בצל הקודש
=מאנטאג ראה=
אינדערפרי נאך די מקוה איז פארגעקומען די ברית לבן הנולד אצל ר' אלימלך באש הי"ו בבית חמיו הרה"ח ר' אהרן שאול סאנדעל הי"ו ווי דער רבי איז געווען סנדק ומוהל.
דערנאך ארום 9:30 האט זיך דער רבי ארויס געלאזט אויפן וועג צום מחנה רב טוב - בחורים קעמפ אין סוואן לעיק, דאווענען תפילת שחרית אינאיינעם מיט די תלמידי כתה מכינה לישיבה פון וומ"ס און ב"פ,
דער רבי איז אנגעקומען אין קעמפ ארום 10:20,
ביים אנקומען האט זיך דער רבי באגריסט מיט הרה"ח ר' יקותיאל דוד אהרן ווייס הי"ו - מנהל המחנות,
דער רבי האט געלייגט טלית ותפילין אין ביהמ"ד,
פארן דאווענען האט דער רבי געלייגט תפילין פאר די בר מצוה בחור ב"ר שלמה אהרן פריעדמאן הי"ו.
בעל תפילה: הב' ב"ר יואל רפאל קנאפפלער הי"ו - ב"פ.
ביים ליינען זענען מכובד געווארן:
פתיחה: הר"ר יודא בער טעלער שליט"א - מנהל וומ"ס.
בעל קורא: הב' ב"ר יצחק טייטלבוים הי"ו - וומ"ס.
כהן: הר"ר עקיבא יוסף כהנא שליט"א - מנהל ב"פ.
לוי: הר"ר שמואל משה פריעדמאן שליט"א - וומ"ס.
שלישי: רבינו שליט"א.
הגבה: הר"ר אברהם מאיר אלטמאן שליט"א - ב"פ.
גלילה: הב' בהר"ר יואל ברי"ב שטערן שליט"א - וומ"ס.
פארמיטאג ארום 1:15 איז דער רבי אריין אין ביהמ"ד ווי דער רבי האט זיך אומגעקוקט אויף די לימודים צום ערשט אינעם ביהמ"ד פון תלמידי וומ"ס בהנהלת הר"ר יודא בער טעללער שליט"א, ווי דער רבי האט ארומשפאצירט צווישן די טישן און זיך מפלפל געווען אין די לימודים מיט די בחורים פאר א לענגערע צייט.
דערנאך איז דער רבי אראפ אינעם ביהמ"ד פון די תלמידי בארא פארק בהנהלת הר"ר עקיבא יוסף כהנא שליט"א, ווי דער רבי האט זיך אומגעקוקט אויף די לימודים און זיך מפלפל געווען מיט די בחורים פאר א לענגערע צייט.
אויפן וועג האבן אפגעווארט די ילדי המחנה ווי זיי האבן געזינגען א ניגון און דער רבי האט פארטיילט ממתקים פאר די קינדער,
דערנאך איז פארגעקומען די מסיבת לחיים מיט די בחורים אין ביהמ"ד, מען האט געזינגען חרוזים, און דער רבי האט געמאכט א לחיים און אנגעוואונטשן פאר די בחורים,
דערנאך האט דער רבי משמיע געווען דברות קודש, דער רבי האט אנגעהויבן מיט דברי דרוש אין די סוגיא וואס די בחורים לערנען אין מסכת קידושין, און דערנאך ארומגערעדט דברי הדרכה איבער חשקת התורה, און מעורר געווען נזהר צו זיין צו גיין אין מקוה יעדן טאג, נישט רעדן קיין שיחת חולין מיט די תפילין, נישט צורירן צו קיין שום כלים, און צוגעענדיגט מיט ברכת קודש פאר די מרביצי תורה און פאר אלע בחורים.
מען האט געענדיגט ארום 2:20.
ארום 2:30 איז דער רבי אנגעקומען צום מחנה רב טוב - מחנה נתן צבי אין מאנטיסעלא ניו יארק,
דער רבי איז ארומגעגאנגען צו די בתי מדרשים פון סניף הר"ר משה אלי' גרין שליט"א,
סניף הר"ר יואל שטערן שליט"א,
סניף הר"ר יואל מאיר פריעדמאן שליט"א,
סניף הר"ר זרח שפירא שליט"א,
און פאר קרוב צו א שעה ארומשפאצירט צווישן די קינדער זיך אומקוקנדיג ווי אזוי זיי לערנען, און זיך מפלפל געווען מיט די קינדער אין די לימודים,
דערנאך איז דער רבי ארויף צום חדר האוכל ווי עס איז צום ערשט פארגעקומען די ברית לבן הנולד אצל ר' יצחק ברנ"מ ליכטענשטיין הי"ו ווי דער רבי איז געווען סנדק.
