רופא חולים: שבת א' סליחות / רחמים שאלי קאמפיין ג' ד' סליחות

[דער תהלים איד]

שוין, שרייבנדיג יעצט אין אן אנעדרן אשכול דאס ווארט "רמב"ן", דערמאן איך זיך נאך א ווארט פון ר' ישראל שטערן:

מ'האט געפרעגט א בחורל "וויזוי זאגט מען, מעריצין ומקדישין וממליכין? אדער מעריצים ומקדישים וממליכים?"

האט ער געענטפערט "וואס א חילוק, כ'מיין אז ס'די זעלבע זאך, פונקט ווי 'רמב"ם' שרייבט מען אמאל מיט א ם' און אמאל מיט א ן' "....

[דער תהלים איד]

מיינס א חבר, וואס איז אויך געווען אויף שבת אבער האט נישט קיין ניק'ס אויף קיין וועבסייטס... שיקט מיר היינט שטארקע הערות והוספות נאכ'ן ליינען די באריכט דא.

ערשטנס א פשוטע טעות פון מיר:

שחרית

שבת אינדערפרי האט מען געדאוונט אין די "אבוחצירא שול". מ'האט אויסגערופן "10 אזייגער נישט פונקטליך...", למעשה האט מען געזאגט הודו בערך 10:30. ס'האט געדאוונט פאר'ן עמוד דער בעל תפילה ר' יואליש.

זאגט מיין חבר:

Off Topic

האסט געמאכט א טעות ביים בעל תפילה שבת אינדערפרי

דער בעל תפילה איז געווען האברך ר' יואל ב"ר חיים הלוי העללער

טאקע זייער שיין און געשמאק געדאוונט, עס דערקענט זיך אז ער קומט פון אזא טאטן

[דער תהלים איד]

Off Topic

רבי אלימלך האט אויך דערציילט דאס וואס ער דעציילט אסאך מאל איבער הגאון רבי יהודה פתייה זצ"ל, וואס איז אמאל ראש השנה ביינאכט געזעסן ביי די סעודה מיט געסט ביי זיין טיש. ער איז געווען אנגעטוהן אין שיינע ווייסע קליידער, און אויפ'ן טיש איז געלעגן א גרויסער לייכטער, מיט שיינענדיגע ליכט וואס האבן אנגעפילט דאס גאנצע הויז מיט לעכטיגקייט.

פלוצלינג האט איינער פון די געסט בטעות א שטופ געגעבן דעם טיש, און דער לייכטער איז געפאלן, און ס'איז געווארן פינצטער אין הויז... רבי יהודה פתייה האט זיך איינגעהאלטן נישט צו זאגן א ווארט פון כעס ח"ו, פאר דעם גאסט, פארוואס ער האט נישט אכטונג געגעבן וואס ער טוט. וויבאלד ס'איז געווארן טונקל אין צימער, איז ווען די רעביצין איז געקומען מיט'ן טאץ פיש, איז דער גאנצער טאץ געפאלן, און אלעס האט זיך אויסגעגאסן אויף דער ערד... הרב פתייה ז"ל האט זיך אויפגעשטעלט צו זעהן וואס עס האט פאסירט מיט די פיש, האט ער זיך אויסגעגליטשט אויף די פיש זאפט, און איז געפאלן אויף דער ערד. זיין ווייסע בעקישע איז אינגאנצן שמוציג געווארן... ער האט זיך אבער
איינגעהאלטן פון כעס און רוגזא.


ענדע יענעם יאר, האט רבי יהודה פתייה געזאגט, אז ער האט נאך קיינמאל אין לעבן נישט געהאט אזא גוט זיס און לעכטיג יאר ווי יענעם יאר. וואו נאר ער האט זיך געוואנדן און געקערט, האט דער אויבערשטער אים געגעבן הצלחה. ער האט יענעם יאר אויך זוכה געווען צו גרויסע מחדש צו זיין וואונדערליכע חידושים, און האט געהאט וואונדערליכע גילויים אין די הייליגע תורה.

פון דעם זעט מען אז די אלע סימנים וואס מען מאכט, איז דער עיקר וויאזוי עס אנצונעמען אין קאפ, דער עיקר אין דער הייליגער נאכט און אינעם הייליגן טאג פון ראש השנה איז אנצונעמען אלעס מיט ליבשאפט און מיט א פרייליך געמיט, מיט שלוות הנפש, אז אלעס איז לטובה ולברכה פאר דעם מענטש, און אזוי וועלן טאקע אלע פאסירונגען זיין 'גוטע סימנים', לטובה ולברכה.

