דאס דארף צו זיין ברעכנדע נייעס. לאמיר צום ערשט פאר א מינוט איבער'חזר'ן אין קורצן פון וואס מען רעדט דא, און דאן זען די פונקטן פארוואס די נייעס איז אזוי ברעכנד:קיינמאל האט געשריבן: ↑דאנערשטאג יולי 20, 2023 4:32 pm א פרישע FBI דאקומענט ארויסגעגעבן דורך רעפובליקאנער סענאטאר טשאק גרעסלי באשולדיגט אז פרעזידענט דזשאו ביידען און זיין זון האנטער האבן ארויסגעצווינגען מיליאנען דאלארן פון דער באריסמע CEO אין אויסטויש פאר זייער הילף צו אפזאגן אן אוקריינישער פראקוראר וועלכע האט געפארשט די פירמע.
לויט די פרישע דאקומענט האט דער באריסמע פירער געזאגט אז ער האט מערערע טעקסט מעסעדזשעס און רעקארדירונגען וועלכע צייגן אז די ביידענ'ס האבן אים ארויסגעצווינגען געלט.
אין יאר 2016 דאכצעך האט דער דאן וויצע פרעזידענט דזשאו ביידען, וועלכער האט פארפיגט אויף אמעריקע'ס אויסערן פאליסי אנבאלאנגט אוקראינע, געפאדערט פון אוקראינע אויפצוזאגן וויקטאר שאקין, אוקראינע'ס דאן הויפט פראקוראר וועלכער האט אנגעפירט מיט אן אנטי-קארופציע אויספארשונג אינערהאלב די רעגירונג. צווישן אנדערע האט ער אויך אנגעפירט מיט אן אנטי-קארופציע אויספארשונג קעגן אן אוקראינע פירמע גערופן 'באריסמע' אויף וועמען'ס פירערשאפט באורד איז געזעסן דעם וויצע פרעזידענט'ס זון, האנטער, דורך וועלכע ער האט פארדינט גרויסע געלטער.
די אויספארשונג פון שאקין איז אריגינעל געגרינדעט געווארן אלס טייל פון אוקראינע'ס שריט אויסצוראטן קארופציע אינערהאלב אירע רייען. וויצע פרעזידענט ביידען האט אבער דאן ארגומענטירט אז דער פראקוראר זעלבסט איז קארופטירט, זאגנדיג אז ער איז נישט באמת נאכגעגאנגען קארופציע און אז ער האט נישט באוויזן אנצוקלאגן קיין שום הויכע-פראפיל אינדיווידואלן אויף קארופציע.
וויצע פרעזידענט ביידען האט דאן פארלאנגט אז אוקראינע זאל אראפטראסקען דעם פראקוראר פון זיין פאזיציע.
דער וויצע פרעזידענט איז געגאנגען א טריט ווייטער, ארויסשטעלנדיג א ווארנונג צו אוקראינע, נעמליך אז אויב וועט זי נישט ארויסווארפן דעם פראקוראר וועט אוקראינע נישט באקומען 1 ביליאן דאלאר אין הילף געלט וועלכע די פאראייניגטע שטאטן האט געהאלטן ביים שיקן קיין אוקראינע.
ביידען'ס סטראשע האט געטון דאס זייניגע, און אוקראינע האט געווארפן דעם פראקוראר פון זיין אמט און אויף זיין פלאץ אויפגענומען א צווייטן פראקוראר, וועלכער האט קורץ דערנאך פארמאכט דעם אויספארשונג קעגן דער באריסמע פירמע.
זינט דעם געשעעניש זענען רעפובליקאנער געווען פארנומען הויך חושד צו זיין אויב ביידען האט דא נישט אויסגעניצט זיין מאכט אלס וויצע פרעזידענט און פאליסי באשליסער מצד די פאראייניגטע שטאטן אנבאלאנגט אוקראינע, פאר פריוואטע פארדינסטן, נעמליך צו ראטעווען די פירמע אויף וועמען'ס באורד זיין זון האנטער איז געזעסן און געשארט גרויס געלט.
ביידען, די מידיא און דעמאקראטן זענען אבער אלץ געווען פארנומען צוריקצואווארפן זאגנדיג אז ביידען האט בלויז געזוכט אז דער פראקוראר זאל "נאכמער אויספארשן קארופציע", עפעס וואס ער האט, לויט ביידען, נישט געטון. רעפובליקאנער האבן זיך טאקע געמיטשעט צו קענען צייגן באווייזן אז ביידען האט דא געהאט קארופטירטע כוונות.
צוריק צום פריש-אויפגעדעקטן עף. בי. איי. דאקומענט: דער דאקומענט צייגט אז דזשאו ביידען און זיין פאמיליע האבן פערזענליך ערהאלטן געלט פון דער 'באריסמע פירמע' צוליב זיין ראלע און ראטעווען די פירמע פון אנטי-קארופציע אויספארשונגען.
דאס צייגט לכאורה גאנץ קליפ און קלאר:
1. אז די גאנצע דרוק מצד ביידען און די אבאמא אדמיניסטראציע אויף אוקראינע, ווי אויך דאס אפהאלטן הילף געלטער פון אוקראינע, איז געווען פאר פערזענליך און פריוואטע אינטערעסן פון ביידען און זיין פאמיליע.
2. אז ביידען האט בפירוש גענומען 'שוחד' אין אויסטויש פאר'ן זיכער מאכן אז דער פראקוראר ווערט ארויסגעווארפן.
----------
די געשיכטע איז פאר יארן אראפגעמאלן געווארן אלס נאך א 'קאנספיראציע' געשטופט דורך פרעזידענט טראמפ און רעפובליקאנער. מיט די פריש-אויפגעדעקט אינפארמאציע טוט די ליסטע פון 'טראמפ קאנספיראציעס' וועלכע שטעלן זיך ארויס צו האבן ערנסטע באזיס. נאט אייך די וויקיפידיע בלאט איבער דער קאנספיראציע: https://en.wikipedia.org/wiki/Biden%E2% ... acy_theory
אבער לאמיר נישט פארגעסן פון דעם עיקר: ווער געדענקט דען נישט טראמפ'ס קוויד פרא קווא אוקראינע סקאנדאל? ער איז דאך אימפיטשט געווארן, צום צווייטן מאל, פאר דעם זונד. וועלכע? אז ער האט געבעטן פון דעם אוקראינע פרעזידענט זעלענסקי אז ער זאל ביטע מיטארבעטן מיט די אמעריקאנע יוסטיץ דעפארטמענט אין איר אריינבליק אין מעגליכע קארופציע מצד דער אמעריקאנער רעגירונג אנבאלאנגט אוקראינע'ס אנטי קארופציע אויספארשונגען.
נו גוט.
------------
דיסקלעימער: איך בין נישט נאכגעגאנגען אלע דעטאלן פון די איצטיגע אויפדעקונגען, נאר בלויז געשריבן באזירט אויף וואס איך האב זיך אויבנאויף אנגעשטויסן.
