סאטמאר (מהרי"י): נייעסן און שמועסן בתוככי הקהלה

[אנקעטע]

כ"ק מרן רבינו עט"ר שליט"א און בנו הגה"צ אב"ד ור"מ שליט"א באזוכן אין שטוב פון הרבני הנגיד ר' אברהם בנימין אלימלך קרויס הי"ו, לכבוד דאס אונטערשרייבן דעם שטר און איבערגעבן פארן רבין א פאנטאסטישע נדבה (פעליגע טשעק) לטובת דעם נייעם בנין בית רחל וואס בויעט זיך לשם ולתפארת בעיר קרית יואל, לע"נ חותנו הרה"ח ר' אהרן הערש ב"ר ישראל דוד ווייס ע"ה, מחשובי אנ"ש

IMG_20240505_164003_960.jpg (133.34 KiB) געזען געווארן 1283 מאל

IMG_20240505_164008_535.jpg (158.52 KiB) געזען געווארן 1283 מאל

IMG_20240505_164013_296.jpg (134.46 KiB) געזען געווארן 1283 מאל

[דער פאטעטע מייסטער]

אסיפה כללית חוהמ"ד פסח- חלק אגדה
https://customer.teleground.com//media/ ... 712800.wav

נישטא קיין בילדער?

[פישפיקלאדיין]

איז דא בילדער פון די יארצייט טיש מוצ"ש?

[פרייליך]

בילדער פון די בוי ארבעט בביהמ"ד הגדול אויף גארפיעלד ?

[דער תהלים איד]

בילדער פון די בוי ארבעט בביהמ"ד הגדול אויף גארפיעלד ?

נאך ווייט פון פאקטישע בויען, כעת.

[פרייליך]

בילדער פון די בוי ארבעט בביהמ"ד הגדול אויף גארפיעלד ?

נאך ווייט פון פאקטישע בויען, כעת.

עפעס ארבעט מען שוין דארט מיט טראקטארען, דאכצעמער מען האט שוין אנגעהויבן צוגרייטן די יסודות פארן גרויסען היכל
כ'רעד פון פינף נישט צוועלעף

[דער תהלים איד]

סארי, כ'האב נישט באמערקט אין וועלכע אשכול כ'בין.

נו אדרבה, ברענג בילדער.

[פרייליך]

סארי, כ'האב נישט באמערקט אין וועלכע אשכול כ'בין.

נו אדרבה, ברענג בילדער.

ווי האלט עס ביי די אנדערע בנין הביהמ''ד פארוואס איז עס נאך אזוי ווייט פון פאקטישע בוי ארבעט

[דבוק אין צדיק]

האב איך היינט געזעהן אקטיוויטעטן ביי בית יעקב נחמי’ לאט (עצי תמרים), עפעס ערענסט קומט שוין? אדער

[אנקעטע]

האב איך היינט געזעהן אקטיוויטעטן ביי בית יעקב נחמי’ לאט (עצי תמרים), עפעס ערענסט קומט שוין? אדער

יא

IMG-20240506-WA0001.jpg (156.47 KiB) געזען געווארן 815 מאל

[אנקעטע]

סארי, כ'האב נישט באמערקט אין וועלכע אשכול כ'בין.

נו אדרבה, ברענג בילדער.

בונים היכל לה׳! - מחיל אל חיל!

שהגיענו לזמן הזה! נעכטן מאָנטאָג קדושים העעל"ט אין די פריע פאַרמיטאָג שטונדען האט זיך בס"ד געלאָזט אין גאַנג די העפטיגע בוי ארבעט ביים בנין "ביהמ"ד הגדול-בנין אליהו" דק"ק קרית יואל יצ"ו, אויפצובויען דעם מעכטיגן "גאַרפיעלד פליגל" וואס וועט פרעכטיג ערצייגן דעם גיגאַנטיש ריזיגן "היכל אלטר יחזקאל" און דערמיט אנהויבן א נייע לעכטיגע תקופה בקורות ימי סאַטמאַר קרית יואל, צו די גליקליכע הנאה און נחת פון אלפי תלמידי וחסידי סאטמאר די בכל אתר ואתר, וואָס באַלעבן מיט התרגשות די גאַלאָפּירינדע אויפבוי פון די הייליגע קהלה "קהל יטב לב סאטמאר בקרית מלך רב קרית יואל" תחת דגלו והדרכתו פון כ"ק מרן אדמו"ר שליט"א, בראשות כבוד הגה"צ אבד"ק ור"מ שליט"א!

