייגן וואס באדייט "בפה רך" און "בעבודה קשה".
●​ א גוט יאר אריאל, ביטע שטעל זיך פאר.
"איך הייס אריאל, מיין עלטער איז 20 יאר, איך וואוין אין בית שמש.
"פאר 5 חדשים צוריק בין איך ליידער גאגאנגען און זיך רעקרוטירט צו צה"ל. פאר א חודש צוריק בין איך אנטלאפן פון דארט און איך וויל קיינמאל מער צוריקגיין דארט. צה"ל איז נישט א פלאץ וואס מען קען בלייבן א חרדי. פון די טאג וואס איך בין אנטלאפן פון דארט לעב איך אין א שטענדיגע פחד, איך האב מורא די גאנצע צייט אז זיי וועלן מיר חס ושלום צוריק כאפן. איך בין דעריבער געקומען צו ר' שמעון שישא ער זאל מיר אנווייזן וואס צו טון. ער האט מיר ב"ה זייער בארוהיגט און מיר געגעבן די פונקטליכע אנווייזונגען וואס צו טון, און איך האף בעז"ה אז איך וועל בקרוב פטור ווערן פון זיי".
●​ אמן! דו זאלסט אינגיכן פטור ווערן.
דערצייל, וואס האט דיר געמאכט צו נעמען די באשלוס זיך צו רעקרוטירן?
"קוק אהער, איך בין געווען א בחור וואס האט זיך געדרייט לאנגווייליג אין די גאסן, איך האב נישט געלערנט אין א ישיבה, נישט געארבעט און איך האב נישט געהאט קיין שום סדר היום.
"איך האב אויך פארשידענע פיזישע פראבלעמען וואס קאסטן זייער טייער עס צו באהאנדלען.
"די מיליטער האט אנגערופן מיין מאמע און איר געוואשן איר מח "דיין אריאל דרייט זיך ארום אן קיין תכלית, אן קיין שום ראם. זאל ער קומען צו אונז, ביי אונז וועט ער ווערן א מענטש, אונז וועלן אים אויך באהאנדלען וועגן זיינע מענטאלישע שוועריגקייטן. דו וועסט זען ווי דער קינד וועט אנהייבן לעבן".
"מיין מאמע האט זיי געפרעגט צו עס איז בכלל א פאסיגע פלאץ פאר א חרד'ישער בחור, "זיכער" איז געווען זייער אנטווארט, "אריאל וועט באקומען אלע זיינע רעליגיעזע געברויכן, ער וועט אריינגיין א חרדי און ארויסקומען א חרדי".
​●​ נו, און די ביסט טאקע געווען ביי די חרדי​'שע בריגאדע "חשמונאים"?
"וואס עפעס? איך בין געווען אין א פולקאמע פרייע בריגאדע, "חטיבת השומר". דארט איז א פרייע פלאץ. בכלל, אין מיליטער איז נישטא קיין איינער וואס קוקט אן דיר און דיינע געברויכן, אלעס גייט לויט די קאפריזן פון דער קאמאנדיר. צום ביישפיל, איינמאל האט דער קאמנדיר מחליט געווען אז ווער עס וויל דאווענען שחרית קען עס טון אין די שפעטע נאכט שעות. איי, מען קען אפילו נישט לייגן תפילין ביינאכט? דאס איז אים נישט אנגעגאנגען. איינער וואס האט זיך אנגעפיפן קעגן די באפעל און געדאוונט אין אן אנדער צייט האט געקענט אויסשטיין שווערע עונשים.
"איך האב געזען אז דאס איז נישט פאר מיר, און איך בין אנטלאפן פון דארט. אבער די חבר'ה קריכן נישט אראפ פון מיר און זיי ארבעטן אויף אלע וועגן מיר צוריק צו זען צווישן די מיליטערישע שורות.
●​ וואס טוען זיי דיר צו באאיינפלוסן?
"אלעס! אלעס אין דער וועלט. סטראשונקעס ווי זיסע וואוילע רייד גלייך. זיי האלטן זיך נישט אפ פון גארנישט מיר צו באאיינפלוסן.
"מיין קאמנדיר איז פערזענליך אראפגעקומען צו מיר פון די ווייטע צפון ביז מיין הויז אין בית שמש צו מיר איינרעדן צוריק צו קומען. זיי האבן מיר צוגעזאגט אז זיי וועלן זיך פירן צו מיר שיין, און אויב איך וועל איינגיין צוריק צו קומען וועלן זיי מיר נישט געבן קיין שום שטראף, זיי ווארטן אויף מיר מיט אפענע ארעמס.
"זיי האבן אויך גערופן סטראשען אז זיי וועלן נאך קומען אינמיטן נאכט און אויפברעכן די טיר, און איך וועל נאך פיין זיצן אין ארעסט אויב איך וועל נישט די רגע זיך באווייזן פאר זיי.
​●​ איך פארשטיי נישט, זיי רעדן שיין אדער זיי סטראשען? וויאזוי ארבעט עס צוזאמען?
זיי פראבירן פון אלע זייטן, סיי ווארענען און סטראשענען, און סיי רעדן שיין און העפליך.
●​ דאס איז אזוי ווי די שיטה פון "דער גוטער פאליציי-מאן און דער שלעכטער פאליציי-מאן"...
"פונקט אזוי! פון איין זייט קומט איינער און סטראשעט דיר אז דו וועסט נישט פארגעסן פון אונז אזוי שנעל, דו וועסט זיצן לאנגע יארן אין טונקעלן צעל אין טורמע אן זען די שיין פון די זון, אויף די געפערליכע חוצפה פון אנטלויפן פון דינסט. און פון די אנדערע זייט קומט צו דיר א צווייטער און ער רעדט צו דיר ווי א פריינט, ער פרובירט דיר איינרעדן אז טאמער דו וועסט יעצט צוריק קומען וועלן זיי דיר פארציכטן אויף אלעס ביז אהער, זיי וועלן פארמאכן די אויגן ווי כאילו זיי האבן גארנישט געזען וואס דא איז געווען, און זיי וועלן אויסמעקן יעדע קלאגע קעגן דיר.
"זיי האבן אנגערופן מיין מאמע און איר געזאגט, "דו זעסט דאך ווי שיין אונז האבן ערציעט דיין אריאל. ווען ער איז געווען אין מיליטער האט ער עפעס אויפגעטון, אבער יעצט גייט ער זיך צוריק אנהייבן דרייען אין די גאסן".
●​ יא, זיכער, מיט אזעלכע טייערע אפוטרופסים ווער דארף נאך שונאים...
ריכטיג... איך פלאן בכלל נישט זיך אונטערצוגעבן אונטער זייער פרעשור, כאטש וואס מען רעדט פון מאסיווע דרוק.
●​ אריאל, זיי שטארק! לאז זיך נישט פון זיי, כלל ישראל שטייט אונטער דיר. דו וועסט אינגיכן פטור ווערן.
אמן! איך בין שטארק ב"ה.

