דער תהלים איד האט געשריבן: ↑זונטאג נאוועמבער 09, 2025 7:14 pm
די קהילות וואס דו זעסט דאאדער דא, זיי זאגן אז זיי האבן א קלארע מהלך, וואס איז מצליח און באווייזט צו באהיטן מיינע קינדער.
דער שליסל פון דעם א.ג. לעזונג פאר די 'בחורים' פראבלעם, איז דורך צוימען די מארקעט פון די אינגעלייט פאונס, אז עס זאל זיין נישט נארמאל פאר א יונגערמאן צו האבן א פאון וואס איז ענליך צו א פראבלעמאטישע פאון ביי בחורים, און דאס גייט העלפן אז די בחורים זאלן זיך שעמען צו האבן טעלעפאונס וואס מאכן פראבלעמען.
דאס איז לענ"ד, בכלל נישט סענסעבל און נישט אפעקטיוו אין ערשטן פלאץ, ווי שוין אויסגעשמועסט באריכות גדול.
און איך קען איבער'חזר'ן עטליכע פונקטן אין קורצן.
1. דער פראבלעם ביי בחורים פאונס איז סאך טיפער און ברייטער ווי איין ספעציפישער סארט פאון. ממילא דארף מען אדרעסירן דעם פראבלעם ביים שורש.
2. ענדערש זיך קאנצעטרירן אויף די פראבלעמאטישע זאנע, ווי איידער באגרעניצן סתם עמך אידן וואס ווייסן נישט וואס מען וויל פון זיי.
3. אויב קען מען דורך עפפס פאר פליפס האבן עפפס אויף אלע פאונס, דאן וואס האט מען פון מחלק זיין בין פאון לפאון.
4. דער עצם אוועקשטעלן א מהלך אין אידישקייט לויט די באטאנס אויסשטעל פון א פאון איז בכלל נישט קיין סענס (ואינו דומה צו א סמארטפאון וואס איז א סארט כלי).
5. אסר'ן א כשר'ע פאון בלויז ווייל ס'זעט אויס ענליך צו א פראבלעמאטישע פאון איז א געוואגטע זאך (ואינו דומה צו א סמארטפאון וואס איז זעלבסט פראבלעמאטיש).
6. לימיטן די מארקעט פון גוטע כשר'ע פאונס מכוח חששות רחוקות וואס מענטשן נעמען נישט אן, ברענגט אראפ די איינפלוס פון ועד הקהילות.
7. ענדערש פרעזערווירן די ענערגיע אויף מער אפעקטיווע מהלכים וואס האבן מער שאנסן צו ווערן אויסגעפירט.
אבער חוץ פון דעם אלעם איז עס בכלל נישט אויספירבאר.
ווייל דער סאמע יסוד אז ס'זאל קענען ארבעטן אין פראקטיק, איז דורך אוועקשטעלן גאר שטארק אז געוויסע פאונס איז א פראבלעמאטישע זאך. און ס'זאל זיין ממש א 'נישט נארמאלע' זאך איינער וואס האט א פאון לויט א געוויסע קריטיריע.
און דאס ארבעט נישט מכוח:
8. די חילוקים צווישן די סארט פאונס זענען זייער דקות'דיג, און זענען נישט גענוג שטארק געשניטן אויף צו באשטימען א גדר.
9. די עלטערן זענען בכלל נישט אויף די לעוול פון זייערע בחורים, און ענדערש מאכן מער פשוטע תקנות וואס זיי זאלן קענען שטיין דערויף.
10. דאס אליינס אז ס'איז נישט אפראווד ביים ועד, איז לע"ע נישט גענוג סיבה צו טוישן דעם דעת הקהל, וואס מ'קוקט אן בגדר נארמאל.
11. די אויסוואלן פון כשר'ע פאונס אויפ'ן מארקעט וואקסט ווי אויף הייוון, און ס'קוקט נישט אויס אז מ'זאל עס קענען אפעקטיוו באגרעניצן.
11. מציאות איז אז האבן די סארטן כשר'ע פאונס איז יא א נארמאלע זאך כהיום, און אן א אפעקטיווע מהלך דאס צו טוישן, גייט מען דאך סיי ווי נישט צוקומען צום ענד-גאול פון די גאנצע קייט רעאקציע.
און בנוגע די חלק פון די קהילות איז אזוי. די אלע קהילות האבן געגרינדעט א ועד אז מען זאל קענען ארבעטן אינאיינעם אויף לעזונגען פון כשר'ע טעכנאלאגישע כלים לויט א פאראייניגטע סטאנדארט. דער ציל איז קלאר נישט געווען צו מאכן תקנות און גוזר זיין גזירות על הציבור, נאר פארקערט צו פארברייטערן די מארקעט פון פרישע פראדוקטן וואס זאלן ארבעטן פאר אלע קהילות אינאיינעם. אלזא דאס איז זיכער אויסער זייער אויטאריטעט צו מאכן אזוינע החלטות.