אין די יעצטיגע ערשטע פאַזע איז פאַרשפאַרט געווארן די צוויי חדרי תפלה אויפן ערשטן שטאָק, חדרי "טאלטשווא - בית שמעון", ווי עס וועט געגאָסן ווערן די פוטינגס פארן נייעם גיגאַנטישן בנין האדיר, און אין איילעניש איז אויפגעשטעלט געוואָרן אַ "צייטווייליגע שאַטער" וואס שטייט צום באַנוץ פאַר די פילע טעגליכע מניני תפלה בבוקר ובערב.

די בוי ארבעט ווערט דורכגעפירט דורך די בארימטע "ליוועלענד גרופּ" וואָס האָט זוכה געווען לגומרה של מצוה מיטן פרעכטיג פאַרענדיגן דעם ריזן פאַרעסט פליגל, און יעצט מחיל אל חיל שטייען זיי אין שפיץ פון די ארבעט ביזן פאַרענדיגן דעם מאַסיוון פראַיעקט אין די קומענדיגע חדשים בעז"ה!

סותר על מנת לבנות - מוסיפין על העזרה!

unnamed.jpg (331.9 KiB) געזען געווארן 811 מאל

unnamed (1).jpg (764.81 KiB) געזען געווארן 811 מאל

unnamed (2).jpg (334.04 KiB) געזען געווארן 811 מאל

[אנקעטע]

unnamed (3).jpg (430.47 KiB) געזען געווארן 810 מאל

unnamed (4).jpg (374.84 KiB) געזען געווארן 810 מאל

unnamed (5).jpg (278.72 KiB) געזען געווארן 810 מאל

[אנקעטע]

הבית הגדול אשר "אני בונה"

התרגשות'דיגע שמחה ביים מעמד ״יציקת בורות המקוה״ פאר'ן פּרעכטיגן ביהמ״ד החדש דקהלתינו הק' שכונת ״גערי טרופּ״ אפגעהאלטן דעם זונטאג פ' קדושים פייערליכערהייט.

מעמד הנשגב פארגעקומען בהשתתפות כ"ק מרן רבינו עט"ר שליט״א והרבנים הגאונים הצדיקים חברי הבד״ץ ודייני הקהלה, והרבנים תושבי שכונה.

גאָר הערליכער מעמד "מסיבת לחיים" פארגעקומען נאכן גיסן די בורות, באגלייט מיט ריקודין פונעם גאנצן ציבור אז מען האט זוכה געווען אנצוקומען ביז אהער.

בורא עולם בקנין השלם זה הבנין

IMG_20240507_210254_859.jpg (197.3 KiB) געזען געווארן 811 מאל

IMG_20240507_210318_206.jpg (140.83 KiB) געזען געווארן 811 מאל

[אנקעטע]

unnamed.png (887.58 KiB) געזען געווארן 810 מאל

אמר רבי עקיבא אשריכם ישראל לפני מי אתם מטהרים:
אומגלויבליכע עקסטאז און התרגשות'דיגע שמחה עצומה ביים מעמד ״יציקת בורות המקוה״ ביים פּרעכטיגן ביהמ״ד החדש דקהלתינו הק' שכונת ״גערי טרופּ״ אפגעהאלטן פייערליכערהייט

