אין דורך'ן אריין לייגען ביליאנען אין גויאישע מאוויס, האבן זיי מצליח געווען צו טוישן דו גאנצע מעסעדזשינג, אנשטאט עס זאל ברענגען צו א ספיריטשעל מעשה ווי איינער האט זיך ארויסגעדראפעוועט פון א פראבלעם, האט מען עס געטוישט צו בארעכטיגטע געפילען צו זיין אומסוקסעספול, בארעכטיגונג צו זיין נידריג, אין אויסגעריסן דאס גאנצער געפיל וואס ציהט צו נארמאליזעם!!
ווי אויך לערנט מען שוין מיט דו קליינע קינדער אין דו פובליק סקול'ס גאר געמיינע זאכען.. אז מ'זאל שוין לכתחילה אויסוואקסן אן קיין עדענטעטי, און מיט דעם געדאנקנגאנג אז דו וועלט "עקסעפט" "אלעס"...
און ליידער האבן זיי שוין היפש מצליח געוועהן, און געטוישט דו גויאישע גאס, פון א פלאץ וואס מען זוכט צו האבן א משפחה אין לעבן א רעספעקטירטער לעבן, צו א פלאץ וואס קיינער ווייסט נישט פון קיין צוקונפט אין מענטשליכקייט, און אנשטאט צו ארבייטן אויף זיך צו ווערן בעסער, מאכט מען זיך באקוועם אין די אייגענע פראבלעמען, ווייל יעדער איז אזוי, און ווייל ווער זאגט אז לעבן מיט א ציל איז סוקסעס, אפשר איז ווי מער מען גיבט זיך נאך, ווי מער מען כאפט, אריין אלטס מער האט מען דערגרייכט!
...................
כלפי מה דברים אמורים, האב איך לעצטנס געטראכט צו מיר, אז מי יודע..? אפשר זענען אינזערע היימישע מאגאזינען אויך נשפע געווארן פון די מאלטי ביליען דאלערדיגען קאמפיין!!
נישט ח"ו אויף אזא לעוועל וואס זוכט שמוץ, אבער דער געדאנק פון "עקסעפטינג" און "בארעכטיגונג" פאר יעדע מצב, שרייט לעצטנס צו שטארק ארויס פון צווישן די שורות,
צו מיט די פארשידענע קאלעמס ווי גרויסע טאטעס זענען פארנומען מיט זייער "הערצעלע", און מיט זייערע אלטע ווייטאג'ן, און לערנען אויס אינזער יוגענטום ווי אזוי באמת צו "שפירן א טעם אין ווייטאג", און ווי טיפער די ווייטאג איז, אלטס א גרעסערע געשמאק שפירט מען...
(אין פאר ווער ס'באקאנט ווייסט, אז דאס איז איינע פון די גאר שטארקע זאכן וואס די ביליאנערן ווילען שטארק אריינברענגען איז, אז גרויסע טאטעס זאלן זיך אנפאנגען אפצוגעבן מיט זייער "הערצעלע" גענוי אזוי ווי א פרוי!!, אזוי וועט ער נישט טראכטן פון קיין פיוטשער, אין ער וועט נישט קענען זיין סוקסעספול, ווייל ער וועט זיך טינקען אין אלטע ווייטאג'ן..)
צו מיט די מעשות אין די באקאנטע מענטל העלט אויסגאבע, וואס ברענגט ארויס ווי שווערע לעבנס מענטשען גייען דורך, אבער אן א סוקסעספולע ענדע, אזוי ווי אלע מעשיות פלעגען אמאל גיין,
נישט ח''ו אז אינזערע אויסגאבעס האבן חלילה א מטרה מיט דעם, איך גלייב אז זיי כאפן נישט וואסערע אפעקט עס האט אויף דו יונגווארג, ווען מ'נעמט פיר גירושים אין מען מאכט זיי פאר אינזערע העלדן!! אנשטאט צו מאכן א תלמוד חכם, אדער א געלונגענע ביזנעס מאן, פאר אינזער העלד..
הגם עס קען טאקע זיין, אז טעכניש גערעדט זענען זיי אסאך גרעסערע העלדן..
פארשטייט אבער יעדער איינער אז פינקט ווי א איד א עם הארץ, וואס קומט פון רוסלאנד, און ער האט זיך געשלאגן פאר יודישקייט מיט מסירות נפש ממש!! טראץ וואס ער איז אסאך א גרעסערע העלד, ווי דער פשוטער דיין וואס איז אויפגעוואקסן אין וויליאמסבורג, מיט א גוטן קאפ אין קיינמאל נישט עכט געארבעט אויף זיך, אודאי איז דער רוסישער איד אסאך א גרעסערע העלד! אין קען טאקע זיין אז ער וועט באקומען אסאך א העכערע פלאץ אין גן עדן..