[כלל ישראל]

ווי עס זעהט דא אויס איז די מצב איבער גיוס זייער נישט אין ארדענוג

וואס איז די פלאן דא?
וועט טאקע אלעס בלייבן ביי מרכז עזרה ויעוץ?
וועלן זיי קענען באהאנדלן די 54,000 טויזענט צווי גיוס?
עס מאכט נישט קיין סענס דא די גאנצע זאך

סיריעסלי? איר האלט טאקע אז ביז יעצט איז נאר געווען מרכז עזרה ויעוץ?

[אמת ואמונה]

ווי עס זעהט דא אויס איז די מצב איבער גיוס זייער נישט אין ארדענוג

וואס איז די פלאן דא?
וועט טאקע אלעס בלייבן ביי מרכז עזרה ויעוץ?
וועלן זיי קענען באהאנדלן די 54,000 טויזענט צווי גיוס?
עס מאכט נישט קיין סענס דא די גאנצע זאך

סיריעסלי? איר האלט טאקע אז ביז יעצט איז נאר געווען מרכז עזרה ויעוץ?

ביטע פארפיר נישט די שמועס.

שכוח

[מאירוואלף]

גאלדקנאפף פארלאזט די ממשלה און די קאאליציע.

נתניהו'ס בענאק רעאגירט.

IMG-20250612-WA0026.jpg (82.2 KiB) געזען געווארן 411 מאל

IMG-20250612-WA0019.jpg (51.21 KiB) געזען געווארן 411 מאל

[תינוק הבורח]

גאלדקנאפף פארלאזט די ממשלה און די קאאליציע.

נתניהו'ס בענאק רעאגירט.IMG-20250612-WA0026.jpgIMG-20250612-WA0019.jpg

איך זעה נישט קיין ווארט וועגן ארויסגיין פון די קאאליציע.

[דער תהלים איד]

בכלל דארף מען וויסן אז ווען די חרדים רעדן פון צעווארפן די ממשלה דורך אן אפשטימונג, איז עס געווענליך סתם דאמירן בעלמא, ווייל היות מען דארף א "קריאה טרומית", און דערנאך נאך 3 אפשטימונגען, איז עס א גוטע געים צו קענען זינגען א ניגון און אפילו טון שריט אבער נישט אנקומען צום פיינעל סטעידזש.