אויב די רבנים און באאמטע פון א קהילה נעמען זיך צאם און זענען מחליט אז מען זאל אסר'ן כשר'ע טאלק אנלי פאונס ווייל זיי האבן ענליכע באטאנס צו פראבלעמאטישע פאונס אן קיין הכשר. דאן האבן זיי דן געווען אויף די נושא, און זענען צוגעקומען צו א החלטה אנצונעמען א מהלך וואס איך פארשטיי נישט.
אויב אבער ווערט דאס געמאכט דורך א ועד וואס איך האב נישט קיין אנונג וואס דארט טוט זיך. איז שטארק מעגליך אז די החלטה קומט פון אזוינע וואס זענען מושפע פון האטליינס און ליטעראטור וואס צייכענען זיך אויס מיט מוחין דקטנות, און זיי לייגן פרעשור אז מען זאל זיך בינדן צו זייערע קטנות'דיגע מהלכים. אויך איז דא א מעגליכקייט אז א מארקעטער וואס ארבעט פאר איינע פון די קאמפעניס אין די אינדוסטריע נוצט אויס זיין איינפלוס אינעם ועד צו פארעמען פאליסי לויט אינטערעסן. אדער קען גאר זיין אז זיי זענען פשוט אריינגעפארן פון איינס צום צווייטן מדמה צו זיין מילתא למילתא, און כאפן נישט אז די מהלך מעיקרא האט נישט קיין זין.
אנשטאט דעם האב איך פארגעשלאגן אז מען זאל נעמען מער א אפעקטיווע מהלך וואס פארמאגט סאך מער שאנסן צו שלאגן ווארצלען בעז"ה, און דאס קען זיין ממש א ישועה, דורכ'ן אדרעסירן דעם פראבלעם זעלבסט.
און דאס איז:
1. צו פארברייטערן די מארקעט מיט גוטע כשר'ע פאונס.
2. די "קהילות" זאלן אוועקשטעלן א תקנה אז מען מוז האבן א כשר'ע פאון וואס מען קויפט אין סטאר מיט א אפראווטע הכשר.
3. פון היינט אן קענען מען מער נישט קיין קויפן סתם א וואלמארט פאון און גיין כשר'ן.
4. מען זאל מאכן אסיפות דאס צו אוועקשטעלן, נישט בלויז דורך פאוסטערס פון א כשרות ארגאניזאציע.
5. די מארקעט זאל זיין גענוג פארפלייצט מיט אלע אויסוואלן פון כשר'ע פאונס אז עס זאל טאקע נישט אויספעלן צו קויפן גוי'אישע פאונס.
6. די אפראווטע פאונס זאלן ווערן באשטעטיגט אז זיי קענען נישט האבן קיין מכשולות. עס פעלט נישט אויס קיין גזירות אטו אנדערע פאונס וואס זענען סיי ווי נישט ערלויבט פאר א אידיש קינד.
7. אויב כאפט מען א בחור מיט א פאון וואס איז נישט פון די אפראווטע קאמפעניס איז דינו ווי א בחור מיט א סמארטפאון (וואס די מציאות איז טאקע אזוי).
8. מען דארף נישט זיין קיין למדן און עקספערט צו פארשטיין וועלכע פאון איז גוט און וועלכע נישט. די חילוקים זענען זייער קלאר און מערקבאר.
9. עלטערן ווייסן זייער גוט וואס צו פארלאנגען פון זייערע בחורים און טעכטער, און ווייסן אויף וואס צו שטיין.
שוין, כ'האב געמיינט ס'וועט זיין אין קורצן...
לאמיר כאטש האפן אז מיינע ווערטער זאלן זיין לתועלת. מ'קען עס אפשר מאכן פאר א בריוו און איבערגעבן פאר די רבנים און עסקנים וואס טוען אין דעם פעלד, אפשר וועט עס העלפן צו קענען אוועקשטעלן א כשרע סטאנדארט אין כלל ישראל למען עתיד בנינו.
איך האב נישט געזאט אז דאס איז די אייציגסטע לעזונג. איך האב געזאגט אז דורך פאוקעסן גראד און טראכטן נארמאל קען מען אויפקומען מיט מער אפעקטיווע און פראקטישע לעזונגען, וואס אדרעסירן די פראבלעמען ריכטיג. און איך האב געשטעלט א ביישפיל.
