@יום טוב שני
איך וויל דיר נאר זאגן א ישר כח ברבים פארן ארויסברענגען די ווייטאג פון אזויפיהל אינגעלייט וואס וואונען אין קליינע דירות און קענען זיך נישט ערלויבן צו מופן צוליב די הויכע פרייזן!
דער עולם כאפט פשוט נישט וואס די מצב איז, וויבאלד עס איז אויפדערווייל נאר ("נאר"..) דא עטליכע הינדערט אינגעלייט אין די מצב, צוליב וואס אסאך זענען אויפגעראכטן געווארן מיט שכונת ויואל משה. איך רעדט בעיקר פון די אינגעלייט וואס זענען אינטערגעוואקסן שוין נאך די ביליגע דירות מארקעט, און מיט יעדע פארבייגייענדע טאג וואקסט די נומבער שטארק, ליידער.
פאר א קרית יואל'ע אינגערמאן איז נישט די זעלבע ווי פאר א וויליאמסבורגע/פארא פארק/מאנסי אינגערמאן. זיי קענען מופן צו ביליגערע געגענטער און מיט דעם גלייכצייטיג ארויפגיין א שטאפל אין רוחניות.. מה שאין כן אוועק מופן פון קרית יואל מיינט געווענטליך א שטאפל אראפ..
עס וואלט כדי געווען אהער צו ברענגען די ארטיקל וואס הרב ר' יצחק אליקים שווארץ שליט"א האט געשריבן אין די א בליק יום טוב אויסגאבע, איך מיין אז אסאך אינגעלייט וואלטן ארויסגענימען חיזוק. אגב, איך געב אים אסאך קרעדיט פארן ארויפברענגען די נושא, א שטייגער ווי די ארטיקל וואס איז געווען אין 'די היימשטאט' א שטיק צייט צוריק.
איך האב געטראפן א אינגערמאן וואס האט נארוואס געקלויזט אויף א 5 רום דירה און ער צאלט מארטגעטזש ארום 4,300.. פרעג איך אים וויאזוי גייסטו קענען אויסהאלטן די פעימענטס? זאגט ער מיר אז זיין בני בית גייט מיזן גיין ארבעטן..! וואס יעדער פארשטייט אז דאס קיין תכלית, יא איך ווייס אז ביי אסאך מענטשן איז עס א נארמאלע זאך אבער יעדער פארשטייט אז עס איז זייער נישט א געזונטע זאך פארן כלל, ברוחניות און בגשמיות.
פאר די אלע אידן וואס ווערן נערוועיז פון
@יום טוב שני וויל איך זאגן אז ענק זענען מן הסתם נישט אין דעם מצב, ממילא אויב ווערן ענק נערוועיז ביטע לאזט איבער דעם אשכול ווייל עס איז אייך ממילא נישט נוגע.
@יום טוב שני דו ביזט נישט דער איינציגסטער וואס שרייט געוואלד, דער רבי רעדט כסדר אז עס לאזט אים נישט מנוחה. דער הויז בחור האט פארציילט אז לעצטענס בעט אים די רבי זייער אפט אז ער זאל אים מוציא זיין מיט ברכת התורה ווייל ער האט נישט געקענט שלאפן..
איך בין באמת דאנקבאר פאר די אלע אידן וואס טרייען צו טוהן עפעס, דער אייבערשטער זאל זיי באצאלן.
