עס איז כלל נישט אזוי פשוט, לאמיר זעהן.שמייכלדיג האט געשריבן: ↑מיטוואך מערץ 13, 2024 2:04 pmמגילה יא. תנו רבנן שלשה מלכו בכיפה ואלו הן אחאב ואחשורוש ונבוכדנצררעגענדיגע זונטאג האט געשריבן: ↑מיטוואך מערץ 13, 2024 1:41 pm אויף וויפיל לענדער האט אחשוורוש נישט געקעניגט?
און ווער זענען געווען די קעניגן אויף די אנדערע לענדער?
ער האט געקעניגט אויף די גאנצע וועלט
אין מדרש רבה (פרשה א' ה') שרייבט די מדרש אז די וועלט האט 252 לענדער, וואס לויט דעם קומט אויס אז אחשורוש האט געוועלטיגט אויף איינס מער ווי האלב וועלט. און אזוי אויך אין פרקי דר' אליעזר (י''א) שרייבט ער אז די וועלט האט געהאט 232 לענדער, און אחשורוש האט מתחילה געקעניגט אויף פונקט האלב וואס דאס איז 116 לענדער, און נאכן נעמען אסתר האט ער בזכותה צובאקומען נאך 11 לענדער און צוזאמען קומט עס אויס 127 לענדער. (פארשטיי מיר שוין די מדרש מה ראתה אסתר, ווייל עס איז דאך געווען בזכותה)
דער בן איש חי אין בן יהוידע (מגילה יא) איז מסביר אז אחשורוש האט געקעניגט אויף די עיקר חלק פון די וועלט, וואס אין יענע צייטן האט מען בעיקר געוואוינט אין די מיטל מזרח, און אין אזיע. אבער אודאי זענען געווען נאך לענדער וואס אחשורוש האט דארט נישט געקעניגט. אבער די גמרא רופט אים אן מושל בכיפה וויבאלד ער האט געהערשט אויף די עיקר באוואוינטע חלק פון די וועלט.
באמת ווען מען קוקט אריין אין תרגום (ראשון) אויפן פסוק ג' ח'. זעהט מען אז המן זאגט פאר אחשורוש, איתי עמא חדא מבדר ומתפרש ביני עממיא ואמיא ולישניא ''ומקצת מנהון דירין בכל פלכי מלכותא'' וואס פון דעם זעהן מיר קלאר אז עס זענען געווען אידן וואס האבן געוואוינט אין פלעצער וואס אחשורוש האט נישט געקעניגט איבער דעם.
דער אבן עזרא שרייבט אויפן פסוק ויישם המלך אחשורוש מס על הארץ ואיי הים. אז נאך די נס פון פורים איז די פחד פון מרדכי געווען אויף די גאנצע וועלט, און וויבאלד מרדכי איז געווארן משנה למלך האט אחשורוש אויסגענוצט די געלעגענהייט און ארויף געשטעלט שטייערן אפי' אויף די לענדער וואס ער איז נישט געווען קעניג. און די לענדער האבן פון די פחד פון מרדכי באצאלט אפי' אחשורוש איז נישט געווען קעניג דארט. וואס פון דעם זעהן מיר קלאר אז דער אבן עזרא האט געלערנט אז חוץ פון די 127 לענדער, איז געווען נאך לענדער וואס איז נישט געווען אונטער די פרס'ישע אומפעריע.
אין מדרש תהילים קאפיטעל כ''ב שרייבט דער מדרש אז באמת איז יא אחשורוש געווען קעניג אויף די גאנצע וועלט, נאר ווען ער האט גע'הרג'עט ושתי האבן אלע לענדער מורד געווען אין אים. און ווען ער האט גענומען אסתר, האבן זיך 127 צוריק אונטער געוואפען אונטער אים. וואס לויט דעם שטימט אלעס!
דער חתם סופר אין די דרשות אויף פורים (קצט:) ברענגט בשם המדרש רבה אז קודם האט אחשורוש געקעניגט אויף די גאנצע וועלט, אבער א טייל לענדער האבן מורד געווען. אבער אני בעניי ווען איך קוק אריין אין מדרש זעה איך דאס נישט. די מדרש זאגט בסך הכל די סיבה פארוואס דער אויבערשטער האט מעניש געווען אחשורוש און אוועקגענומען פון אים א האלבע וועלט. אבער נישט אז מתחילה האט ער יא געקעניגט אויף דעם, נאר אז נבוכדנצר האט יא.
ובדרך אגב איז אינטערעסאנט דאס וואס דער רש''ש שרייבט (מגילה ז.) אז נישט אלע 127 לענדער איז אחשורוש געווען ממש קעניג דארט. נאר א חלק פון די לענדער האבן געהאט זייער אייגענע קעניג, נאר זיי האבן געצאלט יערליכע שטייער פאר אחשורוש.