מעמד הנשגב בהשתתפות הוד כבוד קדושת מרן רבינו שליט״א והרבנים הגאונים הצדיקים חברי הבד״ץ ודייני הקהלה, והרבנים תושבי השכונה והגלילות
גאָר הערליכער ״מעמד מסיבת לחיים ״ פארגעקומען נאכן גיסן די בורות, ריקודים נשגבים פונעם גאנצן ציבור אז מען האט זוכה געווען אנצוקומען ביז אהער, הארציגע דיבורים פון מרן רבינו שליט"א לרגל המעמד פארן גאנצן ציבור


אשרי עין ראתה שמחת קהלינו, איז די ריכטיגע אפטייטש פאר די שמחה עצומה ביים גאַנצן ציבור די הונדערטער אנ״ש תושבי השכונה, בשעת די געהויבענע רגעים ווען מ׳גיסט די בורות הטבילה לקדושתם ולטהרתם, אויף וועלכע מען קוקט שוין אַרויס אַזאַ לאַנגע צייט, און אָט קען מען שוין ב״ה אויסרופן ״שהחיינו וקיימנו והגיענו לזמן הזה״, און מ׳זעט פאַר די אויגן אַ כמעט-פאַרטיגן בית גדול וקדוש! די פרייד און עקסטאַז איז געווען באמת עד אין לשער.

שווער צו שילדערן די שמחה עצומה ביי די תושבי השכונה, וועלכע האָבן אַצינד געהאַט די געלעגנהייט צו זען מיט די אייגענע אויגן דעם ״תפארת שבמלכות״, די פּראַכט און אויג-פארכאפּנדע יופי מיט וואָס דער בנין האדיר ווערט אויפגעבויעט, און ווי ווייט מ׳האָט זיך גערוקט פאָראויס אין די לעצטערע חדשים, זינט מ׳האט איינגעפעדימט דעם מאַסיוון ״אני בונה״ קאַמפּיין ביים גרויסן שבת קודש בצל הקודש פון כ״ק מרן רבינו שליט״א — והיא נפלאת בעיניהם אַז מ׳האַלט שוין דאָ כמעט ביים באַנייען דעם ביהמ״ד בעזר ה׳! ווירקליך האָבן די אַלע הונדערטער איינוואוינער פון די געגנט, די שותפים אין דעם גרויסן פּראָיעקט, געקוואָלן פון הנאה! די פּנימ׳ער האָבן געלייכט פון שמחה! און די הערצער האָבן אויסגעשריגן: ״אשרינו מה טוב חלקינו ומה נעים גורלינו״!

יעצט, דעם פארלאפענעם זונטאג, אַז מ׳האָט זיך אָפּגעשטעלט אויף אַ וויילע צו פּראַווען דעם שמחה׳דיגן ״יציקת הבורות״, און מ׳האָט אַ כאַפּ געטון אַ בליק אויפ׳ן ״מראה הבנין״ האָט אַן ענטוזיאַסטישע פרייד אַרומגעכאַפּט דאָס האַרץ! זה הבנין, וזה היום, קוינו ראינו! מ׳האט געזען ווי כמעט דער גאנצער בנין איז שוין געשיטראַקט, די ווענט שטייען שוין, און גרויסע חלקים פארמאגן שוין טיילס, בעת מ׳זעצט פאָר אין די קומענדיגע טעג און וואָכן אויסצוטיילן און פאַרענדיגן די ״פינישינג פאַזעס״ פון אַלע חלקי הבנין, אַז ס׳זאל זיין מיט׳ן שענסטן פּראכט און מ׳זאל עס ממש בקרוב קענען באַנייען בעזר ה׳, פאַר די איינוואוינער פון דער גאַנצער אומגעגענט.