[דער תהלים איד]

Off Topic

אויך האט ער נאכגעזאגט א ווארט, אז מיר זאגן ביי סליחות דעם לשון 'כדלים וכרשים דפקנו דלתיך', און 'דלתיך דפקנו רחום וחנון'. וואס איז דער דאפלט לשון? נאר אן ארימאן וואס גייט ארום איבער די הייזער בעטן נדבות, שטעלט צוזאמען א פרוטה צו א פרוטה . אויב מ'עפנט נישט פאר אים איין טיר, וועט ער זיך נישט אויפהאלטן דארט לאנג, נאר ער וועט גיין ווייטער. אבער איינער וואס איז הונגעריג און דורשטיג, ווייל ער האט שוין נישט געגעסן עטליכע טעג, און ער שפירט אז אויב ער וועט נישט באקומען צו עסן און טרינקען, וועט ער ביז עטליכע סעקונדן אויסגיין חלילה וחס, וועט ער נישט אוועקטרעטן פון דער טיר וואו מ'עפנט נישט, צו גיין צו אן אנדערע טיר, נאר וועט קלאפן און זעצן אויף די טיר מיט אלע כוחות, ביז מ'וועט פאר אים עפענען די טיר, און מ'וועט אים געבן צו עסן און דערקוויקן דאס הארץ.

אזוי זאגן מיר, 'דלתיך דפקנו'. מיר שפירן כביכול אז מיר קענען נישט אזוי אנגיין ווייטער, נאר מיר וועלן קלאפן און קלאפן ביז מ'וועט פאר אונז עפענען די טויערן פון הימל... און דער אויבערשטער וועט אונז פארשרייבן א זיס לעכטיג יאר, מיט א כתיבה וחתימה טובה.

[דער תהלים איד]

נאך איינס פון מיין חבר'ס זכרון:

Off Topic

אין א נייער שטאט וואס מ'האט געבויט אין ארץ ישראל פאר היימישע אידן, האט מען באשטעלט א שיינעם 'קאראוואן' פאר א ביהמ"ד, עס איז אנגעקומען מיט א גרויסן קרעין און מ'האט געארבעט שווער מיט גרויסע שטארקע שטריק אז עס זאל 'לאנדן' ריכטיג אויפ'ן גוטן פלאץ, זייענדיג אין די לופט האבן די ארבעטער געשריגן 'רעכטס', 'לינקס'... ביז דער קאראוואן איז געשטאנען גענוי אויפ'ן פלאץ, און מען האט געגאסן די צעמענט ארום דאס צו באפעסטיגן.

נאכדעם איז אנגעקומען דער רב דארט, און ער האט זיך דערשראקן זעענדיג אז מ'האט בטעות אוועקגעשטעלט דעם 'ארון קודש' פארקערט , די מזרח'דיגע זייט איז גאר אויף מערב זייט... האט א קליין קינד פרובירט 'בארואיגן' דעם רב, און געזאגט : מה כל הרעש... מ 'וועט זיי זאגן נאך אמאל צו שרייען 'רעכטס', און 'לינקס ', ביז דער גאנצער 'היכל' וועט שטיין געהעריג... האט איהם די רב געזאגט: מיין קינד, אזוי לאנג ווי דער קאראוואן איז געווען אין דער לופט , האט מען געקענט שרייען 'רעכטס' און 'לינקס', און עס לייכט אין ארדענונג ברענגען, אבער יעצט , אז ער ליגט שוין און ער איז באהאפטן צו דער ערד, וועלן שוין נישט העלפן קיין שום געוואלדן און געשרייען, און אויך נישט דאס דריקן אויף אלע סארטן 'קנעפלעך'...


לענינינו, אין די יעצטיגע טעג, די ימים נוראים , איז נאך נישט 'באשטימט' געווארן דער גזר דין פאר'ן קומענדיגן יאר הבעל"ט. עס 'הענגט' נאך אין דער לופט, און מיר זענען בכח עס צו 'רוקן' און ענדערן לויט'ן געברויך, לאמיר נישט ווארטן ביז נאך די כתיבה און חתימה, כדי מיר זאלן נישט דארפן שפעטער 'שוויצן' גאר א סאך מיט תפילה און תחנונים כדי מבטל צו זיין דעם פארזיגלטן גזר דין...

[דער תהלים איד]

ווער ס'האט נאכנישט אנטיילגענומען אינעם "6 מיליאן דאלאר" קאמפיין קען נאך יעצט אריינצוכאפן צו ווערן א שותף אין העלפן הונדערטער אר"י'דיגע חולי ישראל, און זייערע פארארימטע משפחות הנתונים בצרה! א מורא'דיגע זכות צום יום הדין איבערמארגן!

מ'קען דא געבן אויפ'ן פעידזש פון ידידי ר' יצחק מייזעלס פון עקספרעס איט:

https://www.dryveup.com/rcy/62020

[וואלף]

פעלט נאך 527 צום גאויל