בודקע האט געשריבן: ↑זונטאג סעפטעמבער 14, 2025 2:58 pm
כ'פארשטיי נישט וואס דא גייט פאר!
אונז האמיר פריער קוים אפאר שעה צוריק געענדיגט זאגן סליחות, ווי אונז בעט מיר פונעם רבש"ע זאל אונז מוחל זיין אויף אונזערע עבירות, אפי' אונז ווייס מיר אז אנחנו ואבותינו חטאנו... און ניין, אונז וויל מיר נישט אז דער אייבערשטער זאל אוועק נעמען אונזערע טיטלען פון בני חביבי, און זיכער נישט אז ס'זאל ווערן פראקלאמירט אין פובליק..
ווער זעמיר אונז צו דן זיין איבער אנדערע אידן? אונז זעמיר אלע ברודער'ס, און די איינציגסטע זאך ווי מען מעג רעדן פון אידן איז זיי צו העלפן! דאס אז איינער האט געטוען עפעס האט גארנישט מיט אונז, ס'איז בכלל נישט אונזער ביזנעס, ווילאנג איינער שטערט פון הצלת נפשות האבן די רבנים געגעבן א היתר צו רעדן כדי צו לייגן דרוק, איינמאל יענער הערט אויף, און נישט נאר דאס, ער העלפט נאך, קומט זיך אלע טיטלען הרה"צ, הר"ר, שליט"א וכו', כאילו ס'איז גארנישט געווען! און יא, מ'דארף פארדעקן יעדעם'ס אלטע חטאים! אונז בעט מיר פונעם רבש"ע די זעלבע "מחה פשעינו כענן וכעב"
100%
איך זאג נאר נאך מער, איך האלט אז איינער וואס איז געבוירען אין א קאלט, קען קיין מענטש אויף די פרייע וועלט, בשום אופן נישט פארשטיין.
די מציאות איז אז ער מיינט ער טוהט די ריכטיגע זאך, און דאס איז גאר מסירת נפש.
ער ווייסט נישט דעמאלס צו טראכטן אנדערש ט.
איך האב געקלינגען יעצט איין פרוי, א דוגמא און געבעטען רשות צו אויסשמועסן דא ברבים.
איך האב ארויסגענומען א פרוי פון א קאלט,נאך זיין דארט 8 יאר.
שרייב איך דא השתלשלות הדברים, כדי ארויסברענגען קלאר וואס איך האב פריער דערמאנט.
(אויך ווייל אסאך האבן מיר אנגעפרעגט אויף אישי דערוועגען).
די קאלט האט געזען כלל ישראל, עוסק זיין אין כישוף (דהיינו ווען מהאט געלאקערט אויף יענעם'ס געלט קינדער וכו', די סדר גייט אזוי. לאמיר זאגן מ'וויל די געלט פון די מאן. קודם זענען זיין שווער און שוויגער מיט זייער אנדערע קינדער עוסק אין כישוף צי מזיק זיין דער משפחה מוז מען זיי שוין אפהאקן און גאנצן אפילו במחשבה.
ווייל די כישוף שאט.
דערנאך מוז מען זיך אפהאקן פון די שכנים, ווייל זיי האבן געקרוגן די כישוף וואס די שווער און שוויגער האבן געוואלט לייגן אויף די נעביך'דיגע משפחה.
און די "ראביי" האט עס אפגעהאלטן מיט אסאך צדקה פארשטייט זיך פארן ראביי, און מיט כל מיני גזירות שונות ומשונות אויף די משפחה.
א תקופה שפעטער שטארק זיך די קליפה אזוי שטארק, אז די שכנים זענען אזוי מסוכן מען האט זיך געמוזט אויפהייבען פון TEANECK און זיך ציען קיין PASSIAC, ווי דארט האט דער ראביי א ספעציעלע כח, אפצוהאלטן כישוף (מסתמא ווייל ס'א עיר מקודש פון יהושע בן נין צו צדיקי הדורות), יעצט ברויך מען שוין HOMESCHOOLING אויכעט.
ווייל די קינדער אטעמען די כישוף און שולע, ישיבה.
ווי קען איך פארגעסען אז שוין 2 יאר אריין האט די מאן וואס איז אהיים געקומען פון די פירמע אין מאנהאטען 6:30 בערך (ווי ער איז בוז האנט דער הויפט אקאונטענט און קאנטראלער, און געבט איבער 80% פון זיין געהאלט וואס איז א האלבע מיליון דאללער א יאר, צום "ראביי"), האט ער געמוזט גיין שלאפן אפילו אין די זוממער, נישט שפעטער ווי 7:30 מבעוד יום, און אויפשטייען 2:30 יעדען טאג צי זאגן משניות און גמרא נזיקין לאט א סדר פון ליינען 30 בלעטער גמרא און 10 פרקים משניות יעדער טאג, כדי אפהיטען פון די נזיקין וואס די שווער און שוויגער לייגען אויף זיי בת יחידה (זיי האבן יא נאך זון וואס זיי לייגן אויכעט ארויף כישוף).
