אידטיש

ליל שב"ק אום 9:00 איז מרן רבינו אריינגעקומען אין ביהמ"ד הגדול מעוטף בטליתו און צוגעגאנגען צו תפלת מנחה אנהויבנדיג מיט א ברען 'הודו לה' כי טוב'.
מיט קבלת שבת איז נתכבד געווארן הר"ר יואל בר"ש ווערצבערגער שליט"א. מ'האט געענדיגט דאווענען בשעה 10:30, און דער ציבור איז אריבער זאגן 'גוט שבת'.
שולחן הטהור
בשעה 11:00 איז מרן רבינו שליט"א אריינגעקומען צום 'שולחן הטהור' אין היכל השולחנות אינאיינעם מיט די תלמידי המתיבתא, דער רבי שליט"א האט אנגעהויבן כדרכו בקודש 'שלום עליכם' מיט אן אש להבה. מיט 'אשת חיל' האט דער רבי שליט"א מכבד געווען נכדו הרב ישראל דושינסקיא ני"ו בן הגה"צ רב דביהמ"ד אהל פיגא שליט"א חדב"ן. מיט הגבהת הכוס איז נתכבד געווארן נכד רבינו הר"ר מאיר יודא אשכנזי שליט"א.
מיט'ן זמר 'כל מקדש' האט דער רבי שליט"א מכבד געווען הר"ר יעקב אליעזר כהנא הי"ו, און מיט'ן זמר 'מנוחה ושמחה' הרה"ג רבי יוסף שמואל בערקאוויטש שליט"א מו"ץ בקהלתינו.
דער רבי שליט"א האט משמיע געווען דברי תורה אויפ'ן שילוב פון סוף סדר ויקרא צו סדר במדבר, און אויסגעטייטשט בדרך דרוש אין די סוגיא פון "מצוה הבאה בעבירה".
מיטן זמר 'י-ה אכסוף' האט דער רבי שליט"א מכבד געווען הרה"ג ר' אברהם וואלף פריעדמאן שליט"א, מיט ברכת המזון האט דער רבי שליט"א מכבד געווען נכדו הרב יקותיאל יודא טייטלבוים שליט"א בן הגה"צ רב דקהלתינו וומסב"ג שליט"א.
עובדות וסיפורים האט דער רבי שליט"א דערציילט פון אור שבעת הימים מרן הבעשטה"ק זי"ע וואס זיין יארצייט איז אויסגעפאלן יו"ט שבועות.
מיטן זמר י-ה רבון עלם האט דער רבי שליט"א מכבד געווען הרה"ח ר' שלום יצחק שעהר הי"ו.
ביי די פירות זענען די חתנים אריבער נעמען שיריים. מיטן זמר אז ביום השביעי האט דער רבי שליט"א מכבד געווען הרה"ח ר' יושע טעללער הי"ו, מ'האט געענדיגט דעם טיש אום 1:30.
וביום השבת קודש
שב"ק אינדערפרי איז דער רבי שליט"א אריינגעקומען צום דאווענען אום 9:40, מיט פסוקי דזמרה איז נתכבד געווארן הר"ר שרגא גאנדל הי"ו, מרן רבינו שליט"א האט יורד געווען לפני התיבה צו תפלת שחרית כנהוג.
מיט הוצאה והכנסה איז נתכבד געווארן הרה"ח ר' חיים אלעזר שפיצער הי"ופון וומסב"ג, און מיט פסוקי שמע ישראל הר"ר איתמר טובי' קויפמאן שליט"א.
עליות
כהן: הרה"ח ר' אליעזר דוד גליק הי"ו; לוי: הר"ר יונה צבי האפמאן הי"ו; שלישי: הבה"ח יוסף אליעזר ני"ו בן הרה"ח ר' מענדל יאנקלאוויטש הי"ו - באווארפן; רביעי: הרה"ח ר' שמואל דוד פעקעטע הי"ו; חמישי: הרה"ח ר' יואל משה לאנדא הי"ו; שישי: מרן רבינו שליט"א, דער רבי שליט"א האט קורא שם געווען לבתו הנולדה למז"ט למו"ה ר' משה פריעד הי"ו, פאר בתו הנולדה למז"ט למו"ה ר' אהרן יואל קעסלער הי"ו, און פאר בתו הנולדה למז"ט למו"ה ר' חיים יעקב דוב ניימאן הי"ו; שביעי: מו"ה ר' יוסף הערשקאוויטש הי"ו, דער רבי שליט"א האט קורא שם געווען לבתו הנולדה למז"ט; הוספה: מו"ה ר' ליפא קויפמאן הי"ו, דער רבי שליט"א האט קורא שם געווען לבתו הנולדה למז"ט; אחרון: הרה"ח ר' וואלף פערל הי"ו; הגבה: הרה"ח ר' מענדל יאנקאוויטש הי"ו; גלילה: הרה"ח ר' יעקב אליעזר גראד הי"ו.
מוסף: מרן רבינו שליט"א האט יורד געווען לפני התיבה צו תפלת מוסף לקראת הילולת זקינו הרה"ק מוואלאווע זצ"ל ביום ג' סיון, מיט פתיחת הארון פאר אנעים זמירות איז נתכבד געווארן הרה"ח ר' שמואל לאנדא הי"ו, מ'האט געענדיגט בשעה 12:35.
רעווא דרעווין
אום 8:55 איז דער רבי שליט"א אריינגעקומען צו מנחה ושל"ס, עס איז נתכבד געווארן צו דאווענען פאר'ן עמוד מו"ה ר' יעקב יחזקי' גאנדעל הי"ו, מיט הוצאה והכנסה איז נתכבד געווארן הר"ר אברהם שמחה גא-טליעב הי"ו; כהן: הר"ר משה כ"ץ הי"ו; לוי: הרה"ג ר' פרץ טובי' דייטש שליט"א; שלישי: הגה"צ רב דביהמ"ד אבני צדק שליט"א חדב"ן; גלילה: מו"ה ר' ראובן גלאנץ הי"ו.
מיט'ן זמר 'אודה' האט דער רבי שליט"א מכבד געווען הרה"ח ר' נח גפן שליט"א, און מיט 'שיר המעלות' הרה"ח ר' משה גאלדשטיין הי"ו.
דער רבי שליט"א האט משמיע געווען דברות קודש אויפן מדרש "מה ראו להתקרב יותר מן האומות", און ארויסגעברענגט אז דורכן מקבל זיין מסירות נפש במחשבה ווערט מען ניצול פון יסורים און מיתה, און דאס איז די ריכטיגע הכנה צו יו"ט שבועות.
מיטן זמר ידיד נפש האט דער רבי שליט"א מכבד געווען הרה"ח ר' ישראל מאיר פריעדמאן הי"ו פון וומסב"ג, און מיט'ן זמר קל מסתתר האט דער רבי שליט"א מכבד געווען הרה"ח ר' חיים אלעזר שפיצער הי"ו פון וומסב"ג.
מרן רבינו שליט"א האט יורד געווען לפני התיבה צו תפלת מעריב לרגל הילולת זקינו הרה"ק מוואלאווע זי"ע. נאך הבדלה איז דער ציבור אריבער וואונטשן א גוטע וואך, מ'האט געענדיגט אום 11:05.