[Glass]

וואס איז געווען די מעשה מיט די פינעף בחרים/איגעלייט וואס זענען אנטלאפן פון טורמע אינמיטן די נאכט?

[דער תהלים איד]

א שטיקל קלארקייט איבער'ן מאמענטאלער מצב, זינט די יא/נישט צובראכענע קאאליציע נעכטן נאכט:

Screenshot 2025-06-12 151259.jpg (307.25 KiB) געזען געווארן 313 מאל

[דער תהלים איד]

ווי עס זעהט דא אויס איז די מצב איבער גיוס זייער נישט אין ארדענוג

וואס איז די פלאן דא?
וועט טאקע אלעס בלייבן ביי מרכז עזרה ויעוץ?
וועלן זיי קענען באהאנדלן די 54,000 טויזענט צווי גיוס?
עס מאכט נישט קיין סענס דא די גאנצע זאך

סיריעסלי? איר האלט טאקע אז ביז יעצט איז נאר געווען מרכז עזרה ויעוץ?

ביזדערווייל איז נאר דא מרכז עזרה ויעוץ, וואו א בחור אדער אינגערמאן קען געהאלפן ווערן מהחל ועד כלה אומזינסט.

(ס'איז דא קלענערע אפיסעס וואס טוען טיילווייזע זאכן און שיקן שווערע פעלער צום מרכז, דערנאך איז דא אפיסעס וואס ארבעטן אויף הסברה אדער פראטעסטן וכדו', דערנאך איז דא עסקנים וואס העלפן מענטשן פריוואט אויף א לאו פראפייל פארנעם, א שטייגער ווי א מענטש א טאג)

[דער תהלים איד]

בילדער פון נעכטן נאכמיטאג.

אזוי זעט לעצטנס אויס טעגליך אין מרכז עזרה ויעוץ.

חסידישע, ליטווישע, אשכנזישע, ספרדישע, יעדער צוגלייך קומט זיך בעטן מ'זאל ראטעווען. ממש מען קומט נישט נאך די אומגעהויערע ארבעט, אין די צייט וואס ס'איז דא ארעסטן אויך, און ס'איז דא פרישע גזירות אויך וואס פארשווערן די פראצעדורן וכו'.

[דער תהלים איד]

בילדער פון נעכטן נאכמיטאג.

אזוי זעט לעצטנס אויס טעגליך אין מרכז עזרה ויעוץ.

חסידישע, ליטווישע, אשכנזישע, ספרדישע, יעדער צוגלייך קומט זיך בעטן מ'זאל ראטעווען. ממש מען קומט נישט נאך די אומגעהויערע ארבעט, אין די צייט וואס ס'איז דא ארעסטן אויך, און ס'איז דא פרישע גזירות אויך וואס פארשווערן די פראצעדורן וכו'.

[היימיש]

וואס איז די פלאן אויף ווייטער?
עזרה ויועץ קען העלפן נאר וויפיל זיי קענען
וואס וועט זיין מיט די איבריגע 'כלל ישראל' אין ארץ ישראל?
פארוואס ווערט נישט עפעס געטוען זאכליך אויף א ברייטן פארנעם וואס זאל אפשלאגן די גזירה זעלבסט?
דער אפיס פון מרכז קען ראטעווען פריוואטע מענטשן וואס קומען נאך הילף [אויך מיט א לימיט, און אויך נאר ווען די רעגירונג שפילט מיט, מיט די מיטלן וואס זיי נוצען...]
אבער אויף די לאנג ראן, איז דאס נישט די אפציע צו קענען ראטעווען די טויזענטער בחורים און אינגעלייט וואס זענען אין א געפערליכע סכנה ברוחניות ובגשמיות פון אריינפאלן אינעם מיליטער

[דער תהלים איד]

פארוואס ווערט נישט עפעס געטוען זאכליך אויף א ברייטן פארנעם וואס זאל אפשלאגן די גזירה זעלבסט?

איר האט דאס שוין געפרעגט עטליכע מאל.

יעצט קומט מיט אייער פארשלאג ביטע.

עס שיינט שטארק אז א גרויסע פראטעסט וועט גארנישט אויסמאכן, זינט מ'האט עס שוין געטון אין די לעצטע 10 יאר אפילו ווען ס'איז נישט געווען אזא מצב בכלל. מ'האט שוין געליאמערט און געשריגן און הייזעריג געווארן און אויפגעטון אגעוואלד דערמיט... ווייס איך נישט וואס מ'קען יעצט טון מער.

