בד"ה; כ"ק אדמו"ר רבי יעקב שלמה קלוגהויפט זצ"ל, אדמו"ר מסטרעליסק

[ביסט גערעכט]

מיט צער אין טרויער איז אויפגענומען געווארן די בשורה איבער די פטירה פון איינע פון די זקני האדמורי"ם פון די דור, כ"ק אדמו"ר מסטרעליסק, הרה”צ ר’ יעקב שלמה קלוגהופט זצ"ל, וועלכע איז נסתלק געווארן דעם פרייטאג צונאכטס ביי זיך אינדערהיים און האט נאך געמאכט קידוש עטליכע שעה פאר די פטירה, אין טיפן עלטער פון 94 יאר אלט.

דער רבי זצ"ל האט געצויגן זיין יחוס ביז צום הייליגן שרף הרה"ק רבי אורי מסטרעליסק זי"ע, די רבי איז געבוירן אין יאר תר"צ אין שטאט סטרעליסק צו זיין פאטער כ"ק אדמו"ר רבי לוי יצחק מסטרעליסק זצ"ל פון לאנדאן, וועלכע איז שפעטער אריבער מיט זיין פאמיליע קיין וויען, ווען די נאציס ימ"ש האט אינוואדירט עסטרייך איז די רבי זצ"ל אריבער די שבעה מדורי גיהנום, בהגיע לפרקו איז דער רבי זצ"ל געווארן אן איידעם ביי הרה"ח ר' מנחם מענדל דוב שעכטער ז"ל פון ירושלים און האט אויפגעשטעלט זיין שטוב אין שטאט בארא פארק.
די רבי איז געווען אן ענוותן ושפל ברך כל ימיו איז ער געזעצן על התורה ועל העבודה אין נישט געמאכט קיין וועזן פון זיך
די רבי האט איבערגעלאזט א דור ישרים ומבורך בנין וחתנין רבנן און זיך משדך געווען מיט חשובע אדמורי"ם ורבנים פון דער פריערדיגע דור.

די מסע הלוויה וועט ארויסגיין היינט פארמיטאג פון ביהמ"ד באיאן אין שטאט ב"פ און דערנאך וועט די מיטה פארן קיין ארץ ישראל וואו ער וועט קומען לקבורה בחלקת אבותיו אויפן הר המנוחות.

הצדיק אבד לדורו אבד. תהא נשמתו צרורה בצרור החיים.

[ביסט גערעכט]

די רבי האט איבערגעלאזט א דור ישרים ומבורך בנין וחתנין רבנן ה"ה

בנו בכורו הרה"צ ר' דוד לייב קלוגהופט אבד"ק סטרעליסק, איידעם ביי כ"ק הרה"ק מסקולען זי"ע,
הרה"צ ר' אפרים מרדכי קלוגהופט, איידעם ביי כ"ק אדמו"ר מקאסאן זצ"ל,
הרה"צ ר' יחיאל מיכל קלוגהופט,
הרה"צ ר' חיים מאיר קלוגהופט, איידעם ביי גאב"ד מעזבוזש,

די איידימער פונעם רבי'ן זצ"ל זענען
האדמו"ר מראחמיסטריווקא לעיקוואד,
האדמו"ר מסאטינוב,
הרה"צ ר' פנחס שלום ראטטענבערג מקאסאני,
און הרה"צ ר' שלום פסח גרינבערג בן הגה"צ אבד"ק פאליענא.