במוצאי יום גילה
נאך הבדלה איז מרן רבינו שליט"א אריבער אין שטוב פון הרה"ח ר' דוד שמואל גאלדבערגער הי"ו וואו ס'איז פארגעקומען א סיום כתיבת האותיות אינעם ס"ת וואס איז אריינגעגעבן געווארן צומארגנס זונטאג בהיכל הישיבה גדולה סניף קדושת יואל. דער רבי שליט"א האט אריינגעשריבן אינעם ס"ת, און עס האט זיך פארצויגן א שיינער שמועס זכרונות מימי קדם פון רביה"ק בעל דברי יואל זי"ע אין בעל הארבער. דערנאך האט דער רבי שליט"א געוואונטשן לחיים און מאציל געווען מברכת קדשו פארן בעל שמחה ובני משפחתו.
פון דארט איז דער רבי שליט"א אריבער אין שטוב פון הרה"ח ר' וואלף פערל הי"ו, וואו ס'איז פארגעקומען א סיום כתיבת האותיות אינעם ס"ת וואס איז אריינגעגעבן געווארן צומארגנס זונטאג בבית מדרשינו ברך משה. דער רבי שליט"א האט אריינגעשריבן אינעם ס"ת, דערנאך האט זיך פארצויגן א הערליכר שמועס איבער די בראשית יארן בצל מרן רביה"ק הדברי יואל זי"ע, און איבער הרה"ק המנחת אלעזר ממונקאטש זצ"ל וואס זיין יארצייט איז אויסגעפאלן שב"ק ב' סיון.
דערביי איז פארגעקומען א חתימת שטרות פארן נייעם אוצר הספרים אין בנין מבצר הכוללים, און א זכות נכבד בביהמד הגדול אין קרית יואל וואס הרבני הנגיד ר' וואלף הי"ו האט מנדב געווען. דער רבי שליט"א האט אונטערגע'חתמ'ט ביידע שטרות אינאיינעם מיטן נדבן, און דערנאך געוואונטשן לחיים און מאציל געווען מברכת קדשו פארן בעל שמחה ובני משפחתו.
בביתו נאוה קודש איז פארגעקומען ספעציעלע זמני כניסה פאר עטליכע מנינים חאלאקע קינדער פון די פארגאנגענע ספירה וואכן. דער רבי שליט"א האט געשוירן די האר און פארטיילט ממתקים און געוואונטשן ברכת קדשו פאר די קינדער.

דער רבי האט געדאווענט שחרית אין ישיבה גדולה סניף דברי יואל.

א גוט שבת.
~~