דערנאך איז פארגעקומען די מסיבת לחיים אינאיינעם מיט אלע קינדער ווי די קינדער האבן פארגעזונגען ווארימע חרוזים לכבוד המאורע,
דערנאך האט דער רבי געמאכט א לחיים און אנגעוואונטשן פאר אלע קינדער און מלמדים, און משמיע געווען דברות קודש ודברי מוסר און ארויסגעברענגט דעם אשר בחר בנו מכל העמים, און מעורר געווען נזהר צו זיין בשמירת הפה סיי נישט צו רעדן קיין שקר און סיי נישט צו טשעפענען איינער דעם צווייטן, און דער רבי האט געבעטן די מלמדים זאלן לערנען מיט די קינדער די טייטש פון אהבה רבה מען זאל פארשטיין וואס מען בעט, און פארענדיגט בברכת קדשו.
דערנאך האט דער רבי פארטיילט שיריים פאר די מלמדים צו פארטיילן פאר אלע קינדער.
בעת'ן וויילן אין קעמפ האט דער רבי באגריסט די אייניקלעך תלמידי המחנה און זיי געגעבן טאשן געלט כפי מנהג אביו זי"ע.
מען האט געענדיגט ארום 4:30 און דער רבי האט פארלאזט די קעמפ און איז אדורכגעפארן צווישן די קינדער בשעת די קינדער שטייען אויסגעשורה'ט אויף די צוויי זייטן פונעם קעמפ.
ארום 4:45 איז דער רבי אנגעקומען צו מחנה בית רחל אין סאוט פאלסבורג ווי דער רבי איז צוגעפארן צום בנין 'שערי שלוה' ווי עס זענען געווען פארזאמלט אלע תלמידי בית רחל,
ביים אנקומען האט זיך דער רבי באגריסט מיט די הנהלת המחנה,
דער רבי איז ארויף אויפ'ן בימה און משמיע געווען דב"ק ודברי הדרכה פאר די תלמידות און מסיים געווען בברכת קדשו.
ארום 5:00 אזייגער האט דער רבי פארלאזט די קעמפ אויפן וועג אהיים לביתו נאוה קודש אין ק"י.
פארנאכטס האט דער רבי מסדר קידושין געווען ביי די חופה פון די מחותנים הרה"ח ר' מאיר מרדכי בודק הי"ו און הר"ר אלעזר רובינפעלד שליט"א אין די זאלן פון כינור דוד.
און ביי די חופה פון די מחותנים הרה"ח ר' יעקב ישראל קטינא הי"ו און הרה"ח ר' מאיר סטרולאוויטש הי"ו אין די זאלן פון בית רחל פאראדייס.
און ביי די חופה פון די מחותנים הרה"ח ר' דוד ווייס הי"ו און הרה"ח ר' ליפא ראזענפעלד הי"ו אין די זאלן פון גינת קליין.
ארום 8:00 אזייגער האט דער רבי געדאווענט מנחה בביתו נאוה קודש אויף איהעל קט.
דערנאך איז געווען זמני כניסה ביז 12:15 אויפדערנאכט.
בעת די זמני כניסה איז געקומען אויף א באזוך הגה"צ אב"ד היבנוב שליט"א,
עס האט זיך פארצויגן א שיינע שמועס און דער רבי האט ווארעם אנגעוואונטשן.
אויך איז געקומען הגה"צ רבי משה מנחם ווייס שליט"א - אב"ד דקהלתינו לאנדאן וועלכע וויילט אין די יעצטיגע וואכן אין ניו יארק,
עס האט זיך פארמירט א שיינע שמועס איבער הרחבת גבולי הקדושה פון קהלתינו הק' אין לאנדאן און דער רבי האט מכבד געווען מיט לחיים און ווארעם אנגעוואונטשן ברכת קדשו.
ארום 10:15 האט דער רבי געליינט די תנאים פון די מחותנים הרה"ח ר' חיים הערש שווארטץ הי"ו און הרה"ח ר' זלמן לייב פעלבערבוים הי"ו,
און פון די מחותנים הרה"ח ר' בנימין כהן הי"ו און הרה"ח ר' אברהם שעהנברוין הי"ו,
אין די תנאים זאלן בביתו נאוה קודש.
דער רבי האט געדאווענט מעריב ארום 12:15.
בביתו נאוה קודש אויף צאנז קט. איז פארגעקומען א מסיבת לחיים לרגל דאס שידוך שליסן פון די מחותנים הרה"ח ר' ישראל שמחה לאנדא הי"ו און הרה"ח ר' אלחנן טויב הי"ו.
~
בצל הקודש
