וואס איז די גרויסע היץ ביי די אין עוד מלבדו-אחדות?!
מען האלט שין א וואך נאר די הערליכע פאזיטיווע דרשה פון הרה"ג רבי בערל מרגליות שליט"א ביי די גרויסע מעמד קהלא קדישא, שיין, שטארק און פאזיטיוו ארויסגעברענגט די יעצטיגע סיטואציע פון קרית יואל, די סכנה וואס הערשט אויב מען וועט נישט טוהן צו די זאך און פארזיכערן די עתיד, און קלאר נישט וויבאלד די יעצטיגע תושבים האבן ח"ו א פראבלעם, ניין, נאר די נאטור פון אונזער הערליכע געגנט קען ציען אזעלכע עלעמענטן בעתיד וואס וועלן שטעלן אין סכנה די גאנצע ציל און עתיד פון עיר הקודש קרית יואל,
די דרשה האט געגעבן אן אויסטערלישע קלארקייט אויף די גאנצע פיקשטער און באגריסט געווארן דורכ'ן ציבור מיט א גרויסע ווארעמקייט באקומענדיג א גרויסע התעוררות צו פארזיכערן די עתיד פונ'ם הייליגן רבינ'ס שטאט, זיכער מאכן דא ווערט נישט קיין מונסי אדער לעיקוואד, וואס איז איבערגעגאסן געווארן מיט נייע דעוועלאפמענטס וואס האט געטוישט די גאנצע אריגינאלע כאראקטער פונ'ם שטאט.
נאך אזא פאזיטיווע שטארקע דרשה מיט אזא פאזיטיווע רעספאנד, וואלט מען געקענט טראכטן אז אונזערע "אחדות" אידן, וועלן אויך רעאגירן פאזיטיוו פארשטייענדיג אז סך הכל רעדט מען דא פון א סאטמארע אישו וואס דארף נוגע זיין ללב יעדן סאטמארע חסיד, יעדער וואס פאררופט זיך אלס תלמיד פון רביה"ק זי"ע, צו פארזיכערן עפעס אויף וואס רביה"ק האט זיך אויסגעדרוקט "ווען נישט קרית יואל האב איך גארנישט אויפגעטוהן אויף דער וועלט".
ווער דען זאל עס באשיצן אויב נישט אונז זיינע תלמידים??
ווי מאדנע ס'הערט זיך אין די פלאץ וואס פאררופט זיך "אחדות" "אין עוד מלבדו" האט זיך אנגעהויבן גאר א פערזענליכע מיאוסע העצע אויף די
גרופס למיניהם, פון א קליינע צאל העצער, וואס האבן פערזענליך אנגעגריפן און באשולדיגט מיט די ערגסטע אויסדרוקן און איר ווייסט מיט וואס נאך זיי האבן באשולדיגט די איידעלע עסקנים?? מיט פארשפרייטן "העיט"...
דא אליין אויף די פלאטפארמע פון אידטיש האט מען ארויסגעלייגט א בלבול אויף א חשוב'ער איד א ריעלטאר א בעל מסירת נפש, אים פערזענליך באשמוצט, און קיינער האט נאך נישט גענימען די מיה צו מברר זיין די מציאות, און צוריקציען פונ'ם פיינטליכן בלבול.
אט די אבסורד איז א פשוט'ע המשך פון די גאנצע בלומינגראוו באחדות סטיל ווי מען ספינט און בארעדט ווער ס'שטייט אין וועג מיט די גרעסטע העיט, און מען באשולדיגט די איידעלע אידן וואס רעדן פרא-אקטיוו און פאזיטיוו, און אפי' אמאל אויב מען דארף אראפרייסן א פירצה אדער מגלה זיין א שקר וועט מען אכטונג געבן נישט צו בארעדן אדער באשמוצן פערזענליכע מענטשן, נאר רעדן קעגן די אגענדא'ס קעגן די רעיונות אבער נישט קעגן מענטשן, קומען מענטשן וואס בארעדן מענטשן פערזענליך און זיי שרייען העיט??
דא אין אונזער געגנט איז עס בכלל נישט קיין חידוש, אבער נאך אלס דארף ארויסגעברענגט ווערן די דאזיגע נקודה אלס א שטארקע מוסר השכל וויאזוי עס קוקט אויס ווען מען הייבט אן אפלאכן פון די ארגינאלע קהילות קדושות פון ווי מען שטאמט, מען זיכט זיך נייע מלבדו גליקן, מען ברענגט אראפ די הייליגסטע וואס כלל ישראל פארמאגט מיט'ן נעמען די הייליגסטע סימבאל "אין עוד מלבדו" און עס ניצן אלס א לאגא, א לאגא וואס איז געמאכט צו ריפלעיסן די ארגינאלע קהילות, צום סוף ענדיגט מען מיט די גרעסטע העיט קעגן יעדן וואס שטייט אין וועג, און מען בלייבט אן די הייליגע מסגרת פון קרית יואל און פון קהילות וע"ז אנו אומרים געגעסן פארשטינקענע פיש און ארויסגעווארפן פון שטאט.
איר האט געליינט ביז דא, איר זענט אנגעפילט מיט העיט צו איינעם פערזענליך? אדער זענט איר אנגעצינדן צו די פירצה? איך גלייב נישט איר זעהט דא עפעס קעגן א מענטש פערזענליך וויבאלד מיר מיינען באמת קיינעם נישט, אויסער די סכנה'דיגע פסול'ע אגענדא, און ווי שוין געשריבן אין א פריערדיגע געלעגנהייט, ס'איז דא אמאל וואוילע אידן מיט שלעכטע אגענדאס, און אמאל נישט וואוילע אידן מיט גוטע אגענדאס,
ממילא רעדט מען קעגן די חפצא און נישט קעגן די גברא.
ווי מאדנע איז ווען די וואס פארשפרייטן פערזענליכע העיט, שרייען קעגן העיט?