איך האב פרובירט אנצוכאפן די שפיצן וואס איך שפיר אז ס'דארף מיין ענטפער... (קען זיין כ'האב עפעס פארזען, איך ליין נישט בישוב הדעת ווייל איך דארף עוסק זיין אין פרנסה אין די צייט... איך ליין שנעל).
למשל, די נושא פון "לערן אויס די בחורים צו זיין ערליך ווי איידער מאכן תקנות" איז א נושא וואס איז ארוכה מארץ מדה, און נישט עכט נוגע אויף למעשה.
די וועלט איז לעכטיג (פונדערווייט זע איך 3 פיצעלע רויטע פלעקן: 1) קארופציע, 2) ליגנט זאגער, 3) טפשים)
איך האב פרובירט אנצוכאפן די שפיצן וואס איך שפיר אז ס'דארף מיין ענטפער... (קען זיין כ'האב עפעס פארזען, איך ליין נישט בישוב הדעת ווייל איך דארף עוסק זיין אין פרנסה אין די צייט... איך ליין שנעל).
למשל, די נושא פון "לערן אויס די בחורים צו זיין ערליך ווי איידער מאכן תקנות" איז א נושא וואס איז ארוכה מארץ מדה, און נישט עכט נוגע אויף למעשה.
@דער תהלים איד
איך ווייס אז @פופציגער האלט נישט פון היימארבעט.. אבער לאמיר דיך פארט געבן אביסל צו פארזוכן דעם טעם דערפון.
איך וויל דו זאלסט נעמען א "קעט" טעלעפאון, אדער איינעם פון די אנדערע סאו קאלד סמארט-פליפ-פאונס, גיי ארופ דערמיט אין ביהמ"ד און פרעג איינס נאכ'ן צווייטן וואס דאס איז.
איך וויל וויסן וויפיל פראצענט גייען וויסן אז דאס איז מיט עפעס אנדערש ווי א קיאסערע טעלעפאון...
און דערנאך גיי צו עני סעלפאון געשעפט און פרעג אים וויפיל מער מענטשן האבן אנגעהויבן צו קויפן פיג טעלעפאונען ווייל ס'איז דא חברים וואס האבן פאם פאונס...
כ'מיין וויאזוי פונקטליך ווילסטו אז מענטשן זאלן נישט קויפן קיין קעט ווייל מ'ווייסט אז "די סארט" פאון איז טריפה, בו בזמן וואס איז נישטא קיין שום חילוק צווישן די פאונס. און דו קענסט נישט אנכאפן קיין שום חילוק וואס צו ווייזן אז "דאס" איז דער פראבלעם?
דער תהלים איד האט געשריבן: ↑מאנטאג נאוועמבער 10, 2025 8:01 pm
אויב האב איך א פאון וואס איז גע'כשר'ט, און איך מוז האבן אונטערנעט אין טאש וויכטיג פאר 2 חדשים, פאר זייער א וויכטיגע סיבה, און איך גיי דערפאר קויפן די זעלבע פאון נאר מיט אפענע אינטערנעט, גיי איך עס שוין זייער שווער צוריקטוישן. ווייל וואס פעלט מיר דען? איך קוק אויס פונקט ווי יעדן, פונקט ווי ביז יעצט, ס"ה האב איך אינטערנעט, נו, איך גיי לייגן א פילטער.
חידושים נפלאים דא!
גזירות על גבי גזירות!!
איך ציטער וואס קומט נעקסט...
כ'מיין סיריעסלי??? דער פראבלעם איז אז איך גיי וועלן קויפן די זעלבע פאון וואס איך האב יעצט מיט אפענע אינטערנעט?
סאו איך טאר שוין נישט נוצן קיין לעפטאפ ווייל אפשר גיי איך איין טאג אראפנעמען מיין פילטער???
גראדע איך בין א מענטש וואס איז פונקט פארקערט. איך האב אלעמאל ליב צו טרייען נייע זאכן. סאו אויב איך דארף אמאל האבן וויכטיג אינטערנעט אין טאש פאר צוויי חדשים גיי איך לכאורה נעמען עפעס א נייע סארט טעלעפאון וואס איך האב נאכנישט געהאט.
סאו לכאורה איז ענדערש אז מען זאל מאכן אז מען זאל נאר לאזן האבן גע'כשר'טע קווין פאונס. אזוי אז ווען איך וועל זיך דארפן האבן א אינטערנעט פאון וועל איך נעמען א אנדערע סארט, און איך וועל נישט נעמען די טריפה'נע קווין ווייל דאס האב איך דאך שוין...
