א שטיקל קלארקייט וואס כ'האב מברר געווען בנוגע די "ברך משה/עיקערס" קאנעקטער ראוד וואס איז לעצטנס אין די נייעס נאך א הירינג אין וואודבורי, צו האבן נאך א וועג ארויס פון שכונת ברך משה.
ארגינעל איז דער בויער פון שכונת ברך משה געווען ר' אברהם יודא גאלדבערגער. ווען מען האט אפראווד זיין סייט פלען, איז געווען אינקלודעד א תנאי אז ער גייט מאכן א ראוד אויבן ארויס צו עיקערס, אויף שטח פון ועד הקרי' וואס איז אונטער וואודבורי. ער האט געדארפט טון סיי די ביוראקראטיע ארבעט מיט וואודבורי, כמבן מיט די הילף פונעם ווילעדזש, און סיי דאס בויען און באצאלן.
יודי האט שוין טאקע געהאט אריינגעגעבן אן אפליקעישן צו מאכן דעם ראוד, עס האט געהאלטן אינמיטן די פראסעס, אבער וואודבורי האט עס אריינגעשלעפט אין קאורט אינאיינעם מיט די קוואל וואס די ווילעדזש האט דארט געגראבן צו קענען האבן גענוג וואסער.
אינצווישן האט יודי געמוזט מאכן א שארט סעיל אויף גאנץ ברך משה און קארלסבורג לאטס, און די אוינערשיפ איז דעמאלס אריבער צו ר' יעקב זוסמאן סופר. די ועד הקרי' איז דעמאלס געזיצן מיט'ן נייעם אוינער צו אויסארבעטן אסאך דיטעילס, למשל די פרייזן פון די ביליגע דירות וואס יודי האט זיך געהאט אונטערגענומען און פארקויפט, און נאך אסאך פרטים. איינע פון די זאכן וואס יענקי האט נישט געוואלט ממשיך זיין איז בויען דעם ראוד, וואס איז סיי א קאמפליצירטע ארבעט מיט וואודבורי און סיי א קאסטבארע זאך.
בערך א יאר צוריק איז אריינגעקומען אביסל א נייע ווירטשאפט אין וואודבורי, און די ווילעדזש האט געהאלטן אז ס'איז א שעת הכושר צוריק אויפצוברענגען דעם ראוד, אפשר וועט עס געלונגען אדורכצוגיין, כאטש די לופט אין וואודבורי איז נאך הכלל נישט אזוי סימפאטיש, אבער היבש רואיגער ווי די פאריגע אדמיניסטראציע וואס איז געווען ממש אויסגעשפראכן און געטיילט צרות צרורות פאר אלע וואודבורי אידן.
די ווילידזש האט אליינס אנגעהויבן ארבעטן אויף די אייגענע קאסט, אויפגענומען א לויער און געשיקט פרישע אפליקאציעס צו וואודבורי. דער מהלך איז אז מען בעט פרעמישן פאר א "עמערדזשענסי ראוד", אזוי דארף עס נישט אדורכגיין אזויפיל טרעפיק שטודיעס, און די ראוד קען זיין א פריוואטע אוינערשיפ און מוז נישט ווערן איבערגעשריבן צו א מוניציפאליטי. כמובן איינמאל ס'איז דא אן עמערדזשענסי ראוד, קען מען הערשט דעמאלס אנהייבן מיט א רואיגקייט ארבעטן אויף ווייטער...
יעצט איז געווען דער "הירינג" אין וואודבורי, וואס בעפאר דעם האט וואודבורי געשיקט פאר'ן ווילעדזש א רייע מיט קאמענטס אויפן אפליקעישן פון זייער אינדזשעניר.
ביי די הירינג האט דער ווילעדזש לויער פארגעשטעלט אלע תירוצים אויף וואודבורי'ס קאמענטס, אויך איז געווען דארט ר' יואל מאנן אלס עקספעדייטער, און ס'האט געשיינט אז אלע זארגן זענען געווארן אפגעענטפערט, און מען ווארט יעצט אויף א ווייטערדיגע רעספאנד פון וואודבורי.
למשל, איז געווען א דיספיוט וואס א "עמערדזשענסי ראוד" איז טייטש. ווייל ביי זיי מיינט עס נאר עמערדזשענסי וויהעקלס, אבער די ווילעדזש האט געשריבן אז מ'זאל עס קענען עפענען אין יעדע צייט פון נויט, למשל אז דינוב ביי בעיקערטאון ווערט געבלאקט פאר סיי וועלכע סיבה. האבן זיי גע'טענה'ט אז דאס קען נישט ארבעטן ווייל "ווער וועט עס עפענען?!..." הלמאי אן עמערדזשענסי ראוד מיינט אז מ'גיט דעם שליסן פאר עמערדזשענסי אגענטורן. האט דער לויער מסביר געווען אז מען האט אלעמאל אויפ'ן פלאץ גענוג פובליק סעיפטי און אנדערע אגענטורן וואס קענען עס עפענען ווען מען זעט די געברויך.
הפנים, ווי כהאב געשריבן האט אויסגעזען ווי אלעס איז געווארן געענטפערט, עס בלייבט נאר איבער צו זען ווי גרינג זיי וועלן עס אננעמען און אפראוון.
דא איז א באריכט פון פאטא-ניוס נאכן יעצטיגן הירינג אין וואודבורי:
- 20240711_151714.jpg (167.53 KiB) געזען געווארן 1207 מאל
- 20240711_151850.jpg (365.23 KiB) געזען געווארן 1207 מאל
דאס איז די אפליקעישן פאר'ן עמערדזשענסי ראוד:
- Screenshot 2024-07-16 105834.jpg (168.95 KiB) געזען געווארן 1207 מאל