פארגאנגענעם זונטאָג מיטאָג פ' קדושים תהיו, אום 6:00 אַזייגער האט מען געהאַט די זכי׳ מקבל צו זיין את פני הקודש פון כ״ק מרן רבינו שליט״א, ווען אַ ריזן ציבור פון הונדערטער אידן וואַרטן שוין אָפּ מיטצולעבן די מאורע הנשגבה. כ״ק מרן רבינו שליט״א ופּמליא דילי׳ איז תיכף אַראָפּ צום הינטערשטן שטאָק, דער בעיסמענט שטאָק, וואו ס׳וועט זיך געפינען די מלכות׳דיגע היכל המקוה מפוארה, די עושי המלאכה, די ברייטע אַרבעטס-מאַנשאַפט, האָבן שוין אָפּגעוואַרט אויפ׳ן אָרט און אַלעס איז געווען צוגעגרייט דורך די עומדים לנצח על מלאכת בית ה׳ אַז מ׳זאָל קענען צוטרעטן צום יציקת הבורות, די הערליכע ריזיגע בורות הטבילה וואָס וועט אי״ה פאַר זיך זיין ווי אַן אימפּעריע פון טהרה לשם ולתפארת.

הונדערטער אידן האָבן זיך צונויפגעשטיפּט אַרום און אַרום כחומת אש סביב, דאָס געדרענג איז געווען זייער גרויס, בשעת רבינו שליט״א האט צום ערשט געגאסן צעמענט אין די בורות הטבילה. דערנאָך וואָס רבינו שליט״א האָט געגאָסן די יסודות, האָט מען מכבד געווען הרבנים הגאונים הצדיקים שליט״א, די דיינים ורבנים שליט״א פון די גאנצע אומגעגענט, אַזוי אויך דער בונה ומקים הרבני הנגיד הנכבד המרומם הרה״ח ר׳ אברהם בער יאקאבאוויטש הי״ו, סגן ראה״ק, די אַנדערע ראשי ופני הקהלה און נדיבי עם ועסקני הקהלה, חברי ועד קרן הבנין, וחשובי העדה תושבי השכונה, וועלכע האָבן אויך געגאסן די יסודות המקוה, ווען יעדער שעפּשעט פּסוקי תהלים און אַ הייסע תפלה להיות עיניך פקוחות אל הבית הזה, ס׳זאל אריינקומען די ברכה והצלחה וגדול יהי׳ כבוד הבית לה׳, והבית הזה יהי׳ עליון!
ווי נאר מ׳האט געענדיגט דאָס גיסן האָט דער גאנצער ציבור אינאיינעם זיך ארויסגעלאזט אין א פייערליכן טאנץ אויף ״אמר רבי עקיבא אשריכם ישראל מה מקוה מטהר את הטמאים אף הקב״ה המטהר את ישראל״, וואָס איז איבערהויפּט יעצט אין די טעג מעורר הזמן, ווען מ׳שטייט אין די ימי הספירה ״כדי לטהרינו ולקדשינו בקדושתך העליונה״, די צעמענטענע ווענט אינעם בעיסמענט האבן זיך ממש ווי געהויבן און געשאקעלט ביי די שמחה'דיגע ריקודים, מקוה ישראל ה'.

תיכף דערנאך איז פארגעקומען דער פייערליכער מעמד לחיים רבתי, לרגל היציקת הבורות. דער היכל אויפ׳ן ערשטן שטאָק איז געוואָרן הערליך איינגערישט פראוויזאריש לכבוד המאורע. עס האָט אויפגעטרעטן דער יושב ראש המעמד, האי איש גבור החיל העסקן הנמרץ העושה והמעשה הרה״ח ר׳ ליפא קרויס הי״ו, מפּארי אנשי המעשה בקרב קהלתינו הק׳, וואס ברם יזכר אותו האיש לטוב וואס בשעתו מיט יארן צוריק ווען מ׳האט אפּגעקויפט דעם שטח איז ער פערזענליך געווען גאר שטארק אינסטרומענטאַל און א געוואלד צוגעהאלפן אז מ׳זאל קענען עררייכן דעם באָדען ויקם השדה תקומה היתה לה, וצדקתו עומדת לעד.

