- 1774891204046.jpg (52.83 KiB) געזען געווארן 150 מאל
די אינטערנעט איז נישט סתם איין זאך; עס איז א "נעטווארק פון נעטווארקס". עס ארבעט דורך א טעכניק וואס מ'רופט Packet Switching, און עס פארלאזט זיך אויף Protocols (כללים) וואס אלע קאמפיוטערס קענען פארשטיין.
וואס איז דאס א "נעטווארק"?
פאר מ'רעדט פון די אינטערנעט, דארף מען פארשטיין וואס א נעטווארק איז. א נעטווארק איז א גרופע פון קאמפיוטערס וואס זענען באהאפטן צוזאמען און קענען שיקן דאטא (אינפארמאציע) איינס צום צווייטן.
עס איז אזוי ווי א "גרופ טשעט" אדער א קבוצה פון מענטשן וואס קענען זיך, טוישן אינפארמאציע צווישן זיך, און ארבעטן אינאיינעם.
די אינטערנעט: דאס איז א ריזיגע זאמלונג פון מיליאנען אזעלכע נעטווארקס וואס זענען באהאפטן איינס צום צווייטן איבער די גאנצע וועלט.
- 1774891215451.jpg (119.33 KiB) געזען געווארן 150 מאל
קאמפיוטערס זענען באהאפטן דורך דראטן, קעיבלס (Cables), פיבּער-אפטיק (Fiber-optic), און אפילו ראדיא כוואליעס (ווי WiFi אדער סעלולאר). אלעס וואס ווערט געשיקט אויף די אינטערנעט ווערט פארוואנדלט אין קליינע סיגנאלן פון ליכט אדער עלעקטריק, וואס מ'רופט Bits.
די אינטערנעט האט נישט קיין "קאנטראל צענטער". עס איז א Distributed System. דאס מיינט אז אויב איין סערווער אדער איין געגנט פאלט אראפ, קען די איבריגע חלק נאך אלץ ארבעטן. עס איז געבויט צו זיין שטארק און דורכאלטן פראבלעמען.
די צוויי הויפט יסודות: Packets און Protocols
כדי די אינטערנעט זאל קענען פונקציאנירן, ניצט עס צוויי הויפט זאכן:
1) Packets (פעקעטס):
ווען דו שיקסט א מעסעדזש אדער א בילד, ווערט עס נישט געשיקט "אין איין שטיק". עס ווערט צעשניטן אין טויזנטער קליינע שטיקלעך וואס מ'רופט "פעקעטס".
יעדער פעקעט האט א Header (א קעפל) וואס זאגט פאר'ן קאמפיוטער וואו עס דארף אנצוקומען און וויאזוי עס צוריק צוזאמענצושטעלן.
ווי למשל ווען מ'האט געשיקט די "סטעטשו אוף ליבערטי" פון פראנקרייך קיין אמעריקא, איז עס געווען צו גרויס פאר א שיף. האט מען עס צענומען אויף שטיקלעך, געשיקט יעדע שטיקל באזונדער מיט אינסטרוקציעס, און אין ניו יארק האט מען עס צוריק צוזאמענגעשטעלט. אזוי ארבעט א בילד אויף די אינטערנעט!
2) Protocols (פראטאקאלן):
דאס זענען די "כללים". אזוי ווי צוויי מענטשן מוזן רעדן די זעלבע שפראך זיך צו פארשטיין, אזוי מוזן קאמפיוטערס האבן א שפראך.
IP: פארן שיקן פעקעטס פון איין נעטווארק צום צווייטן. ער זיכט אויס די קאמפיוטערס אדרעס (אזויווי א טעלעפאון ביך)
TCP: צו מאכן זיכער אז אלע פעקעטס קומען אן בשלום און אין די ריכטיגע סדר.
HTTP: די שפראך פון וועבסייטס וואס דיין בראוזער פארשטייט. ער שיקט אריין די קאוד צי דיין קאָמפּיוטער
די הארדוועיר וואס מאכט עס ארבעטן
Routers (ראוטערס): זיי זענען ווי די "טרעפיק פאליציי". זיי קוקן אויף די פעקעטס און באשליסן וועלכע וועג איז די שנעלסטע עס צו שיקן ווייטער.
אינטערנעט סענטערס זיי העלפן באהעפטן עטליכע דיווייסעס (Devices) אינערהאלב איין נעטווארק.
דעטעבעיס: ריזיגע, שטארקע קאמפיוטערס וואס האלטן די וועבסייטס און בילדער און שיקן עס ארויס ווען א יוזער בעט עס.
וואס פאסירט ווען דו עפענסט א וועבסייט?
אין איין סעקונדע פאסירן עטליכע זאכן:
DNS Query: דיין בראוזער זוכט אויף די "אדרעס" (IP) פון די וועבסייט.
TCP Handshake: דיין קאמפיוטער מאכט א "קשר" מיט'ן סערווער.
TLS Handshake: א סעקיורע (Secure) קשר ווערט אויפגעשטעלט צו היטן דיין פריוואטקייט (Encryption).
HTTP Request & Response: דיין בראוזער בעט די אינפארמאציע, און דער סערווער שיקט עס צוריק אין טויזנטער קליינע פעקעטס.
צום שלוס: די אינטערנעט ארבעט דורך הינדערטער זאכן צווישן מיליאנען מאשינען, אלעס כדי דו זאלסט קענען לייענען דעם ארטיקל אין א סעקונדע !
- 1774891234489.jpg (29.46 KiB) געזען געווארן 150 מאל