ראטעווען אחב"י איינער נאך די אנדערע, דאס קען מען זיכער.

[היימיש]

פארוואס ווערט נישט עפעס געטוען זאכליך אויף א ברייטן פארנעם וואס זאל אפשלאגן די גזירה זעלבסט?

איר האט דאס שוין געפרעגט עטליכע מאל.

יעצט קומט מיט אייער פארשלאג ביטע.

עס שיינט שטארק אז א גרויסע פראטעסט וועט גארנישט אויסמאכן, זינט מ'האט עס שוין געטון אין די לעצטע 10 יאר אפילו ווען ס'איז נישט געווען אזא מצב בכלל. מ'האט שוין געליאמערט און געשריגן און הייזעריג געווארן און אויפגעטון אגעוואלד דערמיט... ווייס איך נישט וואס מ'קען יעצט טון מער.

ראטעווען אחב"י איינער נאך די אנדערע, דאס קען מען זיכער.

און אנדערע ווערטער איר 'הייבט הענט', אז רוב רובם פונעם ארץ ישראל אידענטום קען מען איצט נישט העלפן?

דאס וואס איר זאגט אז עס שיינט שטארק אז א גרויסע פראטעסט וועט גארנישט אויסמאכן, זעהט נישט אויס צו זיין די מיינונג פון אלע גדולי ישראל פון אלע שיכטן און קרייזן דא אין ניו יארק, - אריינגערעכנט ביידע סאטמארע רבי'ס - וועלכע האבן אונטערגעשריבען - מיט בלויז עטליכע חדשים צוריק - און פארלאנגט אז יעדער ברויך ארויסגיין אויף א גרויסן מחאה 'זעקת הגולה', קעגן די שרעקליכע גזירת הגיוס
[וואס בלויז צוליב לעצטע מינטיגע טעכנישע סיקיורטי סיבות איז דאס צייטווייליג אפגערופן געווארן]

אפילו די אגודת'טישע המבשר צייטונג האט דעמאלטס געפאמבעט מיט די נייעס אז א 150 טויזענט חו"ל אידן גייען ארויסגיין אויף א מאסן פראטעסט קעגן די גזירת הגיוס,
פארוואס קען מען נישט ארלעדיגן די טעכנישע סיבות ?

[גיוס אפדעיטס]

"איר האט געמוזט באמבאדירן איראן מיר צו באפרייען?..."
ווי באקאנט הערשט יעצט אין ארץ ישראל א מצב מלחמה, פון צייט צו צייט צוקלינגען זיך די אלארמ'ס און מיסלס ווערן געזען אין די הימלען. אלעס ארבעט אין א עמערדזשענסי פארעם, און דאס נעמט נישט אויס די מיליטער און אנדערע רעגירונג אינסטיטוציעס. עס איז כמעט נישט פארהאן פובליק טראנספארטאציע, אומוויכטיגע געשעפטן זענען צוגעשפארט, און מענטשן זוכן זיך נישט סיבות ארויסצוגיין פון שטוב.
ווען מען רעדט פון דער נושא פון גיוס זעט מען דא אויך שטארקע קאנסעקווענצן. אלע לשכות הגיוס זענען צוגעשפארט, און אלע געריכט הייזער זענען פארמאכט. אלע פלענער ווערן אפגעשטופט, מען רעקרוטירט נישט און מען רופט נישט קיינעם זיך צו מאביליזירן אין די צייט. אלע וואס זייער רעקרויטמענט דאטום איז געווען באשטימט אויף די לעצטע וואך זענען געווארן אפגעשטופט אויף אן אנדער צייט.
עס איז טאקע א געוויסע ישועה פאר רוב בחורים וויבאלד אלעס איז פארפרוירן, אבער אזעלכע וואס דארפן דריגענד מסדר זיין זייערע פאפירן אנבאלאנגט מיליטערישע אנגעלעגנהייטן זענען אויך געשטראנדעט און קענען זיך נישט רוקן פאראויס.
איין דוגמא איז א בחור וואס דארף חתונה האבן די וואך אין אמעריקע אבער ער האט נאך נישט געהאט מסדר געווען זיינע מיליטערישע פאפירן. דער פלאן זיינער איז געווען זיך צו שטעלן פאריגע וואך און אלעס ענדיגן כדי ער זאל קענען ארויספארן, אבער פלוצלינג האט די מלחמה אויסגעבראכן און די לשכת הגיוס האט זיך צוגעשפארט, אזוי אז ער האט גארנישט געקענט טון.
און דאס איז אויסער די פראבלעם אז עס זענען בכלל נישטא קיין פלייטס פון ארץ ישראל ארויס, און ער דארף דאך חתונה האבן אין חו"ל אפאר טעג ארום. דער בחור האט פרובירט פארן דורך מצרים אבער ביים גרעניץ האט מען אפגעשטעלט און נישט געוואלט ארויסלאזן, וויבאלד ער האט א "עיכוב יציאה" וואס די מיליטער האט געשטעלט אויף אים.
דא האבן זיך די עסקני "מרכז עזרה ויעוץ" אריינגעלייגט בעובי הקורה, און מען ארבעט שווער אויף אלע פראנטן צו טרעפן א לעזונג צו דעם פראבלעם. אבער אין גרויסן איז יעצט אלעס אפגעשטעלט, און די מחזות וואס מען האט געזען אום די לעצטע פאר וואכן צווישן די ווענט פון אפיס, ווען שווערע צענדליגער זענען געקומען און אנגעקלאפט אויפן טיר צו באקומען הילף און ראט, זענען איצט דראסטיש אראפ, וויבאלד ווי ערווענט איז יעצט אלע מיליטערישע אינסטיטוציעס אנבאלאנגט גיוס ווי געפרוירן. גארנישט רוקט זיך נישט קיין ערגעץ.
עס איז אבער יא אינטערעסאנט אנצוצייכענען צוויי מעשיות פון בחורים וואס זייער ישועה איז אנגעקומען דווקא א דאנק די מלחמה אויסברוך:
א בחור וואס מען האט איינגעזעצט דאנערשטיג אין לופטפעלד, געציילטע שעות פאר די מלחמה אויסברוך, איז פאראורטיילט געווארן אויף 5 טעג טורמע. גלייך ווען די מלחמה האט אויסגעבראכן זענען אלע טורמעס אריבער צו עמערדזשענסי מאדעל און אין אזא פאל באפרייט מען אלע ארעסטירטע וואס האבן נאר נאך א קליין צאל פון טעג צו פארציכטן זייער שטראף. דער בחור וואס האט באקומען בלויז 5 טעג איז אויפן ארט אהיימגעשיקט געווארן ב"ה.