ר' ליפא האט בשם דעם וועד קרן הבנין באדאנקט אלע אידן וואס האבן שוין גענומען א חלק ביז יעצט, וואס נאר מיט זייער געלט קען מען שטיין דא יעצט, און אויפגעפאדערט די געוואלדיגע סכומים וואס מען דארף נאך האבן צו ענדיגן דעם בנין ווי יעדער זעהט, און האט מעורר געווען די וואס האבן נאכנישט אנטייל גענומען, ווי אויך די וואס האבן שוין יא, זאלן מוסיף זיין, כדי מען זאל קענען וואס שנעלער ענדיגן לשם ולתפארת, און דערמיט האט ער מכבד געווען הגאון הצדיק דעם דיין שליט״א אויפצוטרעטן לרגל המעמד.

דער דיין שליט״א האָט ארויסגעברענגט דאס ענין פון ״מה מקוה מטהר״, און דער גרויסער כח פון ״מרובים העושים את המצוה״, נאכזאגענדיג הערליכע בחינות מפי ספרים וסופרים איבער דעם כח ווען א ציבור אידן טוען אינאיינעם א דבר טוב, און דאס זעט מען מורא׳דיג שטארק ביי דעם ביהמ״ד דא, וואו ״דער גאנצער ציבור״ האט זיך צוזאמגענומען דאס דורכצופירן כאיש אחד ובלב אחד.

ברגשי קודש האט מען דאַן געהאט די זכי׳ צו הערן דברות קודש פון כ״ק מרן רבינו שליט״א, וואס האט בתוך הדברים ארויסגעהויבן אז א מקוה איז א לשון פון ״צוזאמנעמען״ אז ס׳נעמט צוזאם וואסער אויף איין פלאץ, און דאס איז די בחינה פון דעם מקוה אז ס׳טוט צוזאמנעמען דעם גאנצן ציבור, ערליכע אידן זאלן זיך צוזאמנעמען און עוסק זיין בתורה ובעבודה, מיט אן ערליכקייט, מיט א יראת ה׳, אזוי ווי דער רבי זי״ע האט פארלאנגט און שטענדיג געפאדערט אז מ׳זאל קובע זיין נאר אין אן ערליכן מקום וואו ס׳איז דא די ערליכע השפעה און ריינע השקפה, אָן קיין שום ערבוביא.

נאך די דברות קודש האט רבינו שליט״א געטרונקען לחיים און געטיילט שיריים און דערנאך ווארעם אנגעוואונטשן פאַר יעדן איינעם באַזונדער ברכות טהורות, דער דומ״ץ הביהמ״ד, און פאר אלע אנוועזנדע רבנים ואנשי שם, ותושבי השכונה, באזונדער זענען ארויפגערופן געווארן די נדיבי עם וואס האבן זיך געלאזט קאסטן זכותים אינעם בנין ביהמ"ד, און די געהויבענע עסקנים, און דערנאך האט מען זיך ארויסגעלאזט אין א פייערליכן געזאנג ״בורא עולם בקנין השלם זה הבנין״, אפגעבנדיג א שבח והודי׳ לה׳ מיט א תפלה על העתיד ״בורא עולם בקנין השלם זה הבנין״!

דער מעמד נשגב האט אינספּירירט די חשוב׳ע חברי ועד קרן הבנין וועלכע געבן זיך אַוועק בלב ובנפש, ווי מ׳רוקט זיך שוין נאָענטער און נאָענטער, מ׳האָט שוין ב״ה דערגרייכט אַזאַ ווייטע פאַזע והזורעים בדמעה ברינה יקצורו, אז מ׳זאל קענען בעזר ה׳ אויפטרייבן די ״העכער אנדערהאלבן מיליאן דאלער״ וואס איז נאך קריטיש נויטיג צו קענען פאַרענדיגן דעם ביהמ״ד, און מ׳האָפט אין די קומענדיגע וואכן ארויסצוגיין צום גאַנצן ציבור אנ״ש, נדיבים בעם, מיט א הייסע בקשה יעדער זאל צוהעלפן צום גמר הבנין, ואין המצוה נקראת אלא על שם גומרה.
וממנו יתד וממנו פינה! דער מעמד ההוד האָט געשאָנקען א חיזוק עצום אַז מ׳זאָל קענען אי״ה ווייטער גיין פאָראויס מחיל אל חיל, צו פאַרענדיגן על תלה בנוי׳ דעם בנין האדיר והנהדר וואס ווערט אויפגעבויעט פאר׳ן רוחניות׳דיגן עתיד פון דער וואקסנדער און בליענדער ״גערי-טרופּ-יוניאָן״ געגנט מיט די אלפי משפּחות אנ״ש, וועלכע קוקן אַרויס מיט התרגשות אויפ׳ן חנוכת הבית בקרב, גדול ומפואר יהי׳ כבוד הבית הזה, ורוח הקודש אומרת כן ירבה וכן יפרוץ!

