אמעריקא און מדנ"י, אין מלחמה מיט איראן

[פליט]

מייק האקעבי:

די פראבלעם איז נישט מדינת ישראל, די פראבלעם איז נישט לבנון, די פראבלעם איז חיזבאלא, די שלעכטע אינגל וואס שיסט ראקעטן.

[פליט]

מדינת ישראל פריים מיניסטער נתניהו און די פרעזידענט פון לבנון זענען איינגעלאדנט געווארן קיין וואשינגטאן נעקסטן חודש פאר א מיטינג מיט טראמפ.

IMG_20260423_215929_368.jpg (201.17 KiB) געזען געווארן 956 מאל

[מאירוואלף]

באריכט:

די אמעריקאנער רעגירונג באטראכט יעצט פלענער צו ליקווידירן הויכע באאמטע אין דעם איראנער רעזשים, ווי דער IRGC קאמאנדיר אכמד וואהידי, וועלכע שטעלן זיך אקעגן סיי וועלכע געשפרעכן מיט אמעריקע. דער ציל פונעם פלאן איז שוואך צו מאכן די עקסטרעמיסטן און שטארקן די מאכט פון פיגורן ווי מוכאמד באקער קאליבאף (דער ספיקער פונעם פארלימענט) כדי צו קענען אנקומען צו א שלום אפמאך, און לויט דעם פרעזידענט'ס באפעל ווערן די אלע שריט יעצט ערנסט איבערגעקוקט.

באריכט:

דער 67-יעריגער אחמד ואחידי איז היינט די גרעסטער שטיין אין וועג פאר טראמפ'ס פלענער מיט איראן. גלייך נאכ'ן באזייטיגן כומעיני און די רעוואלוציאנערע גווארדיע פירער, האט ער איבערגענומען די לייצעס און געשטופט מושטאבא כומעיני אלס יורש. ואחידי פירט א קליינע עקסטרעמע גרופע וואס קאנטראלירן די פארהאנדלונגען און לאזט נישט מאכן קיין שום פארשריט מיט אמעריקע. אלס געוועזענער פארטיידיגונגס מיניסטער איז ער אויך שטארק פארבינדן מיט די פאליטישע חלק אין לאנד אנדערש ווי זיינע פארגייער, און עס קוקט אויס אז ער איז יעצט דער "נומער 1 ציל" פאר מדינת ישראל און אמעריקא, מעגליך נאך מער ווי דער נייער פירער, כומעיני הצעיר.

[מאירוואלף]

כינע און אינדיע רופן אויף זייערע בירגער צו פארלאזן איראן תיכף ומיד.

[מאירוואלף]

אמעריקע האט יעצט דריי עירקרעפט קעריערס אינעם ראיאן, צום ערשטן מאל זינט די איראק מלחמה אין 2003.

[מאירוואלף]

דער איראנער אויסערן מיניסטער עבאס עראקאטשי וועט דעם סוף וואך באזוכן פאקיסטאן, לויט באריכטן וואס זענען איבערגעגעבן געווארן פאר די AP.

[מאירוואלף]

שילה פריד באריכטעט: די הילולא אין אתרא קדישא מירון ל"ג בעומר וועט היבש ווארשיינליך געקענסלט ווערן צוליב דעם זיכערהייט מצב. די רעגירונג האט באקומען אן אנווייזונג אפצושטעלן אלע הכנות, ווען לויטן יעצטיגן פלאן וועט מען בלויז ערלויבן א באגרעניצטע צאל פון עטליכע הונדערט מענטשן ארויפצוגיין.

[מאירוואלף]

דער איראנער אויסערן מיניסטער עבאס עראקאטשי וועט דעם סוף וואך באזוכן פאקיסטאן, לויט באריכטן וואס זענען איבערגעגעבן געווארן פאר די AP.

באריכט פון רויטערס: איראן און אמעריקע גרייטן זיך פאר פרישע דירעקטע געשפרעכן אין פאקיסטאן. דער איראנער אויסערן מיניסטער עראקאטשי וועט לאנדן פרייטאג צונאכטס אין איסלאמאבאד, בעת וואס אן אמעריקאנער לאגיסטישע און זיכערהייט גרופע געפינט זיך שוין דארט אנצוגרייטן דעם וועג פאר די פארהאנדלונגען.