20250611_105144.jpg (154.69 KiB) געזען געווארן 95 מאל

דער בחור געקייטלט אין לופטפעלד

א צווייטע מעשה איז געווען מיט א בחור וואס מען האט ארעסטירט נאך וואס ער איז איבער א יאר אן "עריק". לויט וואס עס האט געהייסן האט ער געזאלט באקומען אן עונש פון איבער א יאר זיצן אין תפיסה.
דעם בחור האט מען ארעסטירט דאנערשטאג און מען האט אים געברענגט צום געריכט. די געריכט איז פארגעקומען דאנערשטאג פארנאכט, אבער עס איז נישט געווען אויפן ארט א לויער וואס זאל אים פארטיידיגן. דער ריכטער איז געווארן בייז און דעריבער באשטימט א געריכט אויף צומארגנס 10:00 אינדערפרי. דאס איז געווען ווי א סארט עונש פאר די פארנאכלעסיגקייט פונעם אדוואקאט וואס האט זיך נישט געשטעלט אין צייט צום געריכט, און דעריבער האט אים דער ריכטער ווי געשטראפט אז אויף מארגן, פרייטאג, וועט ער שוין אין די פריע שטונדן פון טאג מוזן ארויספארן קיין צפון ארץ ישראל כדי צו זיין ביים געריכט אין צייט.
אבער ווי אלע ווייסן איז דריי אזייגער פארטאגס די מיטל מזרח אריבער א שטארקע טרייסל, אלע פלענער זענען צונישט געווארן, די געריכט איז צוגעשפארט געווארן און אלעס איז אריבער אויף א מצב מלחמה.
די געריכט וואס איז געווען באשטימט צו פארקומען פרייטאג צופרי איז בטל געווארן.
היות וואס לויטן געזעץ טאר מען נישט האלטן אן ארעסטאנט מער פון 24 שעה אן קיין דירעקטיוו פון א ריכטער זענען זיי געווען געצווינגען ארויסצולאזן פריי דעם בחור.
דער בחור האט גלייך אנגעקלונגען הרה"ח ר' שמעון שישא שליט"א און געפרעגט מיט א שמייכל "איר האט געמוזט באמבאדירן איראן מיר צו באפרייען?..."

פרוטוקול.pdf

(696.99 KiB) דאונלאודעד איין מאל

[Azoi Tzi Zugen]

שרעקעדיג און פרייליך אויסגעמישט. יישר כח.