ובכן מה נהדר הי׳ המראה! אשרי עין ראתה כל אלה! אשריכם ישראל! וילכו מחיל אל חיל!

unnamed (6).jpg (260.19 KiB) געזען געווארן 810 מאל

unnamed (7).jpg (294.7 KiB) געזען געווארן 810 מאל

[אנקעטע]

unnamed (8).jpg (257.72 KiB) געזען געווארן 808 מאל

unnamed (9).jpg (267.73 KiB) געזען געווארן 808 מאל

unnamed (10).jpg (280.27 KiB) געזען געווארן 808 מאל

[אנקעטע]

unnamed (11).jpg (338.36 KiB) געזען געווארן 809 מאל

unnamed (12).jpg (356.98 KiB) געזען געווארן 809 מאל

unnamed (13).jpg (320.14 KiB) געזען געווארן 809 מאל

[אנקעטע]

unnamed (15).jpg (451.57 KiB) געזען געווארן 810 מאל

unnamed (14).jpg (331.56 KiB) געזען געווארן 810 מאל

unnamed (16).jpg (189.34 KiB) געזען געווארן 810 מאל

[אנקעטע]

unnamed (17).jpg (176.43 KiB) געזען געווארן 812 מאל

unnamed (18).jpg (245.2 KiB) געזען געווארן 812 מאל

unnamed (19).jpg (249.78 KiB) געזען געווארן 812 מאל

[לא ימושו מפיך]

האב איך היינט געזעהן אקטיוויטעטן ביי בית יעקב נחמי’ לאט (עצי תמרים), עפעס ערענסט קומט שוין? אדער

יא.
א בילדונג פון פיר שטאק. כמעט 8,000 סקווער פיס פאר שטאק
מ'גייט שוין גיסן פאנדעישן און מ'האט שוין באשטעלט די סטיעל

[פרייליך]

.

[פרוק ית ענך]

האב איך היינט געזעהן אקטיוויטעטן ביי בית יעקב נחמי’ לאט (עצי תמרים), עפעס ערענסט קומט שוין? אדער

יא.
א בילדונג פון פיר שטאק. כמעט 8,000 סקווער פיס פאר שטאק
מ'גייט שוין גיסן פאנדעישן און מ'האט שוין באשטעלט די סטיעל

ווער בויעט עס?

[פישפיקלאדיין]

האב איך היינט געזעהן אקטיוויטעטן ביי בית יעקב נחמי’ לאט (עצי תמרים), עפעס ערענסט קומט שוין? אדער

יא.
א בילדונג פון פיר שטאק. כמעט 8,000 סקווער פיס פאר שטאק
מ'גייט שוין גיסן פאנדעישן און מ'האט שוין באשטעלט די סטיעל

ווער בויעט עס?

אברהם בער יאקאוויטש

[שמח]

יא.
א בילדונג פון פיר שטאק. כמעט 8,000 סקווער פיס פאר שטאק
מ'גייט שוין גיסן פאנדעישן און מ'האט שוין באשטעלט די סטיעל

ווער בויעט עס?

אברהם בער יאקאוויטש

א יאקאבאוויטש שול 2.0 ?

[אנקעטע]

unnamed.png (366.9 KiB) געזען געווארן 362 מאל

[הימל]

קונן זיין אויף די גזירות??