ווי אויכעט מוז ער דאס אלעס טוהן ביי די "ראביי" ווארטן צימער, ווי דער פאפעדיגע ראביי קעם עם שיצן פון די פארשאלטענע כישוף וואס לויפט נעבעך נאך עם מיט זיין משפחה.
אזוי אז מאן און ווייב האבן פאר א פאר יאר געוואוינט און איין שטוב, אבער כמעט נישט געהאט גערעט איינער מיטן צווייטער.
יעצט איז געקומען די ווייב מיט די עלטסטע טאכטער נאך אין שטוב'ס (ווייל זי האט געווארען א משהו בענקעדיג צום באבע) רייע צו ווערן אפגעהאקט פון די מאן'ס געלט.
האט זיין ווייב פון 37 יאר בשלום ושלווה, די זעלבע אשת נעורים וואס האט עם נאך געגאנגען בלינדערהייט, און פאר 8 יאר נישט געקויפט פאר זיך קיין נייע בגד, ווייל די ראביי זאגט אז נייע בגדים זענען איינגעזאפט מיט כישוף, די זעלבע פרוי וואס האט געוויינט בצנעה פאר איבער 7 יאר פאר נישט טארן האבן א שייכות מיט אירע מאמע און טאטע, וואס איז ביזדערווייל אוועק ל"ע, און זי האט נישט געמעגט מתאבל זיין.
יעצט מאכט שוין די פרוי די כישוף, און די מאן מיט די אנדערע קינדער מוזן מוחה זיין אויף דעם, 20 מאל א טאג כאטש, און זי אנשרייען היתכן זי ציזאמען מיט אירע טאכטער ווילן זיי אלע הרגנען מיט כישוף.
די אשת חיל האט נעביך געגלייבט אז זי איז מזיק אירע משפחה, אזוי אויכעט די טאכטער, ביז ס'האט געכאפט א נערווען צאם בראך, צוזאמען מיט אירע טאכטער, האט מען זיי "געמוזט" אריינשטעלן און א ריהאט ערגיץ 8 שעה אוועק פון שטוב, ווי ס'נישט דא קיין אידן פארשטייט זיך אויכעט.
און מהאט מסביר געווען די קינדער ווי זי האט זיי געוואלט הרגנען מיט כישוף.
ביז די קינדער האבן געווען גרייט צי טעסטיפייען און קאורט אז די מאמע האט זיי אלע געפריווט צי הרגנען דארך כל מיני צידרייטע וועגן.
די ווייב און די עלטעסטע טאכטער חלום'ן נישט פון די בייזע ווינט וואס מקאכט קעגן זיי אין שטוב.
זיי וואונדערן זיך פארוואס די מאן און אנדערע קינדער האבן פלוצלינג געבלאקט זייער נאמבערב און אויפגעהערט באזוכן.
ביז זי קריגט א ריסטרייניג ארדער (אין קאורט האט מען דאס גלייך ארויסגעווארפען מכל וכל), צו האבן שום קאנטאקט נישט מיט די מאן און נישט מיט די קינדער, ווייל זי איז מסוגל זיי צו הרגנען.
דער פרוי איז אינגאנצען אליין געווען און נאכאלץ געציטערט אן די מאן און די קינדער אן קיין שייכות מיט אירע משפחה, און ס'קריגט און די ריהאב א הזמנה אויך א גט און לייקוואוד.
זי האט נאכאלץ מורא געהאט צי רופן אירע מאמע אויפן טעלעפון וועגען די כישוף דאס איז שוין נאך סאשיל ווארקערס האבן איר געשוואוירען אז דאס איז א קאלט.
דער רבו"ש האט מיר פונקט דא אריינגעמישט, און איך האב זוכה געווען צי מאכן דעם שריט, ברוך ה' אז זי איז ארויס פונעם קאלט, און רעט מיט אירע משפחה.
און זי האט טאקע גענומען די גט, די שופט האט געפסקנט דער מאן מוז זיי אויסהאלטען און די קינדער מוזן זיך טרעפן מיט איר, צומאכען פאמילי טערעפי 3 מאל א וואך, וואס אירע קינדער זאגן איר פאר א שעה און א צי די ערגסטע זאכן אין די וועלט.
און דער פרוי איז שוין געווען 50 יאר אלט ווען זי האט באגעגענט דעם קאלט די ערשטע מאל.
ק"ו יונגע מענטשען וואס זענען קארט געבוירען געווארען!
יעצט פארשטיין ענק פאר וואס איך בין מחולק?
ענדערש עפן א בלאט/איד