די וואך מיטוואך י"ד שבט פאלט די יארצייט פון הגאון הקדוש המפורסם רבי יעקב יהושע פאלק זצ"ל, באקאנט אויף זיין הייליגען ספר "פני יהושע".
ער איז געבוירן כ"ח כסלו אין יאר תמ"א, צו זיין טאטע הנגיד החסיד רבי צבי הירש ז"ל.
י"ד שבט תקט"ז - ווען ער איז געווען אין די שטאט "אויפבאך" האט ער צרויקגעקערט זיין ריינע נשמה לשמי מעלה ולחיי עולם הבא, און ער איז אלט געווען פינעף און זיבעציג יאר.
מען האט אים אריבער געטראגן קיין פראנקפורט דמיין, דארט האבן אים מספיד געווען רבנים וגאונים פונעם דור, צווישן זיי הגאון הקדוש דער נודע ביהודה ז"ל, - די נודע ביהדה האט געזאגט: אפילו ער האט געלאזט צוואה מען זאל אים נישט מספיד זיין, אבער וויבאלד ער איז די "רבן של כל בני הגולה" דארף מען אים יא מספיד זיין.
די הייליגער קאמרנער זצ"ל שרייבט (בספרו אוצר החיים) בזה"ל: ראיתי בספר הקדוש פני יהושע וכו', והרב הזה הוא גאון שבגאונים צדיק וקדוש וחסיד, מיהושע ועד יהושע לא קם כיהושע. די הייליגער אבני נזר זצ"ל שרייבט אין די פתיחה אויף זיין ספר "אגלי טל" "ראש לראשונים רמב"ן, אחרון לאחרונים פני יהושע". רבי שמואל שינאווער ז"ל ברענגט אין זיין ספר "רמתיים צופים" אז פאר די פני יהושע האט אנגעהויבן מאכן זיין ספר פני יהושע האט ער "זעקס און דרייסיג" מאל אדורך געלערנט ש"ס.
זי"ע