[מאירוואלף]

דער איראנער אויסערן מיניסטער עבאס עראקאטשי וועט דעם סוף וואך באזוכן פאקיסטאן, לויט באריכטן וואס זענען איבערגעגעבן געווארן פאר די AP.

באריכט פון רויטערס: איראן און אמעריקע גרייטן זיך פאר פרישע דירעקטע געשפרעכן אין פאקיסטאן. דער איראנער אויסערן מיניסטער עראקאטשי וועט לאנדן פרייטאג צונאכטס אין איסלאמאבאד, בעת וואס אן אמעריקאנער לאגיסטישע און זיכערהייט גרופע געפינט זיך שוין דארט אנצוגרייטן דעם וועג פאר די פארהאנדלונגען.

איראן שטעלט קלאר אז די רייזעס פון ערקאטשי קיין פאקיסטאן, עומאן און רוסלאנד זענען בלויז פאר לאקאלע דיפלאמאטישע צוועקן, און נישט פאר סיי וועלכע זיצונגען אדער שלום-געשפרעכן מיט די אמעריקאנער רעגירונג.

[מאירוואלף]

איראנער באריכט:

דער איראנער אויסערן מיניסטער עראקצי האט אפגעהאלטן א טעלעפאנישע שמועס מיט'ן פרעזידענט פונעם קורדישן ראיאן, בארזאני, איבער די לעצטיגע אנגעצויגענע אנטוויקלונגען אין די געגנט. די צוויי האבן ארומגערעדט איבער פארשטערקערן די קאאפעראציע צווישן ביידע זייטן, מיט'ן ציל צו היטן אויף די זיכערהייט פון די גרעניצן און פארהיטן אז פרעמדע דריטע פארטייען זאלן נישט קענען אויסנוצן די מצב און אונטערמינערן די רואיגקייט אין ראיאן.

[מאירוואלף]

פרעזידענט טראמפ שיקט זיין ספעציעלן שליח סטיוו וויטקאף און דזשעראד קושנער קיין איסלאמאבאד, פאקיסטאן, צו באטייליגן זיך אין געשפרעכן מיטן איראנישן אויסערן מיניסטער אבאס אראכטשי, לויט צוויי אדמיניסטראציע באאמטע פאר סי-ען-ען.

[Think and Thank]

פרעזידענט טראמפ שיקט זיין ספעציעלן שליח סטיוו וויטקאף און דזשעראד קושנער קיין איסלאמאבאד, פאקיסטאן, צו באטייליגן זיך אין געשפרעכן מיטן איראנישן אויסערן מיניסטער אבאס אראכטשי, לויט צוויי אדמיניסטראציע באאמטע פאר סי-ען-ען.

למעשה האט טראמפ געקענסלט זייער רייזע, זאגנדיג אז ס'האט נישט קיין פשט צו פארן 18 שעה ווען די איראנער ווייסן נאך אליין נישט אויף וועלכע וועלט זיי זענען און ווער ס'פירט דאס לאנד. ער זאגט אז ווען די איראנער האלטן ביי עפעס קענען זיי אים קאלן. (ביי אונז הייסט דאס 'קאל מיך נאך יאנטעף'...)

[מאירוואלף]

ארכאטשי באזוכט דעם סולטאן פון עומאן. (ווי כאילו זיי האבן קיינמאל נישט באמבארדירט די עומאנע פארטן...).

