יום טוב האט געשריבן: ↑דינסטאג נאוועמבער 21, 2023 2:20 pm
עס קומט מיר צו לאכן יעדעס מאל ווען איך זעה דע טעאריע קיינעם גייט מער נישט אן ציונות היינט (אויסער סאטמאר ) אמת ליידער קיינעם שטערט שוין היינט נישט קיין ציונות עבר ושנה נעשית לו כהיתר, אדרבה אפשר קען @שכל הישר ערקלערן וואס ציונות איז וואס איז שוין היינט נישט בנמצא, נאכן זאגן איינמאל און נאכאמאל און מסביר זיין אז ציונות איז קיין שום פראבלעם און מצדיק זיין די מדינה און זיך מתחבר זיין מכל וכל זאגט מען אז ציונות איז א פארגאנגענהייט... נישטא ווער סזאל לאכן, איינער האט אמאל געזאגט ער בארעדט קיינמאל נישט קיין איד קודם מאכט ער עם אויס איד און נאכדעם איז שוין אלעס מותר ...
נארישקייטן.
ציונות איז געווען באזירט אויף צוויי אידעלאגיעס, איינס איז געווען צו איינעמען ארץ ישראל פון פריש, ווייל ס'געהערט דאך צו יודן, און די צווייטער אידעלאגיע וועלכע איז מייסטענס געווען אין די אוקריינע געגנט איז געווען מער א פשוטע; מיר קענען שוין נישט דא בלייבן און מען דארף א נייע פלאץ צו וואינען. די רדיפות און פאגראמען איז געעווען זייער שווער. (אגב פאר די צווייטע אידעלאגיע איז אפי' געווען א פלאן צו גרינדן עפעס א לענדל ערגעץ ווי אין אפריקא, אבי נישט אין אייראפע)
רוב רובם פון די רבנים אין יענער צייט זענען שארף ארויסגעקומען דערקעגן. נומער איינס ווייל דאס איז נישט די אידישע מהלך, אידן זוכן נישט צו איינעמען און זיך שלאגן מיט כוח על עף אז אונז ווייס מיר אז הבא להרגך השכם להרגו אבער דאס איז נישט אונזער שטארקייט, נאר ליבערשט תשובה טון און בעטן ביים באשעפער אז ער זאל העלפן, נומער צוויי איז וויבאלד די גאנצע ציוניסטישע באוועגונג איז געקומען פון די אפגעפארענע אידן, די וואס וואלטן ווען געווארן רעפארם אויב וואלטן זיי געלעבט אביסל פריער. און זיי האבן זיך געפירן דיירעקט שלא כדעת תורה.
יארן זענען אריבער, די מדינה האט זיך אויפגעשטעלט. גלייך ביי איר גרינדונג האבן די ציונים פראבירט אויפצושטעלן א מדינה וואס זאל זיך פירן אקעגן די תורה הקדושה ל''ע. ס'איז געווען א בראך, פולע אידן האבן ליידער אפגעלאזט די תורה און אירע מצוות און האבן זיך אנגעשלאסן אין די ציוניסטן. די ציונים האבן אויך געהאט זייערע קיבוצים ווי זיי האבן פראבירט אויפצוצוהן א דור וואס זאל זיך שעמען אקעגן צו גיין משיח'ן.
ביז אהער איז היסטאריע.
אין די צייט פון נאכן קריג ווען סאטמערע רבי האט גע'עפענט זיין קאמפיין אקעגן די ציונים, איז שוין ציוניזם געווען שטארק אפגעשוואכט די אידיךאגיע האט מער נישט געפלאקערט און יעדער איז געווען פארנומען מיט זיין לעבן, אבער דאך איז נאך געווען גענוג און נאך סיבות זיך ארויסצושטעלן דערקעגן און אפהאלטן אידן פון זיך נאכשלעפן נאך די אפגעפארענע.
היינט צוטאגס איז שוין נישט דא קיין ציוניזם, אזוי ווי איר הערט. ס'קען זיין אז די פרייע האלטן אן זייערע מדינה, זיי האלטן נאך אלץ נישט ביי די שטערקסטן מדריגה פון אמונה און זיי ווילן זיך נאך איינרעדן אז כוחי ועוצם ידי עשה את החיל. אבער די ווינט וועלכע האט אריינגעשלעפט מענטשן און זיי אפגעפירט פון אידישע וועג איז שוין נישטא, נאדא! די ציונים אליין ווערן נעבך אינגאנצן אפגעפרעמדעט פון די אידישע קולטור און ווילן זיך נעבן אויסמישן מיטן גוי ה''י, קיינער פאלט שוין נישט פאר ציוניזם. און מען קען שוין אויפהערן צו אויפקלערן די אינגע בחורים איבער די שוידערליכע געפאר פון ציוניזם, לא דובים ולא יאר
צו זאגן אז די מדינה היינט צוטאגס איז א מרידה בה' איז אביסל שווער צו פארשטיין. כ'מיין, וועלכע חלק פונקטליך? אויב האלסטו אז יעדער מאל איינער איז עובר על דבר ה' איז א מורד דאן ביזטו גערעכט, אבער לא קשר צו די מדינה. די מדינה רופט נישט אויס אז ווילן זיך קריגן מיט די אייבערשטער און ווען א מענטש גייט וועלן צו שטיצן די ערליכע אידן וועלכע וואינען דארט האט זיך נישט מיטגעשטעלט צו די רשעים, וואס אגב זענען זיי תינוקות שנשבו.
וואס מיר אידן דארפן טון איז צו מחזיר בתשובה זיין די וואס זענען נעבך ווייט פון די רבש''ע, נישט זיי מער דערווארטערן און יעצט איז א גוטע צייט דערפאר.
לסיכום; מיר אידן גלייבן אז די אייבערשטער פירט די וועלט און מיר קענען זיך נישט אריינמישן אין זיינע הנהגות, און פונקט אזוי האבן די ציונים נישט געקענט. די רבש''ע האט געוואלט אז אידן זאלן קענען וואינען אין די הייליגע לאנד און עס וואלט מילא געשען, יא ציונים נישט ציונים. נעבן פאר זיי אז זיי זענען ווייט פון די תורה, און מיר אלץ גאטספארטיגע אידן ברויכן זיי מקרב זיין. און יא, מיר זענען מתפלל אז זיי זאלן זיגן, וויל די אנדערע אפציע איז נאך א אקטאובער 7' ה' ירחם. און געווענדליך פירט די אייבערשטער בדרך הטבע און אויף דעם דארף מען בעטן. און אזוי אויך זענען מיר מתפלל אז די באשעפער זאל זיי ליכטיג מאכן די אויגן און יעדער זאל זיך צוריקערן צום גלייכן וועג...
נ.ב. דאס איז נישט די סאטמערע שיטה...