אבער יעדער פארשטייט אז אויף דעי וועלט ברויך מען לייגן אויפ'ן אויבן אן דעם דיין, און נישט דעם רוסישען, ווייל אויב וועט אונזער אויבן אן באשטיין פון "העלדישע" עם הארצים!! העמער נישט איבערבלייבן מיט קיין דורות...
און אז איר ווילט דוקא ברענגען עכטע האפענונג פאר א גרוש, דאן מאך א אינטערוויא מיט א גרוש וואס האט פיין חתונה געהאט דו צווייטע מאל, אין האט א שיינע שטוב, דאן האסטו עכט געהאלפן דעם באטראפענעם!! אבער ווען דו ברענגסט סתם אן אינטערוויא מיט א פערציג יעריגער גרוש, אין דו ביסט מסביר אז עס איז נישט קיין פראבלעם, דאן האסטו אים געהאלפן בלייבן אין זיך באקוועם מאכן אין זיין צרה,
אודאי איז דא א טענה אז מ'דארף אראפ נעמען סטיגמע'ס, אלעס זייער שיין אין וואויל, מ'ברויך אבער אויך קוקען אויף דו אנדערע זייט, דו שאדן וואס עס ברענגט מיט זיך...
ווייל דו פאקט איז, אז א מענטש וויל זיין ארויפגעקוקט אין זיין סעסייעטי.. און ווען ער זעיט אז דא איז ארויפגעקוקט איינער וואס ארבעט אויף זיך, און ער איז סוקסעספול, דעמאלטס נוצט ער אלע זיינע כחות הנפש, ארויסצוקריכען פון זיינע פראבלעמען, אין ווערן סוקסעספול..
אבער ווען ס'ווערט א סאסייעטי וואס, ווי מער פעין דו האסט, אלטץ מעכטיגער ווערסטו.. דאן פארוואס..? און פארוועם..? זאלעך מיך אנשטרענגען..!
ווער ווייסט וויפיל פון די בחורים, (אייבישטער'ס צדיקים'ליך
) וואס דרייען זיך אויפן גאס, וואלטן זיך אנגעשטרענגט צו זיין א נארמאלע מענטש, ווען נישט זיי ווייסן אז, סעסייטי בארעכטיגט יעדן'ס געפילען!!ווער ווייסט וויפיל גיטין וואלטן געווארן אויסגעמיידט, ווען נישט ער ווייסט אז, ער ווערט יעצט כלל ישראל'ס העלד!!
אינדערצייט וואס אמאל, איז א גט געווען די פערטע פלאן..
1) די ערשטע פלאן איז געווען די מעריזש זאל גוט ארבייטן!
2) די צוויטע איז געווען, צו ארבייטן אויף זיך אין עס מאכן ארבייטן!
3) אין אויב עס האט נאכאלץ נישט געהאלפן, איז געווען דו דריטע אפשען פון לעבן אן דו בעסטע שלום בית!!
4) אבער אין גאר שווערע פעלער, איז געוועהן גאר א אומבאקוועמע אפציע, וואס ווערט גערופן ג-ט!!
היינט צוטאגס איז ליידער דא "צוויי" אפשענס
1) אדער קליקט מיין מעריזש
2) אדער ווערעך א גרוש!!
אין יעצט וויל איך צו ענדיגען, מיט א רוף צו אלע אינזערע סטיגמע קלינערס.. אין צו אלע אינזערע ווארנעבעל שרייבערס אין מגידים.. זייט מוחל אין קוקט ענק אום, אין ענטפערט מיר ביטע וועמען העלפן ענק, מיט'ן מאכען יעדעם איינעם שפירען "באקוועם" אין זיין תפיסה!! ווען אין דו זעלבע צייט, קענט איר עוסק זיין אין פדיון שבוים ממש!
אין געבן הדרכה ווי אזוי ארויס צו גיין פון דו אייגענע תפיסה... אויפקלערן פארוואס עס לוינט זיך אליינס אויסצולייזן פון תפיסה..
(נישט אזוי ווי דער וואס האט מורא צו זאגען פאר זיין חבר, אז דו האסט אן א שלאף קאפעל!
ווייל זיין חבר גייט שפירן זייער אומבאקוועם..)און דעמאלטס האט איר יענעם עכט געהאלפען, אין איר וועט דעמאלטס, עכט האבן א חלק אין זיינע דערגרייכונגען....
קרעדיט: @notes פון אייוועלט