[מאירוואלף]

NBC
לויט באריכטן פון העכערע אמעריקאנער באאמטע און קאנגרעס געהילפן, זענען די שאדנס פון די איראנער אטאקעס אויף אמעריקאנער מיליטערישע באזעס אין דעם פערסישן גאלף פיל ערגער ווי עס איז ביז יעצט אפיציעל באקאנט געווען, און וועט קאסטן ביליאנען דאלארן צו פאריכטן. די נקמה אטאקעס פונעם איראנער רעזשים, וואס זענען געקומען נאך אן אמעריקאנער אטאקע אום פעברואר 28, האבן חרוב געמאכט צענדליגער צילן אין זיבן לענדער איבערן מיטל מזרח, אריינגערעכנט וואפנס-מאגאזינען, קאמאנדא צענטערן, און פארגעשריטענע ראדאר סיסטעמען. אין א זעלטענעם דורכפאל פאר די אמעריקאנער לופט-שוץ, האט אן איראנער F5 קאמפס-עראפלאן אפילו באוויזן צו באמבארדירן די "קעמפ בורינג" באזע אין קואוועיט, אפגעזעהן אירע שטארקע עיר דיפענס סיסטעמען.
כאטש וואס רוב זעלנער און זייערע פאמיליעס זענען פאקטיש עוואקואירט געווארן פארן אויסברוך פונעם קריג, זענען די פיזישע חרבנות אויף די סטראטעגישע אינפראסטרוקטור גאר מאסיוו.

[מאירוואלף]

ביזנעס עס יוזשועל אין לבנון. חיזבאללא שיקט דראונס און מדינת ישראל אטאקירט שווער לעבאנעזער פאזיציעס.

[מאירוואלף]

א פארדעכטיגטע כינעזער שפיאנאזש-שיף מיט נאנטע קשרים צו די כינעזער ארמיי איז באמערקט געווארן זיך דרייען בלויז 10 מייל ווייט פון די גרויסע אמעריקאנער באזע אין קאטאר, פונקט בעפאר די פייער-אפשטעל מיט איראן האט געברויכט אויסלויפן. די פאסירונג הייבט אויף פראגעס צי כינע האט געהאלפן איראן מיט שפיאנאזש אינפארמאציע צו דורכפירן די מאסיווע אטאקעס אויף אמעריקאנער צילן אינעם ראיאן. באאמטע עקספערטן האלטן א נאנטע אויג אויף די שיף, וואס דרייט זיך שוין צוויי חדשים אין די געגנט צו זאמלען סענסיטיווע מיליטערישע דאטן.

[מאירוואלף]

נתניהו האלט יעצט אפ א זיצונג מיט די פירער פון די קאאליציע איבער מירון, דערנאך וועט פארקומען א זיצונג מיט די ענגע זיכערהייט קאבינעט.

[מאירוואלף]

לויט א באריכט אין 'ישראל היום' האט מדינת ישראל געשיקט א איירען דאום באטעריע אינאיינעם מיט זעלנער זיך אפצוגעבן דערמיט, כדי צו באשיצן די עמיראטן (UAE) דורכאויס דעם יעצטיגן קריג.

[מאירוואלף]

ארכאטשי האט ווידעראמאל געלאנדעט אין פאקיסטאן.

[פליט]

מדינת ישראל האט אראפגעלאזט פאפירן אויף דרום לבנון, צו ווארענען די איינוואוינער אין געגנטער ווי מדינת ישראל נעמט איין אז זיי דארפן פארלאזן די שטעטלעך און זיך נישט צירוק קערן.

IMG_20260426_103251_180.jpg (103.62 KiB) געזען געווארן 212 מאל

[פליט]

אויף א גדענקסמאל טאווע אין איראן פון די אומגעקומענע פון די מלחמה ווערט באמערקט די נייע פירער כומעיני.

אומקלאר פארוואס.

IMG_20260426_103512_578.jpg (212.02 KiB) געזען געווארן 207 מאל

[פליט]

היינט אין לבנון.

IMG_20260426_103814_135.jpg (84.98 KiB) געזען געווארן 206 מאל

[פליט]

מדינת ישראל לייגט ארויס פרישע עוואקואציע באפעל אויף שטעט אין דרום לבנון ווי חיזבאלא אפערירט.

IMG_20260426_105021_696.jpg (140.71 KiB) געזען געווארן 195 מאל

[פליט]

טראמפ:

די איראנע מלחמה וועט זיך ענדיגן גאר גיך, און אונז גייען זיין א שטארקע געווינער.

[פליט]

טראמפ:

איראן האט בערך 3 טעג ביז זייער אויל אינפראסטרוקטור רייסט אויף.